李好味 (已結業)

好有特式的中菜! 侍應服務好，用心解釋每一道菜和不停加水! 我星期四去都滿座，所以建議大家book 枱! 值得一試餐廳!!想懷舊嘅，更加要去!! 環境都ok,係人多會嘈少少,我當天坐樓上!! 雖然定價比較貴，不過值得👍🏻多啲人去會試得多啲菜👍🏻👍🏻每一碟菜都比較細,所以可以叫多幾碟👍🏻值得再去嘅餐廳!

裝修得意👍🏻懷舊又可以呃like！最緊要食物都好味！$138招牌「李滷味」真心貴😬不過好味（份量都好多嘅）水準絕對在肥姐之上！高級版「肥姐」，用西班牙八爪魚wor～  係幾好味嘅，夠入味！仲有腎、豬耳。真心好食過肥姐！但價錢⋯  拿拿拿～  中環食好野係咁㗎啦！唔想企係街食到呢咁hea就要付出多dd架啦食咗set lunch 蟹餐&金錢餐，餐份量好足好飽，女子食唔晒跟set  lunch嘅前菜，雞肉北京填鴨醬包，雞好滑、夠醬、配料啱啱好👍🏻朋友說蟹餐好好味，多蟹肉🦀多蝦🦐炒飯夠乾身我食金錢餐，咖喱牛筋牛腩牛脷脷👍🏻夠諗唔肥！正！最尾仲有分子呃like凍豆花！服務都好好，店員好醒目，會主動攞小碟子比你share dishes👍🏻讚！仲會介紹講解餐廳推介（而不覺得hard sell）

Attracted by the very retro-HK neon signs (like those of old pawn shops) and the ambience at the bar, we decided to try the dinner at Lee Lo Mei. The experience was a delightful one!The upper floor- for dinner rather than drinks- is in a Dai Pai Dong style. I love all the tiny details in the decor, from the Chinese herbal medicine shelves to the prices on signs written in traditional Chinese numbers. The staff who served us were all super friendly and cheerful. Good vibes! We ordered two potted

李好味，令我感受很深，大概是因為他很有香港人的精神其一是厨師對食物的執着和味道，到訪四次，食物水準質素保持得非常好，看出了廚師的用心和熱誠。其二是在這裏我感受到香港食物被尊重，很多食物都是用新式分子料理和slow cook 的煮法混入港式的元素......在這裏用餐，令我再次重拾對老香港那種情懷（雖然😏😏我還很年輕的）卻又不失現代香港的那種玩味感覺如果要我選擇一間很能代表香港的餐廳，李好味是不二之選⋯⋯相信我，喜歡香港的話你會喜歡李好味推薦可以先在樓下的半開放式酒吧happy hour....當中有些小食，和餐廳的菜單一樣，但價錢是happy hour價，十分扺食，然後再上一樓晚餐！另外分子料理甜品亦是無得輸之選我愛香港

早上起身，想今日食啲好啲嘅午餐，本身諗住去扮文青，再上網睇一睇，忽然記起有次行過覺得呢間餐廳個名好有特色。但係嗰陣時未開舖。既然今日有時間就過嚟呢度啦。其實天氣真係好熱，呢個位都幾難行。不過冇理由住喺城隍廟附近唔去求知好簽架。所以呢今日就終於的起心肝過嚟啦。面對着呢一啲中西合璧嘅餐廳，相信有好多人同我一樣都有點壓迫感，始終佢雖然望落去好有本地風，但肯定嘅係佢係鬼佬價錢。一坐低呢承認會好有禮貌咁問你需唔需要叫個嘢飲或者要唔要叫支水，同西式餐廳無咩分別。drink list 我都無睇，我幻想自己係涼爽嘅大排檔內食飯。諗都唔諗點枝忌廉。特價$28 咋樓下呢就真係比較熱，所以我想坐得舒服啲揀咗樓上，下午午餐時分嘅星期六日唔算多人。坐得舒服服務周到。唔知係咪由金記開始，越來越多餐廳會做呢一種六七十年代嘅復古風格。呢一間係真係做得好精緻，絕對唔求其。午餐嘅餐牌係一張魚蝦蟹紙，爭咗一個骰仔中我就開以開檔。睇咗好耐都係覺得午餐係最抵，節儉嘅我當然就係會點午餐。雖然我好想食主餐牌嘅小食，帶我真係太慳。跟餐呢會有湯飲，每日不同煲得好靚，留意吓係冇湯渣嘅。然後呢就會有一個叫包包嘅小食，我問咗呢度嘅侍應，包包

於網上見到這間餐廳個名咁過癮，已經對佢產生興趣。咁岩今日要到中環整頭，好！一於去試下！入到店已經比佢地特色嘅裝修吸引左眼球玩味十足，濃厚嘅復古味啊好似想帶每一位食客返去以前嘅香港。由菜單到裝修都玩味十足。菜菜單上嘢食物名都非常之搞笑同特別。員工好有禮貌咁樣介紹店入面有咩招牌菜，好NICE!整體好滿意呢個午餐，有機會希望晚上再㴝，如果晚上店內環境應該更為吸引！

香港太多食肆，如果啲名唔突出啲都唔記得。所以市面上既餐廳名越嚟越搞笑，好似依間叫李好味，英文名叫Lee Lo Mei！特別、特別😂🤣😂🤣好難唔記得囉！▫️餐廳裝修以舊香港大排當為主題 🐉- 有舊式吊扇，街市照雞蛋嘅紅罩橙，木摺檯等⋯好似回到從前一樣。▫️食物款式亦各具特色。🐥金雞藏鮑 －外脆內軟嘅雞翼饟糯米飯，一碟四隻，而且𥚃面有兩隻有鮑魚，睇你好唔好彩可以食晒兩隻鮑魚。價錢HKD138。▫️🍘X.O絲酥蘿蔔糕－蘿蔔慢煮20個鐘頭，配上XO醬炒醉肉、臘腸做餡。蘿蔔絲鬆化酥軟，而且仍保留住蘿蔔甜味。價錢HKD78。▫️🥘八仙過海，點紅點綠－第一次食煲仔海鮮飯，啲海鮮勁大隻，例如有帶子、章魚、蝦、蛤、魚肉；配上香草醬，突出海鮮鮮味！最重要係佢哋用啲海鮮汁煲飯，令到啲飯好香濃，而且勁多飯焦，首選推介！價錢HKD278。▫️🍡破槳重圓 －成餐飯最期待嘅食物。睇個樣應該唔知係乜？！其實係薑汁湯圓糖水，師傅用分子料理嘅方法，將薑汁糖水變成好似魚子形狀物頭，糖水溫度維持40度，唔驚食客整親。第一啖食落去其實幾驚，因為怕糖水好熱。＂卜＂一聲，就係食魚子變大版既感覺，一咬糖水流出，連同迷你湯丸係嘴裏滾動，好特別呢

經常與友人四出覓食，今次到了一家由店名到菜式的名稱都玩味十足的餐廳用膳。店子的名字叫做lee lo mei，中文諧音不言而喻，就連菜式的名字都夠大膽夠創新。這個煲仔飯的名稱乃“咸咸濕濕豬頭炳”，我想叫的原因正正是因為它的名字。事實上，這煲飯是用了大量鹹蛋黃製作而成的，不只面上鋪著有如金沙的鹹蛋黃碎，就連飯裡也是充斥著鹹蛋黃的，每啖都異常香口，是無法停下來的。面上有數塊切片豬肉腸，不過不失，只因亮點始終在於那些粒粒黃金飯。因為吃完這煲飯，罪惡感超高，我們沒有點其他餸菜，反而其後去了跑步以抵銷這一餐的膽固醇！

It's somehow the trend now these days that new hip restaurants decide to go for a play on words when naming their restaurants. Some are successful and well, some just focused a bit too much on gimmick and was lacking on their food quality... Anyways, we've been hearing good things about this restaurant "Lee Ho Mei" and decided to give it a try!We made booking at 8:30PM and when we got there, the lower floor was filled with people, chilling and drinking. The vibe is good! The waiter took us upsta

環境賣懷舊香港本土特色，Set menu 同ala carte menu啲食物改既名都玩香港特式元素。食物味道普遍多醬汁兼濃味，應該較符合西人對 Chinese Food的期望。補多一句:整體員工服務熱情，除了個別一個員工錯完又錯，仲要係相同既錯。

Been here three times now & they never disappoint. Food is quirky, different & yummy. Service is exceptional & food comes out really fast. Highly recommend!

gimmick在於餐牌上嘅食物名稱即使睇完材料簡介都未必知道係乜野食物侍應好主動為我地講解 亦推介最受歡迎食物：金蝦脫殼，金雞藏鮑另外都點左鹽焗有米雞，需時50分鐘！金蝦脫殼有黑松露，味道好香個醬汁好濃郁，一口size 唔太膩。反而金雞藏鮑有啲失色，味道平凡，釀有少許糯米，感覺飽滯。值得等待嘅鹽焗有米雞，伴有鮑汁，食果陣一定要加，帶出鮮味。雞肉嫩口，飯粒吸收哂鮑魚味，正！李鹵味可以不試，同街邊小舖差不多。每碟菜份量唔大，兩個女人仔都可以點一個飯/麵同3個小食都唔過份。

份量少價錢貴 ，午餐肉煲仔飯（二人份量） 改咗名做 （鹹濕豬頭炳）賣成$300， 但份量少得可憐”昨日吃完8款菜 等於冇吃過野咁濟， 真心想講貴唔緊要，最緊要係好食但你又唔好食，之後回到家仲要食杯麵！ *想問係咪一定要寫好味，寫唔好味就唔得？我一定要投訴*

真係唔係時時遇到間餐廳， 樣樣都好食又有heart...今晚食咗以下的菜式1. 24小時慢煮鹵味 ~ 法國火雞腎， 西班牙八爪魚，西理牙豬耳朵， 好淋好入味2. 白松露黃金蝦， 好香3. 腐皮包津白忌廉汁， 好creamy4. 肉蟹糕蟹桜花蝦炒飯，個飯乾身得嚟重有軟綿綿感覺5. 斧頭牛排， 好淋6. 腐竹白果份子糖水7. 黑芝麻份了甜品8. 易態薑汁湯圓

近日天氣乍暖還寒，給都市人的最大煩惱除了不知道該穿什麼好就是不知道吃什麼好。身邊的人病倒的越來越多，除了是天氣原因，在街上不知道吃了什麼下肚子也占有很大因素。正所謂病從口入嘛。日常生活中處處都是壓力，我想對自己好一點，唯有請自己吃好一點。這間餐廳平時夜晚經過的時候見到樓下很多人在喝酒，更有很多客人都走上了馬路，熱鬧到根本讓人難以接近。這天吃飯的時間晚了一點，基本上都是下午茶時間了，人很少，我總算可以來試一下了。走進餐廳我才發現原來餐廳是有兩層的，跟侍應聊起時才知道原來平時是那些外國客人喜歡站著喝酒聊天，又喜歡空曠一點所以才很容易走到馬路上去。幸好在修路，不然可能真會有點危險。而一樓的餐廳多半是叫菜吃飯，一大班朋友用餐的話往往也會上樓上，晚上樓上還是有不少位子的。餐牌上到處可見搞怪的名字，跟有粗口諧音的餐廳名字互相呼應，想必店主必定是一個諧趣幽默之人。事實上，近年民粹主義抬頭，從貼近普羅大眾的生活中取材，確實更容易引得客人青睞。餐廳的裝修復古懷舊之余又見大方細致，餐廳的每一個角落都可以發掘到設計師的心思。食物方面，我實在餓壞了，就點了四樣菜品，包括倒瀉籮蟹、金雞藏鮑、8 鮮過海·點紅點綠