杏甜品 (新都會廣場)

營業中

休息中

職員打錯單收多錢唔出聲，而且態度惡劣，唔會再幫襯！事源我地搵位坐低之後，完全冇職員收盤，都算啦。咁我地咪行去門口收銀落俾錢，叫左兩碗糖水，當時係男職員做收銀。然後我拎住張單坐低，男職員就主動行埋黎問我係咪堂食？我話係（原來佢打錯單打左外賣）咁好啦我食飽走左架啦，行行下街突然醒起，係wo點解好似唔岩數？糖水係49x2，但收左$102，貴左4蚊。咁我地咪行返轉頭睇返個menu, 原來外賣盒係每個+$2，咁即係男職員打錯單冇退返錢俾我啦。（我初時都以為可能係男職員當時唔記得要退錢）咁我咪搵返男職員講返，然後佢一句唔好意思都冇講，好似聽唔到我講野咁，直接望住另一位黑口黑面既女同事講：「你退返$4俾佢啦。」女職員又係出色，粒聲唔出，黑哂面咗退錢俾我。我差d以為自己係咪做錯咩事定係佢地仇人…?公道講句，$4好少事，我知void單好麻煩，如果男職員行埋黎知道我堂食果陣，問我介唔介意張單出左唔可以退錢，我真係唔介意俾多幾蚊。但完全冇人提我，咁同呃錢有咩分別？呢間鋪食物係好食既，但呢種服務態度同埋呃錢行為，真係好趕客，真係唔會再幫襯。另外如果大家幫襯都要留意下，會唔會又有職員唔小心打錯單或者收錯錢

甜品好多人鍾意食，要食得健康又好味，首選「杏甜品」，標榜不加添加劑、低糖甜品👍龍眼爽冰～冰冰涼涼有椰果肉係面，有粒粒爆漿龍眼味圓子，杯內有龍眼冰，冰內有完粒清甜龍眼肉，多層層次清甜濃郁龍眼清甜味～夏日消暑甜點🍮貓山榴槤爽冰～濃郁榴槤果蓉，啖啖榴槤肉，配上粒粒甜甜爆珠，榴槤冰冰加上合時貓山榴槤肉，滿足榴槤哄 👍店舖小小坐位不多，越夜越多人幫襯，但店員似乎人手不足，未有任何招待，點餐用QR code、拎水亦是自助，付款亦要待店員在廚房出來才有人收錢🤔

夜晚7：45用餐，唔多人唔洗等位。餐廳係用QR code落order ，但個QR code係用唔到嘅。叫咗落order等成10分鐘都冇人過黎落order。 野食唔算等好耐。但埋單收錢就要等成五5分鐘，先收錢。服務勁差！！！黑口黑面，十問九唔應都算。嘢食又唔係話特別好食。唔會再食。

呢間純素甜品店主打無添加、低糖份、低卡路里嘅甜品，啱晒鍾意食甜品又怕肥嘅我😂▪️椰皇雪燕燉雙皮奶可以揀椰汁或者杏汁，我揀咗椰汁。用原隻椰皇燉，椰汁味香濃，雙皮奶滑溜，仲有唔少雪燕。食到咁上下可以刮埋啲椰皇肉嚟食，輕輕力已經刮到，椰皇肉夠厚有咬口。整體真係唔會好甜杏甜品📍葵芳興芳路223號新都會廣場4樓477-478號舖📍尖沙咀加拿分道40-46號香檳大廈地下6號舖📍旺角豉油街25-31號地下3號舖

分別光顧過尖沙咀及葵芳分店數次，葵芳店的質素明顯差得遠，外賣明顯份量較少只有一半(尖沙咀店的外賣至少放滿三分之二，最重要是亦可喝到杏汁），葵芳店的外賣每次招牌杏汁波波爽冰木蓮凍一整兜很難喝到精華杏汁.....另外叫了原桶家庭裝木蓮凍($74)，叫得家庭裝見到個份量心諗係有幾唔捨得俾多少少

之前系尖沙咀果邊見過尼間糖水舖好多次，每次都好多人！唔太鍾意排隊的我緊係冇排啦！今次見到葵芳新都會開左間分店，環境乾淨舒服，燈光又好充足！位置唔算好多，但勝在夠闊落。尼間都一樣逃不過排隊的命運。聰明的我緊系上Openrice落單，行陣商場就已經有得拎，正！🔹呂宋芒椰木蓮凍（凍）＄68尼款甜品，口感軟綿再帶點爽口，加上芒果雪芭係另放，外賣果陣都唔怕俾木蓮凍沖淡。🔹椰皇桃膠燉雙皮奶 $67凍同熱 - 我揀凍！另外椰汁/杏汁 - 我揀椰汁。再用$12加配埋小丸子。口感更加豐富！

聽朋友講杏甜品好食 一於食完晚飯帶個養生朋友去食碗糖水以杏仁製品為主 店內有多粒可愛杏仁仔點食都唔肥系列 A+B =$88A) 瘦身美顏素燕窩系列👼🏻揀咗甜菊代糖燉雪燕 全素150g晶瑩剔透 含有豐富骨膠原滋潤皮膚幫助消脂減肥 代糖一啲都唔過甜B)養生糖水系列🍐揀咗原盅雪梨桂圓肉燉紅棗 全素 清熱滋陰潤肺 補血氣養心安神 改善失眠做緊限時優惠湯圓買一送一 好抵呀但太飽食唔晒 叫杯呂宋芒小丸子吸吸🥭💕各款甜品採用日本甜菊化糖 低糖低卡路里素食 糖尿病者 乳糖不耐症 生酮都啱食嫁

人越大 越注重養生想食甜品 都會揀養生甜品最近我大愛嘅甜品舖就係杏甜品佢哋喺葵芳新都會開設左分店 必定要去試吓❣️.keep fit簡直女仔嘅終身事業見到佢哋有嘅點食都唔會肥功效甜品係低卡同埋零糖分 真係好啱女仔🥰.▫️甜菊代糖燉雪燕成碗都係豐富嘅燉雪燕飲落去有淡淡的甜味 真係覺得好養生每一啖都好似食緊補品咁🥰.▫️原盅雪梨桂圓肉燉紅棗真係一大隻雪梨 好甜好潤完全係每個女生必須要食嘅甜品食嘅時候完全唔會覺得有罪惡感而且仲覺得好溫暖🥰.▫️榴槤小丸子杏仁茶吸吸杏仁茶係佢哋甜品舖嘅主打真係好香濃嘅杏仁味 榴槤嘅味道超級豐富身為榴槤愛好者嘅我食得好開心入面仲有一粒粒嘅小丸子 好有咬口🥰.推介各位女生想食甜品又想食啲健康啲嘅一定要去杏甜品試吓❣️

想不到杏甜品在葵芳開了新的分店之前在旺角和尖沙咀已大受歡迎店內充滿杏仁香氣不同的特色椰子和杏仁製品特別在於標榜低糖和素食適合減肥人士椰皇雪燕燉雙皮奶$69可選凍或熱杏仔推介滑溜溜的燉奶放在椰皇榖內上面放了少許雪燕但份量太少有些意猶未盡的感覺椰汁龍眼木蓮凍$68想不到那麼大份絕對要share除了涼粉外還有龍眼肉、芋圓等夏天吃可以消暑另加黑芝麻湯丸$15和花生芝麻湯丸各兩粒$15暖笠笠中和一下整體非常高分

睇完戲係新都會廣場搵到呢間甜品店～原來呢間係素食甜品店，所有甜品都係低糖低卡，同時仲要係素食，非常適合素食主義者同埋注重健康人士。 1.椰皇雪燕燉雙皮奶（熱） $69呢個揀左杏汁，原個椰王盅，入口香滑，而且雪燕夠多，椰王肉亦都夠厚，而且食完好滋潤！2.桃膠芋圓木蓮凍 $49呢款揀左椰汁，由於店舖嘅碗洗唔切，所以用左外賣兜，木蓮凍口感好Fresh，入口即溶，配搭椰汁好夾，滿滿嘅桃膠，美顏又有益😋呢間係自助掃code落單，非常方便！

小編係螞蟻人黎，好鍾意食甜野同甜品，但真係又邪惡😈又肥😮‍💨 估唔到呢道推出左個兩全其美既方法🤩 就係嘗試用甜菊糖整甜品，味道差唔多但係感覺健康好多～ 仲有好多選擇可以揀，全部都好食😋 至於裝修方面覺得幾柔和同warm，行木系🪵、白色同莫蘭迪綠色既色調，全部枱凳🪑都用左淺色既木🪵，座位🛋️上面仲有幾隻好cute既杏仁卡通cushion😍 牆壁上面亦有啲卡通杏仁既壁畫好得意，感覺悠閒，睇住黎食都開心啲😜(5 😍 係滿分，🤩係半分）貓山王榴槤爽冰 🍧 - $59 (好味指數：😍😍😍😍🤩)宜家大熱天時食呢個爽冰🍧真係又爽又透心涼😍 個冰🧊唔係普通刨冰🍧，應該係棉花冰🍧黎，有啲沙沙既質感不過會比較綿密同有奶香，同時驚喜既個冰🍧一樣有香濃既榴槤味🤤 而上面有兵乓波🏓️咁大既榴槤果蓉，口感綿密濃厚，有芳香馥郁既榴槤香味真係超正😌 有double榴槤滋味～ 仲有啲爽脆既水晶球⚪️，層次豐富，真係食到流連忘返😋點食都唔肥功效甜品 - $88A. 甜菊代糖燉雪燕 (好味指數：😍😍😍😍)呢個係全素🌱既植物燕窩～ 啲雪燕係半透明既，晶瑩剔透，舀起黎可拉出一條條透白既幼絲，口感細緻順滑帶有彈性～ 用左甜菊代糖黎調味

店內所有甜品標榜以少糖配方製作，讓客人享用到健康又沒有罪惡感的甜品。點食都唔肥功效甜品 ($88)A、B各有四款，任君自由配搭。選用甜菊代糖取替傳統的白砂糖，零糖份且低脂肪低卡路里，適合愛健康、養生的人士食用。甜菊代糖燉桃膠 (全素)秘制椰汁杞子燉海椰子 (全素)桃膠份量十足，秘制椰汁甜度低，入口帶陣陣椰香，清潤滋陰。榴槤湯圓 (+$15)湯圓皮薄足料，口感柔滑軟糯，咬下去更有爆漿流心的效果，餡料幼滑，充滿榴槤香。榴槤小丸子杏仁茶吸吸 ($55)炎炎夏日，就想來一杯冰凍飲品來消暑！杏仁茶微甜順滑，加入軟糯的小丸子，提升口感層次，每口都能感受到榴槤的香氣，冰涼清爽，啖啖都是透心涼的滋味。

女人有第二個胃😚，但就好怕食得多甜野好易肥，真係好矛盾🙈。好彩杏甜品推出咗🤗點食都五肥系列套餐，套餐嘅燉品選用🤩甜菊代糖燉製，0糖份、超低卡路里👍🏻，同時亦能保留材料嘅原汁原味。特別適合怕肥貪靚😆，又想食得健康養生嘅你!!·✨點食都五肥系列套餐 HKD$88甜菊代糖味道同普通糖分其實唔大分別，熱量相對會更低💪🏻，味道仲幾清甜。🥄套餐 A + B🥥秘制椰汁杞子燉海椰子 x 🥣甜菊糖燉雪燕(150g)椰汁杞子燉海椰子好滋潤😚! 椰汁味道濃厚，海椰子肉食落爽口😋，仲有杞子可以明目。而甜菊糖燉雪燕質感滑溜清爽😽，食落令喉嚨好舒服嘅感覺。另外仲會附上甜菊糖糖水俾你，可按個人甜度喜好加入。·✨泰國金標龍眼爽冰 $55用咗新鮮龍眼同冰塊一齊打碎成冰🍧，所以每一啖都係好濃厚嘅龍眼味道😍；會食到有龍眼微粒，而且脆珠同椰果做配料，口感豐富😚。·📍杏甜品葵芳興芳路223號新都會廣場4樓477-478號舖

以杏仁為主題的香港本地甜品小店，從採購原材料到製作成品也堅持一絲不苟，真材實料，不加任何添加劑，每日香港本地鮮製低糖甜品，打破「甜品不健康」的概念 ！🍴泰國金標龍眼爽冰 $55 +$5 木蓮凍 (10/10)龍眼冰打到好細水，食落去好清甜嘅龍眼香味，啲冰似係龍眼肉再加水冰打埋一齊，所以食落去都幾有口感有冰嘅質感又有龍眼肉嘅口感，爆爆珠好爽口，椰果都好爽口，整體係好清爽，解膩！木棉動好似仙草嘅味道，食落去有少少草約嘅味道，不過都好嫩滑！🍴點食都唔肥養生套餐 $88 (9/10)採用日本甜菊糖，不合被人體吸收，適合生酮飲食人士、減糖人士！好香杏仁味，質感係比較牛奶嘅稀度，好滑，加咗玫瑰花返入去有少少玫瑰嘅香味，感覺好補，雪燕有少少似燕窩嘅質感，不過比較滑，將你說in擺落杏仁嗰度食呢更加有質感，真係好食得來又唔會肥！推薦指數: 9.5/10真心高質好食又健康，大推！

-🦄 杏甜品 @almonddesserthk ・🎠 杏福 甜蜜 就是人生中的必需品…(*･ω･)・🥀 難過時 請來一口棉花糖 生活本應是甜的🫧 失意時 再來一口泡泡糖 煩惱會一吹傾空・✿－✿－✿－✿－✿－✿－✿－✿－✿－✿－✿・🍬【 𝓢𝔀𝓮𝓮𝓽𝓲𝓮𝓼, 𝔀𝓲𝓽𝓱 𝓷𝓸 𝓰𝓾𝓲𝓵𝓽𝔂… 】・😈 點食都唔肥養生套餐 ʜᴋᴅ88⚡️ ᴏᴠᴇʀᴀʟʟ ʀᴀᴛɪɴɢ🌕🌕🌕🌕🌘・無時無刻都在渴望甜蜜 卻又怕被它攻擊傷害說真的這是眾人之夢想 吃到好吃時亦不會胖然後它還有養生的功效 你叫我如何不去心動此甜品套餐全是無糖的 就是用了甜菊糖取替甚至是素食及生酮友善 罪惡感什麼的全是零・🍯 甜菊代糖燉雪燕 ( ᴠᴇɢᴀɴ )⚡️ ʀᴀᴛɪɴɢ🌕🌕🌕🌕🌑・經歷歲月摧殘的我在哭 真要好好保養一番呢雪燕有著美顏護膚之效 能補充珍貴的骨膠原當中更含有天然糖醛酸 是坊間俗稱的玻尿酸把雪燕融入在甜品膳食 作日常保健直是完美此清燉雪燕感覺很純粹 沒有加入過多的調味就是天然的雪燕跟甜蜜 很簡樸令人覺得舒適絲絲雪燕營造綿密口感 就像絲絨般細膩輕盈整體的甜度處洽好水平 甜味沒有蓋過其清香而且它用了甜菊糖取替 就是無負擔卻能滋補・