村爺爺車仔麵

營業中

休息中

食物差，環境又一陣味，叫咗碗龍蝦扇貝米綫，點知嚟到一睇就知道差，啲湯係味精，波士頓龍蝦梅嘅，啲蜆有沙，隻鮑魚夠大，不過係凍的，另外又叫咗一碟小食，又係差，價錢太貴，加咗兩杯飲品，要三百幾元，真係無下次。

撈返啲細軟滑溜嘅伊麵，湯底鮮甜得嚟唔死鹹，真係爽口得滯呀！啖啖龍蝦肉，鮮味夠晒腳，抵食到爆炸！咖喱魚蛋呢，微辣帶香，「吱吱聲」咬落去滋味無窮。嗰炸魚餅，外 crispy 內嫩滑，爽口得嚟帶點甜味，唔係普通嘅車仔麵檔可比擬㗎！台灣黑椒腸味道夠响，嗰種微微嘅辣激發我味蕾；而龍蝦丸同墨魚手指，新鮮咁彈牙，嗜辣嘅香港人必定愛！👌話哂，今次試呢家「村爺爺車仔麵」，真係一個超值又滿足嘅選擇。呢種「搵食」嘅樂趣，就係係街頭巷尾發掘到意想不到嘅美味時嗰種心頭小小嘅驚喜同興奮。撐腰囊「平民美食家」，絶對唔可以錯過！🍜🦞👍

今日去開油麻地都唔知食乜好，同其他人一樣去open rice 睇吓有乜好介紹，搵到呢間村爺爺車仔麵，初初以為普通嘢⋯⋯點知去到，竟然見到有條長長的人龍，本想離開，但諗諗吓，咁多人等應該都係好食先會有咁多人等，唔趕時間嘅我就繼續排落去。無放棄。好快到我哋啦，入到去原來都幾好坐，門口接待客人嗰位靚女都好有禮親切，坐低叫咗個雞件魚腩雜菌泡飯，白飯是分開的，呢個好好，我選擇了蟲草花雞湯底，門口個𡃁女推介，第一啖飲就已經覺得好甜，雞件好嫩滑，鯇魚腩都好新鮮，類菌主要係秀珍姑，金姑，整體份量好夠，白飯一大碗，我都食唔晒，下次要叫小飯，下次會再去幫襯，不過，美中不足係餐牌都寫得幾亂，第一去真係睇到眼花花。除此之外，堅無得彈，呢個價錢已經算係對得住食客，抵讚㗎。

油麻地的村爺爺, 最出名的是將車仔麵Luxurious化, 例如是以龍蝦湯做湯底, 用上和牛油脂做撈麵汁醬, 以及安格斯牛肋條作配菜等等, 以前在油麻地附近工作也會不時光顧. 店面面積不大, 就是快吃快走的樣子. 後來由於工作性質的轉變, 少了到這裏工作, 也甚少光顧. 今次再臨, 店面搬到另一家轉吃湯飯分店的隔離, 店面面積大了, 但水準差了不少, 有點失望.我點的是以油麵為基底的撈麵, 油麵煮得太淋, 不夠挺身, 幸好路面關係不會浸到軟溶. 沙嗲汁偏甜也少了以前和牛油脂的濃香. 配料唯一正常的是牛肋條, 脂肉層次分明, 夠稔也有肉香, 只有三小塊就有點小家. 牛肚和雞腎就是煮得過熟, 失去了原本爽實的口感, 變得相當韌. 如此水準的車仔麵, 盛惠七十多元, 老實說說不下去.

村爺爺出名用龍蝦湯底，用龍蝦做湯底嘅車仔麵就真係少有，試試佢! 2️⃣ 一黎見到好大碗，好多海鮮配料，但點解冇龍蝦!？ 配嘅生菜比起一般車仔麵都幾多，揀左兩樣必食推介南乳炸雞翼，牛肋條同埋經典推介炸薯餅。3️⃣ 個湯係幾唔錯，佢唔係濃湯個種，但都好有龍蝦鮮甜嘅味，食哂成碗都唔覺得膩。4️⃣ 海鮮最多就係d蜆，連殼煮，一d都唔hea, 粒粒分明，清甜都幾鮮! 5️⃣ 鮮魷都有幾舊，冇渣。6️⃣ 青口都有兩粒，一大一細，冇渣，連殼。7️⃣ 又係因為冇哂油麵，所以揀左米線，麵質算彈。8️⃣ 牛肋條，有三粒，味道較乾，冇乜味，有d失望。9️⃣ 炸薯餅做車仔麵嘅餸都係第一次，味道拍得住m記個種，但質地有d鬆，一夾就散，但勝在炸得夠脆。整體黎講都幾滿足，但一個女仔食都真係好難食得哂。------------------------------埋單 $6x性價比 🧡🧡🧡🧡🖤辣椒油 ✔

但沒有針卡二維碼。都唔畀堂食👎即使你的康復二維碼是港府認證。符合疫苗通行證要求。佢都唔畀人入。佢哋話只接受打咗疫苗嘅人同有針卡二維碼嘅人堂食。仲要打齊三針先得。。。真係慘。無得食。

車仔麵三餸 $36，快靚正！.我的三餸不想要肉，所以揀了豆卜、腐竹、金菇，另外見可選銀針粉，當然點了，銀針粉好有懷舊feel，而且不是很多地方有，一於要食。.店內環境簡單，坐得舒服，先點餸再付款，然後店員全盆奉上到座位去。.👇我喜歡粉麵是與餸分開上，而且有幾條菜。.👇有羹好像是沙嗲汁的，十分好味，其實想問可否多要一點，又不好意思，結果沒有問。餸的份量以這個價錢算是足的。.👇銀針粉少食，食落有少少粉的感覺，總體還可以，湯不油膩。

估唔到喺油麻地，普通一間車仔麵店，竟然可以用$68嘅價錢，食到半隻龍蝦！入到門口，大大個餐牌，可以慢慢選擇，店員就介紹龍蝦車仔麵，睇一睇個價錢😳😳咁平！試吓無妨！喺門口點左食物之後，搵位坐低，店員會將食物送到枱上。龍蝦車仔麵賣相👍🏼估唔到舖頭仲要有埋開龍蝦殼嘅工具，非常細心👍🏼反轉隻龍蝦一睇，都好多膏！同酒店自助餐嘅龍蝦有得揮👍🏼👍🏼本身諗住食碗車仔麵，最後竟然係啖啖龍蝦肉，非常滋味，佢個湯底都幾濃，唔會太咸。加$8仲可以揀其他普通車仔麵嘅配菜，我揀咗咖喱魚蛋同埋西洋菜，都係好穩陣嘅選擇，唔錯唔錯。

📍 餐廳：村爺爺車仔麵 (油麻地)地址：油麻地砵蘭街76號地舖響油麻地食下午茶，經開見到龍蝦湯三餸車仔麵都係$52起，結果就走咗入去試吓😁😁😁1️⃣爺爺．龍蝦湯車仔麵$98原來係限時優惠，包自選3款餸同半隻龍蝦🦞再加上特濃龍蝦湯伊麵。半隻龍蝦真係好大隻，仲有唔少膏響入面，伊麵份量亦都多。3款餸就揀咗咖喱魚蛋、手打炸魚餅同沙嗲豆卜😋😋😋2️⃣特級特濃龍蝦湯車仔麵$52 (3餸1麵)整體同上一款差唔多，但原來龍蝦湯麵底唔可以配河粉，結果就揀咗油麵。龍蝦湯龍蝦味道非常濃郁，不含味精，夠鮮甜👍3餸亦都係用碟另上，揀咗台灣黑椒腸、龍蝦丸同墨魚手指，墨魚手指真係好好食，黑椒腸亦都唔錯🤤🤤🤤3️⃣樽裝維他奶$8好難得仲可以飲到樽裝維他奶，真係童年回憶返晒嚟😊😊😊4️⃣紙包烏龍茶$5

去油麻地買些東西，然後去到村爺爺車仔麵，為的是龍蝦車仔麵。半價優惠，只需$68 ，就可以吃到殿·龍蝦湯車仔麵，當中包括半隻龍蝦以及特濃龍蝦湯伊麵。另外加了兩個餸，分別是魚皮餃和墨魚手指。特濃龍蝦湯名副其實，味道非常香濃，令人食指大動。伊麵口感軟硬適中，份量個人而言也足夠。半隻龍蝦賣相一流，龍蝦香味四溢，肉質鮮甜可口，蝦膏尤其吸引。餐廳安排也很貼心，提供了膠手套、蟹鉗、叉和濕紙巾。墨魚手指輕輕的煎脆外層，令口感更加吸引。魚皮餃小小的一隻，方便進食。朋友的是村爺爺豬骨湯車仔麵，麵底選擇了上海拉麵，份量充足。豬骨湯湯底清香。三款餸分別是咖喱魷魚、炸雲吞和蘿蔔。蘿蔔值得一讚，煮得非常入味，口感軟腍， 十分清甜。炸雲吞有夠香脆。咖喱魷魚香辣適中，滋味得來不會難以入口，也令湯底層次更加豐富。

回頭之選再次返黎食它的龍蝦湯，完了教會行兩分鐘就到，一行六人齊齊午餐，有的一早聽聞此名，有的成日經過，有的食過…其實它有原隻龍蝦車仔麵，叫完先看到，以為無左，下次下次！人均：$65.先選麵底、湯底再選餸，然後選飲品.尖椒、手指魚餅、生菜、沙嗲豆卜瀨粉覺得瀨粉好夾龍蝦湯，幾次都會選它，可以飲到湯，另外會有一厚沙嗲醬比你自由沾，友人都讚好！湯底濃郁，好香和夠味，不需加其他醬料已經好足夠！.豬紅、台灣腸、生菜、牛筋公仔麵食了一口，原來龍蝦湯配公仔麵都不錯！這道餸菜和麵是分開兩碗，可以飲到龍蝦湯原味！.飲品選了可樂和茶！.@grandpamura

今日去左油麻地搵食村爺爺聽就聽得多， 但都係第一次食佢有兩間相連既鋪頭， 一間食泡飯，一間食車仔麵，因為我地鐘意食麵多d所以揀左後者佢係新式車仔麵鋪頭黎既，主打龍蝦湯底見到仲有半隻龍蝦做餸 唔係唔試呀？咁都有普通車仔麵既，價錢相宜D姐姐服務態度好好，唔會催你揀食車仔麵黎講座位都算闊落我地嗌左一碗4餸 一碗殿.龍蝦湯車仔麵，都係配伊麵(硬係覺得龍蝦係要配伊麵)平時食拉麵既我都好少飲湯，但今次我竟然飲左大半碗，因為真係好鮮甜唔口渴(火雞腎同龍蝦係我既) 同埋佢竟然有薯餅，d配料都唔錯個龍蝦都幾大隻，肉質新鮮彈口都幾易剝開係個鉗位就要花d功夫啦仲有玻璃樽裝維他奶，加配汽水同佢都係幾蚊百鬆蚊就可以食得咁滿足下次可以試埋泡飯

有無諗過食車仔麵都可以咁高檔有真龍蝦食呢😍🦞村爺爺出晒名湯底正 龍蝦湯好鮮味本身如果無真龍蝦食已經好正 啲餸既款式都唔少男朋友揀左瑞士雞翼 廚師腸同豬紅雞翼煮得好入味 咸咸甜甜咁 雞肉好嫩滑👍🏻記得要配埋店家既秘製醬汁啊～.我就揀左 真 龍蝦銀針粉 配 廚師腸 墨魚手指 生菜有半隻開邊🦞龍蝦啊 啖啖肉 蝦膏都好鮮味仲可以用鉗夾拆埋龍蝦手既肉黎食❤️推介墨魚手指俾大家🤤外皮炸得脆脆的 墨魚肉帶點彈牙 未係其他店食過 好特別啊～CP值高既車仔麵店😋

之前食過龍蝦泡飯覺得又抵又好食,今次再去encore,原來隔離開左間叫村爺爺車仔麵就去試下.交通好方便,油麻地站行幾分鐘就到.車仔麵有樣好就係可以配搭自己鐘意食既配料.殿。龍蝦湯伊麵配牛筋,墨魚手指~哇....好霸氣既半只龍蝦,大過只碗,好多膏,D膏好甘香, 龍蝦肉好鮮甜,啖啖肉,配埋龍蝦湯底,更加提升龍蝦既鮮味,牛筋軟滑,充滿骨膠原,墨魚手指,炸得外皮脆脆地,墨魚肉好彈口,伊麵爽口,好掛汁,正!凍奶茶都好好飲,茶味同奶味都好blance.冬菇,豬紅,豬皮,牛草肚龍蝦湯伊麵~冬菇厚身,入味,豬紅唔腥,好滑,豬皮好入味,係我車仔麵必叫既.牛草肚爽口,加上濃郁龍蝦湯底,真係無得輸.

傍晚6:30，無乜人，第一次來，n年無食過車仔麵，面對咁多餸有前面，有點緊張😅，好彩事前睇定menu, 唸定大致食乜：✅ 廚房和待應姐姐好有禮貌，理解客人未必熟悉運作，耐心解釋。✅湯底不得了，好有龍虾味（不合怕戥既人），之後都唔覺口渴。✅選了瀨粉，一個正確選擇！ 粉吸晒龍虾湯味，唔洗食餸都可以食晒成碗麵。✅半隻龍虾🦞視覺上已嬴晒✅蘿蔔又淋又入味✅咖哩魷魚味道可以，不算突出⚠️🦞肉好梗，明顯啲味去晒啲湯入面，變左湯渣。