東京チカラめし

營業中

休息中

🎈 建議場合：#即興食飯 👤 建議人數：1-4人（最多可容納4人檯）💸 人均消費：$50-100【1個人食咗啲咩？】- 燒豚肉丼配溫泉蛋（$58）⭐⭐⭐⭐⭐「CP值幾高！燒肉俾得絕不手軟」$58蚊一個飯對於現時香港黎講已經係一個幾average嘅價錢，宜尼個價錢黎講，個飯實在真係幾抵食～溫泉蛋蛋味香濃但係又唔會腥，用黎配日本米食再加埋燒肉汁真係一流！啲日本米煮得啱啱好，唔會太乾太應，又唔會太濕太淋，鬆軟得黎有彈性～最重要係啲肉嘅份量仲多過飯！啲料比得好足！！！燒汁調味料份量剛好，唔會太鹹。啲肉上面有俾一啖芝麻菠菜俾你，感覺好似無咁膩，減低罪惡感燒肉部分採用左腩肉部位，豬肉嘅油香配白飯簡直無懈可擊，越食越上癮，不過食到最後碗底有啲油，減肥嘅朋友就唔建議食啲咁邪惡嘅嘢啦。📍 *東京チカラめし*旺角奶路臣街17號THE FOREST地下G8號舖 (港鐵旺角站E2出口 約4分鐘路程）

早排有一日下晝行街行到攰，想搵日式牛肉丼飯食，但係又唔想去食咗好多年嗰啲品牌，咁啱就搵到呢一間日本過江龍。佢哋嘅價錢係十分平民好抵食，而且款式都有好多，每個煮法都一定有齊牛肉、雞肉、同埋豚肉唔同選擇。🌸鐵板雞肉野菜定食呢一款定食係成個鐵板盤咁樣上枱嘅，既可以保持住食物嘅溫度，亦都可以令香氣更加突出。盤中的雞肉片鮮嫩多汁，每一口都帶著微微的炭烤香氣。搭配上各種的蔬菜，有椰菜、洋蔥和青蔥，令到雞肉都加上咗一層蔬菜嘅香甜味！我另外再加配咗多一個糖心蛋一齊食，令到成個味道再昇華咗。😚燒牛肉定食這盤燒牛肉，肉質肥瘦適中，有咬口得來亦都入口即化。值得一提係佢嘅牛肉汁非常之香濃，鹹得來又有肉香味，用嚟撈飯真係一流。配搭埋額外加嘅日本溫泉蛋同日本珍珠白米飯，每一口都係日式風味仲好滋味。🥰餃子小食我就揀咗試吓佢哋呢度嘅餃子，餃子都算皮薄餡多，咬落去肉餡都好足，而且個皮唔會好厚。🥟熱生薑蜂蜜最後因為我去嗰日天氣陰陰沉沉，又潮濕又落雨，所以就叫咗一杯熱生薑蜂蜜試吓。這杯飲品是少女們的暖心之選，值得一試！🤗

市面上牛肉丼的選擇好多，但係我是情有獨鍾偏愛「東京チカラめし」已經幫襯過無數次，一想食牛肉飯一定會想起佢哋嘅燒牛肉，獨有嘅焦香美味其他地方都係食唔到，除咗牛肉飯，當然都有其他選擇，例如咖喱、豚肉丼、咖喱豬扒等等不同食材可以選擇，重點就係價錢相宜👍🏻今日點咗丼飯、沙律、味噌湯、飲品加加埋埋都唔洗 $ 100👍🏻👍🏻▪️芝士燒牛肉丼 $ 58我係芝士控，基本上每次都會點呢個芝士燒牛肉丼，拉絲芝士的焦香，配上惹味的燒牛肉，醬汁滲進香飯，就是美味▪️沙律 $ 12椰菜、紫椰菜和粟米沙律，加上少少沙律醬，就是爽脆清新▪️味噌湯 $ 10食飯就梗係要配返一碗味噌湯，簡簡單單滿滿日式風味▪️雲抹日式綠茶（無糖） $ 16飲品店舖有汽水、綠茶、日式特色飲料任君選擇

今日去旺角THE FOREST行街買波鞋，落到地下見到有間食日式丼既餐廳超多人，價錢仲要好相宜，性價比咁高，一於拉埋個朋友一齊試試～燒豚肉丼燒豚肉丼味道濃郁，豬肉本身帶有一定甜味，經過燒烤之後就更加香醇！燒烤既過程中用既醬汁會渗透到豬肉入面，增添左另一番味道～丼飯既份量好多，大大碗食到好滿足～餃子3件餃子底部煎得金黃酥脆，上面又可以保持柔軟，餡料有豐富肉汁同脆皮結合埋一齊食。呢種肉汁滋味令到餃子更加美味，每一啖都充滿滿足感！

成日經過呢間日本燒肉丼專門店都覺得好吸引，濃濃牛丼香，價錢又相宜！今日早收工終於有機會一試！🔹重量燒豚肉飯燒豚肉飯嘅豚肉份量超多，啖啖肉食得好滿足！豚肉嘅脂肪分布均勻，食落彈牙有口感，肉質鮮嫩味道帶甜，配合醬汁同埋醃姜非常開胃，一大啖豬肉配上吸滿醬汁同肉汁嘅白飯真係勁滿足！🔹唐揚炸雞三件炸雞外皮酥脆，肉質嫩滑多汁，配上辣醬同埋豚肉飯食一流！見到隔離枱食鐵板燒牛肉，熱辣辣上枱配埋秘製醬汁，下次一定要試！！

喺旺角嚟咗呢間餐廳🥢食個簡簡單單快快脆脆嘅午餐😆叫咗 $58 嘅「芝士🧀燒豚肉丼🐷 Pork Bowl + Cheese」，再加多2隻「溫泉玉子」每隻 $15，補充一下蛋白質😆「芝士🧀燒豚肉丼🐷」嘅豚肉肉質幾軟熟，仲有啲熱溶咗嘅芝士🧀加喺面😊我再加埋2隻溫泉蛋🥚落去，都幾豐富😆；珍珠米🍚粒粒圓轆轆 ，好食😋依家仲有 $12「季節時蔬」，咁就梗係叫一碟啦🤣，「季節時蔬」 係菜心，簡單幾好食🤩

14/3/2024📍 Tokyo Chikara Meshi呢間係專食日式燒肉丼嘅餐廳 暫時全港有三間分店 呢間係旺角The Forest地下 位置幾方便 網上話佢係日本當地有「燒牛丼元祖」之稱 諗住應該好好食啦 一入去覺得店內裝修好普通 好似茶餐廳 光線唔係好夠 第一感覺已經麻麻哋😕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨鐵板野菜燒牛肉定食 （$70）跟餐有麵豉湯、沙律、白飯 份量都好夠飽椰菜同牛肉嘅分量大概1:1 鋪滿成個鐵板椰菜唔係好腍 都唔係好甜 一般般牛肉肥瘦啱啱好 配埋洋蔥食 甜甜哋 幾好食😋✨重量燒豚肉飯 （$78）用便當盒裝住 份量都唔算真係好重量級 同埋唔係好夠熱 但啲汁撈埋飯都ok 嘅啲肉有陣泰式香料嘅味 有啲奇怪 🤔 同埋肥肉嘅部分都幾多下 有啲扣分✨唐揚炸雞 （$18）有三嚿幾大嚿嘅雞 冇咩味 炸粉幾薄 都算juicy但有樣好致命嘅野：雞肉中間滲咗啲炸粉漿入去 咬到中間有一pat pat 嘅粉漿 口感勁核突🤢好難食！從來冇食過咁難食嘅炸雞！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋兩個人食咗～$160 相比起其他丼飯專門店 呢間嘅味道真係好一般 🙁 用餐期間仲有

✨重量燒牛肉飯叫得做重量 牛肉份量果然十足牛肉帶少少油脂 肉質軟腍 夠入味配搭洋蔥同甜甜地嘅醬汁 好惹味飯用左日本米 飯粒分明 軟糯帶黏✨溫泉玉子加錢加配左隻溫泉蛋加入牛肉飯中 拌上蛋黃味道更香 必加推介✨咖喱吉列豬扒飯日式咖喱味道香濃帶甜 溫和又惹味吉列豬扒偏薄身 但唔會乾柴 炸得鬆脆飯粒飽滿有咬口 配咖喱食一流 份量都唔少✨唐揚炸雞一客有三大件 新鮮炸起炸雞外脆肉軟 咬落去啖啖肉 總結：食物可以 份量十足環境唔錯 卡位坐得舒適 服務好好 價錢合理 性價比唔錯

去聽音樂會前 看到了過江龍元祖牛丼店 – 🇯🇵東京チカラめし當時不用排隊 所以就去試試餐廳有著30多款菜式🍛🍲🍜有牛丼 豚丼 定食 咖哩等等 非常豐富用QR code下單⋆_ᴛᴏᴛᴀʟ ᴏʀᴅᴇʀ__ ⋆🐖鹽燒豚肉丼(配唐揚炸雞)飯🍚上蓋滿豚肉、洋蔥、蔥洋蔥甜味很好吃豚肉不會過膩 不錯不錯唐揚炸雞2件性價比好高 大大粒炸雞肉質彈牙 外皮香口👍🏻 🐮燒牛肉丼牛肉燒至剛剛好 份量都算多配上來自日本醬汁及大量蔥絲很香濃 日本米也很軟糯

今日Lunch想食牛丼，經過東京チカラめし，見裡面好多人光顧，就入去食Lunch。我地大概12點到，裡面已經坐滿人，係店餐廳門口等咗一陣至入到去。餐廳闊落，裏面主要有四人卡位座同圓枱。菜單有牛丼、豚丼、定食、咖哩同配菜選擇。牛肉丼主要有燒牛肉丼同鹽燒牛肉丼，仲可以選擇丼的大小，並、大。我點咗燒牛肉丼(配唐揚炸雞2件)，份量選擇並。價錢總共$58，如果單點燒牛肉丼會再平$10。燒牛肉丼味道唔錯，牛肉份量足夠，炸雞味道一般。整體黎講，燒牛肉丼性價比高。

香港原來又多左間日本連鎖牛肉飯🥰 菜單都幾多選擇下！鍾意食丼飯 又想平平地嘅你 呢個真係個超好嘅選擇！🔖鹽燒牛肉丼配餃子3隻 HKD58牛肉唔乾，軟腍，而且醬汁好有鹹香，幾惹味，撈飯食令白飯帶有點綴，又唔會過鹹。餃子相對遜色，可能擺得較耐，外皮軟咗，味道就同普通日式餃子一樣，不過不失🔖野菜燒豚肉定食HKD70定食幾豐富，有麵豉湯、沙律、主食同白飯。沙律酸酸地，幾清爽開胃。主食唔會太鹹，汁令蔬菜帶點鹹香同鮮味，而且炒得幾腍，椰菜不會太硬，豬肉亦唔會太乾，整體味道不錯，同幾抵食🔖鰻魚HKD48鰻魚稍貴，但味道唔錯，鰻魚汁味道濃郁，鰻魚肉質彈牙紥實，可以一試🔖生薑蜂蜜HKD22用薑絲及柚子蜜沖，飲落頗重薑味，唔會得甜味，而且薑味係口腔迴盪，幾暖身同舒服

📍東京チカラめし喺旺角有一間性價比幾高嘅日式快餐店，晚飯時間完全滿座，出面條龍都有返咁上下長就知佢有幾受歡迎，好彩嘅係排咗一陣就入得😮‍💨旨辛牛燒肉定食🍱 $78一個餐有齊飯、麵豉湯、沙律同埋餸，真係抵食到爛😛牛嘅份量都幾多，加埋泡菜同高麗菜，食完真係好飽！鹽燒牛肉丼🍚（配溫泉蛋）$68鹽味醬鹹鹹地送飯一流，牛肉都唔會煮到太乾身，仲保留到少少肉汁。日式煎餃🥟 $18皮又脆又薄，豬肉餡juicy，呢個價錢算係唔話得。

在旺角做完按摩一個人不知去邊到食要揀一間又方便又抵食嘅日式餐廳呢間日式餐廳主推牛肉丼聽講油麻地分店長期都有人排隊座位頗多，用QR Code 落單店員服務幾好，呢樣好重要👍🏻見到隔離枱對情侶話炸雞唔熱店員好有禮咁講「唔好意思呀，即刻幫你換過碟」。野菜燒豚肉定食 $70份量充足，飯大大碗夠晒男士份量了吧🤭上枱時食物仲係熱辣辣豚肉同野菜份量平均用返定食既汁肉撈飯食好好味。熱生薑蜂蜜 $22 呢杯野飲絕對要讚夠晒薑味 但都能易入口因為蜂蜜中和咗個薑辣味有啲似飲緊中式糖水咁Menu選擇頗多要花d時間揀😆最緊要係唔使加一放埋Menu俾大家睇參考下🤗

剛剛打完波就去到旺角逛下波鞋街，忽然個肚響起咕咕聲，醫肚去啦。未到12時東京チカラめし未有太多人，入去食番個定食。用QR code 落單，方便快捷，上菜都好迅速，好快就有得食啦yeah。叫了燒牛肉定食和一碟餃子，這裏的日式餃子皮薄餡料爽甜，鍾意高麗菜的脆加上豬肉，幾唔錯。燒牛肉定食好豐富，除咗有一碟燒牛肉之外跟一個日本米飯一個蔬菜沙律和麵豉湯。沙律爽脆又健康，燒牛肉好香牛味好juicy，瘦中有肥，送飯之選，

今日氣溫驟降，陰沉沉又潮濕，人也覺得冇活力，最好係食返啲少少刺激嘅食物。今日又係獨自開飯的日子，行過東京燒牛丼店當然要食番個平價美食，是日我吃咖喱飯。咖喱飯配燒牛肉（$65）這個日式咖喱飯咖喱的顏色比較深色，其實日本咖喱源自印度，裏面帶有少少肉類和蔬菜，味道有啲甜唔辣，配米飯是一個非常好選擇。燒牛肉燒到微焦加上洋蔥、醬汁，入口有醬油香味又有洋蔥的甜味很不錯。另外叫了一個椰菜絲沙律，好鍾意它的爽脆，麵豉湯又係我的最愛，加配十元就可以飲到，一餐飽肚暖胃簡單的午餐。