東京一番 (已結業)

第一次食已經係五年前...當時感覺唔錯，亦覺得抵食，咩都夠大份夠大件，而且感覺係新鮮的！但近來好似越做越差咁...而且衞生情況好似惡劣左...成地都係垃圾...一直去呢到食都有叫牛肉鍋，但係牛肉份量越黎越少，上次去得幾塊...整體似一個菜煲多過似牛肉鍋！似菜煲都算喇...d南瓜粒...紅蘿蔔粒越黎越細粒...南瓜細粒到一夾即散爛晒！炸軟殼蟹...唔係熱既...壽司...d飯好熱...搞到上面塊魚生都熱埋...上個月同埋男朋友去食左呢次...我同佢足足痾左幾日！那日一整天只係起屋企煮麵同食呢餐，第二日就痾到要睇醫生....俾錢去食飯仲要倒貼比埋醫生......至於服務就差一大截！近呢年都請埋d哥哥仔...妹妹仔...唔係做野的！叫幾聲都好似扮聽唔到，唔多願做，又黑口黑面...以前都唔係咁架嘛！唉........希望可以有番以前既水準啦！

去過幾次，D 午餐、晚餐好普通，但係 D 鍋物就唔錯：1. 清湯牛內鍋，清清地牛肉同洋蔥，連埋個生蛋黃，蛋黃搞碎會o係鍋中慢慢熟，D 味 mix 埋好鮮2. 汁燒雞鍋飯，D 雞一粒粒咁燒得香而軟，加上浦汁好出味

昨晚同班fd去旺角搵野食..見到一間日本餐晚市全場8折..覺得好抵..就入左去食野..我地叫左個龍蝦餐..勁抵食!!因為特價後再有8折..都係2百幾蚊..for2人..仲有2杯優惠飲品..每杯只不過係8蚊!鐵板師父廚藝一流!之後仲order左d 壽司!d壽司飯都幾好味!之後仲叫左個炸蝦拉面..d炸蝦好鬆化又新鮮..勁好味!!環境雖然一般..但價錢公道!而且侍應服務態度尚好!周不時過黎斟水! 十分禮貌!我一定會介紹d fd幫襯!今餐成班fd都話非常滿意!

今晚放工之後去左東京一番食飯，好耐之前都食過都唔錯，選擇再試，點知差到難以形容，特別係侍應態度差&衛生程度勁差。我地order左一個定食2人餐，所有食物都放左係一隻木船上，之後有隻蚊滋仔係碟野度飛(可能季節問題，間鋪好多蚊滋仔)，飛過d三文魚&螺肉，跟住我好細聲叫個侍應同我換左三文魚&螺肉就算，船上其他食物唔使換，倨侍應都見到隻蚊滋仔仲未死，留左係碟螺肉度。等左一陣，一個男侍應話已經幫我換左成隻船，本想放心繼續食，點知俾我發現除左螺肉，其他食物都無換過，因為我之前趺左少少 wasabi係三文魚上面，換左之後仲有，所以我知佢地無換其他野。之後我叫左一個女侍應幫我換左d三文魚，但佢好似唔知點處理咁，可能佢都唔知點做，then有個可能係年資高d 的女侍應夾走左我d三文魚話幫我換，但我見到佢將碟三文魚俾返廚房，之後俾返三件俾我，但我已經唔敢食啦，因為我對呢度ge食物無左信心，好驚佢會用返同一碟，所以食左其他野，無食三文魚，但味道麻麻，不及之前食ge燒烤好味。換完之後，我見到d侍應昅住我地，完全不滿意，令我成餐飯都食得好唔自在，我覺得一間餐廳ge服務態度﹑衛生環境&食物質素都咁差，根本唔值得再一

我本人其實吳係今鍾意去旺角食嘢。但係要同朋友食飯。無計…其實e間餐廳冇乜特別。嘢不是難食, 但一定吳會好食。簡單形容港式日餐。 冇特色野食。本來以為食物普通, 員工態度可補救. 可惜, 態度同食物質素成正比.刺身: ok定食: 頹飯燒物: 普通.

第一次寫食評......今日同男朋友慶祝週年紀念日....揀左呢間鐵板燒...今日我地食左"鐵板燒龍蝦二人餐"....前菜有醬汁螺肉+青瓜....坐左一陣,師傅就開始燒比我地食啦~有燒龍蝦,燒龍脷柳,燒魷魚, 頭腐香菇,燒牛柳同雜菜.....另外仲有得揀炒飯or龍蝦粥~我地要左炒飯.....味道不錯燒龍蝦好鮮味....全部調味都恰當~好香口~因為師傅用左牛油~而甜品係迷你桃味雪米糍.........呢個價$.....算是不錯既選擇

都唔係咁差je~ 今次係我地第2次去la!~上次特價時段食唔到鐵板燒龍蝦2人餐，今次終於在非特價時段食到la~ 仲特價tim a!!~ 我地坐0係爐前面~ 好快~ 師父仔就開始叮叮噹噹燒晒食! OUR FOOD:-1. 前菜 - 醬汁墨魚仔 and 青瓜 ok la~ 夠凍 (我們就在小雪櫃旁)~2. 鐵板燒龍蝦 好好味~ 牛油味好香~ 連個shell都好好心機燒~ 看到我地呆左!! 好快店員就收左個shell... 原來係用來煲我地的龍蝦粥~3. 鐵板燒魚柳 ~ 好味~ 不過冇龍蝦燒得咁香~ 可能因為大件d~~ 不過點醬油都好正4. 味曾湯 ~ ok la~ 好多料~ 不過飲到個底就粉粉的……5. 鐵板燒魷魚 and 頭腐香菇 ~ 魷魚好好味~ 6.龍蝦粥 ~ 又見面la龍蝦仔~ 個粥鮮甜好味~ 唔怪得之前燒得咁認真la!!~ 粥底都夠靚~ 熱辣辣的a!!~ 7. 鐵板燒牛柳 and 雜菜 ~ 好香蒜容味a!~ 燒牛柳的汁同之前的汁唔同~ 好好味a!8. 甜品 - 現成迷你香竽雪米糍 ~ 當然不是不好食la~ 只是…馬虎了一點~OUR DRINKS:-1. 凍寧茶~

前幾天晚上,,係旺角搵食,,同學話呢度幾好食,,就去左lu,,一去到門口寫住好吸引即刻入左去,,我地坐左係近水吧鐵板燒個邊一坐地已嗅到好大陣怪味,,似d'叔'味同碗布味不好受..-3-睇MEUN D DINNER D價錢都唔太貴,,40多至50多我選了,,加十蚊有飯有野飲同學們選了清酒海鮮鍋同汁燒牛肉飯雞肉鍋裡有好多菜仲有金菇&紅蘿蔔,,雞柳,,個湯底係醬油汁,,甜甜地但喊左少少大致上幾好味其實,,仲有隻生蛋係面頭一黎到熱騰騰,,我用D湯整熟左個蛋TIM,,清酒海鮮鍋同汁燒牛肉飯同唔差,,不過前者個湯較淡同無咩酒味,,海鮮少菜又勁多咁,,可惜無影相比大家睇,,但8折左後我個份都係$52,,晚餐價差唔多但大家一定唔好坐向近水吧個邊,,因為個陣怪味真係好臭-333-不過呢間餐廳係無服務架...仲要加一

食物質素無疑會影響店舖的評分但員工的質素影響更利害上星期五晚, 我跟朋友到這裡食晚餐食到我地成肚氣同火1. 侍應太態度愛理不理, 落單時心不弦, 我們重複左好幾次佢先落到單2. 上食物時, 侍應極不小心 第一次, 把我朋友叫的湯弄污, 我們要求換一碗新的 第二次, 差一點打熱湯倒在我身體上. 好彩只係淋在我的腳邊! 第三次, 呢個侍應竟然可以把豉油倒潟3. 食物質素就麻麻地, 不過未至於難食但我地的心情只是

壽司應該係凍但又係暖一暖咁比人食本來出面好熱 入到黎涼住冷氣應該好爽但侍應小姐(長曲髮)既面口令我地十人都覺得即使野食好味 但咁既態度真係令人o咀 好鬼火水準越黎越退步烏冬還可以但其他的壽司真的不能入口而侍應既答非所問如壽司竟然係唔知會出咩 要睇師傅心情點解我要菜蜜變作檸蜜 點解要收多我一蚊佢都只係答 檸蜜係加3蚊一切都令我...成為千古罪人帶住一班餓鬼入錯店!!!價錢係平 但真係不能再來!!!

好迅速的服務是要讚的.由order至上枱,只是3-4分鐘的事!!冷麵定食冷麵 - 原來係蒿麥麵,仲以為係中華冷麵呢! 份量不少,有一大堆紫菜條o係面,不過不是脆的.還有一隻生鵪鶉蛋.可惜汁太淡,淡如水,所以吃時我加入少少蘸壽司的wasabi及醬油! 麵身還可以,不太淋.卷物 - 3件蟹籽反卷,包著青瓜及三文魚沙律醬.味道不錯,很有home made feel.因為有時我會親自在家製造壽司,款式差不多.麵豉湯 - 普通,料只有一片海帶,一件豆腐熱檸水...回家再把相片上傳

星期五的旺角勁多人, 到女人街兩旁的食肆發現了這間東京一番不用等位,想也不想就走了進去...我點了個一人餐, $88有前菜,三色刺身,天婦羅,日式雞扒蛋飯和飲品.前菜是一細碟有幾粒似螺頭的東西.三色刺身 - 賣相雖然不俗,但那三粒吞拿魚刺身像剛從冰櫃拿出來似的,還未完全解凍... 而三文魚都算OK.日式雞扒蛋飯 - 這個不錯,雞扒夠厚,蛋也很多; 唯一略嫌醬汁不夠.天婦羅 - 太多炸粉了,令到件件都很多油.朋友點了個天婦羅便當$53但那天婦羅炸籃分量竟和我的差不多,所以相對來說這個一人餐$88也算OK;而且分量是絕對夠飽的.

五月四日(日)已知道會夜d先食飯，所以揀左去東京一番度食，因為尼度9:30後有八折！加上同老婆剛開始時食店之一，順便黎重溫下~去到唔使等有卡位，咁岩買左野放晒係對面，非常好~叫下以下三樣~牛肉鍋($50)+$10連飯&飲品賣相同上次食差唔多，湯底都仲係幾好，甜甜地幾香濃，不過牛肉份量就好似小左，味道可以，牛肉亦唔會靭但菜就唔夠淋，唔夾個鍋~味道OK 湯底用黎餸飯亦都不俗價錢偏貴~蒲燒鰻魚($30)只得四舊，勝在夠熱，剛燒起食落唔算太多肉汁，魚皮燒至微燶唔算好，但都OK 老婆就話鹹過頭~味千既比佢好食~ 價錢OK鹽燒鯖魚($25)咁既價錢俾半條你真係幾抵，而且係打橫片開，都幾靚片得都唔錯，只魚肚位仲有小小骨~食落唔差，未至於好好食，但絕對唔會難食成半條魚不斷食都仲有，都幾飽下~埋單$104，都算OK~ 正價黎講就貴小小~味道3.5

人數：兩位時間：9:00 pm食物：$ 228 二人前( 二人餐), 未計加一評語：煙蒜生蠔- 呢個最好味, 但係點解d 煙肉同生蠔要分開炒呢, 攪到d 蠔冇煙肉味, 如果可以一齊炒, 相信會再好味d .鐵板炒飯- 唔係個廚師即場炒既, 唔知係邊度拎出黎味噌湯- 好普通, 主要係唔夠熱牛油浸帶子- 點解咁講呢, 因為d 牛油多到浸得死你, 可以話係見唔到粒帶子, 仲有, d 帶子係細到不得了。香煎雞扒- d 肉細到雞媽媽都唔認得果個係自己d 同類.金菇牛肉卷- 普普通通啦, 不過塊牛肉乾左d炒雜菜- 唔錯雪米火糍 - 就係menu 上傳說中既甜品(一粒), 仲要係未食完d 炒雜菜就拎黎飲品：加十蚊有兩杯（波子汽水同酒精類飲品除外), 雜果賓治, 冇乜雜果, 青檸梳打, 我個人認為係全部食物最好味既.** 派錢都唔會再去食, 衰d 講句, 我直情想同落地玻璃窗出面d 途人耍手, 叫佢地唔好入黎.服務：廚師全程望電視, 先睇奸人堅, 再黎一套通天幹探, 所以d 野食就咁囉.全店各員工, 冇表情, 冇笑容, 冇尾音.另外, 仲鬼咁熱心, 不停埋黎收碟, 收到你心都煩埋. 如果你講緊秘密,

完全將貨就價，物價上漲，唔夠人爭/做唔掂就執笠算啦! 唔好俾0的咁0既0野人食啦! 雖然你開得響旺角，我都預左你係做平民生意，但係你要知道，冇平民會係食豬餿架。以前都唔係咁差，今年加左價，換左本Menu，完全唔掂。叫左個牛肉鍋，全份縮左水30%，但係又貴左，又冇得做定食。杯凍飲仲有藥水味添。成間舖又一陣廁所用0既空間清新劑味，又刺鼻，又似坐響廁所食飯。