東京拉麵

營業中

休息中

係聯和墟禁多年可能都有人吾知呢間位於小巴站嘅拉麵店，店面雖小，但卻充滿人情味。每次黎到都一定叫東京拉麵！因為佢十分處足料，第一次食嘅時候都俾老闆嚇左嚇，佢嘅份量絕對夠一個成年男子食飽！首先講下個湯，一分錢一分貨可以知道湯底應該係開出黎嘅，但重點在於配菜！因為你會有一堆肥牛四塊叉燒蟹柳炸蝦雞翼，份量可以見相，炸品每次都係即炸，確保熱辣辣！另一個值得大家去食嘅地方係，老闆二人好NICE，遇到客人吾食牛或姐蝦會立刻提議用餃子同雞翼代替，絕對吾會話你吾食就無平民價錢但有十分體貼嘅人情味，下次黎開大家可以試下。

阿b係我肚入面已經37周了，我仍然為「為阿b寫夠100篇」而努力中。最近係粉嶺facebook group見到好多人都話呢間外貌似日式小拉麵店既「東京拉麵」唔錯，一於又去試下啦。見到餐牌個心已諗，好似又係港式拉麵鋪咋喎。日式叉燒拉麵   hkd 42拉麵上檯已覺中伏，明顯係港式拉麵啦，麵似係超市買到自己返屋企煮果啲香港品牌出既拉麵餅，叉燒有肉腥味，個湯只係咸，蔥粒只係街市買菜既中國蔥，完全冇得同同區「札榥拉麵」相比，雖然「札榥拉麵」較貴，但那些才是日式拉麵囉。這裡的，極其量係比吉之島food court果啲好啲啲，雖然只係hkd 42，但依然有啲後悔信錯網上留言而黎幫襯。明明未飽，都決定放棄了。埋單計數至知杯茶要收hkd 1，有需要咁計較嗎？係而家咁多日式正宗拉麵鋪計，竟然咁港式拉麵仲生存到？絕對沒下次。

星期六放工到聯和墟買東西,順便吃晚飯。醒起這間躲在街中不起眼的小拉麵店,決定光顧光顧。推門而進,店內彌漫着一股冷清清的感覺,原來店子很小,以木裝修為主,全部是依牆的木吧枱,中間是開放式厨房,裏面只有2位客人,很有日本舊式食店的氣氛。而老闆娘坐在店中央,看到我們立即端上熱麥茶招呼,我們看過簡陋的餐牌,最後點了招牌東京拉麵、日式牛肉烏冬和芝士煎餃子。由於人流少,大部份食品都是即叫即做的,老闆娘推薦的招牌東京拉麵,我們選擇了小辣湯底,辣度剛好,湯底順喉,個人好喜歡。而拉麵尚算彈牙,材料十足,有牛肉、蟹柳、蛋、海草、紫菜、粟米,還有另上的熱辣辣雞翼和炸蝦。以$65索價,絕對合理。芝士煎餃子,一客有4隻,餃子味道普通,可能放得太多油,感覺有點油膩,可以不試。日式牛肉烏冬,牛肉份量都很多,但烏冬相信是普通貨,配上小辣湯底,雖然不是超級美味的佳餚,但就有了份一份家庭式味道,可以一嚐。進餐途中,老闆娘會走去與熟客聊聊天,分享人生道理,這樣輕鬆寧靜的小店風格,相比起要在門口排隊排飽、入去還要限時食的香港風格食店,個人覺得更值得保留、更有人情味。

東京拉麵是聯和墟其中一間最好味的拉麵店，小店內的座位不多，感覺真像橫街內的拉麵店，還給我一種小時候在大磡村食車仔麵的感覺，非常另人懷念！已經是第三次光顧了，已經試過好幾種拉麵了，招牌東京拉麵、叉燒拉麵等，今次我都是選擇了我最喜愛的炸雞扒拉麵拉麵的湯底雖不算上香濃，但絕對夠味，雖然伴料唔係太多，但冇味精的湯底(老闆娘講的)絕對值得推介。湯底可選擇辣(加幾蚊)或唔辣，唔食得辣的千祺唔好加辣，因為絕對唔易應付！對比於招牌東京拉麵的炸物、叉燒等，我最愛的始終是炸雞扒！雞扒炸的時間非常準，炸得香脆可口，香噴噴，全靠師傅特設的炸物鬧鐘，一響即時拿起上碟！再配上雞扒的完美伴侶-燒汁，食完想即刻encore!小店免加一，但要加$1麥茶錢，絕對超值，老闆娘建談又友善，想唔再幫襯都唔得啦！

昨天下班後來到了聯和墟的東京拉麵由於鰻魚來貨價上漲了兩倍以前最喜歡的鰻魚拉麵已經吃不到了但是招牌的東京拉麵也是值得推介東京拉麵有日式叉燒、牛肉、雞蛋、炸蝦、炸帶子… ( 未能盡錄 )以數十元的價錢實在相當便宜另外這間拉麵店的金菇牛肉做法與別不同坊間做法的許多都是極多金菇這裡做的金菇牛肉 , 兩種材料的比例剛剛好加上燒汁那味道真的值得一試P.S 老闆娘很健談 但有時候很健忘各位食家點菜時請細心說明店子比較擠迫 , 要求舒適用餐環境的食客請三思

去粉嶺前上OPENRICE搜尋一下食評，見呢度無喊臉只有笑臉，以為好穩陣，一入到去心知不妙，無乜冷氣，連埋我地在內只有4位食客，都熱到。全店只有BAR枱位及三塊在牆邊的木板作枱，坐無椅背，地方淺窄，坐得好唔舒服。男友叫牛肉拉麵，我叫豬扒拉麵走蔥，黎左我個麵有蔥，唯有拎返去加牛肉俾男友食，麵質彈牙，不過湯底無味，牛肉普通，而我叫的豬扒是食不出係咩？炸粉厚，肉無味，鞋身。雖然免收加一，但要叫茶錢，呢個價錢，呢個環境，呢個質素，請我都唔會再黎食~~

呢間格局好似日本街頭小店 由1對老夫婦經營, O係聯和墟都有好幾年, 就係未試過E 間, 原因係佢門口用茶色玻璃, 成日都覺得好似無開O甘, 終於搵次落去試發覺真係唔錯, 雖未算係頂級水準, 但已經係做得好唔錯, 東京拉面 先講麵質, 佢麵條係方形, 比一般外面食到GE爽口彈牙, 很有口感老闆娘話個湯底無用味精, 純用豬骨煲GE (佢話味精仲貴過豬骨WOW), OK GE 老闆娘會問你要咩辣度(+$3) , 我本身都好食得辣, 簡左中辣都搞到滿頭大汗, 確係唔野少, 辣且帶香, 食得辣GE 可一試料有日式叉燒, 蟹柳,肥牛,海帶,芽菜,蛋,粟米, 炸蝦, 帶子 十分足料!! 叉燒的味道比較遜色,似一塊無咩味GE 瘦肉, 肥牛無問題, 啱啱好唔UN , 炸蝦同帶子即炸出來, 夠新鮮脆口, 淋上燒汁, 減低油淋口感. 同時增加惹味道, 美中不足的是, 有時脆漿太多, 蝦都不太覺, 但帶子咬下去會感到有點硬粟米都係D 一大包果D 冷藏粟米粒, 無咩甜味,老闆娘好好禮貌 , 服務週到, 佢又會同你吹水,同不停添茶 (因為茶要收 $1)總括而言係非常抵食 , 味道比甚麼味X拉面好得多 , 現

原本諗住去爵士拉麵, 但點知佢地午市只做到一點半, 我地果日去到已經兩點幾, 唯有搵過第間食................行行下見到呢間食拉麵的舖頭, 見d價錢都ok, 老闆娘又走出嚟話d湯係用豬骨煲架, 試下啦~~ 跟住佢又走番入去, 完全唔會 "死前爛打", 我地望多兩望都自已走入去...........一入到去, 可一眼望哂成間舖, 得十多個位, 個個位都係面壁的....................我地問老闆娘有咩好食, 佢推介 "東京拉麵", 樣樣餸都有d, 好好食架..........我望一望個價錢, 係全場最貴的..........但最後我地都選擇咗, 橫掂未試過, 咪樣樣食d lor~~ 東京拉麵 -> d拉麵超正, 非常彈牙, d湯都好好味, 唔會太鹹或太味精, 但有少少辣, 可能加咗d七味粉掛?? (我老公話/估的), 有好多樣餸, 有牛肉, 叉燒, 蟹柳, 炸蝦, 炸帶子.............牛肉同叉燒都好有肉味, 但太薄片.............唔夠口感.........炸蝦d粉漿太厚, 太實,,,,,,,,,,炸帶子實都硬, 可能佢用d已經炸

拉麵彈牙 湯底特別同出面拉麵湯底唔同 好好味 飲左好多食物即叫即製 賣相水準都不錯老闆娘服務好 笑容滿面店內面積不大 有點像日本街頭小巷的麵店會有下一次光顧的

呢間野好食就係人都知... 我唔多講不得不提既係..呢間野既辣都好勁...上次結伴去食呢間野佢既辣令人畢生難忘!!要食辣, 呢間值得一試

有個friend強烈推介lee間 ~所以今日試左碗招牌麵(小) -- 東京拉面 雖然話係小.. 不過都好大碗, 有 叉燒 蟹柳 肥牛 海草 芽菜 蛋 吉烈蝦 etcetc.. 好足料!! 碗麵好食既地方係... 佢D麵比一般既爽口, 唔會太林湯底還可以geh 不過我覺得叉燒geh味道較遜但總括而言係非常抵食! 食到我飽哂 : P另外唔可以唔題: 非常友善既老板娘 : ) 佢會同你傾計, 添茶 etcetc. p.s. 無奈我唔記得左影相//

曾經一度因為甲由腳而將呢間野踢入black list,今日再來,係因為男友真係好想食佢.(無奈地)好….再食囉抽身直說:Environment:小店氣氛,環境,佈置好溫馨,好有日本窄街小巷的氣息Staff:相信只是由1對老夫婦2人一煮一落單咁經營,待客有禮Drink:無特別另叫飲品,但入場收”炭茶”$1/位,會refill的Food:拉麵-價錢平,份量enough,有點彈牙餸-蔥&海苔enough, 我favors粟米粒好多好多,好開心. 餸份量都enough,叉燒總算有點肉味~dumping so so湯底-清湯ok, 如要+辣的要另+$上回因我覺得有只甲由腳的東東係麵度,但老闆娘唔認,仲死口話係香草喎,我嬲都ban左因男友唔可以再去食, 氣難下麻!! 但男友真係好喜歡食佢,無計,都成年無去了,算吧!! (心想,你唔好再衰多次畀我捉到!!)

星期日既晚飯, 係OPENRICE到搵過食比乜好..見到 東京拉麵" 既評分有4.4... 而家好似唔差, 所以決定一試差唔多8點半渣車黎到.. 係附近泊街都唔難搵位入到去真係細細地.. 都可以坐到十幾人既..ORDER左...大碗既 東京拉麵" + 勁辣鰻魚拉麵 (入面多左2塊好好味既差燒)芝士餃子一包檸茶 + 一杯蜂蜜綠 (老公話杯麥茶好好飲囉... 所以係到狂飲.. )D拉麵既湯底都夠濃, 都幾好味.. D麵又夠彈牙, 正!東京拉麵既配料係好充足.. 岩岩炸出黎既蝦同帶子, 一流!鰻魚拉麵都唔錯.. 芝士餃子D芝士包左係入面.. 整體黎講, D拉麵好大碗, 好抵食.. 而且老闆娘勁NICE既招呼簡直無得頂!絕對值得再黎同推介比朋友!!!

老闆即叫即煮拉麵超級彈牙湯底真材實料服務態度一流雖然裡面比較狹小，但感覺上就好似日本街頭的拉麵店，再加上笑臉迎人的老闆和老闆娘，想唔比笑臉都唔得~

女朋友住系聯和墟，佢為人非常咀刁，成日都要食貴野，搞到我苛包大出血。終於系上個月尾比佢搞到我山窮水盡啦，唯有迫佢系返自己地方食野。佢住甘耐原來都唔知自己地頭有乜食！本身諗住夜晚晚聯和墟都唔方有好野食啦，點知又唔系wo！我同佢雙雙殺入呢間舖仔到，打算醫好個肚就算，見佢價錢又唔貴嘛！我地一入舖都唔算好多客人，睇黎都差唔多打祥啦！女朋友即時點左兩個招牌菜東京拉面，另加左個芝士餃子，估唔到價錢唔貴之餘，質素都極有保証！雖然老闆娘話佢地差唔多收舖，但一樣可以睇得出老闆煮面絕不麻虎了事！老闆即叫即煮，送菜夠味又夠，多d面都算幾彈牙，不過最正都系個湯，我同我女朋友都飲清晒個湯呢。下次糧尾ge時後，我都識做啦～