東喜茶 (已結業)

尖沙咀原來有間叫東喜茶的飲品店，鋪內裝修高檔，看看餐單款式好多，最欣賞就是無論水果汁，茶品種類和奶茶及朱古力的款式也十分之多, 不似有些店舖只賣珍珠奶茶就是一個悶字。 但因為相片好鬼靚又好多款也十分吸引我衝動去嘗試，所以完全沒有頭緒應選擇哪一款，但見有個靚女手拿著杯芝士芒果飲品好誇張的讚好味，我跟隨賣了這杯，飲後原來真的會誇張的讚好味， 上層芝士奶好香， 未飲之前覺得有點古怪把芝士放入水果汁上一起飲，所以叫店員只給我少許芝士，但嘗試後真的感覺不知怎樣形容, 而下面有濃烈芒果味的思樂冰真的令你一試難忘， 總括好好飲， 我已經燒著了身邊的幾個朋友之後上網查看這間舖的資料才發現原來是偽店？？？但偽得也好出色 但同時也令我好想試下真品的質素這店鋪我一定會encore

今日落雨心情不太好，呀sir介紹飲正茶，心情變靚，c服哂。大陸喜茶我又有飲過，香港東喜茶今日第一次嘗試，香港東喜茶出品真的不比大陸喜茶弱， 呀sir推介的琥珀珍珠奶茶,他好鍾意日日都幫襯， 他一直也是讚口不絕這茶的，但我不能夠給這個奶茶評語，因為我本身不喜歡飲奶茶的，所以我飲了芝士火火，這顏色好靚，買回來影相也底曬， 起初也會怕這有火龍果的臭青味，但飲了第一啖竟然是先品嚐了這個十分好味香滑的芝士泡沫，這泡沫味道十分濃厚芝士好像比喜茶還好味一點點，第二啖就是芝士泡沫加火龍果沙冰，火龍果沙冰味道十分清甜， 我問店員為什麼這顏色那麼靚？是否落了色素 ？這店員告訴我沒有下色素，她們所選用的其實是紅肉火龍果(貴野)。 所以我明白他們飲品所收的價錢為什麼會比起普通咋水果汁店的價格高。我的同事買了芝士玉露茶，他原來也是東喜fans, 他講了好多次芝士配玉露茶真的好好飲，下次我才飲。

今日又經過尖沙咀東喜茶，今次試左一個叫滿杯紅柚的飲品，這個真是值得一試，好解渴(原來是沙冰)又好香紅柚味，不會太甜或太喼，開頭都怕會酸喼的，飲後覺得好fresh同埋杯身好靚有2塊好大的紅柚，雖然價錢屬中上價但加油會繼續幫襯的，還有收銀員姐姐好好，細心教我怎樣飲，真的值得一讚，飲完後都會念下次飲乜好，有時好難決定又想飲芝士，但見到poster啲水果樣又忍不住，會介紹多啲朋友和同事幫襯試下邊隻好飲，容易決擇d

今日兩點幾去到見到冇乜人就一心諗住試吓啦，見佢不停開新店，價錢又偏中上，諗住應該幾好飲。order 時收銀員小姐都頗有禮貌，望入裏面環境都尚算乾淨。order 之後等候時間又唔算耐，攞到上手仲好興奮不停影相。點知真係期望越大失望越大以為$30 杯珍珠奶茶有幾特別，又諗住會有喜茶質素，結果完全中伏！茶味唔出，珍珠又有D黐埋，支飲管比平常的幼，完全無法之吸到D珍珠出來啜到哨牙都飲唔到！雖然唔洗排大隊，都唔會再試。

完全中晒伏,當日同朋友出咗尖沙咀,行行下口渴,省起最近好似好多人幫襯東喜茶,於是抱住一試嘅心態去幫襯。我同朋友本身都好期待,自己都幾鍾意芝士泡味道,我哋飲桂花烏龍,點知飲落原來同大陸嘅喜茶完全無得比,除咗包裝似同有好多茶款同喜茶係一樣之外,無樣嘢比得上喜茶,最重點係成杯嘢完全無茶味,無茶味同無茶味(重要到要講3次),另外啲芝士泡唔知點解成舊痴住,又唔滑,倒唔到個飲用位,最後飲晒啲無味嘅茶都唔係好飲到芝士,三十幾蚊呢個質素不如飲返天仁或者貢茶...

點解東喜茶會咁似內地喜茶，餐牌幾乎是一樣的，但內地的喜茶好飲得多😂  🍹芝士奶蓋金鳳茶王+珍珠 $40 對珍珠奶茶呢類野飲真係又愛又恨，熱量很高，但珍珠真係好好咬😂不過對呢杯野飲真係好失望，芝士奶蓋味唔算太濃郁，而且質地唔夠稠密，好快就散開，茶底薄弱，味很淡😣😫珍珠還好吧，多點𡁻口會更好🤔我呢杯野飲要成$40，不如我拎去食譚仔仲好😢😢 上面有一薄薄的抹茶粉，比較像裝飾之用～～東喜茶地址：尖沙咀北京道16號地舖

今日同老公行過見尖沙咀東喜茶好多人，就抱著有排等的心態光顧，但出奇地不用10分鐘已到手有得飲，我揀了芝士瓜瓜，好清甜解渴直頭透心涼和配上咸咸地的芝士，應該會是我這夏天的最愛。老公要布雷奶茶加芝士，他覺得布雷混合了奶茶一起飲就更加好味，但可能另加了芝士的關係，所以飲完好渴。最後一讚就是店員小姐好好人的教我不用飲管才能同時飲到芝士和西瓜的效果

平時飲開觀塘都唔錯，見尖沙咀開好開心，終於去買左杯，芝士瓜瓜同火火，真係火，成杯野拎上手分層既，完全溶唒，飲一啖甜到爆，同平時飲開既分別超大！其實真係唔建議買芝士乜乜水果系列，你會見到搞好唒。原來係咁。下次絕對唔會再買！其實真係咁既質素，唔好諗住收40幾囉！一個字，伏

繼奶蓋之後又一台式飲品新寵兒芝士奶蓋原來除了配茶類飲品，仲可以配果汁為免不適，所以都係飲芝士奶蓋奶茶蓋面有教怎樣飲先可以試灑芝士奶蓋的特質先開蓋，連芝士一齊飲埋奶茶落口先至係原味但因為口喝的關係，我一來就放飲管，所以只係飲到奶茶 我先飲奶茶 （唔甜淡淡的，但我叫果杯係正常口味）後試芝士（咸的，估唔到可以咁樣飲）之後就跟杯蓋教的飲返（不過覺得都係先飲到咸芝士後掂到奶茶）最後尾幾口，把心一橫，把芝士搞混落奶茶裡面（原來咁樣先係最好飲，咸味的奶茶就咁樣出現左啦 ）

每日都放工都經過, 每日都好多人, 終於今個星期日, 心思思想試, 原來不用等好耐, 大概5-8分鐘,今次試杯芒芒芝士, 盛惠42大元, 真心有點貴不過面層芝士奶蓋, 第一啖已經令我心心眼,下層的芒果汁不太甜, 整杯飲品總括不錯, 可以一試, 但價錢的確有點貴。

1. 芝芝莓莓(低脂)（$42）🧀🧀🍓🍒經過上次經驗，今次都係叫低脂芝士算😂每次講東喜茶，總係有人提到芝芝莓莓，今次就試下先😁其實輕芝士真係夠味，連埋下面嘅雜莓沙冰一齊飲，兩者係混得幾埋，每一啖都飲到鹹、酸、甜氣於一身，又的確幾唔錯😍彤樂評分：8.5/102. 芝芝火火(低脂)（$42）🧀🧀相對前者，火龍果汁相對清淡，冇咩甜膩👏🏻不過就同芝士冇blend得咁雲🙈又係有種分開兩層飲嘅感覺，飲到中至底層，當芝士同火龍果汁接近融合時就可以😂如果想冇咁肥嘅朋友，又想試芝士奶蓋可以一試😁彤樂評分：7.5/103. 芝士白桃烏龍(低脂)（$35）🧀🍑☕相比之前係深圳飲真喜茶嘅芝士金鳳茶王同芝士綠妍，我更愛依杯芝士白桃烏龍，芝士、白桃、烏龍嘅味道都好突出，但又唔會有一樣特別搶味，一D都唔膩，有少量抹茶粉🍵再一步中和芝士鹹度🧀，而白桃嘅香甜🍑，再加上鳥龍嘅回甘☕，真係好夾，好正！🤤🤤🤤彤樂評分：9.5/10

琴日行街經過呢個#東喜茶，據說佢同大陸喜茶嘅關係撲朔迷離，情況就好似譚仔同三哥咁🙈重點係佢唔洗排隊😂見間鋪個樣都OK，所以就買咗杯嚟試吓！點知...中伏😖.呢杯滿杯紅柚$35 個樣係抄得幾似，但味道就差好遠🤦🏻‍♀️甜味好假，一飲就飲到糖漿味😑而且茶味唔夠濃，果肉亦唔夠多，仲要賣成$35/杯❗️我同男朋友都覺得佢同奈雪或者大陸喜茶差幾皮😒唔明點解仲可以開咁多分店！一定無下次🙅🏻‍♀️🙅🏻‍♀️

今次係我第一次係openrice寫評語，什麼推動我寫呢？就係…今日在我係街上最熱時渴的時候，飲了一飲尖咀北京道東喜茶鋪的一杯好好味的紅柚，細妹的一杯芝士芒芒，三個朋友分別飲的百香果和水果茶。一飲之後我已決定要返家上網一讚👍👍，冰凍柚子茶不但吾會太甜，還有點開胃甘甘的味道。即時解我暑。妹妹的芝士芒芒，芝士味好濃，份量剛好，芒芒吾酸好香。朋友的百香果好好味好特別。水果綠姸好新鮮，仲有水果食。最要讚👍係出茶好快，偷睇入面員工係即時打汁打冰的，都可以好快手，相比其他鋪，我覺得只係等左不用6分鐘5杯已到手,員工還細心教我地點飲才正確，服務不錯，剛好我渴得要死就即時解渴。身邊的客人有內地有外國人，都feel到佢地話好味。所以我點可以吾讚一次。阿妹和我對尖沙咀間鋪出品無懷疑，支持支持我地會再買。

行開尖沙咀見到新開咗東喜茶，有我最愛嘅芝士奶蓋飲品，忍唔住即刻買黎試下！果味好香，酸酸甜甜，感覺好fresh呀！應該用左新鮮嘅果肉，唔似出面d台式飲品店咁只用糖漿失去真實果味，而且唔會太甜！加上本人係芝士控，所以會大力支持！唯一不足係價錢要48蚊貴左少少⋯

上次係旺角見到東喜茶已經想試下，不過午餐食得太飽放棄左。最近尖沙咀都開左東喜茶，經過時它剛剛開門，未有人潮，緊係要即刻去試下！佢既飲品種類有別於一般珍珠奶茶，茶名又特別，真係樣樣都想試！最後揀左佢既signature芝士乜乜乜，第一次都係清清地好，就芝士桂花烏龍！朋友揀左滿杯紅柚，飲一啖，原來係西柚思樂冰，真係好西柚味，甘甘苦苦個啲，鍾意西柚味既一定會好鍾意。呢杯真係唔錯！我個杯等左好好好一陣先有得飲，等緊時先見到佢話每一杯茶都用一個茶包即冲，所以可能比較耐左少少掛。蓋上有張貼紙教你點飲呢杯芝士野，就係第一啖最好要大啖啲一齊飲到芝士同茶，咁先試到佢真味道。又真係喎！一齊入口，口感好特別，味道一流！少少咸既芝士泡沫，混入清新既桂花烏龍茶，好飲到不得了！桂花烏龍茶又真係好有桂花香味，淨係茶味都一流！有驚喜！大推👍🏻👍🏻👍🏻👍🏻總結：有驚喜！係價錢有少少貴....不過一定會再去幫襯既台式飲品店！