東園酒家宴會廳 (已結業)

環境好舒服，服務好快，因為通常茶樓要等位都要等好耐而且個場大，佢地好多時都做唔切，但係呢間唔同，真係隨時隨地舉起手都會有一個waiter係你隔離，食物都黎得好快!!雞足無咩特別，要靠點個鹽焗雞醬先有味，但係都不過不失既，起碼唔會煮得熟得濟或者唔熟~紅棗糕反而幾出色，紅棗味出得黎又有一陣清香，最好既係佢唔甜，好多地方的紅棗糕都煮到甜到嚇死人，但係呢個我俾足8分佢! 蒸既時間都好講究，呢個岩岩好，唔會太腍太硬! 好好味~

今日有公司event，完左去東園食士飯，公司叫左個套餐，聽講$2000都唔使就有一圍，有足夠份量既啤酒同橙汁，全包宴。重點推介：鹵水拼盤：唔記得影相 😝 但好好味，特別係乳豬，超脆皮！炸子雞：好香，夠味但唔會太鹹，雖然肉質有少少粉，但脆皮加分。蒸魚：蒸得超好，魚汁都正，咁大條都冇蒸都老晒，好！椰汁桂花糕：真心正，好硬身，桂花香但唔會死甜味，椰汁味唔多出，兩者岩岩好，唔好搶風頭。可進步：扒時蔬，有點怪怪的，啲菜又唔多甜 😂 不過呢個餐好在多菜，都幾健康。

門口接待員非常差，今日下午12點半左右去攞位，裏面大部份都是吉位，行去攞位的時候，個女接待員只係講要等好耐要等好耐，好似唔想比飛，完全想趕我走，仲想大聲過我，仲要黑口黑面，而家我打你工啊？？唔想做生意直接就放過牌話比熟客啦，不如唔好俾人哋walk in 攞位，人哋俾利是就快啲，離晒譜，以後唔會再過嚟，好似睇唔起人從來都未試過有咁嘅服務態度 新年流流都要受氣細細過嚟嗰時啲姐姐都唔係咁嘅態度你哋想受氣就過去試下

一坐低就放碟「貢菜」小食，盛惠16元。我和先生都講明話唔啱食，退走都強要收費。唔食都要俾錢，我地表明話不合理。樓面堅持話係公司規矩，呢間酒樓真係冇下次。仲有問左個經理，佢仲擺張影印紙既菜單，指住張單最底一行細字，話係寫明左咁。真係激到紥紥跳。係寫左小食收16蚊，但冇寫明一定要唔食退返都要俾錢喎。覺得連個經理既態度都好有問題。講番道理，客人冇點既野都要焗你俾錢，同區其他酒樓都冇咁做，係得呢一家先係咁。

朋友聚會揀小菜可考慮，冬瓜盅消暑正10人每人差不多有兩碗，其他小菜可以叫小D，芝麻雞必食，個個烤鴨就嫌粉皮太厚嘛嘛地，甜品有紅豆沙和馬蹄露揀，服務還可以，閒人唔算多人

同班長輩聚會，最好嘅聚腳點就緊係嚟酒樓啦，飲個茶食個包吹下水甘。估唔到呢到晏晝嘅午餐時間係坐無虛席，非常之嘅繁忙！菠蘿叉燒包: 非常好食，叫左2round， 菠蘿皮焗得外脆，咬開入面超級多叉燒！蛋散: 老人家最愛，每一次同佢飲茶，佢都一定要叫嚟食。馬拉糕: 幾鬆軟，口感唔錯蓮蓉包： 當日係其中一位長輩生日，叫左壽包嚟賀一賀佢，皮薄饀靚，蓮蓉幾香滑燒賣：上面係一層蝦膠，下面感覺唔太多肥豬肉，整體唔錯燕窩蛋撻：蛋撻面上有份量不少嘅燕窩，成件事都矜貴左🤣 蛋撻係牛油撻片，饀都幾重蛋味，整體唔錯干炒牛河: 一放低已經香氣十足，應該鑊氣好夠，牛肉份量唔少，炒得唔老，河粉一條條分明，炒得好乾身，做得好好。好怕出面有啲地方炒到河粉碎曬又或者痴埋一堆。酒樓嘅點心嚟嚟去去都係個堆選擇，食物質素唔錯，唔怪得之食飯時間坐無虛席！

喺上主菜之前有前菜同埋老火湯飲 老火湯煮得好夠火候 兩個人飲嘅話我可以到六碗 而且佢會附送埋湯渣畀你 畀你知道裏面究竟有啲咩材料 至於前菜係帶有少少麻油同辣味嘅蔬菜 芝麻鹽焗雞半隻 HKD78。娘親對呢隻雞好有好感 因為佢從來都未見過芝麻雞係黐曬啲芝麻喺表面 食個煎堆咁😂😂。鹽焗雞我全家人都好鍾意食 今次有埋芝麻喺皮 除咗鹽焗雞嗰陣突出嘅雞油香之外 仲多咗浸芝麻味 香氣四溢🐥🐤 別有一番風味。雞係需要熟食嘅 而雞嘅成熟度正正係 雞肉完全熟透但會見到骨仍然帶有鮮血紅色 可以睇得出火候掌握得啱啱好 所以食喺一上來雞肉仍然鮮嫩 唯獨係如果蒜骨嘅時候會有少少血腥味(我諗呢一輩冇人會食雞骨啩。但係單單淨係講雞肉真係處理得好好。鹽鹹味道嘅醬汁一直都係鹽焗雞不可缺少嘅調味料 簡直係天作之合豉油帶子蒸豆腐 HKD98。健康人生由我做起 有菜有帶子 有蛋白質有膳食纖維 均衡飲食冇難度。 最好食嘅方法當然係搵隻羹 原舊豆腐品嚐 超級好食 但係豆腐真係好易散😂😂。 加上埋蒸魚豉油 個味道真係不得了 中國菜冇得彈。 有時我覺得啲老一輩嘅人冇講錯 無論而家嘅中國係點樣 中國菜真係好重要嘅文化嚟。唔一定來自中國

近排世界盃熱潮未過，爸爸話好攰好眼瞓，唔想煮飯出街上酒樓食。咁近近地，平時揸車成日經過，見到好多人入去呢間酒樓，今晚一於去試試個廚師d手勢啦！兩父女啤啤先，叫左枝大啤，送下花生.....cheer 首先南瓜栗子滑雞煲，啲雞好滑，南瓜好甜啊！爸爸最愛的蒜蓉粉絲蝦煲，嘩，隻蝦都幾大隻，d粉絲浸晒啲蝦汁好入味😋好似爸爸煮的味道，好有住家菜感覺。南乳粗齋煲，諗住清清地食個齋，瘦吓身。哈哈，原來3⃣個餸都係煲仔菜。平時我哋兩父女出街食飯一定食唔曬，要打包，今次破例，啲餸全部清晒冇得打包冇得留低🤣個經理重送兩個糖水紅豆沙爸爸話快啲埋單返去睇波

今天晚上約咗同事食飯，我們都經常去一些西餐廳。今天想轉下口味，食返粵菜，所以我們就來到灣仔東園酒家食下中菜，飲下啤酒，相聚一下。酒家環境夠大，有不少家庭都在這裏解決晚飯。食物選擇多，而且價錢中等，都有唔少人嚟食。叉燒皇例牌叉燒濃郁惹味，醬汁夠甜，而且豬肉爽彈。外面有些少焦，更加香口。叉燒外面被蜜汁包住，很甜蜜的感覺，拌飯一流。滋味醬蓮藕金瓜豚肉蓮藕片爽脆，切得夠薄。金瓜其實就是南瓜，南瓜夠腍，都幾香甜。豚肉爽口，更帶有些少肥，幾爽脆。三種材料用滋味醬爆炒，味道濃郁，亦是送飯之選。豉汁帶子蒸豆腐豆腐香滑，豆味都算香濃，不過上面嘅帶子就比較細，勝在都帶有鮮味。本身清淡的豆腐配以豉汁蒸，讓它帶點鹹香味。只是簡單三個小菜，兩碗飯，再加兩瓶啤酒，聊聊天，真是人生一大樂事。

就來放假心態，屋企冇人想煮野煮餸，所以就出去食飯，有時未必想食咁求其食茶餐廳，咁不如就試吓酒樓晚餐，反正平時都好少試。依間餐廳就係灣仔地鐵站附近，行3分鐘已經度，好方便，好多人。士多啤梨骨＄98士多啤梨骨雖然係骨，但係都有好多肉，肉質就比較乾身少少，所以都炒得OK,士多啤梨味唔算濃但係個色澤都幾靚。叉燒皇叉燒王真係幾正，有啲肥肉真係好香，仲要去成個叉燒嘅調味真係做得好好，啲瘦嘅肉都好鬆化！白飯＄12一碗送紅豆沙或者綠豆沙，有得揀真係好！揀咗紅豆沙，味道清新甜甜地唔會太漏。

今日嚟到呢一間酒樓食飯，一入到去我都覺得個入口尚算高級，但係如果對於行動不便嘅人來講樓梯就實在太長啦！好彩隔離都有部升降機，但係等候時間太長，而且升降機入邊異味比較多，體積也較小的！😜大膽一陣的即係大家都可以唔使咁介懷嘅！今次就叫咗三樣菜，主要都係以健康為主，而且我最鍾意食嘅呢就係去酒樓食西檸雞。有圖片所見嗰啲蔬菜都尚算新鮮啲木耳都算爽。二第二樣就係四季豆炒三色蔬菜，我就落鹽佢有啲鹹，嗰啲四季豆有啲老，同埋啲燒肉呢就唔係太新鮮。而最後一樣就係我最期待嘅西零雞，點知佢嚟咗一個有d水密桃既雞肉，但肉都算ok既，而且個汁都係酸既。總括來講，我都佢啲菜式都可以接受但係員工嘅態度係極度需要有極大嘅進步空間，如果佢哋再做得好啲嘅話我相信客源會更加多。

Tung Yuen is a nice and relatively affordable Chinese restaurant that I've frequented before for 'Yum Cha', but had never really gotten around to going for dinner. This time, I decided to try their non-dim sum food and I was impressed!-- Double Boiled Whole Winter Melon $128 --What a classic soup. This Winter Melon soup is perfect for the hot summery weathers and it's filled with an ample amount of ingredients, like sea cucumber, fish maw, goose meat, mushrooms etc. The flavours were genuine and

間中出街食下飯，試吓啲酒樓小菜，生活就係咁簡單。同朋友食飯，梗係揀一間就腳啲嘅，方便大家，灣仔係一個唔錯嘅地區選擇。仲有好多一圍圍果D MENU!上到去酒樓都好大，有好多侍應招呼，一坐低就問我地飲咩茶，我哋就揀咗香片。生者肉鬆芥蘭遠＄68呢個芥蘭份量都好豐富，而且熱辣辣，顏色翠綠，咸香十足，仲有好多肉鬆，比起自己煮嘅更加香。西檸煎軟雞＄88朋友比較鍾意食雞，都會揀返一款雞，呢個西西檸雞酸酸甜甜好開胃，仲要佢個雞嘅外皮好香脆，裏面啲肉都算幾滑。白飯/$12 碗，啲菜式要來送飯一流。仲送紅綠豆沙二選一，酒樓都竟然有得揀贈送嘅甜品，真係好貼心呢！

搭5X巴士時時常看到這家兩層高的東園酒家，因為門口就時巴士站，今晚一於跟家人下車上去試試。酒家光猛，7時半已經差不多坐滿。原來這裡晚市三寶只需$268，一於試試。金牌脆皮吊燒雞 （半隻）賣相燒得不錯，沒有焦位底太乾，入口皮脆又少脂肪，雞肉蘸點淮鹽和豉油更加好味。枝竹斑腩煲 色水深，味道亦夠。枝竹多又掛汁，石斑都不少，但如果炸皮可以薄身一點更好。鮮菌浸時蔬兩餸配一個菜都幾平衡。菜嫩身又甜，加上清湯和鮮菌可以無甘簡調。晚菜每位$12 花生每碟 $15

今晚和家人吃晚飯，選址灣仔的東園酒家。見它開業多年但還未光顧過，今晚就試試它。晚菜每位$12花生每碟 $15點了《欖梅砵仔骨 $98》欖梅爆香付整體味道帶甜，炸得香脆惹味，賣相似乾身但其實咬開會發現肉嫩而且仍有肉汁，惹味。$268 三寶精選：金牌脆皮吊燒雞 半隻雞皮燒得黃金油潤，雞不算肥美多肉，因為走地雞通常都是瘦瘦的，肉嫩，蘸上淮鹽和豉油可提味。枝竹斑腩煲 石斑大件，肉算多而且滑嫩，獻汁濃度剛好但汁太多，有點膩。鮮菌浸時蔬蒜香湯汁清潤，生菜新鮮爽甜，比起炒菜我更喜歡這類湯品菜式。最後更有紅/綠糖水附送，此舉的確會令食客感覺良好。