東園酒家宴會廳 (已結業)

今曰專登搭去灣仔同屋企人食晚飯，黎到東園酒家，晚飯時間已經坐滿曬人☺️我地搵個位坐低左之後就開始點餐啦！今曰想食得清淡d 所以點左唔算太多肉食，我地一行4⃣️人食左五百五蚊到下次可再黎試下其他菜式！前菜小食😆😆😆😆辣辣地幾過引!之後到老火例湯：青紅蘿蔔煲豬骨 好清甜 滋潤配料十足 叉燒例牌 肥瘦適中 正苦瓜炒蛋 健康又有益 大人小孩都適合勝瓜炒花枝 炒得好有獲氣 炒雜錦 ：有雲耳 、勝瓜 、紅椒等配菜 非常豐富鉗魚煲 整得好入味 啖啖肉👍🏻👍🏻食到我地個個停唔到口 正最尾仲有糖水附送 馬蹄露 清甜美味 食埋糖水飽曬！！

今日同爸爸媽媽去咗灣仔探親人，探到8點咁上下，就同埋朋友去咗附近呢間東園酒家食晚飯。呢度地方好大，冷氣充足，座位舒適，服務員服務態度非常好。前菜：望望餐牌，我哋好快就叫咗五餸一湯了。叉燒王：叉燒肉質非常嫩口，比起出邊好多嘅燒味檔都好食好多。涼瓜炒滑蛋：滑蛋炒得剛剛好唔會太熟亦唔會太生，苦瓜不太苦，兩者配合非常好味。XO醬彩虹爆花姿：翠玉瓜炒得好爽口畔塘六合菜：由翠玉瓜，蓮藕，木耳和紅黃椒炒成，味道不錯。乾炆魽魚煲：魽魚冇腥味，煲上熱辣辣，加上蒜頭和蔥配上魽魚，超入味，送飯一流。最後仲有一碗紅豆沙做甜品總結：呢度地方好大，小菜出色，服務態度非常好，非常適合一家大細嚟飲茶或食晚飯。

阿媽生晨, 食中菜啦! 一進去就有餐前小食吃, 是油浸貢菜, 口感非常爽口, 辣辣地, 挺開胃。我們點了三樣食物, 第一樣是藕片畔水芹香, 我最喜歡它, 整碟食到炒煮的香味, 重要是有鮮蔬味, 當中包括爽口薄切蓮藕片, 爽身馬蹄, 雲耳, 西芹, 翠肉瓜, 青紅黃椒, 全部都很清新。 接著是蜜汁叉燒王, 肉質軟, 汁也慘在其中, 整體肥瘦比例由3:7 到2:8, 好吃的。但碟子破了, 若然能換上更好的碟子會更能取勝! 最後是上湯焗中蝦米粉底, 新鮮蝦肥美, 脆口肉鮮, 米粉炸得香口, 湯汁清, 若不怕太油膩的, 不防一試。 好戲在後頭, 我也很期待中餐的飯後甜品, 它有兩款: 紅豆沙和馬蹄露, 我們各要一碗, 我也給高分!只因紅豆沙少甜但有陳皮香味, 豆粒也足夠, 濃度恰好。而馬蹄露有很多蛋花, 絕無馬虎, 也希清甜的味道, 也挺滑的。如果多注意上菜的美感, 整體會更取悅食客👍

我平時好少食酒樓嘅嘢，因為酒樓成日比我記得印象就係好多野已經準備好晒，好似快餐店咁樣，食落去東鐵鐵，完全冇晒口感。呢度睇落去唔係好大，但係服務員就異常地多，好多服務員都係唔同枱行嚟行去，隨時 Ready 隨叫隨到咁樣。餐牌啲嘢食五花八門，我都唔知叫咩好，我最尾叫咗欖梅砵仔骨、芹香彩虹炒躉球、生者肉崧芥蘭薳、每日足料靚湯。首先係個湯黎左，我係冇諗過可以咁大碗湯，心諗如果我飲咗碗湯之後，就唔使食嘢 😂，個服務員幾細心，佢會將碗例係我哋嘅碗上面，跟住我哋飲完之後，又有服務員幫我地倒。跟住黎的係欖梅砵仔骨，呢個砵仔骨似相當有驚喜，每個砵仔骨都被少量蜜糖包圍，然後有微微既黑椒味，食落又甜又香，而且肉質煮得剛好，軟硬適中，唔會好難咬。之後芹香彩虹炒躉球同賣個生者肉崧芥蘭薳一齊黎，個生者肉崧芥蘭薳我覺得味道一般，因為我覺得個菜落得太多蝦醬，係有明顯嘅鹹味。至於個芹香彩虹炒躉球，黎到既時候見到旁邊既畫已經好想即刻食，食既時候食到好有肉質，然後裡面係啖啖肉，超級送飯。最後有甜品送，紅豆沙香而幼滑，而且不會太甜，入口香濃，十分滿足的一餐。呢次嘅晚餐，我對酒樓嘅睇法係完全改觀。

灣仔番工一小聚👨‍👨‍👦‍👦係度食就會諗起同同事lunch 間喎中都會黎飲茶晚飯第一次上黎 不過不失吧侍應話最出名係滑雞湯 不過2個人就飲唔到😂菜式唔係好特別 份量岩3-4人食所以2個人就會食到好膩😅 因爲d菜都頗油膩.🍴芥末鮮菌炒脆腩仔🍴Wasabi味配埋燒肉有喜！😍燒豬仔腩係脆卜卜外皮 意外地好味😂🤤燒肉都有十幾件👍🏼但師傅炒到d wasabi一舊舊 有d好芥辣有d無味 最好自己再撈撈佢🤭總體成碟菜都幾油膩 送埋飯都食唔哂.🍴彩椒魽魚煲🍴$98印象中呢種魚清煮好鯹 但佢都煮得幾好食個醬完美配左個鯹🐠🙊有三大舊係面 但個醬同其他配菜”鯨”埋哂一齊 好油膩 最後食左舊魚就算😅

自從上次在這酒家吃了一頓混亂之極的晚飯餐之後，相隔多時，今次是星期日的合家歡茶敍，到來飲茶。生煎包餡少包多，奇怪的是肉餡糊成一堆，完全找不到豬肉的質感，似是吃著一個鹹味的蓮蓉包。咸水角亦然，角皮是出奇的厚，卻是不夠甜也不夠糯，極度痴牙。春卷的味道叫做正常些，然而雖然點心紙寫著的是手撕雞，但實在吃不出甚麼雞味。鮑魚雞粒酥的酥皮很脆，不過奇怪的地方乃是見到一整隻鮑魚，吃下竟是沒有鮑魚味的，跟吃了一個凍雞批無異。杞子燒賣尚算有肉味，之不過杞子只是要來裝飾的。鳳爪蒸得入味。但所謂的海鮮餃其實不外乎是蝦餃而已，些微的黑松露，餃皮勁笠。灌湯餃的湯是無味的，加了醋有如喝著醋水，韭王味消失得無影無蹤。餃子的內餡就是一球芫荽豬肉，也是沒有韭王的。炒腸粉腍得過份，欠缺鑊氣，況且XO醬落得少，吊不出多少香氣，我們還要加辣醬來吃。今番再訪，除了裝修過後寛濶些之外，食物方面一無是處。

有次放工到朋友灣仔新居探訪後, 齊齊到她家附近餐廳食晚飯。 *店裝潢是傳統中式酒樓裝修,座位寬敞。** 【每日靚湯】 $128 是日的老火湯是赤小豆粉葛豬骨湯,湯料足料,味道濃而清甜。 當然我地不放過食湯料,味道不錯呢！** 【黑松露畔塘炒龍躉球】 $148 龍躉球非常新鮮,肉質幼滑,鮮味十足, 散發著淡淡的魚香及黑松露, 而且炒甜豆菜仲有爽脆的口感, 令人回味無窮。** 【福建籠仔蒸豆腐】 $78 這福建籠仔蒸豆腐, 豆腐入口香滑配上蝦仁及冬菇及什菜, 而汁帶甜甜地,送飯是不錯選擇!**【拍蒜炒芥蘭腊味】 $98 這芥蘭炒得不錯,甜中有少苦澀味, 配上臘味的油香味,可謂絕配。*

今晚同朋友提早團年, 一齊去佢做野附近度食, 二個人團年, 點左3味餸, 當中有幾味小菜我覺得幾正哦燒汁鮮淮山炒牛爽肉，牛爽肉一般只在日式串燒店吃到, 這個牛爽肉炒得肉質爽口, 唔怪之得叫牛爽，配上燒汁, 好惹味!鮮淮山魚腐銀杏煮娃娃菜,，健康清淡既素菜, 配魚腐，魚腐吸收不少湯汁, 好正。另外, 菜既分量都好多！蜜汁义燒是廣式燒臘中的經典，我愛叉燒肉咸中帶甜的口感, 脂肪層，肉質特別好味，叉燒內略油脂，口感香美, 最重要係口感鬆軟，香甜而不粘牙

公司同組食團年飯，去返間傳統酒家book返一圍。十二人套餐，承惠$2588，都係啲經典菜式，不過係幾抵食又幾好味。簡略紀錄下較有記憶的菜式。北京烤鴨，皮脆肉嫩，當日MVP配烤鴨的薄餅，正正常常上湯龍蝦配烏冬。龍蝦算新鮮，但由細到大都食開伊麵，配烏冬始終覺得有啲唔夾節瓜瑤柱浦，清清地但同時啲汁又幾入味清蒸龍躉，肉又嫰又厚，係正既

叉燒皇--南瓜栗子滑雞煲--鮮百合咕嚕素肉--南瓜栗子滑雞煲唔錯 我去個晚好凍 又落雨食個熱辣辣既煲人都暖啲😶叉燒都ok 不太瘦or太肥 --之前黎都係晏就食點心呢到既點心做得好過晚餐😉

同uncle輩賀牛一，梗係要揀間佢公司附近，又啱uncle口味嘅中菜先得啦...行入酒家，就俾佢啲水晶燈吸引咗，大大個婚宴舞台，薰衣草色非常吸晴...響大酒家嚐到住家靚湯～西洋菜合時，成煲湯精華所在，湯渣西洋菜豬骨都俾我哋食晒～叉燒外皮香脆，內𥚃肉鬆軟，好淋，好入味，有燒味店水準～燒肉炒豆，啲燒肉仍然脆口，炒豆角，我至愛，呢度炒得剛好淋、爽、脆～栗子🌰南瓜雞球煲... 栗子同南瓜香噴噴，雞球滑一滑～

今晚同老公話要食小菜，經過見到依間酒家都幾大，一上到見到都好爆，幸好仲有位黎到先點左茶，隨即送上香脆花生。我地點左特價龍躉班兩味，$268超抵食又好食包括有 "翡翠淮山炒龍躉球", 淮山超爽龍躉球又滑又彈牙，因為落左酒炒，所以多一份香味甜豆無絲仲有菇同紅椒黃椒，整個菜式既配搭都非常好原來仲有陳皮絲，真係好花心思另外一味係"雲耳金瓜蒸頭腩"用左鼓酒, 油蒸，最簡單既方法，但就最能帶出龍躉既鮮甜而且蒸得岩岩好，唔會靭，皮同肉都咁滑南瓜好甜鴛鴦腸炒芥蘭超多臘腸同膶腸，而且仲有臘肉。臘腸同臘肉都係半肥瘦，炒起黎好香，食落好濃郁既味道。但一點油膩感覺都無。佢地再加埋紫洋蔥、紅椒、黃椒，令炒依道菜時更香。芥蘭係依個配搭之下，當然吸收晒所有材料既精華，好好味~

今晚和老公逛灣仔電腦城，行完之後，望到有個好大的招牌，東園酒家宴會廳，之前係大有商場都食過，所以便會老公去食。由於今個星期，幾日都食火鍋、燒肉，所以今晚一於響應多菜少肉，睇到有張每日精選，鮮淮山魚腐銀杏煮娃娃菜($78)，瑤柱扒豆苗($128)，鴛鴦腸炒芥蘭($82)，蜜汁叉燒皇($118)。瑤柱扒豆苗，豆苗好嫩，完全沒有渣，蠔油茨汁唔會太醎，瑤柱亦算多。鴛鴦腸炒芥蘭，臘腸比較瘦，潤腸酒味比較濃，芥蘭炒得好脆。蜜汁叉燒皇，選用梅頭肉燒烤而成，所以脂肪唔會太肥，又唔會太瘦，亦唔會靱，仲幾淋身，加上蜜糖的香味，就配得上叉燒皇。鮮淮山魚腐銀杏煮娃娃菜，淮山系健脾胃的，魚腐軟滑，再加上高湯，令到成個菜餚都好舒服。飯後甜點有紅豆沙和綠豆沙，兩款都唔會太甜，為是晚晩餐畫上完美句號。

It's a surprise to dine at night in Chinese restaurant, especially those with wedding banquet offered... so we usually avoid it because the place could be crowded and noisy... But not this time... lucky us.. they have separated rooms for dinner customers... and sometime, they have very good offer too... like the hairy crab promotion, as well as the seasonal hot pot rice... Free starer was a simple cold dish, very much crunchy veggies, and we ate it all quickly... We didn't go for that, as I have

大食妹又係時候為大家搵好野食，今次就一於到灣仔一間酒樓試下佢地既炒小菜。鮮竹銀杏浸時蔬（$78）：聽講依道的鮮竹係自己製造，師父每日都係用豆漿自己整鮮竹用黎，所以依個鮮竹係俾出面特別好食，唔會有油味，加上菜又新鮮，唔會黃，所以時蔬浸落鮮竹入面，吸收鮮竹的味道後更加係絕配。士多啤梨骨（$78）：生炒骨平時就食得多，今次用士多啤梨漿整都係第一次食，用上新鮮士多啤梨打爛成醬汁，再用上新鮮排骨炸成，食落酸酸甜甜，真係好似食士多啤梨一樣，好食過平時就咁用菠蘿整既生炒骨，加上師父炸得金香，令到排骨唔會太多粉同硬，所以食多幾舊都唔會有太油的口感。菜甫肉鬆煎蛋角（$88）：依家係街要食到出色的煎蛋角真係好難，係依到終於再次食到出色的蛋角，師父煎得好有技巧，蛋角金香得來，唔會太濃亦都唔會食到滿口油，加上肉鬆入味，令到蛋角都吸晒肉鬆的味道，真係要食既小菜。今次，大食妹俾4.5個大食指數，因為依道的菜式特別，而且師父手功了得，真係小菜之選。