影片
年幾前睇租盤同個經紀黎過飲杯野吹下水.....搬左黎lee 頭之後就無再黎過....今日忽然諗起, 就黎食個lunch 先叫左個快餐 A -- 蕃茄薯仔雞絲湯飯 + 熱檸水蕃茄薯仔雞絲湯飯 -- 賣相一般.....雞絲變左做雞片, 雞仲有雪味....蕃茄薯仔湯底唔夠味...連帶d飯都唔夠味....不過d薯仔好好味....
繼續閱讀
需然過咗年都成２個禮拜，但醒起於初三日，幫趁佢兩個荼餐，餐牌標$33一個，我兩個人叫咗兩份餐，枱面張埋單紙都寫$66，點知到比錢時，一個身材較巨大嘅收銀女人話收$74，我問點解？佢話新年要加一，我完全唔見成間餐廳有任何地方，包括收銀處，展示出話要加一，我當時啊一聲後都照比錢走人，但後尾再計一計，加埋一唔計亳子最多收$73，不過費事為$1返轉頭！我明白新年要收多啲，但咁鬼鼠都係第一次見，人哋啲荼餐廳最多暫停套餐或用張紅紙標明多收幾錢呀嘛！我住嗰頭，需然附近無乜荼餐廳，但都決定永不幫趁，最多行遠啲揾第間！
繼續閱讀
我係般咸道呢頭o既住客，以下o既食評係綜合我食過o既來寫，唔係特別寫其中一次。先說食物，以一個男仔來講，佢一般o既份量係唔夠，料已經係少，連你食個公仔麵，個麵都好似係得半個咁。早餐o既炒蛋，炒完出嚟好似係油浸咁。試過幾次晚飯叫生炒骨，d 骨又唔脆，仲要碎濕濕，收成50蚊，真係有d 過份。但令我最唔會再幫襯都唔係唔好食同埋價錢唔值，係個好煩o既老闆。作為一個老闆，對你自己o既員工呼呼喝喝都算，對d 客都係一樣。我試過入到去，成間鋪9成係吉o既，佢係都要我坐某張枱，個態度仲要係 "喂，你坐呢喥" 咁....... 之後又試過食食下，聽到佢行埋另一枱客喥問人"喂，你地係咪食野架，唔食野唔該唔好霸住張枱" o個時o個枱有3個人，有兩杯野飲，都叫食野啦嘛......
繼續閱讀
此店裝潢略舊，以價錢來說，都唔算平。$31叫了一個芙蓉蛋飯，餡料有火腿、肉絲、蝦仁及芽菜，用料味道都OK。同行好友叫了一碗鮮牛通，雖$30一碗，但size有番咁上吓，牛肉應炒過再放湯，肉質幾腍，算有誠意啦。
繼續閱讀
上完堂，行下薄扶林道...見到呢間餐廳..叫下外賣先叫了沙爹牛肉河粉連阿華田沙爹牛肉河粉幾好食呢d汁幾好味牛肉都幾軟都唔錯架，但我略嫌有d兒昂貴...
繼續閱讀