東方飯店茶餐廳 (已結業)

需然過咗年都成２個禮拜，但醒起於初三日，幫趁佢兩個荼餐，餐牌標$33一個，我兩個人叫咗兩份餐，枱面張埋單紙都寫$66，點知到比錢時，一個身材較巨大嘅收銀女人話收$74，我問點解？佢話新年要加一，我完全唔見成間餐廳有任何地方，包括收銀處，展示出話要加一，我當時啊一聲後都照比錢走人，但後尾再計一計，加埋一唔計亳子最多收$73，不過費事為$1返轉頭！我明白新年要收多啲，但咁鬼鼠都係第一次見，人哋啲荼餐廳最多暫停套餐或用張紅紙標明多收幾錢呀嘛！我住嗰頭，需然附近無乜荼餐廳，但都決定永不幫趁，最多行遠啲揾第間！