東江大飯店

營業中

休息中

星期日晚上的黃金時間, 於沒有訂位的情況下覓食, 實在不是易事。當友人突然指著這個舊式霓虹招牌, 「檸茶」卻甚感興趣, 至少想像到的會是珠江、中央等老牌飯店的風味。除了掛燈相對較為新潮外, 店內環境正正就是預期中的舊式傳統格局。鹽焗雞是這裡的「名物」, 另外有兩款選擇, 包括霸王雞和上湯雞, 點選了前者, 其實就是鹽焗雞上加些薑蔥, 並不是想像中以不同製法做出來的那個版本, 不過也不得不讚這道菜的雞味比現時香港一般的略濃, 雞髀部份不算特別嫩滑, 雞胸部份卻比一般店子做得嫩滑得多, 至少席間朋友吃得相當滿足。牛丸通常只會在粉麵檔或火鍋店出現, 來到這裡卻是另一主打菜式, 於是點選了牛丸扒菜, 售價七十多八十元, 算是「下欄當上菜」。牛丸切成花形, 賣相甚為美觀, 味道也很惹味, 是具誠意之作, 也是一個小驚喜。 全晚吃了四道菜, 每道菜的份量極大, 足夠六人才可應付到, 埋單每人只需 $110 元, 十分划算。

老牌雞飯店執得一間又一間, 葵芳的奇香雞在無聲無息地消失了, 想食靚雞, 暫時我只知道鰂魚涌那間津津, 不過要過海就比較麻煩, 一來車費貴嘛~~荃灣這間東江大飯店據聞其鹽焗雞好出名, 既然午市做到下午四時半, 時間剛好可以遷就熊爸放工來試一試。密密麻麻的菜單, 唔知老人家夠唔夠眼力去睇!?  不過, 我見絕大部分的客人都是與侍應生熟稔, 因為當他們一坐下, 侍應生就會懂得他們是要叫什麼午餐。午市送例湯, 今天是青紅蘿蔔煲雞腳, 味道比較淡, 真係可以叫做例「水」。涼瓜班腩飯 $39 ... 原來不是碟頭飯, 是小菜套餐。  涼瓜味道甘甘地, 連我怕食苦瓜都接受得來, 班腩一碟有十多粒, 先炸起班腩再落苦瓜及豆豉去炒, 埋粟粉獻再上碟；班腩已經不脆, 腍了, 食落覺得軟粑粑的一團粉去把魚肉包裹住, 魚肉的肉質普通, 應該用了青衣魚柳；粟粉獻隨著餸菜放涼而轉稀, 半杰半稀的狀態是我未能接受的；豆豉事先沒有處理過, 原粒與苦瓜及班腩去炒, 未能盡情釋放豆豉鹹香味。鹽焗雞飯 $39 ... 一碟雞有肶肉、背肉、胸肉 及 近屁股附近的肉, 究竟廚師是如何分配??很久也沒有吃過黃油大肥雞, 皮厚爽

想坐得舒服、或攜老帶幼者，別去！！一行十人去食晏，一張圓枱剛夠坐。本身餐廳擺枱有問題，加上午巿佢哋又hold起本邊廳，枱與枱之間根本騰不出空位比人通過。偏偏佢哋啲職員又要響你背後穿插。其中一個中央肥胖的女侍應，唔理顧客感受，自己卡住兩名坐客之間。我是其中一名坐客而且已懷孕八個月。個女待應晌我背面不停叫我讓開，但我個位已經比枱角同同枱的櫈頂住，根本讓唔到比佢。我同佢講已經冇位入了，叫佢同後面張枱個男人講讓開，個女待應竟然將我連人帶櫈推起等自己可以通過去。之前睇食評都知佢哋態度唔好，但都估唔到食餐晏都咁差，真係唔會再去！

不 知吃什么好，在街上转了两圈。 忽然想起这家客家老店。 就来试食。门口不大，差点错过。没人排队，但一楼全满。地方较小，人声吵杂。冷气很足。叫了蒸鱼，陈腎汤，釀豆腐分量很足，味道是老派传统的，很回味，有点咸。 特别是陈腎汤， 从未试过。 鱼都很好。顾客也是中老年多，也许时间还早，年轻人还在搏杀。服务还好，不过不失。 就是有点远， 下次路过，在来。

This traditional chinese restaurant call Tung Kong, meaning "East River" in chinese was one of the old haunts in my secondary school days in Tsuen Wan, the restaurant still has two floors and yesterday was the first time I set foot in Tung Kong again since I left school more than 20 years ago!I used to have lunch with a riff raff group of schoolmates and my favourites in those days included the salted chicken with rice or fried noodle with pig organs, I still remember the pig blood oozed out of

住係呢附近，細細個已經食過，因為爸爸都幾鍾意就襯爸爸節黎食早一晚屋企人打咗電話黎問有冇位，話有大把位既（因為八個人先可以訂位，咁我地得五個預先打黎問一問）第二日我地一行五人去到先攞位，要上二樓坐，我地冇咩所謂既點知扶個老人家入到黎，比位果個先生竟然同我地講「你有老人家架，早啲講丫嘛！要坐下面早出聲丫嘛！」其實我婆婆都冇話上二樓有咩問題，成家都冇人介意，點解要講呢啲說話？上到去之後，帶咗我地去角落位，有條大柱頂住既，最多都係四人坐我地三個人坐低咗，已經好逼之後我地就問攞茶黎個侍應會唔會有其他位，個侍應好差咁講「冇架喇，係得呢個位架喇，你坐就坐啦！」咁我地望到有另一張檯就食完，都係五個人，啲位冇咁窄，就問個侍應可唔可以等個檯走咗過去坐個侍應話：「咁你要再落去拎過飛囉，我又唔係老細」咁我媽媽就落咗去拎飛，諗住坐住等隔離檯走個侍應就好晦氣咁話：「唉，你地自己諗下啦！」就拎埋啲茶走我地好安靜咁坐低等，都冇再坳無啦啦有另一個唔關事既侍應拎住送行過，好大聲咁講咗句，好明顯同我地講：「我地係咁架喇，你投訴都冇用架！」我地原本都冇咩嘢等緊，聽到呢一句真係火起我即刻企起身等佢送完碟送番轉頭，我問佢叫咩名佢

一進入飯店內就即刻覺得好凍, 因為今日係潮濕所以以為老闆想吹乾一點. 但係到下層全部枱坐滿了, 大家都輪流要求關低空調溫度, 一路傾計, 竟然一路噴煙, 但係老闆與樓面都沒有理會亦沒有回應. 飯餸不到三分鐘就凍了. 老闆與樓面你計態度一致, 我想應該經常有客人提及冷氣既大風又凍.

因男同事JW聽日唔o係office,所以就提早o係今日(21-2-2012 Tue)為farewell女同事FC而食飯,我o地一行五人揀o係呢o度食.由FC先o黎搵位,我o地幾個遲啲到,點知攞o左張大枱,FC話已經冇晒枱,得返呢張,乜今日咁墟墈呢?我o地叫o左:1. 半隻雞肥瘦適中,但雞胸有啲o鞋,唔蘸沙薑食都已經夠味.2. 羅漢齋呢個比我想像中少,有芽菜仔,雲耳,粟米芯,紅蘿蔔,呢個鹹淡適中,不過唔夠惹味.3. 咕嚕肉睇賣相都唔錯,但食落,咕嚕肉唔脆,酸甜味唔係好夠,諗唔到呢個唔好食.4. 漁香茄子煲呢個就個個都讚好食惹味.我o地叫o左一個白飯,兩個米粉同兩個瀨粉,飯就好快到o左,但其餘o既我o地催o左3次都冇,到最後我o地話取消至o黎,根本就係漏單,攪到我o地食晒餸至食.而我自己就係食瀨粉,賣相唔係白白淨淨,而係有一點點啡色o野,呢個應該係雞油湯瀨,瀨粉唔夠軟熟,唔係幾掂;FC話米粉都唔夠腍.服務:好明顯,今次因太多客,佢o地應付唔o黎,攪到漏單,重要我o地冇例湯飲添.

年廿七約左男朋友屋企人食團年飯~佢地揀左呢間鋪頭食~ 真係第一次聽呢個名~ 同埋唔熟荃灣都有小小難搵~去到其實都已經好多人....又見到好多人等位~ 好彩未來奶奶佢地一早到左~揀左出名0既鹽焗雞, 炸大腸, 紅燒豆腐, 西芹炒蝦仁, 炸蠔, 豬肚湯 同埋羅漢齋我覺得鹽焗雞都ok...只係D 雞肉唔算好滑, 個味可以~炸大腸就好好味~~ 食送酒一流~紅燒豆腐都好得, 有小小肉釀左0係豆腐入面, 所以好入味~西芹炒蝦仁~ 個蝦好得~~ 炸蠔~~太油同好多粉, 食一隻已經好"漏"...唔得~ 豬肚湯~~ 呢個豬肚湯好似用腐竹煲咁...白色0既~~ 麻麻地~ 無乜豬肚味~~羅漢齋只係普通貨色~至於服務, 我覺得無人地講得咁差喎~~阿姐都算即叫即應~ 同埋我地不停話D 啤酒唔夠凍, 佢都有再換俾我地~只係平民化小小姐~~價錢五個人食左七百幾蚊~ 都算合理呀~!!

今日(30-12-2011 Fri)女同事MK請我o地幾個女仔食lunch,我o地決定o黎呢間,我o地叫o左3個餸,另外有例湯送,例湯係紅蘿蔔煲豬骨.湯唔熱只係微暖,味道都清清地唔俗.1. 半隻鹽焗雞唔係好食得出有鹽焗o既香味,不過飯雞都幾大隻,雞肉啖啖肉,幾好.3. $62.00o既韭菜炒黃鱔唔係好大碟,但黃鱔炒到變晒黑色,攪到女同事FC話唔知係咩o野o黎.呢個熱辣辣,冇乜問題,不過唔知點解,韭菜好似冇乜味.2. $65.00o既豬腰炒時蔬豬腰有好多,時蔬係菜心,但好粗,直徑差唔多有一吋,真係冇誇張到.豬腰係滑但仍有陣腥味.另叫五個白飯,女同事MF話啲飯好正,好軟熟,佢就食o左兩碗飯.呢餐埋單好似係$296.00,晏晝冇加一,而且花生同另一碟前菜都唔收錢,只係夜晚會收.對上一次o黎已經係3年半o既事. http://www.openrice.com/restaurant/commentdetail.htm?commentid=1911860

係荃灣長大, 細路仔時, 好多時都會係'東湖' ( 今天大約係 獅子bar), 東江 (應該係今既荃新天地, 4季樓後街), 醉瓊樓 (今天新中聯左近)... 呢間沙咀道?? 好似無去過.... 定係唔記得?? 味道點呢.... 5人同行, 推開門就... 一陣老餐館既毛巾消毒水... 舊日既風味~ 時光倒流.... 鹽焗雞半隻 - 肉幼唔老, 仲黃油添, 滑而不肥, 咸味適中, 如果係冰鮮雞煮成咁, 就同亞一講既一樣, 功夫足既.... 你食唔出冰or 新 既~ 客家豆腐煲 - 客家豆醬加肉釀豆腐, 剛好既配合, 釀肉不會太淡口又不太咸~ 梅菜扣肉 - 梅菜咸淡適中, 化芯無骨, 扣肉火路ok, 豬油入口化開,百花釀大腸 - 呢樣真係失色, 釀入腸皮既蝦膠有味仲梅左.... 通知侍應有呢個問題時, 對方答覆係"唔好意思, 換另一款菜式呀", 沒有多餘既說話... 服務都, 唔會似係客家好x 到, 同入差館比口供咁, 要講3, 4 次先至知, 換菜. 呢個亞姊做企堂 ok woo 讚下佢先~ 炸大腸 - 即上即食, 脆而有咬口質感, 腸味清淡...... 好耐都無叫呢個菜~ 時菜牛丸

做嘢去到荃灣，落大雨，一個人搵飯食，就呢間啦食"佬"飯啦。檯布都有啲污蹟，預咗。$32- 鹽焗雞飯，送例湯。鹽焗雞飯 ~ 雞另碟上，其實係"鹽水雞"，大部份客家飯店都係咁做，唔會用鹽"焗"香，雞肉都多，預咗係雪藏貨，肉比較"嚡"。不過嗰碟沙薑好夠味。例湯 ~ 係青紅蘿蔔，都有好多青紅蘿蔔件，算ok啦。一早預咗係"入油" ~ 食飽就算，$32-冇加一，重想點。都係一句---冇期望就冇失望。

好耐無行荃灣了, 原來開了這麼多大型商場, 但我們今天不是在那些新式酒樓晚飯, 反而選了一間古老店, 在沙咀道的東江, 我們最喜歡古舊特色麻, 食了很多不同的菜, 已不太記得起了, 大約吧, 東江雞, 必食啦, 超厚肥的雞皮, 唔知點解間間東江雞都係咁既, 肉質夠滑, 雞味也不錯, 西檸鴨, 酸和小甜, 送飯一流, 可惜略為實了一點, 羅漢齋, 幾好, 應爽則爽, 應軟則軟, 應脆則脆, 粟米班塊, 粟米汁不錯, 可惜班塊差, 硬硬實實的, 有些甚至唔夠熱, 上菜慢, 要追完又追, 最後來的大腸讓蝦滑, 有異味, 白飯一般啦, 較為淋,

琴晚同左屋企人來呢間店食晚飯,一入門口竟然有人會幫你開門,好有禮貌,比以前好好多,而且大裝過,冇以前咁污糟,有進步,但依然坐得好迫,有d唔舒服.叫左個文三鮮,半隻鹽焗雞,一個炒鱔,一個炸大腸,分量都幾多,但質素麻麻,尤其係鹽焗雞同大腸,個雞切得好差,一件件未分開曬o既,冇乜雞味,而且有d韌,個炸大腸有一d好臭o既豬臊味,似係洗得唔夠多次,每人$90,值唔值自己諗下.

1月15日晚上姑姐請我地食入伙晚飯,本來諗住去酒樓食飯的,但係沒有訂位的情況下,間間都爆滿,等幾十張枱,根本冇可能等到.後來家姐記得有朋友食過這間飯店都ok,所以就諗住嚟試下,點知呢度都要等位,好彩只係等一張枱,好快就有位,有兩層都full晒,真的好厲害,我地坐樓下,都幾迫.先嚟左碟花生及蕎頭,好味呀.睇下餐牌食咩先,我地叫左:鹽焗雞半隻都好大隻呀,雞肉剛剛熟,味道都好味呀,幾滑及唔係好肥,唔會過老,配埋個沙薑醬一齊食,good客家什錦煲有牛丸,豆腐,魷魚,菜,好似有一些鮮竹卷,墨魚丸等,一大煲上的,個湯都幾鮮甜,雖然d材料唔算好好,不過好清甜好多料呀,豆腐好滑身,好味,d丸都好大粒架,仲有好多鮮魷添,鮮竹卷就麻麻地啦,因為好多肉,菜都有幾款.粟米班塊這個個賣相都好吸引,仲好大碟添呀,d鮮炸過好香口,粟米汁用嚟送飯一絕西芹雞腎腰果呢個都好大碟架,好多雞腎及雞潤添呀,好味呀,西芹配腰果真的好爽架,食到卜卜聲呀海味雜菜煲好多菜呀,好多菇,有磨菇,草菇都好鮮甜呀,仲有菜芯,西蘭花,粉絲等等,好味道.好味道唔知係咪平時都咁多人架呢,或是因為星期六的關係,不停有人嚟,可能都係老字號的原故吧.不過