東海堂 (已結業)

媽咪放假去左東海堂買左D蛋糕返黎,我地一屋企一齊食東海堂D蛋糕越做越靚,差D唔捨得食其中草莓蛋糕係新口味,新鮮草莓食落味道當然唔錯個蛋糕都唔太油膩,食落蛋糕多過CREAM而且草莓味好出,幾好味下次再試埋其他味先

12-3-2016(Sat)同老公去完街返屋企經過,見重有大前日報紙介紹o既” 戀白之花語"蛋糕,覺得好吸引,於是同老公買返個細o既,o係13-3-2016（Sun）食.嗰朝食完早餐後,老公就話要食喇.先影好相,拎走膠紙,平滑o既蛋糕表面,即刻變成一凹凸不平.老公切開後,都見到個蛋糕重好完整,但見到牛乳忌廉好厚,睇落有三份一係佢 ,我o地食喇.牛乳忌廉打得好挺身又唔太甜.之後試吓玫瑰寒天,花香味亦都清淡;沖繩紫薯忌廉口感比牛乳忌廉實啲,味道要認真嗒至食得出;而朱古力同竹炭蛋糕,亦食唔到佢o地o既味道乜滯;而最底層o既朱古力脆米呢?唔見o左.為o左肯定佢冇o左,我將我o個件蛋糕翻側睇,冇,真係冇,係竹炭蛋糕o黎.呢個蛋糕,都唔知係咪蛋糕,食cream多過乜,有啲偷工減料o既感覺,而且味道好清淡,清淡到近乎冇味,實在過份o左.而且到食完晚飯,我o地食埋o個半個,我就特登唔分層細味,混埋o黎食,結果係只食到牛奶味.老公就話好混亂.服務:唔知係咪夜晚,佢o地覺得冇人就鬆懈o左,我同老公企o係揀餅o個邊,拎出兩張餅咭同$18.00後,都冇人行o黎,到我老公行o左去俾錢話要咩cake時,至有個女

抹茶黑糖竹炭切餅 ($25)一層層不同顏色已經覺得幾靚仔，裡面的蛋糕抺茶味唔算好濃，反而最濃郁帶苦澀味嘅係最頂那一片抺茶，正。最底層係朱古力脆脆餅底，夠脆好好食；蛋糕唔甜嘅，竹炭蛋糕其實都係普通蛋糕味，中間有薄薄一層黑芝麻醬都唔錯；尾二果層的抹茶寒天好食，整體都算唔錯喇。 宇治抹茶紅豆蕨餅杯 ($22)長方形膠杯Size細細，面層有寒天、紅豆同抹茶蕨餅，下面有抹茶啫哩、奶凍、抹茶Ｍousse，最中間底部有抹茶蕨餅，就咁睇層次好豐富。寒天好甜；紅豆好甜又煙韌，似同糖水煮得太久；抹茶蕨餅煙韌好有抹茶味；一層抹茶啫哩太少，唔覺有Ｄ乜野味；白色奶凍唔重奶味；成個甜品最豐抹茶味嘅係最底一層Ｍousse，幾濃郁好味。【美人の赤苺】赤苺の思慕(草莓慕絲甜品杯) ($22)面頭有寒天、草莓同忌廉，寒天彈彈甜甜的好食；入面係一層草莓慕絲，海綿蛋糕、草莓果凍再加一層草莓慕絲，最底質係草莓果醬，整體都幾豐富好味也唔太甜，唯獨最底的果醬太甜而已。【美人の赤苺】赤苺の卷‧件裝(日式草莓慕絲卷) ($19)蛋卷頂頭有半粒草莓，幾甜，卷住中間有大粒草莓更甜，不過蛋卷唔夠鬆軟，冇乜草莓味。【美人の赤苺】赤苺の果園(鮮

又有同事調走請食餅！仲要係人日加情人節嘅大日子！西餅以果撻為主，不過我對果撻一般！好貪心咁食咗兩件！ 北海道牛乳芝士切餅（$20）奶白色好簡潔，有膠紙圍邊防止蛋糕變乾，上面灑滿白朱古力碎，芝士蛋糕好香，不過幾膩，好在唔大件，剛剛好，芝士充滿奶香，餅乾碎做嘅餅底略濕身！ 鮮草莓果撻（$20）頂端嘅忌廉好軟滑，草莓新鮮爽口，中央係一個鬆軟蛋糕，唔會全部係忌廉，唔大甜好味！曲奇撻底脆口，好重牛油味！略膩口！自己喜歡捲蛋多啲！

我愛食蛋糕，但會令我留下深刻印象的蛋糕卻不多。東海堂新出的美人之赤莓系列蛋糕，款款都極其吸引，蛋糕用上了日本九洲草莓，粒粒都非常大粒，顏色鮮艷。光用看的已叫人流哂口水。蛋糕的內餡亦不馬虎，有粉紅色海棉蛋糕，草莓醬，啫喱同脆脆，層次十足，而且味道亦不是那種很假的藥水士多啤梨味。大愛！！蛋糕索價三百元，是有點貴，不過考慮到佢用上日本士多啤梨，而且都有成十粒，出面買一盒日本士多啤梨都需要二百元，所以都是抵食的。

上週六完成妹妹最後一場面試後，除了出發到沙田少爺18嘆茶，重點是夜晚參加小朋友的派對呢！派對選址食物很出色的Pantry G.M. 舉行，有興趣去看我網誌，而晚餐後還有兩個精緻美味的蛋糕作結尾～是的，由於小朋友多，同場也有兩位11月成人壽星，繼續小主角媽咪準備的藍色小象蛋糕，甜魔媽媽也特別帶了東海堂的 美人の乳酪 cake little 前去，加倍開心之餘，也是防上小兄妹爭吹掉小主角的蠟燭！ 一如預期，藍色小象蛋糕的可愛賣相，完全迷列一眾小朋友，但拍照吹N次蠟燭後，真正要吃當然就是東海堂這蛋糕出色太多：新鮮藍莓加上日本乳酪慕絲，內裡蘊藏流心乳酪，十分誘人；味道方面，初吃先給滑溜質感所吸引，接著就給那微酸鮮香的滋味牽引，越吃越想吃，尤其是女生們的反應尤其好，超快就給整個搶光呢！下次經過，也想試試純厚乳酪卷．條裝，純白唯美的賣相好吸引啊～

今晚經過港鐵站，又给東海堂的甜品吸引，買了幾款新品來試，包括以下 芒果脆撻就每次都會選。香甜的芒果一定很香甜，撻底好脆。藍莓撻是首次選的，新鮮的原粒藍莓好清甜，帶着淡淡的田園口味和濃濃的蓝莓酱， 甜度適中，無失望。而脆蜜瓜撻，我就最喜歡，賣相吸引，已经令你好想食，入口香甜，不是加工的甜味，而是蜜瓜本身的甜，不知不覺就食了兩件，是增塝之原因。

甜品，令人甜絲絲，每次放工都會經過港鐵站，每一次都有衝動想買，但甜品令人肥胖，但都經不起引誘，買了幾件回家，芒果是主打，芒果千層最好味，鮮芒果好甜，和,蛋糕和脆脆好夾，曲奇朱古力，有着濃濃的朱古力香味，芒果蛋糕，不會令你失望，因為東海堂D蛋糕好新鲜，收店前都會差不多賣完。

係女仔都鐘意食甜品Cyn都不例外親愛的媽媽經常都會買啲西餅甜品番黎當飯後甜品今次就買來東海堂的西餅咁多件中最愛的是芒果款式可能因為接近夏日芒果的味道是鮮甜所以芒果款式的最大fit另外那oreo口味的都好食很重的oreo味但就過甜了一點

前天經過東海堂,買左1包椰檳 $9共3大個!! 椰檳的賣相呈金黃色~味道也是相當好吃,有一股甜絲絲的味道~麵包帶鬆軟的感覺!!早餐只係食左1個,已經相當飽肚!椰絲食落口很足料~ 每口充滿著椰絲味~這分店的確幾旺場~袋裝麵包經常下午有DISCOUNT~

星期6行完新城市 , 回程時被東海堂的西餅櫃吸引了我的目光身為甜食獸的我抵擋不住誘惑 , 買了西餅作下午茶~~~卷面有cream (灑有抺茶粉) 抺茶蛋糕卷身: 我估佢唔到咁濃的抺茶香味而且係我喜歡的回甘香味~~~卷身中間有紅豆蓉和cream , 但cream佔大部分 , 個人覺得太多了.......紅豆蓉甜度適中 , 配上香濃的抺茶蛋糕, 再加少少cream , 美味!!!面層是幼滑的朱古力慕絲 , 朱古力味唔算濃 第2層是朱古力海綿蛋糕 , 無朱古力味第3層香濃幼滑的朱古力, 硬度適中, 而且唔會太甜~~~ 第4層黑朱古力蛋糕, 食到朱古力味了 第5層朱古力脆脆 , 好香脆~~~整體口感一流 , 食到濃濃的朱古力味估佢唔到咁出色~~~結尾: 我係第1次試東海堂的西餅真係估佢唔到咁好味~~~絕對有下次~~~報告完畢~~~ 

尋日(15-10-2012 Mon)o係公司食完飯開工,上司MK拎兩盒o野o黎叫我o地食,係老闆ST請,話當中秋節食.睇睇,原來係東海堂o既木糠布甸同芒果蛋卷.木糠布甸o既底有一個半打庄o既盒咁大,高就有一半多啲,我先試呢個,cream有好多,而底係蛋糕,木糠唔多,整體唔太甜,cream夠軟滑,但原來好漏.而芒果蛋卷呢,都幾多芒果肉,內裡o既cream實啲,芒果肉唔酸,成個都唔太甜,OK o既.唔知ST o係邊間買返o黎,所以寫o係呢o度.

之前行開呢間餅店, 見到以下推介( 盛夏當造的白桃，果實豐腴飽滿，果皮白裡透紅，果肉軟腍多汁，散發陣陣甜美果香，清甜の味令人難以抗拒﹗) Okay~見佢講到咁好食, 而賣相都唔差...我選擇左白桃慕絲卷旦, 想像永遠都係好食D...D桃一D鮮味都冇, 得個甜字...真係好失望呀好在佢地ge旦糕口感不嬲都有保証, 但...呢款旦糕唔稱得上叫好食囉!試一次就夠了

白桃tart欠白桃味！味道是蜜桃tart，質感是平常的果tart。這tart加了一層白桃jelly在cream中，只有極微白桃味。但如果你當它是蜜桃tart就ok囉！夏日炎炎，食下果tart都ok啦！

近年香港好似多左人認識黑糖，市面上都多左好多黑糖食品因黑糖o既原料係甘蔗，o係製作過程中，黑糖o既精製程度比較低，保留左唔少礦物質及維生素，特別係鈣、鉀、鐵、鎂及葉酸等，所以營養價值遠高於白糖，黃糖 , 仲唔會致肥添喎而因台灣以及日本冲繩嘅溫暖氣候都好適合種植甘蔗，所以成為黑糖盛產地，我就係因為媽媽早幾年去過冲繩旅行，買左好多黑糖製品同零食返黎，食過之後就鍾意左嗰陣香甜味=]細佬去完街返屋企 , 買左呢個冲繩黑糖合桃提子包返黎 聞落真係有陣陣黑糖味喎 , 明知仲有個零鐘要食飯 , 都要 meet 左一片黎試下 ^^ 咬落幾軟熟 , 唔錯 , 黑糖味食落去就唔係幾濃 , 少少甜甜地 , 提子幾多合桃唔係幾睇到 , 但每一啖都有 d 脆脆地咁幾得意整體感覺好健康 , $ 14 大大個 , 下次買黎兩份做早餐先 ^^## 東海堂平時我都係買西餅多 , 一系列o既牛乳卷蛋都幾好味o家