東海堂 (荃灣千色匯I)

營業中

休息中

一直都覺得東海堂嘅雪糕性價比幾高，之前都已經食過抹茶、焙茶、紫薯，獨欠仲想試嘅芝麻口味，上次經過呢間分店，又售罄，一直吊住條癮。是日去到荃灣買餸，又俾我見到有芝麻味，即刻買番枝試下。日本黑芝麻軟雪糕 $30用上日本黑芝麻製作而成，加上北海道3.6牛乳使用，30蚊大大杯確係抵食食落唔算好濃烈芝麻味，可能我期待左太耐，不過口感還是不錯，好似食緊芝麻糊有種沙沙嘅感覺，所以呢款雪糕唔會係滑溜，最鐘意佢甜度唔算高，比起紫薯味好得多，起碼我係可以自己食哂一杯的。佢地家嘅雪糕真係溶得好快，影完相急急食，已經開始滴滴滴。店員好有心機慢慢唧，清楚見到四層，裡面不是空心貨，我接過嘅時候都好開心。（最怕人唧雪糕唧得好核突，會冇心機）

黑芝麻軟雪糕 $30 @ 東海堂東海堂既軟雪糕不嬲大枝超抵食😋，但黑芝麻口味好似唔係間間分店都有🤔，今次見到荃灣分店有就梗係要試啦（k可是為左佢而放棄左抹茶口味喔😣。）黑芝麻口味果然無令k失望，一啖食落去黑芝麻味超香濃😍，似冰凍芝麻糊，質地又幼滑

11-10-2017(Wed)放工後o係o度預訂兩個生日蛋糕,為老公同女友人DC慶生,合共$396.00,用8張餅咭重有$4.00餘額,於是揀一樣o野,補$3.00揀o左$7.00o既抹茶雪芳蛋糕.一直留到尋日(14-10-2017 Sat)朝至食,而且咁o岩係食用日期o既deadline,自己都做過抹茶蛋糕,自己原來要抹茶蛋糕做到鬆軟比原味難,所以有心理準備呢個蛋糕o既口感都唔係會好鬆軟,但又唔係,佢仍濕潤,而且比我想像中鬆軟, 抹茶唔太濃,成個都唔過甜,OK o既.服務個日好多人 訂蛋糕,職員又忙應接不下,等o左好耐至有人幫我落單,由於兩個蛋糕都係唔同日子同地點攞, 落單時佢o地內部要寫埋間店o既code,有個staff好似電腦一樣,我講一間佢就即刻講到個code 出o黎,完全唔使查,厲害.

前(22-9-2017 Fri)晚,老公,我同女友人DC,男友人RK一齊o係荃灣唱K,除o左DC送上生日蛋糕外,我老公都有訂o左個,我o地食o左DC o個個後,就食呢個,原來呢個都係紫薯蛋糕,咁o岩o既?我o地又切開食得,呢個紫薯味比較濃,蛋糕唔係原味亦唔係紫薯,口感唔夠Pie & Tart鬆軟,不過都唔會太甜,OK.味道: 3.3分價錢:呢個好似係$168.00.抵食係2.7分OK面

💜戀‧紫薯 $168各位紫薯控一定要試下東海堂新出既紫薯蛋糕😜蛋糕上面係一層層沖繩宮古島紫薯茸😍唧得好細緻 所以賣相係過關既😆蛋糕裡面比我想像中多層次🤗有紫薯忌廉和黑蜜忌廉😲紫薯味道好香濃而且忌廉亦都好幼滑😋夾層有玄米茶奶凍同朱古力蛋糕🍵🍫亦好好甘襯托出紫薯😁👍🏼食落更有口感 甜而不膩💕

食東海堂嘅雪糕好講緣份，唔係間間都供應，近我嘅都冇…之前都喺尖沙咀天星碼頭食，坐船過海順個便。今日晚飯喺荃灣食，因為未夠鐘，所以先喺附近食個雪糕滿足下。本來係試下講左好耐想食嘅芝麻味，但店員話冇哂，雪糕只係剩番抹茶味…是但啦，反正佢地嘅抹茶都幾多人讚，而且我又未試過。宇治抹茶軟雪糕 $30採用丸久小山園抹茶製成，抹茶味濃厚甘醇，奶味唔算好重，相對之前食過嘅焙茶同紫薯口味，甜度更為適中。雪糕質地厚滑，唔會好似食紫薯嗰款咁膩口，但真係溶得好快，滴到我成手都係。雪糕筒薄脆，比起頭兩次食感覺良好。值得一讚係佢地唧雪糕都唧得幾靚，食到尾都有，性價比算高。

繼續雪糕 day 🤘🏿 冇甜落肚點過日子呀，甜品真係食極都唔夠，無限 end call 🤤 有好幾個問點解我食唔肥，有咩秘訣呀！雪糕咪就係秘訣囉 🤷🏿‍♂️🤷🏿‍♂️🤷🏿‍♂️ 據非正式研究，食雪糕減肥係非常有效，因為雪糕成份冇涉及到致肥既碳水化合物同澱粉質，唔會令到胰島素滯留，大大遠離豬茵既朋友豬肪，所以食雪糕比食白飯更有效地減肥！今次又食兩支雪糕重點減肥 🤤 大熱口味紫薯同抹茶，紫薯係用左日本沖繩紫薯，而抹茶係用宇治抹茶粉，再加上用 3.6 北海道牛奶打底製雪糕，實屬高質高性價比系列，自不然香濃奶味較重，質感幼滑，但亦冇喧賓奪主，不失紫薯味，我個人覺得黎講亦算濃，而抹茶比較上做得比較出色，雖然都係奶味較重，不過依然食到抹茶回甘而且甜度適中，係濃係正既 🤤🤤🤤P.S. 雪糕質感挺身濃厚，大約有 5 圈左右，正常人食一半就飽，建議 2 人 share 1 支 🤘🏿——————————————————————#濃厚宇治抹茶軟雪糕 $30#沖繩紫薯軟雪糕 $30——————————————————————#東海堂

老婆大人要食起雪糕黎都真係好堅持！係都要搵啲特別嘢黎食。好彩行過東海堂，見到有抹茶同姕薯兩款雪糕賣。奇怪在唔係間間東海堂都有，係我屋企青衣附近個間又唔見有喎。我諗要特別大間個啲先有。啱啱好無晒抹茶，好彩老婆愛食紫薯，所以都買咗呢款。其實係四十有找，唔記得幾多錢。但堅係好大杯下！平時食既軟雪糕邊有咁大杯、咁高身。而且好企身，既係話真材實料，無乜點溝過水啦！而且仲無咁易溶，可見牛奶比重好濃。試咗第一啖，就食到極濃郁的紫薯味。老實講，唔甜，我諗男人都應該OK。但一杯真係好飽肚，兩個人Share食就啱啱好～～

自從我喺葵芳見到東海堂有堂食之後我就對佢有所期待雖然佢同美心係同一集團賣相黎講一定係東海堂比較靚但係味道黎講我覺得美心比較好（味道比較個人，美心嘅天使蛋糕係代表作）但係雪糕呢個範疇，連鎖餅店真係東海堂第一人佢嘅門面非常「日系」軟雪糕有兩款一款係綠茶、一款係紫薯兩款我都試過個人覺得綠茶比較好因為紫薯味總係覺得要粉粉地先至好食（似番紫薯本身），但係軟雪糕嘅口感又唔應該係粉粉地， 所以我覺得綠茶味先係應該繼續保留嘅雪糕，反而紫薯味的話可以改為其他花味雪糕、例如玫瑰或者櫻花＄30一杯元雪糕價錢當然唔平但係以呢個質素來講絕對抵而且份量好大杯兩個人分享啱啱好綠茶味好香有一陣茶味清雅又香

今日經過東海堂，見到個poster大大張紫薯雪糕，即刻好想試下。外形好靚，❤係淡淡地嘅粉紫色，size都係屬於大杯。質地好creamy, 不過食咗半杯落肚，已經覺得好漏。食唔到成杯。

作為抹茶控一知道有新推出的抹茶產品是不會放過😈 東海堂的蛋糕向來有質素，這次與逾三百年歷史的抹茶名店合作炮製一系列的皇牌抹茶產品，我次次經過東海堂都心思思，前天同事生日由我負責買蛋糕🍰，我想都不用想當然要買這個抹茶·王冠cake little $148!以輕盈幼滑的抹茶忌廉擠成簡單而美的外表，像一個個的旋渦，甚具設計感!加上「Happy Birthday」小牌💋，祝同事生日快樂，每日跟我上班都開心到放工喇😝切開個蛋糕先，睇下個橫切面層層豐富分明，真是引到大家都流哂口水👅這個抹茶·王冠cake little是抹茶紅豆忌廉蛋糕，重點介紹的是抹茶忌廉，看外表全是滿滿翠綠的抹茶忌廉以為很膩，食落卻不是! 使用100%來自京都宇治抹茶名店「宇治·丸久小山園」的抹茶，小山園不愧是日本史上第一個以滿分受賞的名牌抹茶老店! 幼滑的忌廉入口甘醇不膩，芳香淡雅的茶香在口腔久久不散，回甘悠長，配以鬆軟綿密的抹茶海綿蛋糕，夾層是抹茶寒天粒及與抹茶最配的紅豆，食落仲發現有淡淡的芝麻醬香，連不是抹茶愛好者的同事都食得津津有味，對「抹茶控」黎講完全是細味抹茶的多重滿足享受 ! 我的回頭購買率是💯

抹茶系列, 不論是蛋糕、 雪糕還是餅乾甜點, 一直都很受歡迎, 雖然這熱潮於香港像是有點減退, 但我這熱血硬派粉絲仍然對抹茶有份執著的堅持。早前東海堂與有三百年歷史的京都抹茶店 - <宇治•丸久小山圓>合作, 分別推出了以<抹茶•若竹>為首的多款精緻抹茶蛋糕, 攻勢強勁, 這篇就來個抹茶蛋糕合集, 分享不同的抹茶味道。 抹茶軟朱古力及白芝麻蛋糕 $228 (信用卡有9折)喜歡抹茶的姪女, 今年選了這個為生日蛋糕。這個以竹為題材的蛋糕, 四四方方的, 簡約造型, 只有數片金箔做裝飾。 層層分明的相間色澤, 標榜是用上100%的丸久小山圓的抹茶 - 若竹製成。蛋糕面層的坑紋是由抹茶朱古力製成, 下層由抹茶芝麻脆、 抹茶慕絲、 黑芝麻醬及日本白芝麻製成的蛋糕組成。 頂層的抹茶朱古力濃厚甘醇, 甘甜細膩, 口感和味道都不錯。 整體入口有多種口感, 而且重茶香和芝麻香, 芝麻的濃香有點蓋過抹茶的甘澀, 兩種甘醇走在一起有互搶各味道之嫌, 中和後的化學作用卻有點像玄米的味道, 舌上帶點回甘, 吃幾口還是不錯的。 不過整體味道還是偏甘澀, 不太喜歡甘醇的可能會略

今日慶祝朋友生日去左東海堂買新出嘅蜜瓜蛋榚入面入密瓜多既 都系普通嘅海綿蛋糕 雖然我個人唔係咁鍾意食海綿蛋糕 但當時冇咩蛋糕選擇 蜜瓜系有味嘅 甜甜地 吾會好似B仔D冇味嘅蜜瓜但之後唔會再買

身為一個雪糕狂熱者原本特登黎到荃灣 因為暫時只有四間分店有賣最新推出既烘茶口味雪糕結果黎到門市發現冇仼何關於烘茶雪糕既poster😱😱問職員都話冇 奇怪🤔有點失望 又唔想白行一躺就試下紫薯口味啦😂😂30蚊大大杯 份量好足！真係同poster一模一樣👍🏻👍🏻口感好creamy 好實在既感覺啖啖都好似食緊真紫薯蓉咁🍠食多幾啖真係膩左 兩個人share都有點勉強啊😖下次希望有烘茶雪糕啦！雪糕份量好足 好抵啊😄

吃畢令人意猶未盡的炸脾過後想喝點甜，特地走到我倆最愛的台茶店買飲料，途中經過東海堂望到一大張雪糕海報，而湊巧早幾天看到別人對於這店新口味的分享，愛嚐新的我也不執輸要試試看。 焙茶綠茶雪糕 $32自數年前在另一名店吃過焙茶雪糕後，此產品一直令我念念不忘。不是每一家東海堂都有賣雪糕，難得遇上便貪心的選上兩種口味。這兒的雪糕顏色帶淺啡色，有著焙茶淡淡的甘香，不會太苦澀，而綠茶味亦濃，個人認為甜膩了一點，不過整體奶香順滑，加上卜卜脆又滿有蛋香的的威化筒，實在討人歡喜。