東海酒家 (已結業)

秋風起，食大閘蟹正合時。過去幾年試過自己蒸，也試過到不同酒樓食。今年同事攪大閘蟹宴，選了地點方便的THE ONE東海。先來個湯，很清甜，野菌大大粒。我是非常喜歡食小籠包的，呢個好甜，肉汁多，皮都夠薄。忍唔住點多籠，另加的話$38隻。都幾惹味醒胃，青瓜清甜，配比較油的豬頸肉也很得宜。主角來了！都說出街食是沒有自己買的咁多蟹膏，不過呢個宴每人有兩隻，都算過足癮了！趁熱食，好多蟹粉，好慷慨。就是嫌包的蒜蓉味不太夠。龍脷柳好清甜，不過就無乜味，要自己點醬油的。海參爽滑，鮑魚就細粒少少但都算了。好入味，正！食到呢度大家都幾飽了，成隻雞無食過，被某人拎走回家食。最初大家以為是糯米飯，原來不是。覺得這個飯配豬油一定很好味，而家只有豉油，健康些吧！薑茶好辣呢！不過又唔飲唔得，食完蟹太寒涼了！總結是，味道好，份量大，都食得好開心。只是上菜太快，第一隻蟹都未食完，已上第二隻蟹，同埋啲餸，食唔切，後面的餸都凍了涼了。

之前都有嚟過不錯的，左老闆後就第一次嘗試，下午茶walk in有好多位，坐得都舒服，侍應亦有禮貌問飲咩茶，三人行點了不約10款點心，乳豬，及海蔘鴨掌，海蔘鴨掌味道不錯，但賣相比較差用左放茶杯的底碟上，這樣扣了一點分，乳豬幾脆同不油膩，價錢亦不貴$128還有海析伴碟，呢個真的不錯，蟹粉小籠包朋友說亦很juicy,但其餘點心就一般，如蝦餃，鮮蝦菜曲餃的皮比較厚，凍左就有點un,燒賣就更差，冇肉味同冇蝦，腸粉ok但不要叫帶子腸粉，因食基本上食唔到帶子，但其他如服務，衛生都ok,下次會再嚟，希望更有進步

真係好難食，以為同海都差不多，錯哂。唐生菜煲水汪汪，燒肉就益嘅，部長食一舊就幫我成碟取消。素鵝冇味，環境又迫，不過冇計，晚市唔使等位有枱，只能夠怪自己。下次早d訂枱唉。。。

公司去了食晚飯, 我們訂左鮑魚桃姿宴. 個餐有個佛跳牆,入面有一隻超大的冬菇,好好味,食完隻菇都超飽啦. 不過隻菇都好淋好好味架, 入面有些粉紅色既嘢,滑滑地唔知係咩, 仕應話係桃枝既汁液, 完全未聽過, 佢話係中藥材來的, 有益的.個餐還有鮑魚食架, 雖然唔係好大隻, 不過都OK呀,好正. 仲有壽包, 壽包超級大, 好淋, 入面既蓮蓉好好味, 好香. 甜品係花生西米露, 好怪呀, 唔係好夾的.其它菜式都好大碟,味道都好的.

去完樓上既煌府, 今次黎到東海。都係冇乜人，好多位。其實都係東海，但係環境靚Ｄ，落地玻璃加海景，成個feel都乾淨D。以前成日去奧海城間東海，冇咁開揚又多人，感覺差天共地。點心味錯唔錯，唔算太油膩，不過同煌府相比，就特色欠奉。叫左10個壽包，都幾壯觀，比拳頭大，中間好大粒蛋黃，蓮蓉唔太甜，都唔錯。

已經訂左位，都要等多半個鐘不但止，門口個 “派位員” 不知所謂，我已經話左見住你比曬其他人我唔出聲JAR，等左半個鐘終於有位！  點知我地八個人，居然比張六人檯我 ， @＃＄％％&％＃後尾我等的屋企人坐低，再出門口同許理論，後尾我出到“唔該你叫你經理出來”， “派位員”先不情不願比張窗邊海景位10人檯我 ！！！！我依然同“派位員”講：我好好聲氣同你講是無用的。食物方面，都是一般飲茶食品，叫了排骨、腸粉、逢爪之類的，不過不失，D野來的幾快，可以話，場外場內是兩個世界，裏面的招呼不錯，但是因為太（男女男），食龍肉都無味！結論是： 唔是熟客唔好去飲茶

每年都喜歡食一次東海既大閘蟹餐，因為幾多野食，價錢亦不算太貴～大閘蟹：有兩隻，不過比較細，膏亦不夠多，可能呢批蟹未到時令～蟹粉蒜蓉包：我一向都喜歡呢樣創新野，兩者好夾又好味！蟹粉小籠包：好味不過一人得一粒唔夠喉，每人有兩粒就好了！糯米飯：一向喜歡，好入味，份量剛剛好！

約了姨媽來尖沙咀, 她住大角嘴交通還可以吧。她說這裡比其他酒樓靜, 事實又真是如此, 客人較斯文。我們都不是吃很多的人, 談的比吃的多: 菠蘿叉燒包仔熱騰騰送出當然襯熱食, 叉燒過甜但包很松軟, 忍不住吃了兩個! 北菰雞煲北菰香雞滑, 雞剛熟質感良好味鮮, 飯亦棉。 水餃有我最喜歡的辣醬二話不說就大口吞下! 皮太厚而且有點太乾, 蛋撻牛油皮不夠酥脆, 蛋亦不夠香及滑, 但最大問題還是服務, 客人不多但無論叫什麼都要等很久, 態度亦麻麻, 很難吃得開心。

其實年輕一代的女生很少會去酒樓聚餐, 多數都去CAFÉ, 但這次一群女中學同學就決定去飲茶。要問為什麼的話也只能說它新推出的小可愛點心。去圖POSTER說這叫Q版點心, 其實的確是頗精緻。一上菜成班女人就只顧拍照, 而其實味道是完全沒有辦法讓人記得深刻。但基於太可愛又見沒有食評談論過, 因此就要打一篇。說一下這個獅子王, 其實味道像鹹煎堆, 裡面都是有點蘿蔔, 菜, 少許肉, 味道普通得不用刻意去形容, 其實就只是一些本來酒樓會有的點心把外形修飾過。再說一下小鹿斑比, 表面塗上了一層蜜糖, 普通甜饅頭味。這個看起來像豬一樣的包仔其實是青蛙王子。外形最貨不對版的一個, 裡面有點蓮蓉, 味道可以想像吧。雖然沒有特別, 但味道其實不算差, 只是很普通, 以過一下癮的心態來吃還是可以一戰的。

我們一向喜歡到K11的東海吃點心午飯，今天因到The One睇戲，才發現The One也有東海。乘電梯到達，即見無敵景觀，盡覧香港島及尖沙咀，只可惜裝飾設計太俗氣。點心款式跟K11分店差不多，但質素則差得多。櫻花蝦炒蘿蔔榚勁差，蘿蔔榚不見蘿蔔，又無蘿蔔味，質地很'削'，全碟炒得又乾又過火。我想師傅省工夫，用大量油半煎炸。我朋友最愛吃鮑汁鳳爪，但這店的鮑汁鳳爪不是鮑汁而是醬油汁，只有鹹味，無鮮味，廖廖幾隻鳯爪不夠肥美，還有連花生都無，認真求求其其。其他點心如小籠包，腸粉，等水準平庸，絕對襯不起如此靚絕的景觀！我不禁想是否鋪租太貴，飯店迫不得已削減食物及廚房開支，而影響食品品質?我們則

老爸大生日～在網上搜集一下資料，看見東海的風評不錯便訂了一個「子母盤桃」＄３８８外面有１２個小壽包內裡有６個小壽包，一共１８個的好意頭～包做得很好吃，即使沒有翻熱也不會乾硬，分開時還是絲絲相連的連最大那個壽桃蓋也做得好吃蓮蓉夠滑不會過甜，不會黏著舌頭和口腔；每個壽包入面都有原隻蛋黃，但不會很油

某深夜，當本人正在餓著肚子，突然收到一幀WHATSAPP:「想食芝士龍蝦！」，數晚後，促成了這個晚餐，不得不讚嘆香港這個「美食之都」，要吃乜，就有乜。蒜香蝦片 HK$13極之香口！一吃，停不了。幸好只有數塊，否則喉嚨必定發炎。芝士龍蝦伊麵 HK$238份量之大，甫上枱時，得到「嘩」一聲，芝士焗得微燶，正合我心。看，伊麵底也夾雜了龍蝦的橙油，香氣四溢，鮮味無窮！啖啖肉！！！清蒸鮑魚仔(六隻) HK$88八十八元，有六隻份量絕對不小的鮑魚仔，自已到街市也未必買到咁平。現在有人煮埋，食平左！味道不用說，入口一刻，鮑魚絕對是熱的，加上酒樓豉油和陳皮絲，沒有難食的餘地吧：）濃湯野菌浸菜心 HK$88魚湯十分濃郁！清淡的，正好中和了濃味的芝士龍蝦！椰汁柚子蜜凍糕 HK$18從未想過柚子糕是這樣清甜味美，加上椰汁糕，很好食！！真心推介！！一邊品嚐美食，一邊欣賞美景，再歎杯熱茶消消滯，跟好朋友暢談，我實在非常享受今晚：）

媽咪生日, 一家人開開心心地去慶祝.朋友介紹壽包會帶有點驚起.所以去東海一試.半隻乳豬 - 香脆美味.半隻燒鵝 - 外皮香脆, 肉汁豐富.翡翠鮮蝦仁 - 荷蘭豆炒蝦球, 蝦球好大隻. 但食落欠鮮味鮑片花菇 - 鮑片加上蠔油煮花菇, 食落鮑片很一般,欠缺鮑魚味, 花茹比較硬.清蒸老虎斑 - ,魚肉還有點痴骨,蒸得剛好.脆皮炸子雞 - 雞皮炸到香口,當然冰鮮雞是欠雞味, 但起碼食落都唔鞋.黃金炸蟹拑 -外層香脆，食落夠彈牙,加上酸甜汁醬, 十分好味.椒鹽豆腐粒, 炸到金黃色,入口熱騰騰, 十分香口,外脆內滑.長壽伊麵 - 炒得乾身又不會太多油. 不錯.東海壽桃包 -真的驚起, 送上大籠, 大籠打開蒸氣散開,大家才知這樣大個的壽包,壽包軟綿綿地打開,內裹有一隻咸蛋黃, 味道相當之好美,咸蛋黃還有油流出,蓮蓉亦不會過甜.不過食到最後,頂多都係食得半個.太飽了.

相隔一段時間，又來東海酒家吃點心。二時入座，顧客有近八成，但感覺不擠迫、嘈吵，環境舒適。我們吃了～上素蒸粉果($14.4)：粉果皮晶瑩剔透，能清楚看到內裏十分飽滿的饀料，是健康之選。古法馬拉糕($14.4)：非常鬆軟，好！晶瑩蝦餃皇($24)：蝦餃皮薄餡靚，有質素！家鄉鹹水角($19.4)：一碟四個，賣相不錯，感覺亦不會很油膩。蜜汁叉燒腸粉($36)：腸粉皮滑，特別要讚的是叉燒既多且嫩，不會很韌。蟹皇燒賣($19.2)：大大粒，但因肉餡太多，燒賣皮好像未能盛載。陽江蒸排骨($19.2)：比預期好，排骨的肉算多。鮮蝦腐皮卷($24)：腐皮很脆，味道不錯！家鄉甜薄餐($14.4)：個人的必食之選！面層香脆，入口煙韌，加上花生碎、白芝麻、椰絲、砂糖，又不會太甜。瑤柱蛋白帶子粒炒飯($78.4)：份量足夠，飯炒得很乾，瑤柱很多，真材實料。野菌牛肉粥($38.4)：粥算綿滑，內有牛肉，不會淡而無味。整體而言，東海酒家不算經濟，但食物質素有保證，全都熱騰騰、夠新鮮，環境亦好。特別一提，服務也不錯。在結帳時，侍應表示簽信用卡多付了五元，於是除了送上信用卡底單，更有一個五元硬幣，十分「均真」。

和朋友聚舊，本來在The ONE某一間酒樓，但其中一個朋友聲稱該酒樓已結業，我們便改到東海酒家。事後我發現那間酒樓仍在營業嘛，但錯有錯著，東海酒家的環境、食物都令人滿意。特別欣賞它高樓底，加上顧客不多，我們可以靜靜地吃點心，更新一下大家的近況。食物方面，我們吃了～辣汁蒸鳳爪：鳳爪算大隻，很入味。雪山叉燒包：外表精緻，一碟三個，質感很軟，叉燒也不會「老」。蔥花炸兩腸粉：飲茶常常吃腸粉，最愛那甜豉油，今次更有炸兩，正！千絲蘿蔔酥：賣相像一片蘿蔔，但一夾便看到一絲一絲的蘿蔔，又香又腍。迷你蛋撻仔：雖然不是新鮮出爐，但蛋撻底感覺又不似放了很久，有點牛油香。楊枝金露：是日最失準的食品，味道不夠甜，而且太稀了。