東記上海麵

營業中

休息中

街市熟食市場，服務同衞生就期望不大，見食評有幾多正面評論，一家三口亦慕名而來叫咗豬扒拼菜肉雲吞粗麵，同豬扒拼墨魚丸粗麵。炸豬扒基本上合格，茶餐廳水準，不要過高期望。只於墨丸同雲吞，就真心麻麻地。老婆大人話墨魚丸係"偽墨丸"，無味; 菜肉雲吞又係唔掂，麵又淋。有理由相信，除咗豬扒同雞翼，其他都可以 skip 哂，無特別，幫襯一次就夠喇最後，呢句係阿仔講 : 隔離奶油多仲好食好多！同埋隔離茶記阿姐仲好招呼，執枱執櫈再抹枱，都係隔離阿姐做哂

🇭🇰東記上海麵·豬扒拼雞翼粗麵$40佢熟食中心其實有兩間上海麵嘅 我見OpenRice呢間評價多啲 就嚟咗呢間啦😎呢個超抵食 $40有兩個餸 而且兩款都好多🤤🤤雖然佢呢度豬扒出名啲 但係我自己覺得佢個雞翼好食啲 因為佢脆身啲 而且食落juicy啲🐤佢個豬扒我自己就覺得比較乾身 而且佢個粗麵都偏淋身少少🙊·📍大埔鄉事會街8號大埔墟街市及熟食中心2樓CSF27舖·#rbyeat#rby港式#rby 大埔

山長水遠入到大埔，諗住發掘隠世美食🤤聽聞呢間豬扒麵好出名，係唔少大埔人嘅集體回憶美食，又有唔少媒體報道過，試一試佢真章先🤤去到係勁多人排隊，一去到店員會幫你落單先，因為要等半個鐘以上先會有得食。4人限聚張枱係冇隔板，無論幾個人都照塞入去坐，衛生麻麻，雖然話係街市入面，衛生情況冇街鋪餐廳咁好，但有塊板隔一隔會好啲......對住咁多陌生食客....等咗半個鐘先有位，店員攞塊見住佢抺好多張枱都冇換亦冇另外噴消毒水嘅布，再抺張枱😨真係疫情期間可以做好少少....🍴 炸豬排麵配菜肉雲吞/炸醬 粗麵$40食物一到就要收錢先，單拼雙拼一樣價錢，個湯係冇味嘅，真係咸味都冇，似水😅個麵好粗，口感似烏冬，冇任何其他味，冇乜特別。個菜肉雲吞都係普通，係大粒嘅，但同普通粉麵鋪食到嘅差唔多，都係好淡味。炸豬扒係有一定水準，即叫即炸，個皮好脆，肉質鬆軟，咸香，幾好食。炸醬果碗麵好食啲，令到個湯同麵好食好多，香香辣辣。推薦指數: 4/10整體嚟講，真係比傳聞中普通😂除咗豬扒係好食之外，其他都好普通，同埋唔值得排咁耐隊，衛生情況好差，可以形容為冒住身命危險去食呢碗麵😂食過一次冇下次！

十九幾年，兒時食到中佬哥食既係情懷，係回憶確實，佢係飄忽從$2x食到$40一碗一時皮脆多汁一時𠝹口兼乾個我銀包得一個冇變，就係榨菜加筍加雲吞,推介食到要有食神，十次中飛四次

💰人均：40HKD-來這說不定可以偶遇發哥，開了40年的老店，憑借酥脆豬扒和正宗上海麵的濃濃湯底，收穫不少特意前來的拜訪者。-🍴餐饮-「炸醬米線拼豬扒」40HKD炸醬米線可拼豬扒或者雞翼。炸醬米線偏酸辣，炸豬扒肉質偏厚實，外層炸衣比較薄偏酥脆。而炸雞翼相對肉質較嫩，有肉汁。兩個都很值得一試。-「竹筍河粉拼雞翼」40HKD一開始看到舖滿白白的竹筍，看起來感覺好像比較寡淡無味，但是吃起來卻有驚喜。湯底比較鮮甜，對比炸醬米線，喜歡清淡喝湯的建議可以試試這碗。 -💁🏻‍♀️服务這裡的姐姐都很熱情，看到有一位姐姐很熱情地和對面一位客人介紹點的飯可以試試他們的醬油，是自家煮的，不會很鹹。 

難得有日去大埔做野，搵下openrice有咩好食，見東記咁多好評就去試下，特別想試好多人都推薦既豬排或雞翼。尋日（20/12/21）朝早八點，因為一個人食早餐唔食得太多，所以只叫左個雪菜肉絲豬排上海麵，諗住下次再食雞翼。點知豬排到，食落口，塊豬排又凍又硬又乾，好似隔夜咁，咬左幾啖就無再食了。個湯底又唔熱，尋日天氣咁凍，湯麵個湯唔夠熱真係好唔得。反而隔離舖杯奶茶還可以。一句講晒，無下次，雞翼都唔會去試了。

難得來到大埔工作, 自然要去大埔墟街市熟食中心品嚐東記的炸物和上海麵, 在長期沒座位的情況下, 它隔離的茶餐廳也樂意提供其座位及東記的食客, 只是回應至少要單點一杯茶餐廳的飲品, 這樣做法我就覺得見仁見智, 固然可以快一點吃到東記的食品, 但熟食中心的座位我也不知道是否可以Free Seating, 因為我去過有些同類地方, 就是可以在不同的食肆點餐, 然後隨便找個位置吃就是.東記的炸物就是炸豬扒和炸雞翼, 雙併配上海麵大約四十元, 不算昂貴, 豬扒和雞翼份量不少, 前者肉厚而脂肪不少, 炸起夾依然保持其肉汁和嫩滑的口感, 調味不算重手, 吃得出其肉香, 問題是炸粉在豬扒表面上沾得不太平均, 結果是有些部位外面沒有炸皮香脆的口感, 有些表面的炸皮則過厚, 甚至有顆粒, 容易弄傷口腔, 同樣問題在雞翼身上也能找到.上海麵看起來相當柔順, 口感帶點煙韌而軟糯, 幸好沒有糊化, 和炸物口感對比明顯. 湯頭味道清淡, 同樣與炸物的香酥相映成趣. 相傳熟食中心裏的世記和東記是兄弟老闆, 做法源出一道, 有機會再試試看兩者的分別就是.

一共係兩次嘅經歷第一次係喺街市熟食檔嗰度食，炸豬扒榨菜肉絲上海粗麵，啲豬扒肥得好緊要裏面全部都係肥膏，上海麵好普通啲湯都係啲味精水，感覺上食完好頸渴應該落咗好多味精食完之後一個月左右見到佢喺廣福道開咗地舖，諗住再去食多次睇吓會唔會好啲，喺門口攞咗張飛入咗去坐，起碼坐咗有3分鐘以上睇緊食啲乜嘢，有個染髮阿姐疑似係經理嘅人問我點解會坐喺度😰😰我話我一早攞左飛你哋同事叫我行入嚟坐，好彩嗰張飛我冇掉俾返佢睇…………如是者我用咗手機落單，但係去到最後電話就話我落唔到單, 出現error之類，咁最後我就叫咗人過嚟寫單，寫完之後長髮染髮阿姐又走來鬧我，話我做乜嘢用完手機落單又叫佢哋同事落單，咁我講返個原因比佢聽，佢係都唔信就話佢哋手機落單係冇問題嘅，仲要一路喺度鬧，咁我心諗我都唔想㗎，食餐飯姐😰😰啲嘢食終於嚟啦，仲要漏咗榨菜肉絲冇俾我，叫佢跟返，又唔應我，講真我真係永遠唔會再去呢間舖頭食嘢，同我第一次食一樣啲豬扒好肥，唔肥嘅地方就好un好硬，唔知係唔係我樣衰硬係要串我鬧我，其實只不過係想食餐飯啫仲有嗰個長頭髮染髮硬正啲態度真係非常之差，一路食嘢一路聽住佢鬧其他員工，又話自己由朝早6:30開始就未食過

位於大埔墟街市既東記豬扒麵長期都好多人，屬於東記嘅枱只得十張左右，如果唔想等咁耐既可以坐隔離檔口既位，不過要幫襯返，例如叫野飲。至於野食方面，雞翼豬扒就當然係必食。另外更加大力推介炸醬撈麵(hidden menu)，記得落單時同阿姐講炸醬幼麵走湯(另有粗麵可選)，如果食慣湯麵既朋友想有啲新意思的話不坊一試😋

今次又來到大埔搵食，相信好多人都聽過東記豬扒麵同世紀豬扒麵，兩間豬扒麵其實係有兩兄弟開設。今次我哋就揀東記豬扒麵試試佢。今次我哋嗌左豬扒同雞翼，而家面底就分別嗌左粗麵同幼面，再配上榨菜肉絲。📌炸豬扒配榨菜肉絲幼面$40豬扒幾好食但係略嫌有少少un ，而幼面亦都唔係太好食，太硬。好味指數：3/5📌炸雞翼粗麵配榨菜肉絲 $40炸雞翼就十分之嫩滑，好有水準。粗麵亦都不過不失。好味指數：4/5總括來講起大埔街市算係比較出色嘅一間食店。大家嚟食嘅時候要注意一點，如果坐東記麵家佢哋嘅枱，就可以唔需要一定嗌嘢飲。但如果你哋坐咗響隔離張煥記嘅枱，就要每人叫返一杯嘢飲。每杯飲品嘅價錢係$18。

豬扒麵係大埔名物🤤🤤🤤即使大熱天時，同辦公室有一段距離我都要行過嚟食，因為真係好好食，特別係佢嘅粗面。每次午餐時段都例牌要等位，今日都係一樣，要咗豬扒、炸醬配粗面。呢個組合係我嘅至愛，豬扒分兩超多，每次都食唔晒，因為唔想咁肥所以我會咬走少少炸粉，但係都無阻我對炸豬扒嘅熱愛，豬扒非常之厚身，咬落去好有口感。而炸醬肉碎口感均勻，而且微辣，配上湯底令成碗面好好食。麵條方面我最鍾意粗麵，因為佢哋嘅麵比較淋，粗面就相對上有口感，係我best choice

難得去到大埔，去完鐵路博物館之後黎工大埔出名的打卡食店-東記上海麵。香港的熟食中心可是有很多臥虎藏龍的小店，東記上海麵必點的是炸豬扒上海麵，聽起來好像普普通通，但餐點來到有驚喜，大大塊金黃酥脆的炸豬扒， 豬扒醃味得宜，肉油脂香，不會過咸又不會淡而無味，邊位的香脆可口，太棒了。

大埔墟街市熟食中心有兩間食豬扒麵好出名，我今次唔係為咗食炸豬扒麵而去，主要係想食竹荀😂 估我唔到呢😂😂去到東記叫咗碗牛筋竹筍米線，竹筍食落好爽口，竹荀份量都幾多㗎，牛筋都OK 嘅，可惜，係我食咗大半碗嘅時候發現⋯⋯⋯⋯有黑色物體，疑似係🙄🙄🙄即時叫店員過嚟，佢撩咗兩撩之後，同我講唔好意思，同你換過佢吖🙇‍♂️我諗咗兩秒，我竟然答佢：雞翼米缐🙈🙈🙈🙈正常大家應該走咗，我都唔知點解仲有勇氣坐喺度😪雞翼米線嚟到，我有先徹底檢查，冇異樣先咁食，味道都仲ok嘅，雞翼都炸得好香脆，係好食嘅😅總結：經過今次之後，真係會有陰影。

由於返凌晨間嘅關係, 收工之後非常肚餓 , 突然諗起大埔熟食中心嘅排骨麵 , 於是收工後搭巴士直接入去大埔 , 去到都只係上午九點半左右 , 已經非常多人 , 果然係名不虛傳 , 由於唔只想食排骨咁齋, 我另外再嗌咗個雲吞 , 價錢一共係40蚊 , 雖然有買雲吞, 但排骨嘅數量一啲都唔少, 一個人食連埋個面一定夠, 先講個排骨 , 出面嘅脆粉唔會太厚, 而排骨嘅味道適中, 亦都唔會炸到好硬， 鍾意食排骨嘅我…最鍾意食有骨嘅位置， 唔會只係啖啖肉， 而雲吞方面數量都唔會少, 非常不錯！$40 價錢食到飽飽了

東記豬扒麵!係大埔街市既名物,好多人識我都襯街市熟食中心重開黎食下先等位約5分鐘 落單後約20分鐘上菜一定要等,人太多 豬扒超厚身 外皮香脆可口 非常大件 炸粉唔多 肉質鮮嫩有肉汁麵配上海粗麵,個湯都好清甜麵條軟淋仲搭多菜整體上超值,份量勁大碟又好食又平非常推介既小店東記上海麵地點：大埔鄉事會街8號大埔墟街市及熟食中心2樓CSF27舖平均消費$50評分7/10