松坂日本料理 (已結業)

晚上我和老公及他的同事夫婦二人一同去尖東的松坂料理吃一頓放題聯誼一番。$209的放題不像自助餐般放在擺設好的食物檯前自己夾，原來是在 order 紙上剔選(見笑了，我未食過放題)。好多食物啊！數數先：三文魚刺身(我和老公的同事均摯愛三文魚，叫了兩 round 才滿足啊！)、軟殼蟹卷、北寄貝壽司、金菇牛肉卷(原來同事太太好鍾意食金菇喎)、海謄手卷、鰻魚手卷、海鮮薄餅、炒雜菜(無菜味，得個辣字，都唔知似乜)、蟹籽沙律、螺肉沙律、茄子及南瓜天婦羅、吞拿魚及赤貝刺身、鰻魚壽司、煎餃子、脆豆腐、冬菇天婦羅、雞軟骨串(唉~過了火，好乾韌)、炸蝦天婦羅(我唔食得，但見好大隻、好長、好彈性，同事的太太大讚好新鮮彈牙)、煎雞翼、燒雪魚骨、燒三文魚頭、燒春魚(點解咁細條既？)、甜蝦刺身和送的每人一隻北海道帆立貝，最後食埋香濃的紅豆雪糕，真係好飽、好飽….呀！其實仲有個牛肉火鍋架，不過最終都無送到黎，唔通隻牛在松坂飛緊過黎未到步？不過算啦，都飽喇，cancel 左佢。總括來說，刺身類好鮮好正，但熟食又鹹又過晒火，麻麻地，不過款式都真係幾多，都算 OK 既。

今朝我們本來約好去重新開業的公和豆品食 lunch，點知一見門口那一群一群的人，我們已走夾唔頭！橫豎都係，佢又帶我去尖東試新野，就係南洋中心的松坂日本料理喇！店內有爐端燒，巧合地，今天也有一個客人吃，所以我們也有幸一看師傅燒肉的功架！好香呀~！唔食都聞下丫！這間松坂的分店聽說已有很多年歷史，食物的款式十分多，店員服務又周到，加上經濟的收費，相信都是它能於尖東區屹立的理由！是次我們要了兩個定食和一客特選小食：鰻魚炒飯定食($55)、豚肉生薑燒定食($50)和一客三文魚刺身($28)。先說說這客三文魚刺身，五大片肥美厚切的三文魚，雖沒有即劏的鮮甜，但總算有豐盈的口感，算係唔錯啦！說到鰻魚炒飯，飯粒炒得香口，軟硬適中，加埋相當多的鰻魚粒，真是令人食指大動的惹味之選！至於豚肉生薑燒，我同事都讚不絕口：薄切的豚肉燒起來火喉適中，微焦的不會過火，保持了嫩滑的肉質，真有黑豚肉的風味！加上那比較幼身的爽口芽菜(看來不是我們平日在街市買到的品種)和日式沙律，簡直是絕配！不可不提的是，甜品居然是滑溜的綠茶雪糕喎！其他日式料理多數都係俾雪米滋咋！埋單加埋一$146，位位$73，屬中價之選。同事約我下個月加人

被雜誌廣告騙了下年已book枱...是宵夜任食！滿心歡喜的同男友，ｆｄ一行四人，一入到去見到場面冷清，已經心感不妙，waiter走過黎問我地飲ｄ咩！原來只有３款汽水揀...跟住再睇下張order紙，呆左刺身壽司只有幾款，連吞拿魚都冇，勁失望！仲寫明每次只可點６款！而其下一頁只係炸餃子，薯餅，蕃薯，虾...金姑牛肉卷...完全唔吸引！三文魚尚算新鮮...不過有D皮，好嘔心！而北寄貝好似點左４件...竟然一塊切開４件！朋友點了order紙上既炒德國腸（大概，唔記得咩名堂），原來係廚師長！根本冇野好食，見到隔離枱一碟滿滿既甜虾，我地就點左１００隻＋４０件三文魚！見到有炒雜菜，朋友都話食，又見之前既order寫一件得咁少，咪寫４字囉！點次黎左２大碟，所謂既雜菜淨係我椰菜同芽菜，調味料只係食到黑椒味，ｄ菜好硬，好難食！因為寫明食剩會罰錢...大家係極無奈既情況下你夾俾我，我夾俾你幾經辛苦終於食哂！三文魚　　　尚算新鮮...不過有D皮，賣相差甜虾　　　　幾鮮甜，不過好細隻北寄貝　　　冇乜味，切絲令感覺很差薯餅，蕃薯　普通貨式炸虾　　　　不錯，即炸既，幾大隻炸餃子　　　普通貨式，好細粒金姑牛肉卷　好

7月27號中午，女朋友已經講左好耐要去食日式放題，甘就近近地柬左呢度。呢間餐廳其實我地大大話話都幫襯左7 8年，初出來光顧到大約半年前，呢度都有一肥一瘦既女經理係度做，後來突然間呢度易左手d人就唔同曬，由接近全女班變為全男班，質素亦都比以前差左......我兩個月前先同家人來過，雖然選擇少但整體不錯，魚生都幾新鮮，牛肉亦都算juicy，不過質素有時都幾飄忽，有一次個甜品仲比過超級難食既芒果布甸，我發誓呢一世人未食過如此難食既甜品，簡直畢生難忘！我地去到，照樣無咩人，呢樣野係我比較buy既，坐得舒服，服務生態度也不錯，好少漏單，魚生選擇中午就永遠都係得4樣，主打既三文魚，仲有立魚，甜蝦，北寄貝，我地三文魚叫左5次，有4次都係幾肥既腩位，正！不過呢次又無銀鱈魚骨，有d失望.........不過最失望的就係聽個經理話以後都唔會再整我認爲佢地最得既椰汁糕啦，我覺得無左呢樣甜品我真係未必會再幫襯啦！

原本同老公仔book定開開心心食個午市放題, 點知廣告寫有超過50款美食, 張order紙得果40款左右的食物>.< , 相比起好多日式放題, 真係少得可憐!!! 諗住如果d野食好味都算la, 點知明明話供應食物1個半鐘, 我地1點20分到餐\廳, 食到大約2點05分佢\話last order??? 我話都未夠個半鐘, 佢\話係呀午市3點收工, 而家要last call. 食之前唔講, 諗住星期六\"他他條條\"食個buffet lunch都唔得, 我以後都唔會再呢間野, 劣劣劣!!!

Special discount for arrival after 9:30pm, but the selection becomes more limited.

之前見到食評,咁諗住黎食下,不過佢個位置真係唔多得,去到搵左好耐,差d以為佢執左...去到9.45.入面只有3台客,tick野食果陣個姐姐會叫你tick多d,因為佢D分量好少,佢d炒野菜好水,加上冇味既,所謂炒野菜都只係炒芽菜;個煎雞翼都係一般;多春魚好唔得;秋刀魚就幾好,蒜蓉牛肉都得好,汽水任飲;d壽司都係一般佢呢度d service幾好既,但係野食就一般囉,不過可能108價錢食呢d差唔多啦,不過佢10.40就會叫你last order

我地一行8個人為左食特價時段任食...等到9點幾先去食. 一去到…MY GOD一個人都無...由於大家都好肚餓啦所以..食就食啦…我地一坐低就起勢咁TICK. 魚生有三文魚,北寄貝,甜蝦,魚...刺身我地叫左幾個ROUND. 其中之有1~2個ROUND D三文魚唔係好肥...北寄貝好細隻麻麻地, 甜蝦我地食左好多,基本上都幾好...不過有一兩隻無咩味道, 魚就...食左都無FEEL壽司有好幾款,不過我地只係食左2款.鰻魚&三文魚籽,前菜有螺肉,中華沙律熟食有雞翼, 司華力腸, 秋刀魚, 多春魚, 蒜蓉牛肉,炸豆腐, 燒魷魚, 餃子，炒雜菜，金菇牛肉,炸蝦天婦羅，炸南瓜天婦羅,冷麵，其中金菇牛肉, 炸南瓜,蒜蓉牛肉,炸豆腐,燒魷魚都好正...新鮮熱騰騰甜品係朱古力雪糕with朱古力碎,超好味！叫左埋單後仲叫多一round, 服務員都無佢絕，”正”！仲有香滑椰汁糕，但可能由於食左雪糕先食佢，　所以覺得淡而無味。由於無人...d waiter d 服務都幾好我地覺得…$108+加一...加上食物質素...絕對可以接受

松板的環境似日本舊式小店,本人覺得不錯可以接受。冷清的商場十室九空。雖然刺身只有幾種,但每位衹收$108,若不介意環境裝修,淨食三文魚及甜蝦都低啦!三文魚及甜蝦刺身新鮮,牛肉薄燒,炸三文魚頭腩及牛仔骨都正! 值得推介!!!

午市點了中華拉麵定食(即叉燒拉麵), 包拉麵一碗, sushi三件, 沙津一客, $48.拉麵的湯非常咸, 不是用時間滾出來的, 應該是開味精粉, 喝不進口. 配料非常少. 叉燒也不好吃, 形狀像燒臘店的叉燒多於日本湯麵的叉燒.sushi太細件, 品質不過不失. 沙津也一般.有其他選擇的話, 可以不去.

9:30 去到不是太多人,次前大家食唔到三文魚刺身都有供應,好肥美!但金菇牛肉卷同炒雜菜一般,炸物都唔錯,特別是炸豆腐o最尾上紅豆雪糕,紅豆好大粒o以$120價錢都算抵食!

經同事推介, 決定一試!說實在的, 剛去到商場時, 真的對餐廳的質素也產生懷疑!!!因為南洋中心是一個十室九空的商場, 在這裡的日本料理行嗎??既然來了, 怎樣也一試吧!!!我和女朋友吃的是放題, 一開始的習慣都是叫刺身!款式算相當多, 有三文魚, 吞拿魚, 魚立魚, 章紅魚,甜蝦, 魷魚. 八爪魚, 赤貝等!!!質素算是相當新鮮, 而且每次份量不少!!(我也是近期去吃, 有很多食評均說沒三文魚, 我吃時就有, 大家吃前可致電confirm吧!)很幸運, 叫的三文魚均非常肥美(坦白說, 叫三文魚很講求彩數, 除非到一些頂級日式料理如鹿悅等, 否則總有可能遇到一些亳無脂肪的三文魚, 坦白說真的是頂級難吃的!!)我們叫了5, 6 round左右才有此情況, 算是不錯了!!魚立魚亦很新鮮, 只是我一向對魚立魚感覺麻麻, 沒多吃!吞拿魚亦一樣新鮮!赤貝等貝類亦令我女朋友很滿意!我最愛的蝦真的令我難忘, 很新鮮, 鮮甜, 而且每次叫的份量不少, 我們兩人合力消化了數十只蝦呢!相對的, 熱盤方面就真的有點雞肋的感覺, 我亦很少沾手, 但一些冷盤如沙拉, 豆腐等都可一試!天婦羅嗎, 我女朋友說質素不

見到雜誌廣告好似幾正咪同朋友黎試,我地係食九點半特價放題,雖然係特價0者,但真係冇野食.得幾張紙,每張紙得幾款野食,仲要係D cheap野,得d乜野燒牛粒,魚呀,冷麵,刺身連三文魚都冇,好失望,我d朋友仲埋怨我帶佢地黎0徒錢.仲有,我地見到d野食咁少,個樣當然好失望啦,個女侍應見到我地個樣即刻好百鴿眼,覺得好似食特價就預左啦咁既樣,好唔掂,話晒都要百幾蚊啦,唔洗咁呀~我情願比多廿蚊去一生食啦,又有三文魚,d野食超多款,service仲好好添.我覺得我地比個廣告呃左.總之一句講晒,唔值!我覺得個放題最多值八十蚊,多都冇~!

昨天去食多次, 一樣係無三文魚刺身, 唉~仲食左D 好難食既拖肥味雪榚, 太過份了。此圖為9:30pm 放題。

太過份了, 宵夜$108, 上次同班FDS 去, 一坐下才知CUT 左三文魚刺身, 但壽司就有, 問佢點解, 佢話三文魚來貨貴左, 我同個經理講, 貴咪加D價囉, 何必要CUT 呢, 日本料理無三文魚咁食來做乜, CUT 立魚還可以, CUT 三文魚不可接受, 佢地既做法太小家了, 你入貨貴可加價, 但CUT 野又唔先出聲, 等客人坐下才知, 失望, 佢仲問我" 你認為加幾多呢?", 我回答: " 加20-30 可以接受" 跟著佢話"我同公司反映" 口面有少少黑, 好像覺得我串到佢咁, 唉, 朋友話無三文魚下次唔來。