板長壽司 (已結業)

平安夜想吃得豐富，又不想太貴，便要選擇一些連鎖式餐廳。不要聽到「連鎖式餐廳」，便覺得一定不好吃/沒什麼特別，偶爾也會有意外驚喜。荃灣這家板長壽司真的好吃得叫好叫絕！率先上桌的是3款壽司：鰻魚壽司、三文魚壽司、帶子壽司。鰻魚壽司上面有一小堆吃起來像蔥又像薑的紫色調味品，切記要一口吃完整件，不要把紫色調味品和鰻魚拆開來吃，因為分開來吃紫色調味品的味道太強，而家味道集中的時候吃起來怪怪的，可是跟鰻魚壽司一併吃卻又不覺得喧賓奪主，反而讓鰻魚壽司多了一種新鮮感。三文魚壽司和帶子壽司相信是大家常吃的種類，但不是每家的壽司也能做得好吃，尤其是帶子壽司，要是好吃的話，一嚐就有超鮮甜的味道湧入口裡，而這家分店的帶子壽司完全能給我這種衝擊。緊接著的是黑松露壽司、海膽魚子飯、拌烏冬。之前的食評曾經提過，小的非常喜歡吃黑松露，這款壽司我又怎能錯過呢！黑松露固然沒有讓我失望，只是覺得黑松露和三文魚的味道比較搭配，整體來說，依然是好吃的，哈哈！至於海膽魚子飯，可能我對這道菜的期望過高，雖然足料，海膽和魚子都比飯多，但是海膽不夠重口味，滿足不了重口味的我。小的不太建議大家點拌烏冬，因為雞肉十分粗糙，熱拌的感覺有點彆

湯不熱，冷烏冬不夠冷，沒足夠人手，价錢只向上升，食品味道只向下調，千萬不要…………如果只吃環境，那就不值得。一家人開心地吃飯，可惜中伏。這間餐廳不值用這個价錢吃飯，食物質素越來越不足，湯不熱，冷烏冬不夠冷，一般基本都不足，油甘魚壽司像放很久，不夠凍。沒足夠人手收拾東西、加水等等……比錢都不會再來……

真係未試過食過一個咁差既放題 首先黎個刺身拼盤 完全唔新鮮 個魚生好似放左好耐，口感好差，甜蝦，北寄貝都完全唔掂，咁基本既都唔好食，失望叫個辣酒煮蜆，就黎個辣酒煮螺，問個waiter係咩黎仲好大聲同我講係辣酒煮蜆，指住d螺死口話係蜆，之後佢話問左經理，原來蜆賣晒😓咁如果係咁，係咪一早同消費者講？雖然係放題包晒，但都唔應該咁，我唔想浪費食物墨魚咀超腥，食物質素差泰式鳳爪個外觀黎到好似人地食剩果d咁，覺得自己好似食緊廚餘咁環境清潔度係ok既但唔明會有烏蠅同蚊滋騷擾侍應企埋晒一邊傾偈 無服務可言

今日男朋友早收工同我食晏，好開心，所以同佢黎咗呢度食，諗住早啲食lunch可以唔駛迫人又可以坐得舒服啲。所以入到去就有靚卡位坐。我哋叫咗櫻花丼、火炙三文魚壽司、帆立貝壽司、三文魚腩壽司、大吞拿魚腩壽司、火炙鰻魚壽司、鹽燒三文魚鮫。除咗個午餐櫻花丼係無咁好食之外，其它都算唔錯。係食壽司嘅好地方。個丼始終係碎魚生咁上，令人覺得有欠新鮮。值得一提係佢個火炙鰻魚壽司，冇諗到咁大塊，冇魚骨，咁香，咁入口即溶，絕對推介。至於我嘅另一至愛燒三文魚鮫都好唔錯，2件都好大舊好抵食呢，燒到皮脆肉香，讚！不過說實話，我對個大toro係有少少失望嘅，因為唔太大舊，而且唔夠口感，失咗嗰種大toro應有嘅風範。總括，呢度其實都好唔錯嘅，希望佢嘅水準可以keep住，否則就會似元氣元祿咁被淘汰㗎啦。

和牛壽司，外貌就唔係咁靚，不過好重牛肉味，牛肉好軟，唔識點咬就可以溶化三文魚腩刺身好肥美鮮甜每片都切得好厚，好有口感，冇咩筋，點洗點咬板長蝦好甜美，有蝦味。三文魚腩壽司雖然冇刺身咁厚，但都好好食

三五知己黎到荃灣广場行街，走到啱啱肚餓恰巧路經見到有日本料理店，我點左最中意食唧三文魚刺身。三文魚，口感肥美鲜嫩入口即化，點上辣芥末同香甜醬汁，味道更加濃郁可口，令人回味無窮！！

今日同朋友特登黎食板長日本料理，每次黎我必揀三文魚刺身，甜虾。三文魚纹路清晰厚實，口感肥嫩入口即化，點啲鮮甜醬汁同芥末柔嫩入味回味無窮！甜虾生食特別鮮甜弹牙，甜虾點D醬汁味道感加鮮美恰到好處。

好久冇去食過日本料理，今日約朋友去大食一餐先嘚，我哋黎到板長日本料理，點左我最中意刺身，甜虾好新鮮嫩嫩地甜甜地又弹牙，三文魚切的厚實纹路清晰有光澤，食起黎冇筋好嫩滑入口即化的感覺，元貝切成一片片颜色係好新鮮唧肉粉色，咬一啖有點嚼口非常鮮甜好嫩又多汁。

星期6 lunch , 無左平時平果d lunch食，咁就試左個海鮮炒拉面，等得耐都算，黎到個size , 細到呢。。。接近幾蚊一包既營多撈面，上到d餸。。。得幾粒青口， 同幾條類似豆角既東西，收80 蚊。。。。真係超揾笨

星期日放假同女朋友2個起身無野做 決定去食個下午茶今次就揀左大集團既板長壽司火燒和牛腿肉壽司 成舊肉都係粉紅色 質感都幾淋滑 但就無咩牛味柚子油甘魚軍艦有清香柚子中和反 好清新野菌帆立貝豬骨湯烏冬味道唔太出 可以話都幾淡佢並唔係下午茶餐所以對我黎講有d飽食唔哂總括黎講 板長作為大集團 味道都算不過不失 希望下次會有驚喜

師兄返咗黎香港，好耐無聚，佢想回味下日本菜。其實近排成日食，有啲厭，但都捨命陪君子。黎到板長門口先見到有放題，而我竟然從來都無留意過！！。。。可能平時少食呢間😂本身諗住單嗌即刻轉咗，決定一戰放題。八點鐘去到大概有七八枱在等，入到去人未算多。話不多說落單先！總共八張menu，選擇都幾豐富。先寫咗幾樣小菜頂住先，汁炒鴨舌必點！比想像中好食好多，蒜苔甜脆，鴨舌爽口。連不食鴨舌的朋友都食多兩啖。人氣小菜螺肉同鳳爪都幾好食，開胃。刺身就中規中矩，三文魚同帶子肉質鮮美，但甜蝦有少少腥。推薦香芒吉列蝦卷，芒果肉大大片cover係面上，非常吸引！果肉甜，配炸蝦卷真係一流，一人兩件都未够。甜品得三樣，但三樣都好食。紅豆奶凍奶味足，紅豆甜。抹茶和果子軟Q彈牙，好食。上菜速度好快，一眨眼滿枱食物。可惜飲品得茶？有啲單調。放題218得一個半鐘，認真幾貴下，不過食物質素都算係對得起呢個價。

已經有很長時間沒有光顧板長，因為覺得價錢比較貴，而荃灣區日式放題餐廳林立，價廉物美的壽司店比比皆是，板長自然就被比下去了…今次見板長有壽司放題，一個半小時任食每位$198加一，我認為價錢還是偏貴，但板長壽司質素不錯，所以都決定一試啦！身邊很多朋友認為板長放題的種類太少，但我個人就認為已經足夠了，畢竟比較大路的刺身或壽司種類都有得選擇。食物有板有眼，除了壽司飯團我覺得太大件外，整體都不錯。刺身很新鮮，美中不足是不應該把帆立貝刺身切成粒狀的…香芒吉列蝦卷熱烈推介！炸蝦鬆脆，芒果酸甜配搭得宜！炸物不過不失，沒甚麼特別，而且很飽肚呢！放題就不宜叫太多。另外，放題是不包括飲品的，店裡有無限熱茶供應，要凍飲就要另外點了。

已經一段時間沒有光顧「板長」，是次造訪，發覺其食材質素大大下降！店內早已經轉用平板電腦點單，無可否認這的確很方便，亦可讓食客隨時查看已經點選的食物！ 三文魚、帆立貝、赤貝壽司三文魚魚身較薄，口感不強，沒有魚香的肥美口感。帶子不夠厚身肥美，質感平凡。赤貝入口爽脆，但色澤不夠明亮。 西冷和牛、中吞拿魚腩、備長吞拿魚、油甘魚海鹽壽司甫上桌，四款壽司沒有令人欲嚐的驚艷，驟眼看不是新鮮。西冷和牛色澤暗淡，入口有筋，失了一份牛肉鮮味。中呑拿魚腩沒有豐腴肥美的肉質，魚油味不足，較為遜色。備長吞拿魚更不敢恭維，魚身沒有光澤，入口較霉。油甘魚海鹽壽司，其海鹽分佈並不平均，味道帶鹹，蓋過了油甘魚的魚香。 三文魚子、蝦膏甜蝦軍艦三文魚子色澤不夠鮮明，但勝在夠圓渾，雖然鮮味不夠，但起碼沒有腥味。甜蝦爽而不鮮，蝦膏質感細滑且帶鮮甜。兩款軍艦均有敗筆之處，就是紫菜過腍，沒有香脆口感！ 軟殼蟹手卷軟殼蟹炸漿過厚，沒有即製的酥脆口感，而且紫菜變潮，結果咬了一口便放棄了！  鵝肝壽司鵝肝壽司是我喜愛的味兒，經火槍灼過的鵝肝，油潤可口，外脆內軟，一啖入口，彌補了之前的不足！ 三文魚腩、金目鯛刺身三

荃新二期眾多食肆之中，板長壽司名氣數一數二。閒日下午茶價錢更是實惠，大約三十幾蚊就可以飽餐一頓。店內卡位空間闊落，檯的高度也剛剛好。服務員態度好，跟餐快，而食物味道更是令人滿意。炎燒三文魚腩壽司肥美可口，剛巧特價時段，價錢便宜，更值得一試。當中溫泉蛋芝麻醬雞絲伴烏冬（溫）份量十足，伴料新鮮，口感不俗。

我這個sushi monster，今天醒來第一個念頭便是要吃壽司。其實身在香港真倍感幸福，因為一下樓，便可以有數十間日本餐廳任君選擇。今天，不知道為何心血來潮，想再一試一別已兩年的city walk2板長。看到它們瘋狂的推廣，對於食物的質素也沒太大期望。三文魚腩壽司（＄10），芝士炙燒三文魚壽司（＄10） • 三文魚是新鮮的，烙過的芝士也沒有和三文魚格格不入，只是還未到一起溶在口中的感覺。火炙中呑拿魚腩壽司（＄26） • 不推介。沒有呑拿魚腩的魚香，卻只是油但乾。火灸芝士軟殼蟹卷（＄35） • 伏。軟殻蟹很乾，一點也不脆和香口，但芝士相比三文魚的更溶。黑松露油甘魚壽司（＄8） • 不錯。一向也是黑松露的big fans，加了它頓時令壽司生色不少，油甘魚也尚算新鮮。火炙芝士鰻魚壽司（＄22） • 鰻魚也算有口感，未至於很乾很薄，送上來時也有淡淡的炙燒香。芒果蟹子沙律（＄32） • 賣相不錯，唯獨芒果是暗黃色看起來不新鮮。雖然蟹柳和蟹籽也不是貴價貨，但沙律勝在沒有過多的沙律醬，整個感覺也挺清新。待應對於客人的要求也很快回應，但綠茶卻很淡，水亦不熱。