林德記麵食

營業中

休息中

勁唔開心囉，浪費我 quota！剛才有諗過去茶餐廳食出前一丁架麻，咁就好好多啦。今日既辣椒油比平時特別酸既？又唔夠辣。睇清楚我係咪落左醋，又唔係喎。牛腩雞翼河走蔥，麵賣晒迫住要食河粉仲要碎上，要用羹先得。唯一滿意既係香甜腩汁湯底囉，配碎河粉幾好。煲湯雞全翼，質地散霉乾鞋無肉汁又唔飽滿又唔滑！雞翼似豉油多過滷水，而且有點咸又唔清香。平就平喇，HKD40 連杯凍飲。

星期六長週放半晝唔知食咩好，今朝早餐先食左個勁 heavy 腸蛋沙嗲牛出前一丁乍，lunch 食個麵算。又費事落大埔食，食完又要再搭車返屋企，上水食啦。珍苑又執左，上 open rice 睇吓有咩好野食，見食評唔錯，先試街市林德記啦。想試魚蛋點知賣晒，四眼姐姐一再強調有大細碗之分，我最初諗住食細碗再加個淨餸架，既然無魚蛋，咁食大碗囉。姐姐嬸嬸婆婆都熱情有禮地招待，讚。牛腩伊麵大走蔥再加腩汁，多謝 HKD33 蚊，合理價錢。飲啖湯先，香濃柱喉牛腩味，清甜非常，同琴晚學記堅係天堂與地獄！試埋自家秘製辣椒油先，係紅色有辣椒肉嗰種，大大啖送入口！矣？好特別，辣中帶酸甜味道，好開胃！又黎狂撈辣椒油加爽彈伊麵，正！

在石湖墟街市的麵檔中，林德記的名頭可說是最響，老店主現在已經把檔口交給兒子，當中最喜歡他的牛腩米，可說是百吃不厭。點麵時，伙計一定會問顧客要不要加汁，即是加牛腩汁，當麵放在你面前時，你便會見到黝黑色的湯，但喝一口，便會發覺濃稠有緻，香濃入味，再澆點店家自製的辣椒油，即時變得更加惹味，就算牛腩是碎腩，味道沒絲毫走樣，真的好味！

上水是我第二個家。基本上經常也會在這裡搵食，當中上水除了廣成冰室以外，其實還有很多好吃而又在上水略有名氣的。繼西九龍中心外，我會做一個上水特輯。要說吃的當然是石湖墟的街市熟食市場，這裡是上水之鬼推薦的，有不少周刊雜誌介紹過，如果你睇完後想去，請想一想，因為這是一間非常有性格的點鋪，試分享今日之經歷，看看你有沒有興趣。周日正午十二時應該是石湖墟最人頭湧湧之時，基本上人山人海，水泄不通。好不容易找到了位置，然後叫東西吃，侍應會告訴你要等一會，因為多人。的確，這一等是需時甚多的，因為一等足足二十分鐘。當然吃慣了的fans 如我們必定沒有問題，自動自覺乖乖等候，但如果你是第一次恐怕就已經提供劣評一大篇了。不過有時愛屋總會及烏，我也慣了這裡的等待，起碼是坐在冷氣房枱來等，不是豚王或一蘭要企街等。而這裡侍應都彬彬有禮，給人的感覺有禮舒服。這天叫了雞翼雲呑河加腩汁和通菜，雞翼是林德記的靈魂，你應該很難在別處吃到這樣的雞翼，因為他們的雞翼肉質非常淋而且入味，輕輕在口腔用牙及舌去吃已經可以將雞翼骨肉分離，而且味道一流，有強勁的鹵水味，如果你有加腩汁，那化學作用更強，配合雞翼鹵水味，是超級好吃的。雲吞細細

曾在上水住上5年，林德記也是常駐的食肆之一。這天早上因要去睇風水，所以又順道舊地重吃。林德記在上水已數十年歷史，滷水牛腩及雞翼的味道多年不變。黑漆漆的滷水反映出柔光而透香，滷物入口咸香、配合帶米香的河粉確是天下佳品之一！豬手入味軟冧而不會疏散，最適合我這老人; 雲吞還是一貫舊式少肥豬肉饀，可恨是大地魚明顯少了...........其實這種老店出品一向穩定，可惜現時食材來貨水準每況愈下......還是令食味比以前大打折扣的.........

上到街市最上一層十分熱鬧.機本上每一間店都人山人海.位與位又迫.地下又濕.我沒有心機慢慢選食店.只係剛巧呢間店有位就坐下.店內的嬸嬸態度良好.食物選擇有潮州粉麵,也有多士.公仔麵,而潮州粉麵,有大小之分,食早餐的我就選擇小.凍檸茶:茶顏色濃,茶味重.檸檬有5片很足料.味道濃夠凍,解暑.魚旦河:加腩汁,腩汁是店員主動問我,色淡,不鹹.河粉幼滑吸湯.而魚旦亦雪白彈牙,比較硬身.入口有淡淡魚香味.相當不俗.雖則埋單28元不算便宜.但飲品.食物也真材實料.雖則環境服務不夠完美.亦值得一試.

今日又到北區食飯。到左上水區街市二樓食肆同事帶路到左林德記食麵..叫左雞翼雲吞米加腩汁。一個字「正」雞翼好夠味，不過好細隻。加左腩汁湯底好濃。雲吞係豬肉，冇蝦肉，都頗好啦。加埋個辣椒油，完美呀！除左麵食，我叫左煎麵包，$7，幾好食喎，十足小時候婆婆煎的方包加奶，好回味。

之前食過都ok的, 但今天星期六去, 我見到有一個位便坐, 坐著還有兩位食客差不多吃完, 我在不知情下想落order, 但阿姐好惡話"等人埋左單先得喎"我覺得ok的, 兩位亦好nice立即埋單, 點知個阿姐幫佢地埋左單後, 沒有意思幫我落單, 我心想唔通要佢地走左先得....無道埋的...眼見阿姐然後幫隔離枱落order, 然後去水吧落單後都得閒, 同我四目交投過都無意思幫我, 我唔知等乜...唔通真係要等佢地走左先得,,,本來都算啦, 阿姐可能做野辛苦啦. 到同枱食客走左, 我忍唔住舉手示意想落單, 有個束馬尾的中年女人走過來幫我, 我輕聲話"咁耐先有人落單o既", 可能我斯文關係, 佢大聲夾惡高8度: "都唔係好耐啫! "o華! 頂佢唔住! 我心想:你又知阿姑, 我話阿姐幫隔離落都無幫我落, 佢都short, 話人地都係啱啱黎咋喎, 仲話食野啫唔使咁勞氣, 我話你仲勞氣過我喎, 皆因我講一句佢頂十句!...咁我叫米粉啦, 佢大大聲高8度話:"要等幾個字喎, 唔好吹單呀到時!" dd 係咩人? 連新黎食客聽到我同朋友講電話講番都覺離譜!之後我邊等佢地邊係水吧度細聲講大聲笑話咩人都痴線

係一間由中學時代食到大嘅舖頭每次去都一定要ORDER雞翼 / 牛腩，好正!!雞翼好入味，牛腩好'LUM"仲要記得加腩汁/ 雞翼汁，碗麵先至算係PERFECT!!!!食左咁多年都繼續幫襯.....真係好好味!!!不過，如果想星期六、日或者假期去，就要早D......因為好多時中午12-1左右，就無晒雞翼 / 牛腩仲有，要預少少時間等位，真係好多人~每人消費大約$20-30

平時食開珍苑, 但果日唔想行出去, 見openrice有人讚, 就試下呢間, 雖然唔駛等位, 但見枱枱都有人坐, 叫左牛腩河及牛肚河, 個落單女人問我加唔加腩汁, 我話:吓! 已經叫牛腩仲加腩汁, 咁攪笑, 見個個碗湯黑媽媽, 點都加試下先, 跟住仲話要等半個鐘喎, 我心諗, 上水人既特性, 都係煮來煮去都係果幾款, 又唔係大酒家, 都要攪咁耐, 態度又唔係好, 廣成又係咁~ 不過我住係上水咁耐, 習慣晒, 其實珍苑有時都等好耐, 個事頭婆又係串串地.我食牛肚, 老公食牛腩, 但淨係我果碗有菜, 唔知點解??? 初時我果碗聞到有陣陣出前一丁既麻油味, 我以為我d菜加左麻油, 跟住老公都話佢碗都有出前一丁既麻油味, 點知飲左幾啖湯就覺得d味道好熟, 原來湯底就隱隱約約食到出前一丁既味精味, 吓!!!! 原來呢d就係腩汁 不過牛腩同牛肚都幾淋幾入味, ok啦! 雖然有幾多件, 但件件都細細舊, 份量並唔算多, 女人食ok, 但男人可能唔夠.

今日去開上水，於是前一日在Open Rice睇下有咩好介紹，當然今日就去石湖墟市政大廈搵食了。１２點幾去到，一入去見到完整層都係食客，好多唔同既食店，好開心，想每間都試下，不過得我一個人，食得有限，等下次同友人一齊來先試其他食店。今次我就選擇了林德記，搵到位坐低就叫咗碗牛腩、牛肚米粉加腩汁，等多一陣就來到了。很深顏色的湯底，不會過鹹，牛肚有６、７件，細細件，好淋好入味，不過牛腩只見到一件大的，其如既都係粒狀牛腩唔肥，不過都好淋，唔會“鞋”。以＄１９的價錢來講都算係咁啦。至於環境，都可以接受啦，有冷氣，地下又唔會好濕好髒，而且間唔中會見到有雀仔飛入來，都幾有懷舊的感覺。見到其他客人食的豬手都唔錯，下次可以試，而且對面的東莞佬粥店都好多人啊，下次一於同友人來上水搵食一日遊先，呵呵！

呢間我都食左成20年喇 幾歲時係舊街市時已經幫襯緊今日下午去上水食午餐去新街市回味下先叫左大雞翼雲吞河加腩汁(因為我覺得佢D牛腩好痴牙所以唔叫牛腩,可能D精髓去灑D腩汁度,而雞翼滷得好淋,D雲吞又超夾個腩汁)+一枝大可樂落左大量辣油 我覺得每間面店個辣油好緊要 佢個辣油香又唔太辣 碗面好大碗,我又會飲大量的湯底,所以枝大可樂又一次飲唔灑

如果要問我上水街市邊一檔牛腩粉麵最好,我唔知,不過我會選林德記.不如大埔群記,中環九記等清湯腩,此號出品是一般大牌檔所講柱侯牛腩.今日午餐竟然唔想食飯,雖然已經是下午兩點,但依然有幾檯客,出左名果然唔憂做.一場來到,牛腩米少不了,仲要指明多汁.果然一上檯,腩汁竟然令到湯都變成深啡色,呻一口湯,味道濃郁鮮甜,雖然有師傅,但唔多,米粉一如好多大牌檔,比較粗糙,鞋口,不過吸收湯汁之後,即時變得好味得多.再灑點自家製辣油,更加'冶'味.牛腩當然是碎腩,當中亦少許牛筋,炆得夠淋,整體而言,除了賣相之外,是值得一試的牛腩.

呢間鋪頭真係食足三代,以前住係上水一星期必定有三日要食,但奇怪地定必食雞翼河(有時加腩汁),配油菜-通菜(腩汁 or 腐乳),仲要飲支裝凍奶茶,簡直無得頂.間中都會雙併(魚旦 ,雲吞,牛丸),但一定要有雞翼,因為好好味呀-好入味,好冧,好香,d湯好好味,辣椒油又好味喎!!近幾年搬咗出去住,往往返入上水,屋企人一定要飲茶,但今日我實太掛念,自己一個人去食,又係order個三樣野,真係好好味,仲想叫多碗.但一路冇係openrice 寫食評,好有趣地係openrice食評見到有好多人都食豬手,評價亦唔錯,以前冇豬手,唉!唔知要等幾時先可以再食,下次試吓食豬手,好吊引呀!!!!真係好想明天去食.留意:平曰-三點前都仲有得食 ,但到星期六 ,日最好13:45之前否則好多野都會賣晒,由其是雞翼同河粉

林德記我同阿媽都幫襯左差唔多六、七年喇，而家每次去開買餸都會食一食佢 d 粉面。最鐘意叫o既係牛肚雞翼河加腩汁，雞翼同牛肚都煮得又稔又入味，河粉就好滑 ~雞翼係必食 o既！！另外佢 d 多士同飲品都足料抵飲抵食，美中不足就係假日都係好多人，動輒都要等成四、五個字先有得食，所以假日去食的話就都好叫件多士食住頂下肚！