林記小食

營業中

休息中

呢間西貢林記小食好多年歷史，好多時嚟開西貢，有d肚餓又或者食得唔夠飽，就好自然唸到要嚟林記排隊買番幾條腸粉食。位置其實起條好暗的小巷度，但好近小巴站頭。通常都好多人排隊，不過唔洗等好耐。必食腸粉，又滑又抵食，加埋醬料正丫。雖然好多人嗌燒賣，不過其實我覺得燒賣就一般，質感普通，只係可能因為西貢少d小食檔選擇所以先多人嗌。另外嗌左個粉果，都多料既但就有少少貴。如果想坐起度食其實得好少位，同埋唔好預有人會抹枱。

位於「西貢」「高富樓」樓下舖位，「西貢小巴總站」旁邊的小食店「林記小食」，「林記小食」最吸收我的小食食品，是港幣二十元八條的豬「腸粉」。不過後來我在「旺角」購買外賣自取「咖喱牛腩飯」作為晚飯食品，乘坐專綫小巴回來「西貢小巴總站」之後，還需要為晚餐裡面的「雞肉」食品而煩惱。於是我在「林記小食」裡面，購買了一隻外賣「雞髀」食品。「林記小食」的「雞髀」不是以油炸方式，而是以「油浸」的方式製作而成。所以享用「林記小食」製作的「雞髀」食品，不用擔心「雞髀」會因為擱在一旁閒置太長時間，會令「雞髀」的實際口感放涼，「雞髀」裡面的滷水甜味味道也沒有因此變淡。當然，如果食客不是住在「西貢」，又不是考慮購買「雞髀」之後即場享用的話，攜帶「林記小食」「雞髀」乘坐交通工具返回「九龍」、「沙田」或者「將軍澳」的話，就可能要小心「雞髀」肉會完全吸收「滷水汁」。「雞髀」裡面的肉若然把甜味「滷水汁」完全吸收入去的話，吸收完所有「滷水汁」之後的「雞髀」肉實際口感，相對會變得有過腍，稍為欠缺彈性口感感覺了。幸好我住在「西貢」，購買「林記小食」的「雞髀」，立刻步行返回家裡面，享用小食食品「雞髀」，加上主菜食品「咖喱牛腩飯」

餐廳全日禁食好選擇2020-07-30 普普通通唔難食又無咩特別的但勝在老字號1. 魚蛋（無陳皮味，勉強彈牙）2. 燒賣（食唔出魚肉定豬肉味）3. 炒面（唔會太油不過唔熱）4. 腸粉（都係靠醬汁）5. 牛肉球（唔算好大舊，幾好食）6. 豬皮（好索汁）7. 牛丸（無乜特別）叫事頭婆比多啲芝麻，真係會比多，服務算不錯。埋單$73蚊夠2人份量，無落雨可以默默坐係公園同麻雀仔爭食🦜🦜

之前都有睇過唔少文章介紹香港出名燒賣有邊幾間，而林記就係其中一間喇，出名在於每日新鮮手製燒賣；呢一日經過林記時，其實已經同老公食飽左，但都好想試下出名嘅燒賣同平時有咩分別，所以我地都叫左一串試下；由於我食得辣嘅，店員話直接浸埋辣醬比我，第一啖入口覺得比較粉，無咩魚味，始終係被介紹過，所以我地都抱有期待咁去試，確實係令我覺得有d失望嘅不過都有讚嘅地方：個辣醬好香，夠辣夠惹味，如果配腸粉我覺得應該幾好食嘅，如果下次經開都會比多次機會佢，叫腸粉黎試😋

每次去西貢都必而去篤返兩串！食辣既朋友又喜歡掃街呢d地道小食的話呢間小店我最喜歡就係牛柏葉la佢獨有既秘製辣汁真係食我食完又想食辣得好過引果隻！每次經過都會好想比佢既秘製辣玩轉我個舌頭呀！重點係要配埋冰凍五花茶!!下火一流西貢福民路58-72號高富樓地下14號舖

全香港最好味嘅牛丸🍢@西貢林記每次唸起小食, 一定唸起西貢嗰間林記, 老公讀U嗰陣已經成日幫襯, 據說仲係好多夜meow嘅蒲點.•當中一串三粒嘅牛丸係最正嘅🤤, 勁香牛味, 仲彈牙到一個點; 燒賣係幾個姨姨即場包魚肉堅彈堅好食; 豬腸大大舊, 十蚊四條腸粉混醬口感滑滑der.•Menu好多小食, 魷魚🦑, 碗仔翅, 炒麵, 魚蛋...做得好味嘅鋪頭買少見小好彩近屋企隨時黎食都得.•俾錢時無留心老闆講咩原來粢飯擺左向外嘅熱櫃, 返返去老闆都認得我😛. 栥飯超超超級軟糯, 推介!•

西貢林記小食呢個名就咁同人講，可能大家都未必知係邊間，但一講到西貢碼頭食泰國嘢隔離果間小食店，相信好多人都知道，尤其成日去開西貢碼頭船 P 既朋友仔同行山既人。呢間小店大大話話都起碼有十年歷史，比我既感覺都係幾抵食既 ; 今日同朋友行完山之後就黎咗碼頭等車返屋企，見有啲肚餓同重有一段時間先有車，所以就叫咗啲嘢黎食下。叫咗腸粉、燒賣、粉果、豬大腸、豬生腸配秘制醬汁 ; 腸粉薄身之剩幾滑溜，而且十蚊重有四條 👍🏻 大腸同生腸係其他地方都未必做到呢個價，每串只係六蚊炸 😍 而且個秘制醬汁亦幾惹味，唯獨有點美中不足就係個粉果，兩個粉果一夾起嚟啲皮就爛，可惜可惜。

味道比以前差咗，仲要服務態度超差，一啲都唔友善。自問自己有禮貌，都唔知啲大嬸咁冇禮貌，想轉要外賣盒，大嬸超惡態度，一面轉一面鬧，又唔係唔洗俾錢！真係想cancel 唔要！😤

以前我曾經光顧過西貢小巴站旁邊，「高富樓」 樓下的港式街邊小食店「林記小食」。不過以前光顧「林記小食」，多多少少都是因為以前「林記小食」在深夜時段，旁邊還有售賣生滾粥品的小檔攤。反而現在「林記小食」旁邊的位置，深夜時段好像已經再沒有再賣生滾粥品，驟眼看「林記小食」的食品，好像跟以前的食品沒有太大的改變。現在的「林記小食」腸粉，雖然稍嫌腸粉口感被食店蒸得太腍，但是勉強仍然能夠用竹籤挑起被完全蒸熟的腸粉，而且腸粉未有斷裂跌下來的跡象。至於「林記小食」腸粉配備的醬料，包括有甜味的芝麻醬、海鮮醬、鹹味的豉油，還有辣味的辣椒醬。或者是我現在已經食了很多次辣味食品，所以今次忽然想加入辣椒醬進入腸粉裡面。結果我發現「林記小食」裡面提供的辣椒醬，辣椒醬裡面的味道頗辣，辣味是辣到我未能完全接受的水平。我一食到加入「林記小食」辣椒醬，就連甜味的海鮮醬和芝麻醬，都被辣椒醬的辣味所凌駕和掩蓋住。至於「林記小食」腸粉味道其他的部分，海鮮醬和芝麻醬的味道都很甜，而且芝麻醬裡面的芝麻味道還有一陣非常濃厚的芝麻香味，再灑一層芝麻在腸粉上面，腸粉的口感變得更爽口。唯獨是「林記小食」的辣椒醬味道，我覺得味道辣得連我自己也

飛的到西貢嘆完碗太陽蛋沙嗲牛麵，但完全唔夠飽呢！女皇剛才不合口味，仍然肚餓要黎補補倉。上船前食多碟腸粉就差不多，其實都想食埋豉油雞髀，如果太飽就唔好啦！食飽飽可以安心出海喇。見餐牌寫住雞脾？從來未食過脾臟，什麼味道呢？腸粉，四條腸粉只 $10 蚊夠經濟。混醬才是精髓，有點孤寒不夠大量，未能將所有腸粉撈得均勻，辣醬甜醬麻醬芝麻豉油！蒸得透徹無馬虎，熱辣辣彈彈嫩滑充滿米香，不硬不粉無異味。混醬甜辣咸香共冶一爐，融合得天衣無縫。腸粉，混醬走辣醬，女皇不吃辣的。沒有辣味即時大打折扣，蒸得不夠時間？微溫粉硬兼備，不嫩不滑極度失望。魚蛋，只暖不熱，硬實咸咸地。粉果，超強油術滿口油，餡料空盪盪，只食到粿皮味道。牛柏葉，爽爽沒有味道。水魷，脆卜卜淡如水。所有味道全靠濃濃沙嗲汁，甜而不辣，添味不少。

喺西貢等車嗰時太肚餓，就喺附近搵咗間小食嚟試下，佢就喺正巴士條馬路7仔隔離 地理位置好方便佢仲要係第一間舖 我叫咗 20蚊腸粉有八條連埋個外賣盒 仲嗌咗兩串燒賣同埋一串魚蛋佢個燒賣好好笑口 腸粉都好滑 而佢個辣醬都好好味唔算太辣。

第一次試林記小食，叫左魚蛋燒賣加辣汁。魚蛋普普通通冇乜特別；燒賣同出面嗰啲有小小唔同，外型長身小小，中間透透地，有小小魚味，唔會話一舊粉咁。十五蚊過下口瘾都可以啦。

林記小食 真係由細食到大近10年好多時宵夜都係佢，睇住佢慢慢變差。加價唔緊要，食物質素都愈嚟愈差，食物嘅原材料一定係換咗其他選擇。通常去親都係食腸粉燒賣加腸仔腸粉：蒸到太冧 有時仲好爛  醬料正常  個甜漿帶酸唔太好燒賣：以前食燒賣大粒彈牙，而家佢嘅燒賣好細粒  食落好似麵粉咁，痴住個口一PAT咁  好失望但係辣汁係自調 好味的。腸仔：普通腸一條  裹腹用順帶一提呢間小店一直態度都好差咖喇，無論早更晚更，啲阿姐好似想鬧你咁。但係食物以前係OK所以冇所謂，但係而家No way 喇 

朝早入黎西貢食個快早餐係得哩度，地點超級方便而且全部都係輕食，去茶餐廳嗰d 又驚食得太飽其實之前都食過一次，嗰次食腸粉+燒賣，腸粉冇乜特別，但個燒賣我印象中都幾難食下之後前幾個月見到d 傳媒又報道邊度邊度又有手工燒賣，哩間竟然係其中一間，於是我再比多次機會佢，買串燒賣黎試下點手工法，睇下係佢出左問題定我味覺有問題口感方面係一d 都唔彈牙，食落好似d 肉霉霉地咁，冇魚味，手工仲差過機造，你都係入貨把啦，真係唔好食囉

去西貢梗係去行山啦，但係行山又驚肚餓，雖然出門口之前已經食左少少野食，但之後搭車搭左搭左咁耐車，到西貢之後通常都會再食少少野先出發，如果再食個正餐就太誇張啦，可能食到兩、三點都未上到山，所以就求其搵d 小食啦，比如呢間嘅腸粉同魚蛋味道都還好 ，價錢以西貢嘅餐廳黎講算好好合理。不過，因為價錢比較平，所以對用餐環境唔好要求咁多，d 位都只係摺台同摺凳，而且可能唔夠位的話，就直接拎住企係到食一食就好，仲可以快d 食完就出發。