林記車仔麵

營業中

休息中

🇭🇰林記車仔麵·呢間車仔麵係我細佬推介嘅 我之前一路食開都覺得唔錯 但係之前covid嘅時候唔知係咪去流慢左 我覺得嘢食質素好似差咗🫢不過我哋早排再去食 佢就好食翻啦 宵夜食佢真係超滿足😍😍·三餸$41 l 四餸$46我從來都唔知呢間係點計錢既🤣因為每次排到我嘅時候都好趕 所以都係姐姐話幾多錢我就俾幾多🤣🤣我自己鍾意嗌一個有咖喱汁嘅嘢食 咁樣個湯底會豐富啲 好食超多😈我今次就嗌咗咖喱魷魚 佢呢個份量好多 但係我自己就覺得口感一般般 唔算話好好🦑反而蘿蔔就好大舊 好甜 而且嗌蘿蔔嘅話佢個湯底會甜超多🥰之後佢個雞翼都好啖啖肉 都唔錯 個滷豆腐索晒湯都好正🤤係個腐皮卷同我想像中有啲唔同 佢係好似魚春卷咁嘅 唔係脆身個種🤣🤣最後我哋見前邊個個人都嗌韭菜餃 又跟住嗌 佢呢個真係幾飽滿既 入面好多韭菜 不過好似就冇咩肉咁 所以我自己覺得口感無咁正🥟🫢·#rbyeat#rby西餐#rby尖沙咀·📍西灣河筲箕灣道57-87號太安樓地下A12舖

係西灣河做完嘢肚仔餓，梗係去太安樓醫下肚啦林記車仔面係我最愛今日叫左米線底，3個餸，冬菇（勁入味好味到癲），紫菜（唔會一夾就爛），咖哩土魷（必食）。一路食一陣陣滷水豬大腸香味傳入我的鼻，有一刻衝動想叫多個餸，不過要留肚食晚飯唯有下次食啦

▫️心目中排名No.1既車仔麵🥇 姐吃的不只是美食，而且是回憶🥰 由中學食到而家，基本上去親都必定見到大排長龍🧐 ▫️排隊既時候諗定食咩餸就岩架喇‼️ 因為超多餸揀花多眼亂👀 車仔麵檔有堂食位置，但比較窄同細，所以多數選擇外賣返屋企慢慢嘆😋🍜 菜底淨4餸 $47▫️諗住唔食咁多澱粉質就揀左淨餸菜底🥬 要左通菜，配豬頸肉、辣味齋、豆腐、冬菇🍄 重點係個花生麻辣醬‼️ 辣辣地惹味得黎又香，簡直係成碗湯既靈魂😍 ▫️啲餸索晒湯超入味🤤 每次都要逼自己忍住唔可以飲太多湯因為怕肥🫠 (最後好似唔見左半碗🫣)▫️價錢方面每次都唔識計😂 因為每款餸都唔同價錢，但太抵食，可以唔洗睇價錢任嗌🤭 而家望返張相又開始流口水了🤤

太安樓出名車仔麵，經常出現外賣食客人龍，裏面座位較為擠迫，都係外賣好d。Order左2碗3餸車仔麵 :湯底：紅薯粉咖喱汁3餸 ：牛柏葉、雞翼尖🐔、司華力腸咖喱汁味香濃🍜，d汁索曬入紅薯粉，同d餸度，好入味。3個餸都足料，司華力腸原條上，牛柏葉有口感😋湯底：牛腩汁3餸：魚蛋、豬皮、牛腩都係足料之作，魚蛋彈牙，豬皮好入味，牛腩大大件，不過有點韌😅但整體不錯😋鍾意佢嘅食物選擇種類多，每款汁好惹味。見到啲咖喱魷魚唔錯，下次要試吓先.........🤗

嚟到太安樓美食集中地，偏偏只想靜靜地食一餐飯。-距離地鐵站約5分鐘的林記車仔麵開業多年，以街坊生意為主，長期有人龍，幸好假日中午都排得好快，由落單、取餐、付款，過程唔使5分鐘。-鋪面簡陋，冇設計感，招牌下清晰列好所有餸菜同價錢，爐面上擺滿餸菜，即叫即煮，值得一提嘅係店舖列明嘅餸菜同爐面上擺滿嘅餸菜係唔一樣。店員四個，各有分工，服務正常。座位唔多，擺放喺店鋪外，坐得唔舒服，燈光暗，大部份食客係外賣自取。-三餸車仔麵（時菜、大腸、豬頭肉） $37湯底係深啡色，唔香。麵底係粗麵；時菜係西洋菜；大腸大件，有嚼口，味道正常；豬頭肉係餐牌上冇寫，滷得入味，肥肉唔多，豬耳厚，爽口，味道唔錯。-整體而言，麵餸份量多，味道正常，同區比較性價比正常。

三餸車仔麵（$52）🍜魚蛋、豬耳、芝士腸米線、腩汁湯底賣相：🐧🐧🐧🐧味道：🐧🐧🐧車仔麵和湯以透明膠碗盛放，膠蓋頗實不算易瀉。車仔麵有分湯另上，防止米線浸得過冧發泡。各項車仔麵餸、米線量適中，一人飽肚剛剛好。味道方面，腩汁湯牛腩味一般，略嫌油膩。咖喱魚蛋有咖啡味，但不算辣。入口尚算煙韌彈牙，麵粉比例較多。芝士腸外皮薄脆，內裡略嫌芝士味不足，鹹度適中。豬耳爽口彈牙有嚼口，滷水味足，十分不錯。米線軟硬度適中，不會一夾即斷。外送等候時間：🐧🐧🐧在平日下午5點幾下單，約需時35分鐘，跟預計時間相約。🐧❤️結語：中規中舉的車仔麵選擇。

去西灣河覓食，大部分人都識太安樓。😆去太安樓覓食，大部分人都識林記車仔麵😆佢夫妻檔經營幾十年，除咗老一輩嘅西灣河街坊，街知巷聞同受歡迎程度大到連中環返工嘅朋友仔都特登午飯時間過嚟幫襯🙂😲林記農曆新年期間休咗六日息（掛死人咩😅）,一放完假立即食返碗止下癮先😁花多眼亂🧐，好彩老公係度，可以叫啲餸。老公點了豆卜，響鈴，豬皮。我自己點了豬耳，魷魚，牛筋，墨魚條。每一款都好好味🥳。鍾意吃辣的朋友記得一定要試下林記嘅辣椒油🌶，夠辣，好香👍

乜嘢驅使你戒緊澱粉質但五日裡面食兩次車仔麵?!就係 太 好 食 呀 ‼️佢性價比超級高之餘仲要係黃店💛有水準嘅良心小店真係少之有少呀真心!.真·良心小店 $40 大大碗!我兩次都有叫咖喱雞翼尖!因為好入味! 我又鍾意噒骨😂佢仲 起 碼 有 十 隻😱會唔會太抵!!其實佢樣樣餸嘅份量都好多🤭冬菇、蘿蔔、滷豆腐、豬紅…全部都係五大嚿或以上!!!全部都係好入味😍我淨係數到牛膀得四嚿同埋腐皮卷得一大嚿!係呀! 你冇睇錯呀!! 真係車仔麵有腐皮卷呢味餸呀😂好食㗎!!! 試過之後你就返唔到轉頭😌.其實係你試過呢間車仔麵之後，好難搵到一間性價比一樣咁高嘅車仔麵💛

我想用埋D消費券，所以揀左用openrice 平台落單外賣自取。幾時路過都見到有人排緊隊，幫襯左好多年。可以講得上係好地道快靚正。用openrice外賣自取諗住落去即刻有得拎走，結果只係我到左之後佢優先整俾我。(有種合法打尖的感覺。) 不過都啱嘅，如果唔係D麵淋左會唔好食。不過我今次係叫淨餸牛柏葉太硬，其餘 牛肚、蟹粉包、腐皮魚條都好好味。加左腩汁同咖啡汁，正！不過最失望係個炸魚皮，原來只係四洲 …… 呢包嘢加9蚊買嘅。取餐號碼001，即係今日第一個用openrice叫餐嘅客。

Lunch又搭叮叮周圍食🤣黎到太安樓食林記車仔麵💛四餸($40)風味十足✨✨叫完坐係鋪頭出面啲大排檔枱櫈食，姐係走廊🤣一路食一路標汗🙈想試好多野所以叫佐四個餸🤩🐷紅蘿蔔牛腩韭菜餃油麵🤤蘿蔔牛腩超入味超甜又無渣💕💕韭菜餃脹卜卜勁多餡就黎爆皮十級足料‼️又平又好味 一定會encore🌟🌟🌟為食指數: 4/5性價比指數: 4/5推介指數:4/5

嚟太安樓掃街，點可以唔食返碗車仔面，呢度既車仔面好多款式選擇。我地點左一人一碗油面，有豬大腸豬紅豬皮牛根魷魚等，所有都好味，好足料，湯底好濃，比較咸，油面有少少簡水味，雖然食完真係會口渴，但咁先係車仔面既特色！

真食評真分享 食過先至寫!太安樓40多餸車仔麵老字號 走鬼檔入鋪好多年了 年中無休而家2代接手!街坊價薄利多銷除左平 出名選擇多 阿姐仲好大方架!有時夾多左都唔出聲!豬腸 滷雞翼 豬油渣 牛腩 招牌手工菜餃 全部都很好食平民價錢食到超大碗麵 CP值超高!!林記現時兩餸麵最平賣28元，三餸都賣33元起，四餸售38元起林記夫妻檔經營超過三十載 由當年街邊火水車仔檔到今天店舖經營為街坊所熟悉支持 秉持一貫價廉物美作風一天到晚人流不斷 夫妻二人依然堅持親手製作美食 地址：西灣河筲箕灣道57-87號太安樓地下A12舖平均消費$40評分7/10

太安樓出名多野食，但餐廳都轉得好快，每隔一排去就會唔同左，不過入面有幾間舖已經做咗好多年，車仔麵就係其中一間。我今次點左豬腸、魷魚、水餃油麵，麵質唔錯，而且份量充足，豬腸同魷魚不過不失，至於餐廳推介嘅水餃就當然皮薄又多料。食車仔麵最重要嘅係湯底，呢間都算唔錯，唔會好咸，而且唔係味精湯，食完都唔會好口渴。不過其實食呢間車仔麵最重要嘅係食佢嘅自家秘製醬汁，正正就係放喺枱上面嘅辣椒油，侍應會提醒你唔好落太多，因為真係好辣，另外值得一提係餸方面有豬油渣揀架，依家真係好少舖仲有架！

夜晚睇完戲又到太安樓搵野食，夜晚去到依然咁旺，今晚就來左林記車仔麵食，九點去到都仲係咁多人幫襯，去到需要等位排隊點麵餸，都花了點時間，價錢平相當吸引和味道唔錯，CP值高唔怪得咁多人排隊，餸菜選擇多，見到D餸陳列晒出來，真係花多眼亂。碗麵有送埋生菜感覺抵，我叫左四個餸一粗麵，粗麵份量足和無鹼水味，湯底揀左清湯甜甜地都有味，韭菜餃大大粒飽滿餡料多，鮮腐竹軟身但份量比較少感覺唔抵叫，芝士丸都係一般平時食開的，豬紅有味唔算彈牙但都幾多粒下，車仔麵相當抵食但唔算特別好味。

星期日下午來到兒時成長之地 - 太安樓，品嚐一下聞名已久的林記車仔麵。太安樓現在大部分店鋪也入了舖，沒有以前的推車仔，所以整個商場沒有以前火辣辣的熱力，但卻少了地道風味。太安樓內只有一檔是食魚蛋燒賣，其他的都是一些麵檔、三餸飯、及台灣食物為主。記得以前掃街有魚蛋、燒賣、炸大腸、炒粉麵，現在風味減了不少，感覺有點失色。林記車仔麵的食物選擇繁多，我們一行二人 選擇了一個有麵底，而另外一個是菜底。有面仔的選了三個餸魚皮，墨魚丸、魚皮餃和大腸，而另一碗菜底，選配了牛腩和蘿蔔。先試一下湯底，清而不咸，感覺沒有下味精，飲了幾啖沒有口渴的感覺。粗麵份量很足，有個半面餅，大腸沒有屎臭味，份量很多，墨魚丸食落去的感覺有點像白魚蛋，但也有少少墨魚的味道，魚皮餃正常。而另一碗菜底的份量很足，蘿蔔炆得淋，牛腩有點韌，可能是材料本身麻麻。兩碗食物一共64蚊，超值，有下次。