林記車仔麵

營業中

休息中

聞名已久嘅 #太安樓，#小秘書 由 #首領 嘅帶領下，呢日終於嚟到👀 本來話咗去試 #海南雞飯 嘅我🍚 未行夠兩步，估唔到已經被門口間 #林記車仔麵 迷惑咗🥴 ... 唔緊要啦，來日方長吖嘛😏#首領 事先聲明，#林記 嘅食物份量唔少，千其唔好叫太多... 不過 #小秘書 對住面前面嗰十幾廿款 #車仔餸，又點會認得住口🤪 由於 #小店 人手唔多，如果要留抵喺 #林記 度食，大家就先要喺門口排隊點餸/麵，比埋錢之後 #阿姐 就會安排大家坐抵... 等食😋 #首領 果然唔呃人，嗰碗麵 #真係大到一個點😮 不過 #食物 跟 #湯底 味道未見突出🥢 #芝士丸 似乎一早整起，我食嗰時個芝士丸心仲係凍嘅、#牛腩 好肥，口感唔得... #油麵 總算正常😉 #眼闊肚窄 嘅 #小秘書，好努力... 但依然食淨1/3😝 認真... #罪過 罪過！

聽好多人介紹過哩一間車仔麵店，今日一場黎到西灣河咁一於試下喇。其實價錢唔算平，但絕對係可以接受範圍，而且份量好足，男女都絕對會飽🙆🏻‍♂️🙆🏻‍♀️。一共叫左三樣餸，包括豬頸肉🐷、咖哩魚旦同韭菜餃🥟，再配米粉加腩汁多青。湯頭甜甜地，加左台上既秘製辣椒油，真係好惹味。而且由於加蔥方面，老闆娘一啲都唔吝嗇，對於蔥愛好者既我真係食到舔舔脷😋。至於餸菜，魚旦就普普通通，唔係好入味；韭菜餃好飽滿，餡料好充足；豬頸肉先係精髓，醃料好正，甜甜咸咸好似叉燒咁，肉質唔肥帶有少少筋性，爽口唔韌好味！👍🏻整體黎講唔算超級驚喜，但絕對係小店誠意之作。

以前收工好鍾意去食林記車仔麵，湯底美味，配料都唔錯。但而家冇去一大段時間，好似質素差好多。首先以前濃味嘅湯底，今日飲到嘅係越飲越清淡的湯底。我嗰碗叫咗豬手，台灣腸同豬皮。豬手係爽彈嗰款，彈到我都咬唔到咁滯，味道欠奉。豬皮都係爽口， 淡淡咖喱味，但係都唔夠味。台灣腸係水煮的，冇乜特別。朋友嗰碗叫咗冬菇，豬紅。冬菇細細粒，都係無乜味，好似清水煮的咁，淨係食到菇嘅青味。豬紅有味少少，但都同以前比係唔夠味。

又來到美食之都，朋友介紹林記車仔麵，餸的種類很多，而且價錢相宜，今次便親身試一下。 店舖門口已張貼各類車仔送，應有盡有，一時間很難做決定。但今日想食得清淡點，我叫了三餸一麵，包括牛柏葉，蔬菜魚餅和紫菜，32蚊。車仔麵的湯底屬一般腩汁，沒有特別。 值得注意店內的秘製辣醬，有驚喜，又香又辣，加進車仔麵內，加分加分。不好辣的朋友仔，相信也會一刻愛上。而車仔送的份量很多，以這個價錢來說，cp值很高。不過吃完車仔麵後，有一點口渴，但個人覺得仍可接受。

太安樓食過好幾次架啦，不過哩間車仔麵就第一次食啦行到去舖頭門口就知哩間車仔麵並非池中物啦，多人到啦，條隊長到轉左幾圈見樣樣都想食，一於嗌淨餸沙爹魷魚，蠔油冬菇，豬紅，腩肉，蘿蔔，西洋菜一碗滿足哂您既願望呀有嗰後生啲既好職員，服務態度好好，應該係老闆嗰女？佢問我地係米第一次黎，我地話係喔，佢直頭會帶埋我地人黎座底，再問我地要唔要試下嗰沙爹湯底好正架，佢既熱情同埋殷勤嘅招呼完全令我覺得自己唔係食緊車仔麵講番啲野食先，我最鐘意就係嗰蠔油冬菇，真係好入味，好好食，嗰腩肉都有驚喜喎，一層肥肉一層瘦肉，比例係五分二度，唔會覺得好多肥肉

太安樓的食物一向十分出名，這次嘗試了這間車仔麵店。這裡的車仔麵餸選擇很多，而且都十分美味。我選擇了魷魚，台灣腸和雞翼尖。每碗麵都配有時菜，車仔麵的湯底亦味道濃郁。十分抵食！

今日去北角上曲奇班, 特登去太安樓掃下街再hea cafe先. 巴士站exactly係太安樓第一街嘅入口, 係兩條”街”有齊超市日用品, 唔少得嘅當然係好多間美食小店啦!牛腩, 豬大腸, 魷魚🦑米粉 (HKD32)喺鋪頭隔離開左幾張枱可以坐低食, 先揀麵(出前一丁同烏冬都有) 再揀餸, 豬大腸口感林林的處理得好乾淨, 牛筋腩入味, 魷魚都好爽脆, 湯底又好味, 仲有西生菜附送, 整體感覺唔會勁油, 而且好多款餸揀, 一到lunch時間勁多人排隊.

講到香港既美食，除左魚蛋，雞蛋仔呢d之外，就梗係要數到車仔麵。而講到車仔麵，你可能會諗起榮記，文記呢d，但我話比你知，講車仔面一定要識呢間太安樓林記！日日下晝開始排哂長龍！抵食！好食！超值！你講得出既餸佢都有，仲有菜送！冇得輸！

無啦啦好想食車仔麵...... 嗌左個豬紅蘿白雞翼 米線 要雙汁（咖喱汁+腩汁）。食豬紅 真係唔係間間好食 但林記豬紅唔腥 再加埋湯底的確幾好食 。。 另外 個蘿白又甜又淋 好明顯係浸左好耐 所以先咁入味。😍😍 湯底好味，但好似冇以咁好味 個咖喱汁好似冇咁濃 。我見到佢而家多左沙嗲豬頸肉 同埋其他新餸 下一次要再黎試下 環境雖然較細，但我坐係到堂食時，見到大部分人都外賣（可能係住係太安樓） 價錢非常合理 30蚊 已經食左一餐晚飯啦。

近期好like 食車仔麵，適逢今天是觀音誕找素，來了林記食各式其式的車仔麵。點了一個清湯底冬菇蘿白米粉，冬菇入味，蘿白爽口無渣，還有小小菜底，吃落非常清淡，一點都不油膩，非常like 呀

西灣河的蘇豪東好多人都聽過，但西灣河真真正正的（街坊版）美食發源地非太安樓莫屬。太安樓地下是一個非常舊式的小型商場，業權非常分散，早年又管理不善（甚至可能無法有效管理），環境非常惡劣，無牌小販佔據商場內的通道；由於是私人地方，政府各部門無法作出檢控。印象中，直至10多年前，通過政府各部門、區議會及時任的大廈業主立案法團攜手協力整頓，情況才得以受控。直到今天，這個舊式商場的環境總算得以為人接受。近日經常在西灣河出沒，決定逐步進擊太安樓。今晚因緣際會一家三口要食外賣，就由筆者這個一家之主肩負起買外賣的責任。於是，同一晚進擊了太安樓三間食店，筆者的晚餐就揀了「林記車仔麵」。講起來相當奇怪，西灣河都算係港島區一個老區，而這些老住宅區總會有多間港式小食店，但西灣河竟然只得兩檔專賣車仔麵。可能因為沒有太多選擇，「林記」都有幾個人在排隊。不計入了舖的車仔麵店，舊式車仔麵檔當然沒有餐牌，所有車仔餸款式陳列眼前。價錢呢？「林記」就逐樣列明、並印刷在一張塑膠橫額上面，然後掛在車仔檔門頂。當然，開業幾年下來，車仔餸定期加價，檔主不願、也不可能不斷地重印塑膠橫額，結果只俹簁地每次調整價格，就在塑膠橫額貼上一張

原來太安樓有好多隱世小店( ̀⌄ ́)今次經朋友介紹食呢間車仔面，佢好多料簡，即叫即煮，咁就食得安全，吾驚肚痛啦叫左韭菜豬紅+大腸，好好味呀，都係$38大大碗，佢有室內室外坐，其實坐室外都幾有風味，真係好有質素( ^ω^ )吾介意環境既其實真係吾錯

呢間車仔麵檔雖然舖位唔大，位置亦都唔係好起眼，但佢嘅車仔麵一定係太安樓嘅必食美食之一。今次我地叫咗油麵配腩肉、牛柏葉、豬手同埋冬菇4款餸，而湯底都係常見嘅腩汁。最驚喜嘅就一定要數豬手，夠哂爽口入味。整體味道唔錯，價錢亦都合理，40蚊都唔洗！～呢碗韭菜豬紅亦都好抵食，可以見到成碗都係豬紅！韭菜唔單只可以辟走豬紅嘅血腥味，連埋一齊食，仲可以一次過享受到豬紅嘅嫩滑同韭菜嘅爽嫩。 講咗咁多，其實個湯先係重點，味道濃得嚟唔會覺得鹹，特別滋味。

今日去了西灣河的香港電影資料館看戲 ，看完之後肚子餓，所以我們逛一逛附近有什麼好食的地方，在西灣河地鐵站的對面街市有一些食肆，第一間是這間林記車仔麵，雖然環境一般，但看到牆上有許多受訪的報導，心想食物應該不錯，所以就入了鋪入面，我們點了好幾款車仔麵例牌餸，豬紅、豬腸、豬手、魚旦、韭菜等，外表是平常不過的車仔麵，但放入口後味道也不錯，再加少少辣醬，惹味無窮。再看看牆上一些和明星合照的相片，其中一張是蔡瀾飲食節目，相片標示日期為2008年，我再問問這裏的負責人，原來店舖已有30年，對我來說，這裏雖然沒有裝修，感覺殘舊，不過卻保留這種傳統風味卻又是少見。我不是住這區，如果下次再有機會到這區，我會再一嚐這老店美味的車仔麵，感受一份親切感。

悠閒嘅星期日，同老公黎到筲箕灣睇戲。睇完戲，已到晚餐時間。難得黎港島，梗係要去西灣河嘅美食天堂<太安樓>覓食啦。「林記」住港島東區嘅朋友，應該無人會唔識，唔少明星，飲食節目都有介紹過，所以門口成日都人龍不斷。以前住港島區，曾幾何時係我宵夜飯堂。2餸$25，3餸$31，4餸$37車仔麵湯底重要唔在講，餸嘅選擇重要多。多。多。多。。3餸 - 豬紅，豬大腸，蘿蔔 配河粉平日嘅蘿蔔好好食，好清甜入味，今日有啲失準，有渣~ 豬大腸肥膏不多，豬紅好入味。嗜辣嘅我加多兩匙辣油，更加惹味。4餸 - 紅腸，齋，腩肉，豬大腸 配油麵豬大腸肥膏不多，紅腸，腩肉同樣好食，推介齋，索埋湯汁勁好食。