架勢廚房 (Wetland Seasons Bay) (已結業)

叫左韓式炸雞、韓式五花腩配生菜、泡菜炒飯、滷水雙拼，送到上黎真係以為俾人偷食左啲份量少得驚人，唔知賣30幾蚊果啲小食黎到會唔會得1，2舊呢滷水雙拼呢盒野收130幾蚊，加埋都唔知有冇十舊肉其他果3樣就不過不失啦。日日都叫外賣呢間第一次叫，見佢menu咁多野食以為搵到間好餐廳，點知第一次亦都係唯一一次最後公道講句，除左份量之外味道唔算差既，但就真係趕客啦，見你地menu成隻豬手都唔洗130蚊，偏偏一盒130幾蚊既雙拼得幾塊豬手

最近見呢間主打外賣的店開了好多分店懶惰的我 買個外賣回家 呢個價錢都好抵食 開業優惠仲要有85折💫佢好多選出 花多眼亂 有唔同的菜色 : 新加坡 日本 韓國 台灣 川菜....🔸日式黑咖哩雞扒飯 $53咖哩係唔辣既 仲有d甜甜地雞扒相當入味 飯都幾多 係用了日本米🔸炸甜不辣片 $24原塊魚餅對半切 仲配有甜辣醬呢個價錢黎講 份量須多🔸炸韭菜盒子 $32中間是有冬粉 肉 菜反而韭菜味唔太出🔸惹味塔香鹽酥雞 $32🔸夜市蒜香辣味大雞排 $32味道較淡 但炸得幾好 唔會好油膩🔸芝士肉鬆蛋餅 $32有拉絲的芝士 肉鬆也幾多蛋餅煎得香口 似係台灣的早餐店🧋炭培烏龍珍珠奶茶 $20🧋蜜桃四季春果茶 $17飲品個樽好特別 炭培烏龍 同 四季春都係用了台灣茶葉沖泡🍮黑糖芋圓仙草 $24太抵食既仙草糖水作結 芋圓都好有口感.📍架勢廚房 Hey! Kitchen📌多區 超過10間分店

架勢廚房 (Wetland Seasons Bay) (天水圍)天水圍濕地公園路1號Wetland Seasons Bay地下14號舖天氣凍，不想外出用餐，也不想自己煮，首選就是叫外賣。最近濕地公園附近開了一間新潮外賣店，不是平時見到的兩餸飯，而是綜合韓式、日式、和中式的外賣店，裏面還可以吃到台式甜品和手搖飲品。一家三口由前菜、主菜到甜品，吃得飽飽的也只是二百幾。台味晚市套餐$61* 鹽酥雞香腸便當 鹽酥雞炸得香脆，雞肉嫩滑，香腸很有台灣的風味，就像是在台灣旅行時的夜市吃到的，鹽酥雞也貼近台灣的味道，令人一時就會想起在台灣旅行的美好日子。* 可樂（免費配一罐飲品）* 芒果荔枝爆珠紅茶（另一個餐半價享用飲品） 荔枝味濃郁，大少少芒果甜香，重要的是爆珠卜卜脆， 十分過癮。星洲美食晚市$58* 可口可樂 手撕雞冷麵西（麻辣口水汁）冷麵彈牙，配上惹味的麻辣口水汁，難道其實是挺辣的，但喜歡吃辣的人一定會覺得很過癮。日式煎餃子（配柚子醬汁）$32煎餃子皮薄餡靚，內裏肉汁滿滿，外皮煎得香脆，點上特製的甜酸醬，吃過返尋味。明太子雞翼（3隻）鹹香

今日收工冇煮飯🤣去咗Hey!kitchen架勢廚房叫外賣🥡分店剛剛開張，有八五折食物種類選擇好多，有韓式、台式、日式、港式仲有四川麻辣干煱，一次過滿足晒咁多人嘅口味啊！特別推介台味晚市二人套餐🥡超抵食先揀兩款便當，鐵路🚞滷排骨便當每款便當嘅份量都好多，排骨非常香口唔會有好多骨，啖啖肉鹽酥雞香腸便當🍱鹽酥雞即叫即炸，口感香脆另外仲有配菜，椰菜同酸瓜等等另外加咗個小食，芝士肉鬆蛋餅雖然比較薄，但係入邊嘅餡料都好多肉鬆蛋餅，鹹香味十足🥰另外日式和風牛肉配溫泉玉子丼💕必叫！和風肥牛幸肥牛汁，真係好滋味呀用咗日本珍珠米，將溫泉蛋吉穿拌勻蛋味香濃之餘好滿足呀！呢個套餐仲配埋日式麵豉湯添！另外，加咗個日式小食唐揚炸雞炸雞嘅炸粉比較薄，淡淡都係肉沾日式芝麻醬，好滋味呀🤩

是日去濕地公園，去完睇下附近有咩好食，發現到呢間外賣店，新張期內有85折，價錢唔貴又多野揀，一於買返屋企試下。餐廳有好多菜式選擇，川、韓、台、新加坡菜都有，對有選擇困難症嘅我真係又一個考驗。台味晚市二人套餐 :一入去已經俾呢個二人餐吸引到，83蚊有兩個便當加飲品，真係相當抵。古早味滷肉便當 :一打開已經見到飯上面鋪滿滷肉，非常足料，滷肉肥瘦均勻，滷得好入味，撈飯食一流；配菜有滷蛋、椰菜、醃青瓜及酸菜，可以減低油膩感。鹽酥豬排便當 :未開盒已經聞到好香鹽酥味，豬排都幾大塊，炸得好香口，食落都幾多肉汁，味道唔太鹹，亦唔覺得油膩。二人餐加錢可以配其他小食，我地分別加咗滷肉青菜及台灣香腸；滷肉青菜份量比想像中多，椰菜入口爽口，吸收咗滷肉汁後份外好味。台灣香腸配生蒜 :個人一向都好鍾意食台灣腸，香腸外皮烤得香脆，切成一片片方便入口，配埋生蒜食感覺更香。韓烤便當 :有五花腩/牛肉或雞肉可以揀，我地揀咗雞肉，雞肉用韓式醬烤過後，味道甜甜辣辣，非常惹味；配菜有醃蘿蔔、涼拌大豆芽及芝麻菠菜，好有韓式風味。韓烤豬串 :套餐加26蚊有三大串，豬肉微烤過後帶焦香，食落鬆軟多汁，配埋韓式辣醬，辣辣地相當刺激。泡

好多人都話天水圍係美食沙漠，講真，住左係度咁耐，真係覺得附近無咩好野食。早幾日見到有鄰居拎住兩大個橙色紙袋外賣，就問佢係咩黎，原來濕地公園附近開左間外賣店叫「架勢廚房」，今日同朋友去完濕地公園，就趁機買返屋企試下啦。係外賣店黎講，選擇都算多，有一人餐，二人餐，單點食物，飲品及甜品。我地一行四人，叫左兩個二人餐，再加小食，甜品及飲品。二人餐開業優惠下只係$83，有兩個主食同兩款罐裝飲品，亦可以加配小食。主食方面有5款，兩個二人餐下我地揀左四款，分別係古早味滷肉便當、酸辣雞排便當、鹽酥豬扒便當同鹽酥雞香腸便當。每個便當除左有白飯同主食之外，仲有菜，醃青瓜同糖心蛋。古早味滷肉便當：滷肉好多汁，肥瘦肉均勻，送飯一流，非常開胃，同係台灣食到嘅真係好相似。酸辣雞排便當：雞排炸得外脆內軟，層次非常豐富，就算外賣返到屋企都依然咁好味，配埋酸辣粉，簡直一流。鹽酥豬扒便當：鹽酥豬扒炸得香脆可口，食落外脆內軟，入口鬆軟多汁，唔會覺得油膩。鹽酥雞香腸便當：鹽酥雞肉質嫩滑，椒鹽味剛剛好，好有台灣夜市食到嘅風味。香腸亦都係我喜歡嘅台式小食之一，味道甜甜地，同鹽酥雞一齊食真係非常夾。配菜方面除左有菜同醃青瓜之外，仲