柴太郎咖啡店 (已結業)

一入到去就係淺藍色牆 空間又足夠 首先就會俾到人舒服同放鬆嘅感覺 其次係員工都非常有禮貌同親切 雖然我今日去就見唔到柴犬 但我對上一次嚟個陣就見到佢 仲同佢玩左陣 心情就好上加好 食物方面 呢個價錢我覺得差唔多了 每樣野食都好好食啦總之 絕不馬虎 絕對係香港人放假 需要放鬆嘅時候一定要嚟嘅好地方 好安靜 足夠時間去俾自己食住野咁放空 另外 鐘意睇書嘅朋友記得帶本書嚟一邊食全日早餐一邊睇書啊 總結就係我好鐘意呢間cafe 同埋我一定會再嚟

貓Cafe就去得多都係第一次知道香港有柴犬Cafe ，當然同貓Cafe唔同，柴犬太郎唔會同你喺度玩，但係佢好乖你可以望下佢，都已經好滿足好開心，始終我哋唔可以當動物係服侍我哋嘅工具，餐廳裝修田園風格，Menu只有幾款all day breakfast 型式嘅餐，位置舒適，但令人失望的是負責落單嘅員工，唔知道佢地係暑期工定係老闆嘅屋企人親戚，落單不斷出錯，多次走來問我地頭先叫左啲乜，我哋講完，過了二十分鐘又再問多一次，到最終想到來的已經係半個鐘之後兼且並唔係我哋落單嗰樣嘢，佢反覆解釋因為電腦問題，但當時其實現場只有三枱客，我唔認為呢個係一個藉口，呢個要大大改善！更可惜食物是味道欠佳☹️食物方面，我們點了一份all day breakfast, 沙律尚算新鮮，腸仔及煎旦亦中規中矩，但想試的草菇卻臨時改為黃豆，十分失望。餐飲更是淡而無味，有待進一步改善。

十世都唔去一次西貢，專登入去就係為咗見隻柴柴，佢真係超級得意，對耳仔郁下郁下咁，然後又任摸任影唔嬲，令到你可以忘記晒所有煩惱事。本身去到有少少唔開心因爲佢唔係到，但好彩佢4 5 點左右返嚟，總算有得目睹佢嘅風采。食物方面比我想像中好食，以為以狗做主題會忽略質素，但係tea set煙三文魚多士都幾好食，可惜嘅係無得試佢啲cake同waffle因為賣晒。順帶一提，出野食速度有好大進步空間。 Btw,多蚊到喊出嚟。

小妹係星期一既16:00到店，店內既客人都幾多，好好彩有位👍🏽但由於天氣太熱既關係，柴太郎淨係早上同17:30之後先會落舖頭，無緣見面！下午茶餐有幾款，我點左「沙律+日本玄米茶 = $82」!見到盛放食物既木盤印有柴犬既樣，非常可愛😍沙律既份量都幾多，配上蒜蓉包，香脆可口👍🏽店員都非常有禮貌，推薦愛犬人士到此一遊👍🏽

朋友介紹西貢有間柴犬cafe於是搵個weekend去嘆下咖啡,同狗仔玩relax下位置近海旁 而且咖啡店門口有個好大嘅柴犬標誌 仲有個露台位 所以都算幾易搵.一入到店內就見到柴犬店長太郎喇☺️❤️真係好得意 任摸唔嬲 勁乖 又黏人老闆娘又好nice同我地傾計Cafe嘅食物同飲品種類都算多花款 e.g all day breakfast, 三文治, 窩芙, 花茶, 咖啡等供選擇如果鍾意狗仔又想遠離塵囂嘅話推介呢間cafe俾你地

呢間雖然以柴犬做主題嘅cafe，但係店主都好歡迎客人帶其他品種嘅狗仔黎，如果size比較大嘅狗仔就只可以坐出面露天。成33度坐露天我都以為會好熱，好在店主好細心有個好大嘅風機吹對住我哋。我哋三人行同隻狗仔散完步之後就叫左呢兩個all day breakfast share ，一個叫做「滿足日」一個叫做「開心日」，可以揀waffle/多士❣️呢兩個餐嘅分別就係「滿足日」分量多啲!!

呢間由之前是日本女店長開的食到依家就算佢換左老細，都繼續幫襯今日去到lunch，連同我老公加女兒一入門口就見到柴太朗，我同我女諗住行近少少望下隻柴柴，都未行埋去。店主已大叫「唔好摸」，跟住到我老公行入黎摸左隻柴一下，個waiter 即刻指住我老公同個店主講「佢摸左喎」。叫左野食，諗住同女兒行埋少少望下隻柴，另一個waiter 直頭捉左隻柴出街其實唔係想去摸你隻狗，如果唔可以行近睇，你可以用籠去困住佢。或者帶個牌寫住「不準摸摸」我本身都養狗，如果隻狗係會咬人的話，就應該戴口罩主題是柴犬，但狗店主連比人行近少少都唔得，去的主要目的是為了看一下狗狗，但這目的都沒了，應該不會再去我次次都係食all day breakfast 水準一直都係咁上下，叫做食得落口，但野飲就真係爭d, 之前飲過咖啡，好一般，今日飲凍檸茶，直頭無茶味，d茶溝到好稀

星期日Lunch等左半個鐘先有位 裡面食客已食完而出面又有唔少客等梗 店員都無相應咁安排已食完嘅食客埋單 餐牌選擇少 以咁嘅食物份量嚟計 價錢都頗進取服務慢 簡單落order店員都聽唔清要重覆 重覆又嚟錯野叫窩夫無 得多士 好無奈 就係為左件窩夫而食架嘛叫左沙律走醬無走到叫hazel latte就嚟左latte 本身hazel latte要再另加$20架!一飲 嘩咁甜嘅 又細杯喎 原價要$50真係滴汗送餐時又比錯我地 同店員溝通時又好似聽唔明我地問咩 搞左一輪先換返岩個餐送餐時話多士後上 跟住只係比左一份兩塊嘅多士 諗諗下無理由咁少架嘛 問下店員又要溝通一輪先明佢地比少份我地 即刻送返份上嚟……好彩問一問…………總體上 真係唔會encore 好劣餐廳主題係柴犬 就好唔人道咁放隻柴犬係出面做生招牌 夏天成34度……登隻柴犬慘

西貢墟「市場街」有名的咖啡早餐店「一X咖啡」旁邊，本來也是一間咖啡店，咖啡店的名稱叫做「酷X」。不過「酷X」後來選擇了離開了「市場街」，搬遷至到「金寶閣」地下，做了「一X茶檔」的鄰居。「酷X」離開了「市場街」之後，舖位亦很快有其他人接手，裝修了後的食店名稱還是咖啡室，叫做「柴太郎咖啡店」。「柴太郎咖啡店」裡面的「柴太郎」，實際上即是日本流行犬隻的品種「柴犬」。其實我也很喜歡「柴犬」，因為「柴犬」身上，有短短的淺啡色毛髮，給我一種很柔和，很舒適的感覺。加上「柴犬」本身體型不算十分巨大，性情溫馴。如果我不是受制居住環境影響、經濟能力以及身體免疫能力的話，我真的可能會考慮飼養「柴犬」。另一方面，「柴太郎咖啡店」以活生生的柴太作為生招牌，更經常安排自家養的柴太住在店外，讓上門光顧「柴犬郎咖啡店」的食客也可以，親自見識與接觸「柴犬」的真面目和風采。可惜我早上來到「柴太郎咖啡店」的時候，親愛的「柴犬君」尚未回來食店，所以我當時很可惜跟「柴犬君」緣慳一面。至於我之後有沒有機會在「柴太郎咖啡店」與「柴犬君」相遇？我實在不方便把詳細情況告訴給你知道，因為食環署對狗隻進入食店規管得十分嚴格（導盲犬、警犬及

每逢星期日都會岀去走走，今日入西貢並不是行山而係和柴犬有個約會🐶🐶上星期係日本豆柴cafe玩得好開心，好想再見柴仔🐶🐶朋友就介紹我黎呢到一入去就見到有柴太郎好乖好可愛今日假期所以坐滿了人，等左10分鐘入座到處都見到柴犬既蹤影大家都未食野，所以立即研究餐牌🤣🤣最後決定叫一份all day breakfast同黑松露什菌意粉。店員話可以揀多士或者窩夫，窩夫雖然唔脆但配上菠蘿🍍醬又幾好食。炒蛋都算滑，我覺得最好味係個菇好香，整體來說好吃跟餐沙律🥗今餐好健康好多菜黑松露什菌意粉，一上枱時好香好吸引但味道一般比較淡我地加左鹽先叫正常少少🙈🙈如果入到西貢想搵地方Hea下同狗狗玩，柴太郎係一個唔錯既選擇

Sai kung is really a good place to chill though weekends are crowded! Today we go to try this cafe for the first time. This cute shiba is the icon for the cafe.All day breakfastIt supposes to be French toast with fresh fruits but French toast sold out (it is only 3pm) so have to switch to waffle. We also order latte and cuppucino. The staff are nice and service is good. Food is okay, just the price is a bit too high.

黎到西貢，就係想輕輕鬆鬆拍下拖。見到呢間用柴柴黎做主題既cafe,真係即時被吸引住呀😍睇下隻柴柴幾大隻 ，一路食野佢地一路係左右行黎行去，十分咁得意呀。係咁撩佢地玩之後叫左兩份all day breakfast😀一份waffle早餐 炒滑蛋好好味 好香既牛油味 仲有我鍾意既炒菇😀waffle唔會太乾 好鬆軟另一份多士素餐 滑蛋菇同沙律都好足料。加埋杯mocha同橙汁 真係幾嘆又係打卡呃like既好時機。好大份 足料多士牛油

見到E家柴太郎唔太多人排隊，所以就帶埋隻狗去試一試。等左十幾分鐘就入左去，入到去冇人收上一手嘅食物，等左約十五分鐘先睇到我地枱上嘅垃圾，夥計（肥d果個，佢仲係老闆黎添）話叫我地等多陣先過黎收野（果陣我地仲未落單）等左好耐，佢先幫我地收野，但我地叫佢俾水，佢都係冇俾到。我地係自己去攞水，走去櫃臺度落單。等左半粒鐘多d先有得食野，但佢俾嘅餐具唔夠，仲要叫佢五次佢先俾。當佢俾餐具時，佢順便叫我地幫佢攞埋我地自己點嘅飲料，佢果度嘅價錢不是便宜（約人均$70-100）但佢地完全沒有做到任何服務，只像個自助餐廳（跟大家樂、大快活差不多）這與上邊幾個評論不符，令我有所懷疑佢地有冇做馬。

難得既假期想優閒過一日，我地選擇左係西貢行下，因為平日下午既西貢係無乜人，行行下經過有一間柴犬咖啡店，粉藍色同白色為主嘅裝潢吸引左我，俾人既感覺好舒服，入到去因為平日嘅關係，都係無乜人既～入面仲有一隻肥嘟嘟既柴犬，聽到店員叫佢做太郎，好可愛🤗餐牌都好可愛啊🙈我地兩個人叫左一個All day breakfast 同埋一個煙三文魚及羊奶芝士配田園沙律🥗兩個人一齊慢慢食，享受假期。All day breakfast 既窩夫好鬆軟，配合牛油同埋佢自家製嘅果醬，甜甜地鹹鹹地，好食👍🏻煙三文魚及羊奶芝士配田園沙律，多士好脆，羊奶芝士開頭我驚會有騷味，但食落又無喎，反而覺得同普通芝士都冇乜分別。而田園沙律嘅菜都好新鮮。佢地餐具杯碟都好靚啊～呢度絕對係一個休閑好地方，無乜人可以靜靜待半天😊

一連幾日既假期....我地決定入西貢行下, 吹下海風, 嘆番個all day breakfast~放鬆一下!!!經過大街, 見到好多間唔同既食店~最後被呢一隻柴犬吸引左入泥!!!藍白色既裝修設計, 感覺好舒服, 有寵物既朋友仲可以坐半露天既位置~^3^ 同狗狗一齊食....落Order既時候, 個Staff話無哂Waffle同多士,,,,, 雖然有少少美中不足, 但都無損我放假既心情!! 嘻**All Day Breakfast有豬肉腸, 茄汁豆, 煙三文魚, 沙律菜, 車厘茄, 煙肉, 蘑菇, 炒蛋....雖然無哂Waffle同多士, 但依然豐富!!!豬肉腸夠Juicy, 煙肉香脆得泥唔會太乾身!!!個炒蛋就略嫌過熟...炒得太老!!但整體泥講都算唔錯**而且個環境好舒服~下次同朋友帶埋狗狗一齊泥食先....