柴太郎咖啡店 (已結業)

寵物餐廳系列 - 西貢放狗遊放假兩隻妹豬最開心，又有得坐車車去街街閒日嘅西貢好舒服，無咁多人行行下見到有間用柴犬嘜頭做Logo嘅cafe，二話不說就入去試試啦，cafe門口有兩張枱俾放狗嘅朋友仔🐶好多時呢啲gimmick cafe都係得個樣，食物質素麻麻，但點知又有驚喜去到咁啱係下午茶時間，2:30-5:00有tea set煙三文魚羊奶芝士三文治配田園沙律 $88份量好足，羊奶芝士好香，三文魚都好鮮，成碟都同個環境好match好fresh😌雪糕窩夫🧇 $78窩夫都係one of my favourites 🤤 個重點係佢個自家製菠蘿味果jam，淡淡地有陣陣菠蘿🍍清香咖啡面有柴太郎樣嘅朱古力粉，好QQ🐶

自己一個去左西貢散心, 一直都好想去柴太郎咖啡店度試下😋雖然係平日, 但係人流都唔算少, 等左一陣好快就入得啦! 一入到去比柴犬既畫吸引左, 裝潢舒適, 由於未到下午茶, 試左個黑松露野菌意粉, 意粉略幼但味道唔錯, 好香忌廉芝士味, 份量適中, 唔會太細碟, 男士都會夠飽本人唔太喜歡咖啡所以無試到, 值佢啲拉花都好靚, 有機會都可以試下😀午餐的話加$20就有蛋糕食, 但同樣因為太飽既關係無叫到😅雖然今次見唔到太郎, 但都係值得推介既小店👍🏿👍🏿

話說，上星期同朋友仔去咗西貢，閒遊吓、傾吓偈咁。睇睇錶，剛好12點10分左右，經過一間有個柴犬公仔頭嘅cafe，朋友仔話見到餐牌上嘅All Day Breakfast好似好吸引 (利申返先：本人係好喜歡 All Day Breakfast嘅) 所以就入去試下。店舖唔大，座位都有限，牆身掛咗柴犬嘅相、畫作等等，感覺簡單、衛生、舒服。一輪「選擇困難症」後，我同朋友仔叫咗一份All Day Breakfast 同一份煙肉蘑菇卡邦尼意粉開心share，飲品就叫咗兩杯熱朱古力泡泡。其實All Day Breakfast 來來去去都係炒蛋、磨菇s、茄汁豆、沙律菜、多士等等.. 而我哋揀嘅呢款All Day Breakfast 其實都大同小異，不過特別嘅係有得揀窩夫，同埋佢嘅菠蘿果醬！唔太甜、有菠蘿肉、好清香，我哋好鍾意！不過果醬嘅份量唔太多，如果有需要可以request多一份。而卡邦尼，相信其實重點係每一啖粉都掛滿芝士汁！呢一方面，個人同朋友仔都認為佢個汁就少咗丁丁，如果多返丁丁會開心好多！不過味道其實都唔錯！至於飲品，都ok！因為我哋唔係飲啲咩特別嘢，所以呢一點就俾唔到太多意見嘞！呀！最後仲有加

自己一個人去西貢行下，假日既西貢都好多人下，自己一個人搵食，甘岩行過見到間睇落好吸睛既柴犬主題cafe,諗住試下好吾好食。睇佢menu都幾多選擇，我有諗過食吾食all day breakfast 好，但是諗諗下驚太飽，所以都係簡左個意粉，好像係叫黑松露醬菌類意粉，試下黑松露果一陣似gas又令人沉迷既味道意粉黎講都ok既，有黑松露既味道，軟硬適中。我仲叫左杯cappuccino, 上面有呢間cafe既特色既柴犬圖案，好得意啊～吾知係吾係杯杯都吾同圖案呢～拉花就係心心拉花，柴犬好像係灑咖啡粉整既圖案。飲落都可以既，睇落比較好睇，賣相比較好。如果味道可以更好會比較吸引。

男友一向都好中意🐶🐶今次西貢之行仲好主動話要黎呢間柴柴cafe🐶可惜無做足功課😤當日去到是見不到店長柴太郎的🙈🙈無緣見面😟·呢度仲有信箱仔同紙筆，客人可以隨心寫信，而且裝修格局好日系，可以打下卡🥰感覺都幾舒適🥰·🍝Carbonara 🍝HKD88本身想叫個All Day Breakfast 🍳 但想留肚仔周圍試，叫左少少野試吓就算Well~意粉賣相其實一般😅但係味道唔錯的，意粉偏向粗身，口感比較彈牙，唔會太淋，岩我胃口😋以香草作調味，有別於忌廉果種，比較清新唔膩口·🐥蜜糖末雞翼配沙律🥗HKD48一份四隻呢個價錢其實有啲小貴，不過主題Cafe都預左既😅😅即叫即整，都等左一段時間，好彩都皮脆肉嫩，無乜特別😛但旁邊果幾塊沙律菜係落左黑醋汁☺️好味喲！·☕️Mocha🥄HKD42(hot)😎我承認，專登叫杯熱飲就係想影相打卡，但係呢😟我叫既係Mocha，但飲落是熱朱古力，沒有咖啡的味道，丁點都沒有😟但我選擇咗接受，或許忙中有錯吧🙉

柴太郎咖啡店係香港第一間用柴犬做主題嘅cafe🥰一直都覺得柴犬好QQ！上星期去西貢行山就順便去埋 個日見唔到店長柴太郎😢但都見到好多人特登帶自己隻柴犬嚟cafe歎下食下野～.👉🏻Happy Salmon配料有三文魚、沙律、炒蛋同窩夫三文魚份量多 食落口感似煙三文魚 味道咸咸地幾入味炒蛋係即叫即炒 有好多蛋汁 但蛋嘅調味太淡🤧沙律正正常常 冇咩特别👣👣👣👣👣餐牌上可以簡多士或窩夫 我簡左窩夫有少少失望😣個窩夫上枱係熱嘅 有蛋味但口感唔軟熟 另外佢會有一小樽自家製果醬柚子味果醬幾特别 比較少食到～環境加分 食物質素就有幾大改善空間——————————————柴太郎咖啡店 @shibatarocafe 西貢市場街11號地舖

早排去開西貢行山，知道依間係💛店 仲要有柴柴 就特登黎依度一睹柴柴風範。黎到依度大概4點 openrice指既地址同實際地址有點不一樣😅 不過好彩最終都搵到叫左是日推薦甜品 。今日係chocolate cake 味道略甜 對甜野麻麻地既就建議叫之前問問職員是日咩甜品先確定 ；碟邊有個柴柴好可愛 ，飲品就叫左鮮奶咖啡 味道唔算好苦 唔落糖都可以 店員會係上面整個柴柴圖案 超符合店名本身黎之前都打過電話黎 知道柴柴會5點左右黎 。當日柴柴5點30左右先出現，見到柴柴病病、好累的感覺 一問店員 原來因爲柴柴昨晚肚痾左成晚好唔舒服🥺 所以沒什麼精神 好心痛🥺🥺 不過店主都好好人 會幫我地影相 同埋問過店主都俾惦柴柴 但要先俾柴柴嗅嗅氣味 俾佢習慣你既味下次如果入開西貢 值得入去試試 探探柴柴店長

第一次食。叫左all day breakfast, 擺盤唔靚，窩夫唔脆，蛋又乾，果醬又唔好食，另外牛肉意粉好咸，份量都唔算多，唯一可取係杯咖啡Overall性價比唔高，唔推介

優閒嘅星期日，今日帶埋狗狗同小朋友一齊入西貢呼吸下新鮮空氣順便食個早餐之後我地秒速俾豆柴cafe吸引住，既有bb櫈，又有個小露台，我地可以同狗狗一餐食野，更重要佢係一間黃店幫仔仔叫左個happy tummy，有佢最愛嘅炒蛋同腸仔，仲可以自由揀要多士/窩夫老公就揀左waffle，仲配上自家果醬，是日菠蘿果醬，酸酸甜甜，食到兩父子停唔到口三文魚咸淡適中，沙律菜配上胡麻醬，爽口非常而且窩夫同多士都係即製，熱辣辣，外面又香口，大推薄牛肉意粉賣相一流，牛肉唔un又冇渣，可惜唔太對我胃口因為意粉太硬了，但老公就話可以接受，不過用香蒜炒出嚟超香，所以都食哂我仲叫左杯果茶，唔會太酸 但感覺好清新，值得一試呀

見呢排天氣終於涼返，今日就同大家介紹下特色餐廳🍴，方便大家親親大自然之餘，都可以食到好西！呢間cafe位於西貢，雖然主打輕食，但味道一D都唔差，反而有D驚喜添！我叫左個All Day Breakfast，大家可以揀格仔窩夫🧇/麵包多士。雖然今日窩夫售罄，但多士絕不失色。多士外面烤到微微香脆，而中間依然軟熟，烤到暖身麵包加上牛油，真非常香非常吸引！另外，我非常鐘意呢度自家果醬，剛好今日係波蘿🍍果醬，一嚟平時少見，二嚟果醬入面既酸甜味好清新自然，用嚟做早餐真唔錯😋！我對呢個果醬真愛不釋手😂！其他餸例如scrambled egg 整到又滑又香🍳味，而沙律🥗都唔馬虎，都有沙律醋同麻醬，食落好醒神。幸好無火箭菜，無草青味！咖啡就叫左cappuccino，味道OK，上面既朱古力粉好香，重點係隻柴犬logo真好可愛，岩哂大家打卡！呢度all day breakfast，作為一日開始既第一餐，我覺得整得幾好食😋，食完心情非常好👍🏻！呢度除左all day breakfast, 仲有lunch 同 下午茶，大家可以帶埋朋友同埋🐶🐶一齊嚟支持下佢地！ 另外，staff 真好有禮貌👍🏻又有人情味，嚟西貢行街

下午到西貢，搵間cafe hae 下吹下水，見尼間係pet friendly 就入去試下，環境令人好寫意，牆壁上掛有柴犬畫面作裝飾，每張都好可愛，望住食嘢都開心啲，食物水準唔錯，叫左下午茶set, 選擇唔多。店主都好熱情招呼，間cafe唔單止pet friendly，都顧客friendly。由於嗰日心情down down 地，叫杯chococino 開心下，其實係熱朱古力一杯，幾甜下，不過心情down飲下就啱啱cheer up 返啦

想同狗仔去餐廳食下嘢，西貢的個係一個好選擇， 一個餐分咗兩個價錢 ，分量稍有不同， 可以畀人考慮share嚟食，還是一個自私食。飲品種類算係有幾多， 就算唔嚟食嘢，飲杯嘢chill下都好ok！天氣開始凍，飲杯熱嘅黑糖桂圓紅棗茶去保下暖先，啱哂女士飲，補血滋潤。hazelnut latte～ 咖啡會唔夠濃 ，可以再濃啲，更啱老公口味。食物方面，味道只可以用合理嚟形容 ，唔覺得有啲乜嘢特式， 而果醬方面，只有一種口味選擇，就係菠蘿， 試咗少少都ok嘅......

西貢半天遊，因為入到西貢已經是Tea-time 時候，就在市場街逛逛..看看有什麼好吃，行到市場街一半就被一個掛有柴犬的牌吸引了，進入後原來是Cafe ...門口有一張半室外的枱是預留給有帶毛小朋友的客人..Cafe 雖然不大，但坐位是寛敞的..佈置也是以柴犬為主，店內亦有柴犬圖案的物品售賣！餐牌選擇也蠻多...lunch 或Tea time 也可以滿足到🤪因為吃Tea , 所以選擇了《開心日》和窩夫..分量足夠一人，窩夫煙韌鬆脆，有咬感...配上波蘿果Jam 是另一番口味，本身不太吃果Jam..但今日窩夫配上菠蘿Jam ,感覺新鮮和相較配牛油，沒有太大的罪惡感🤣🤣

好qq呀(⌯˃̶᷄ ⁻̫ ˂̶᷄⌯)喺西貢行到攰想飲杯野就入左去呢個鋪入面仲有隻柴柴看住間鋪好得意💛除左飲杯latte仲會俾我地喂太郎🐶啲員工仲要好好人🙈💛💛💛個香港加把徑好得意💛💛💛呢排可以去下西貢休息下

星期六悶悶地，便出走西貢。看見這間小店樣子可愛，我雖然不是狗痴，不妨一試。以咖啡店來説，它提供的選擇算多。因為已經食了午飯，2個人只叫了一個小食 - 鮮果窩夫配自家製果醬，我叫了杯熱Flat White，朋友叫了杯香橙梳打冷飲。Flat White 樣子吸引，有柴太郎的嘜頭，有D唔捨得飲。飲了一啖咖啡，有點失望，咖啡味較淡，似一般的連鎖咖啡店，不夠專業。朋友的香橙特飲也不合格，淡而無味，好似飲無氣礦泉水。👎🏻👎🏻👎🏻最後上的窩夫味道唔錯，熱辣辣的有點煙韌，有咬口。窩夫食落有麥味，抹上牛油，很香口；若抹果醬，又是另一番味道，唔錯。不過，若以食物質素而言，很普通。