桃花源 (已搬遷) 新店位置

要同班內地客人傾野兼食飯，一人七人來商務午飯。呢度今日午市又是高朋滿座，加上地方不算很寬敞，所以開左張八人圓檯係有少少迫。但見一路來的客人也不介意在門外等，可見呢度都做幾多熟客生意。同事在訂位時已預早寫定菜單，分別有玻璃蝦、蝦子柚皮、豉油雞、竹笙蟹肉西蘭花、京都骨同沙爹牛肉腸粉。<br />原來玻璃蝦是這裡的招牌菜，要90蚊一隻不便宜。看起來白雪雪又大大隻，入口蝦肉非常爽口彈牙，夾金華火腿吃，一濃一淡，是非常有水準之作。為何蝦球會這麼白的呢？好奇之下問侍應，原來是人手逐隻剝去蝦皮，還是第一次吃這一味，有機會要一試；蝦子柚皮亦見功夫，柚皮炆得又淋又有濃郁的蝦子味，完全沒有苦澀味，出齊刀叉來吃，不知道的還以為我們在吃鮑魚。現在本地柚皮做得好的地方已買少見少，喜歡吃的不可不試；豉油雞幾大隻，亦算好肉，雞肉嫩滑有水準，連雞胸肉都唔嚡口，好掂！濃黑的醬油有甜味，除了用來點雞之外，用來撈飯都唔錯；竹笙蟹肉西蘭花真係好多鮮甜的蟹肉，亦有零星的蟹殼，是美中不足的地方；京都骨好入味，略略縑炆得肉太實，向店員反映，答覆是該店少用鬆肉粉之故，解釋都算令人接受，除肉質較實外個京都骨味道是不錯的

四個人來吃飯，原來呢度晚飯時間人亦不少，閒日都坐滿八成。除了事先order的炸子雞外，叫了咕嚕肉、肉鬆蝦米津白、蝦仁炒蛋同沙爹牛肉炒腸粉。炸子雞好大隻，估計至少有兩斤幾三斤重，不以把鬼的炸蒜蓉作掩飾，貨真價實，皮炸得脆而雞肉嫩滑，絕對有鳳城及東寶的水準，值得一試；咕嚕肉亦是好味，半肥廋淡淡肉之餘，酸甜汁亦好味，都好掂；肉鬆蝦米津白清清地，幾香蝦米的味道，亦不錯；蝦仁炒蛋都唔錯，蛋炒得幾滑，唔乾，蝦仁亦幾大隻，爽口有鮮味；沙爹牛肉炒腸粉是一小段一小段穿開的腸粉炒沙爹牛肉，幾有風味，可惜碟頭不大，唔係好夠喉。最後叫了一個炒飯作結，埋單四百多，雖然唔算平，但小炒有水準，都食得過。

呢度在橫街的一個習角位，如果唔係同事帶路都唔為意呢度有間食肆。午市人也不少，我們兩個人當然要搭檯。同事推薦海南雞飯，我反而叫了咖哩雞飯，因為見到隔離檯的咖哩雞好似幾正。咖哩幾好味，不是螢光咖哩亦唔太辣，同上的洋蔥、薯仔和紅蘿蔔都炆得入味，計我話仲好食過D雞。同事的海南雞飯據報都唔錯，我就覺得雞飯不夠油，佢就覺得唔油仲好。埋單咖哩雞飯35蚊，算唔錯。同事話呢度食蛇都好掂，遲D秋風起時在這裡搞多D 蛇宴都唔定。