桔梗 (已結業)

環境真係好舒服 座位分佈好平均 不會太逼 仲有二樓當晚大約六時到達 已經開始排隊由於餐廳不接受訂位 同入座起計時 要食就預返時間 選擇唔算多 晚市以輕食日式為主 建議簡套餐比較抵食 雙人日式套餐 $528 睇圖份量好似好小咁 但食完意想不到的飽肚感前菜三種曰本腌製小菜比較喺市面會食到嘅日式小菜味道偏酸 開胃 配清酒一流 涼拌毛豆以蒜蓉醃製 都係開胃前菜小食小食炸雞與甜酸五味醬 新鮮熱辣辣嘅炸雞 配上特調甜酸味醬 好好食 😋 炸粉同炸既時間剛好 魷魚伴明太子醬明太子醬雖然比較鹹 但配茶漬飯剛剛好魷魚不會太煙韌 分量非常十足 京蔥檸檬味噌豬腩肉豬腩肉質地偏琳 非常易入口 加上酸酸甜甜嘅特製醬汁 中和油膩感主食茶漬配糖心蛋簡單嘅輕食茶漬飯 內有三文魚鬆 加紫菜 焙茶芝士蛋糕非常有驚喜的甜品開頭以為係日式芝士蛋糕點知 外型同味道都似巴斯克蛋糕非常重嘅芝士味 配上茶味好濃嘅焙茶醬汁 意外地夾 跟餐清酒可以加錢轉不同嘅清酒 今次試咗跟餐嘅清酒 味道比較辣口 不太易入口

星期二放工晚上和友人終於來到呢間著名良心cafe食晚餐，cafe環境好chill充滿格調，非常適合打卡。看見餐廳最近推出呢一個2人日式定食套餐，一於試下。順帶一提，呢間cafe用上電子點餐，夠方便。呢個2人日式套餐份量好滿足。一次過試到好多款菜式。涼拌毛豆及三小碟先吃上冷盤開胃前菜，涼拌毛豆令人食唔停口。炸雞配台式五味醬炸雞外層裹粉唔會太厚，雞肉juicy炸得十分香口，蘸上特色五味醬，夠入味。熱炒魷魚配明太子醬日式加台式熱炒fushion同樣好味，呢道熱炒魷魚爽口惹味，加上明太子醬，突出魷魚的鮮味。京蔥檸檬味豬腩京蔥檸檬味豬腩清新，有種蜜糖甜甜的味道，豬腩油脂比例剛好，非常適合夏天食用。夠曬fresh。茶漬飯配溏心蛋兩碗茶漬，面層更加上鮭魚粒和溏心蛋，令人忍唔住一口接一口。炙烤鮪魚佐芥末蛋黃醬炙燒吞拿魚新鮮，面層加上蛋黃醬，口感豐富，更creamy。甜品-伯爵茶芝士巴克斯蛋糕是日甜品是原個伯爵茶巴克斯芝士蛋糕，重要係我最愛的伯爵茶味，芝士超級濃郁，茶香奶滑，鍾意食巴克斯蛋糕的朋友萬勿錯過。抹茶牛奶飲品方面揀選了兩杯熱抹茶牛奶，抹茶味偏重，帶點微甜。如果唔想飲抹茶牛奶，呢個套餐都可以揀選

疫情都仲係反反覆覆，不過成日屈住屈住都唔會開心架。所以我都係照舊有同朋友去下唔同餐廳食下野，見下面，咁樣唔洗咁唔開心。今日黎左桔梗食呢個雙人既日式套餐。就算飛唔到去日本旅行都要食返一餐好既，滿足一下。不過朋友又真係冇介紹錯，第一次黎呢間店，入面都比想像中大。都幾多位，同埋都坐得幾舒服。食物質素都唔錯。不過呢間餐廳都有用餐限時90分鐘，不過都明白既，可以比食肆做多幾轉生意都幾好呀。好啦，講返呢晚食左咩好味野先呢個雙人日式套餐入面有好多野食，好豐盛首先有支sake大吟釀。冰冰凍凍咁，好易入口，都幾好飲bor....酒味唔算好重，香香地既，唔錯唔錯，用黎伴小食最一流好啦，呢個餐真係有好多好多小食，呢幾隻咁靚既碟仔盛著好多漬物同枝豆。作為餐前小食來講十分惹味。酸酸甜甜好開胃。另外仲有多款小食，呢款好正炙烤鮪魚佐芥末蛋黃醬，十分好味呀。魚生好肥美，又厚身，啖啖肉。配埋個汁就仲正，好creamy，好濃味，同個芥末蛋黃醬好襯。唔錯唔錯。份量都不少的，都差唔多有六片的另一款小食都係我好鍾意，而且要襯熱食架就係我最愛既炸雞與台式五味醬。炸雞炸到外皮金黃脆卜卜，仲要炸粉又唔會太厚，吃起來脆得好好味，卜卜聲

黃店就唔係大哂既，都要講食物同服務質素。好多黃店既食物都麻麻地，雖然會照樣支持，但如果好食啲，會支持得開心啲囉。呢間都係數一數二出名既黃店，一直都未黎支持，今日就同一班同事黎撐場。人太多要分2枱坐，我地叫左2份2人套餐再加其他小食同甜品。炸雞與甜酸五味醬，炸雞粉唔會太厚，雞肉勁嫰滑~熱炒魷魚拌明太子醬，魷魚炒得有嚼口，做前菜小食係好好既選擇~京蔥檸檬味噌豬腩，咸味既豬腩又帶有檸檬既酸味都幾開胃。雖然有啲豬腩得舊肥，不過有啲少肥多肉，啱哂一班對肥瘦喜好唔同既朋友一齊食~炙烤鮪魚佐芥末蛋黃醬，平時烤鮪魚好少配醬汁，今次沾芥末蛋黃醬既味道又幾特別又夾，唔錯~京都抹茶鮮奶超好飲! 抹茶同奶既味道好平均，唔會搶左另一隻味，仲要唔係好甜，好順口好好味! 好味到唔記得影相....仲有兩個主食都好正。最後，當然唔少得甜品，分別叫左伯爵紅茶芝士蛋糕，培茶芝士蛋糕同埋柚子白玉撻。伯爵紅茶芝士蛋糕同培茶芝士蛋糕既味道好似，茶味夠出，芝士味勁濃郁但又未算漏。廢廢既味蕾唔係好分得出伯爵茶同培茶，但兩款都超好味。柚子白玉撻甜得黎帶有少少柚子既酸，成個感覺好refreshing~ 值得一試! 真心唔明的負評係點解，

2021年7月8日， 下午6：30。叫咗個三文魚茶漬飯、京蔥檸檬唔知咩豬腩肉，咖啡一杯。先來三文魚茶漬飯，超級普通，上湯淡，三文魚本身已經係cheap嘢，仲要得魚碎，同食淨飯差無幾，食完好似食風咁…京蔥檸檬唔知咩豬腩肉，講明係餸唔係小食呢既，但來到一睇都呆咗幾秒，完全就係小食的模樣，侍應仲曾經問我要唔要另叫白飯…最離鐠就係完全唔見有京蔥，檸檬就真係有一舊檸檬自己榨汁，而唔係京蔥+檸檬爆炒豬腩肉，我即管試下食，睇下係咪會喜出望外有京蔥味，結果係完全冇既… 純薄煎豬腩肉+檸汁再點醬，賣78蚊？ 痴膠花…叫侍應過來，向佢表示冇京蔥，與餐牌描述不符，兼我自己仲整得好食過佢…佢竟然話: 你可能廚藝比較高超，但我地廚房出品就係咁，或者加返d京蔥比你啦好冇？我: 即係你宜家叫廚房淨煮京蔥加上去？佢: 係呀～ 平時都係咁，京蔥灑係豬腩肉上面。我真的無語，原來京蔥係用來裝飾…叫佢嗌經理過來，佢話我就係呢度經理~ xyz#@&!我表示想換第樣嘢，因為呢個完全係小食，而且9唔搭8，貨不對辦。經理表示不能換，但可以整過第二碟有京蔥的俾我，因為我已食咗… 我話我唔食點知入面完全冇京蔥味？ 而且我只係食咗2舊，再

黃店推介系列💛相信呢間無人會唔識，次次經過都大排長龍，今次係71假期去，好好彩地好快就有位。裝修無變，之前食過主要係coffee 系列，食吓包飲下咖啡， 今次竟然有驚喜, 竟然轉左Menu，主打日式西餐廳。仲有而家係電子化落單好方便呀！特製玉子醬油清湯烏龍麵唔好睇佢細細碗，味道都好夠架！溫泉蛋煮得啱啱好👍🏻👍🏻入面係流心架🤤嫩煎鮭魚．定食三文魚好香口，表面係脆，但都好juicy.特別要提嘅係漬物，蘿蔔清甜開胃，食列停唔到口呀炸雞翼佐明太子芥末優格醬呢排沉迷咗食明太子，雞翼拆左骨，壤咗啲明太子+雞肉係入面，仲食到好似有柚子肉，口感豐富，啖啖肉好好味。凍起源港口~莫卡咖啡而家咁熱緊係飲杯凍既咖啡，朱古力味冇得輸啦！質素keep到。

上次小編食完對桔梗念念不忘！今次再黎試佢嘅二人餐🤩有齊前菜小食主菜甜品，咩都唔洗諗🥳雙人日式套餐（$528）三種小菜幾清新開胃，蕃茄好甜😋炙烤鮪魚半生魚片呢款係咁多款入面小編最鍾意嘅😆生魚片微燒後更加香口，加埋芥末蛋黃醬後味道更大大提升！魷魚拌明太子魷魚充滿嚼口感，明太子增加口感之餘，亦令成道菜更加惹味🤤炸雞配甜酸五味醬炸雞份量都幾多🤩炸粉啱啱好唔會過厚，雞都幾嫰滑😚係略嫌有啲肥😛京蔥檸檬味噌豬腩豬腩肉半肥瘦，食落邪惡又幸福😈而且燒得好香口🥰配檸檬可以減輕油膩感🤩茶漬飯兩碗表面有三文魚同紫菜碎，飯吸收左湯嘅精華，食落夠入味😋感覺都幾清淡健康👍巴斯克芝士蛋糕係小編鍾意嘅brunt cheesecake😋令人想一口接一口😆芝士味好香濃！正呀😎

之前黎過桔梗食BRUNCH, 今次朋友帶我來食晚餐, 發現MENU好似轉左日式STYLE, 枱枱都有枝SAKE咁, 好熱鬧好正!見到大部份人都係叫緊SET, 所以我地一行3人都叫個SET就算, 都幾多款式, 唔洗揀!先來SAKE, 問過店員, 呢隻SAKE 比較辛口, 飲落又真係無平時既咁甜, 不過口感豐厚, 入口滑溜～SET 會有前菜, 幾款小菜, 2個茶漬飯, 全部都好岩HAPPY FRIDAY飲杯酒食既野~~炸雞炸得香脆, 粉漿好薄, 唔會太咸, 很開胃!茶漬飯有2款, 仲有糖心蛋~蛋黃醬吞拿魚, 魚身輕輕燒過, 配埋醬汁幾夾, 送酒一流!檸檬汁豬腩炒魷魚炒得好有鑊氣, 唔會太熟剛剛好, 所以質感好爽口彈牙唔會太老, 好吃!最後仲有甜點, 帶甘苦的抹茶CHIFFON, 好滿足!

有朋友食過呢間西餐廳,覺得吾錯,約埋係附近返工嘅家姐去試下。六點鐘左右到,時間尚早,吾使等位。餐廳有二層,樓底高高,好有空間感,打卡位又多。俩姊妹心有靈犀🤭,就點❥雙人日式套餐❥啦！✨熱.京都抹茶鮮奶🍵✨套餐有清酒🍶一瓶,我哋都係抹茶鮮奶控,服務員好好人,俾我哋轉飲心頭好(ӦｖӦ)墨綠色抹茶同鮮奶嘅比例剛好,靚靚暖💛浮現係墨綠色上層,超吸睛😍,濃郁嘅茶香,加入滑口鮮奶吾太甜,最愛係後勁帶有絲毫苦味。✨三種小菜、涼拌毛豆加溏心蛋✨色彩豔麗,有爽脆、又有嫩滑口感！✨炸雞與酸甜五味醬✨金黃色炸雞,外層薄酥脆,內裡雞肉嫩滑,酸酸甜甜五味醬中和油膩,幾開胃！✨熱炒魷魚拌明太子醬✨魷魚肉質軟身,冇過火變韌。每片魷魚都充滿明太子醬嘅咸香,再擠上檸檬汁,增加味道！✨京蔥檸檬味噌豬腩(左)✨豬腩兩面煎至微黃色,有少少焦香味又可以逼出多餘油份,點上醬汁加京蔥一齊食,感覺吾肥膩！✨炙燒鮪魚佐芥末蛋黃醬(右)✨鮪魚橘紅色新鮮,經過炙燒,肉質依然軟嫩加點油脂香,點埋個刺鼻芥末蛋黃醬,high呀！✨茶漬两碗 溏心蛋✨一碗係明太子,一碗係吞拿魚。吸收茶湯嘅米飯保持粒粒分明,吾似碗粥！配搭明太子或吞拿魚都一樣美味又健

每次行經桔梗，都會覺得，置身係入面食野，一定會好寫意。而前排，趁自己啱啱resign 完，就帶住好心情，同男朋友黎到呢間小白屋一探究竟。 桔梗嘅氛圍令人好放鬆。只係隔住一塊玻璃，街外的種種繁囂吵鬧都被阻隔，餐廳內、外彷彿是兩個世界。裏面嘅擺設、餐桌，以至餐具，都精緻得令人心花怒放。而店內有一幅大型postcard 牆，唔少食客都喺幅牆前打卡影相。呢度實行先到cashier付款點餐，而座位可以自己揀，水同餐具都係自助嘅。我地都好肚餓，點左兩個感覺上飽肚啲嘅意粉，無試到桔梗比較出名嘅brunch。波隆那肉醬意粉平平無奇，茄蓉係有嘅，但肉醬同配料唔多，食落得一陣咸味，唔係預期中嘅酸甜開胃。另一道干貝松露菇菇意粉就相對有水準，松露汁同意粉好夾，唔會濃味過頭，煎香過嘅帶子好有咬口。不過，兩個意粉嘅份量都唔多，當下午茶都還好，但當正餐咁食真係唔夠飽。單單以兩個意粉去睇，餐廳嘅陳設裝潢，真係勝過食物質素。但可以喺鬧市，隔住塊落地大玻璃，望住人來人住嘅街外用餐，都不失為一個舒適嘅用餐體驗。希望下次黎試其他菜式時，會有驚喜啦！

這家人氣小店不向是文青風格的輕食咖啡館，近日的菜單卻有不少轉變呢！！！由主要提供混合西式的台風輕食轉向日式料理為主，更有一款“雙人日式套餐”HKd$528+10%，套餐更包捨一枝清酒，入夜後這兒彷彿成了小酒館般呢這份套餐真的是非常豐富，有前菜、冷盤小食、三款熟炒、兩份主食，更有每天不同的自家甜品先可吃上開胃的漬物，喝一口順滑冰爽的漬物來喚醒味蕾接著的冷盤為“炙烤鮪魚佐芥末蛋黃醬”，半熟的鮪魚香軟無筋，配上蛋黃醬吃下，甚有和風之感套餐中有三款熱炒熟食，分別是“炸雞與酸甜五味醬”、“熱炒魷魚配明太子醬”和“京蔥檸檬味噌豬腩”三款熱食都加入甜甜酸酸的調味，感覺特別醒胃不論是香口的炸雞還是香烤的腩肉都很配下酒，帶有微微辛口的魷魚更是搭配清酒的不二之選套餐中還有兩大碗茶漬飯，有明太子和鮭魚兩款口味，當中的溏心蛋絕對不能錯過啊是晚套餐中的甜品是輕軟的伯爵茶蛋糕，有著濃厚的茶香呢跟好友吃著喝著，笑著談著的晚上就是一樂也

好耐無黎桔梗，原來個menu已經換晒，依家晚市化身為特色小酒館！最吸精就係佢嘅雙人日式套餐，$538 食物豐富咩都有，仲有sake同甜品包埋，真心抵玩！桔梗依家都追上潮流係用上QR code落order嘅，而家食飯好似記得帶錢之餘都一定要記得帶電話，如果唔係隨時飯都冇得你食，哈！上菜速度神速， 15分鐘內已經上好晒五碟小菜+兩碗泡飯+兩壼玄米茶+四碟主食！二人枱嘅關係，兔子當時最擔心嘅係張枱擺唔擺得晒！好在經我精心調配過擺位之後，擺得晒之餘仲影到呢張靚靚嘅相，好高難度嫁！前菜五小碟包括毛豆、糖心蛋、醃蘿蔔黃瓜等，好在份量細細碟，如果唔係都唔知擺邊，而且食唔晒就浪費啦。泡飯分量大大碗，絕對可以餓着個肚嚟都食得飽你！幾個肉類嘅主菜，略嫌炸雞唔夠香脆，勝在肉質夠滑打返個和。兔子特別鍾意就係京蔥檸檬味豬腩肉，輕輕煎煎外皮夠脆口但係又keep到肉質Juicy，檸檬汁香香甜甜好岩口味！作為一個份量超慷慨二人套餐，仲有埋甜品送真係好貼心。餐牌係冇寫甜品係咩嚟嘅，因為每一日都會唔同，今日我哋得到嘅就係芝士蛋糕！唔好睇個芝士蛋糕其貌不揚，但其實又好好食喎，雖然已經食到好飽，但係兔子一人都食到半個，就知唔

再次到訪桔梗 原來menu嘅menu已經唔同咗之前係文青cafe 依家轉咗做日式料理唔想諗就揀咗雙人日式套餐 $528三種小菜小菜有三款漬物醃蘿蔔同埋醃青瓜酸酸甜甜咁好開胃涼拌毛豆酒浸毛豆就食得多 涼拌毛豆真係第一次食用咗蒜蓉嚟調味蒜蓉味好香濃毛豆大大粒灸烤鮪魚佐芥末蛋黃醬吞拿魚切得好厚肉 一啲都唔腥外邊灸烤過好香口 入面仲好軟腍表面仲有滿滿嘅芥末蛋黃醬兩者好夾京蔥檸檬味噌豬腩呢個豬腩肉偏肥外皮燒得好香脆檸檬味噌減低咗油膩感熱炒魷魚伴明太子醬明太子醬同魷魚一齊炒每塊魷魚都畀一粒粒嘅明太子包圍住魷魚好厚肉爽口炸雞與鮮酸五味醬炸雞係即叫即整嘅上枱熱辣辣炸粉完全唔厚 外皮炸得好酥脆雞肉都好嫩滑多汁配埋酸甜味醬 酸酸甜甜咁好味道茶漬兩碗 溏心蛋兩碗茶漬飯分別係明太子同埋三文魚茶漬飯用咗珍珠米 咬落去好彈牙食落去好清淡唔濃味SakeKonishi 大吟釀果香味好香濃飲落甘醇 口感飽滿精選甜品甜品係伯爵茶芝士蛋糕好有驚喜伯爵茶味好香濃 口感綿滑完全冇顆粒感食曬成個都唔會覺得好膩

呢一間餐廳之前都有做過一啲市集，環境空間好大，坐得好舒服，而且餐牌好似都轉過。今次係比較日式嘅餐牌，炸物比較多。飲品嘅選擇種類都好多！一款定食入邊，有糖心蛋、枝豆、前菜，都有好大碗白飯。個蝦餅真係食到入面有一隻隻蝦，口感都幾好！佢哋嘅甜薯條好大份，隔離配備左一啲甜甜酸酸嘅醬料，有啲似乳酪咁嘅味道，加埋啲甜薯條一齊食，成個味道好match我哋亦都嗌多咗一個炸魷魚腳，魷魚腳入面好大粒，而且好彈牙，啲炸皮都炸得好脆！份量好多，幾個朋友食都得！

因為黃店支持去下，唔知有新 menu😪食物ok既 但係食物同價錢真心唔係好成正比🤔新menu變左台式 一般我嚟講 想食台灣野可以去其他地方 如果想試新menu 都可以去試下既🤨