桔梗 (已結業)

建議：90分鐘用餐時間，出餐都算快，時間都夠用上次食完 Lagom Kaffee，Fd 子已經約好生日要食本店😌 上網 book定位，好快就安排到位置。個氣氛同觀塘店好唔同，環境寬落啲；枱與枱既距離無咁迫，坐得幾舒服👍用 Qr code 落單，等左10-15分鐘已經有得食。本身想試朱古力奶昔(桔梗奶昔)，不過見 menu 無得叫，可能午市先有？！🤔🥤今次試左：(小食)雖然叫小食，不過份量都唔係太小。開心Share 岩岩好。▫️軟殼蟹辣味優格三文治 (HK$148 見圖3)伴碟既係沙律 同 炸魚柳，軟殼蟹三文治有兩份，軟殼蟹雖然唔係岩岩炸好，但仲好脆。夾埋醬+脆多士唔錯🤪▪️唐揚雞球配韓式辣醬(HK$88 見圖4)份量都幾多，不過唐揚雞球味道反而麻麻，辣醬偏酸，食落口都幾多炸粉🙈 有幾舊既口感仲有啲嚡。(主食)▫️煎烤豬排蜜糖芥末醬汁(HK$168 見圖2)超厚切豬扒，份量超滿足，有成兩大塊！肉質完全唔嚡，配埋蜜糖芥末醬 唔錯。配菜仲有西蘭花、番茄、連皮薯仔。▪️干貝松露菇菇燉飯 (HK$168)依個燉飯 相比 @LagomKaffee 燉飯既份量大啲，再Creamy啲。 上次Lagom 食既係

去旺角搵嘢食，人多車多，有時都好難搵到一間坐得耐嘅餐廳，或者咁樣講，坐得耐嘅餐廳都唔係好大通常都係樓上鋪。但係桔梗有大又靚，做得又舒服。餐牌上嘅食物都係超級好食，而且份量來講可以話係好大件，而且食物質素好好，全部都好好味。可以見得出廚師其實好用心咁煮，同埋上碟都好用心咁放。好欣賞整間餐廳嘅佈置同埋配套。我嗰日都坐兩個幾鐘，又可以食到野又可以坐喺度慢慢思考，做一個偽文青都唔錯。最後仲叫咗杯咖啡，發覺原來最基本嘅咖啡已經好好飲，真係物有所值甚至物超所值。

剛剛轉了係旺角返工，約朋友食飯變得更方便。今次終於有人同我去聽聞很久的桔梗Cafe，其實只係朗豪坊行5分鐘都唔洗，位置上非常方便。雖然無book位，不過等了15分鐘到就walk in成功。餐廳的Menu唔算太多選擇，不過款式總算揀到，要菜有菜、要肉有肉、要飯有飯。本身想叫「墨西哥雞肉餅」，點知一早售罄。最後我倆叫了一個燉飯同一份薯條分享。「干貝松露茹菇菇燉飯」個汁加了少少乳酪，食落好清新。一碟都有五大粒煎香的帶子，食落香滑。 另外有有D燕麥的朋友，加埋藍莓，加埋個乳酪味真係好特別。薯條方面，sorry我太餓，食完先醒起無影到相，其實都係D松露松露薯條薯條，食到尾仲係幾脆，不錯！飲品分面，朋友仔叫了莓莓乳酪燕麥奶搖，酸酸甜甜的沙冰，上面加了滑滑的Cream，夏天飲真係好正！我自己去Cafe就通常飲咖啡，呢杯「純粹拿鐵鮮奶咖啡」，飲落就係一般的Latte (笑)MENU==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

星期五晚同朋友食飯，朋友想食西餐，所以就揀左桔梗。朋友訂左位，人齊即可以入座，order了鮭魚花椰菜牛油果盤，有驚喜，盤入除左有椰菜花、牛油果外，還有其他蔬菜，如新鮮的番茄、薯仔、蕃薯、羽衣甘藍，三文魚亦好好味，煎得香口。另外，還order了台北燉牛肉燉飯，這個味道很濃，少少的辣味，牛肉質素也不錯的。值得一讚係用手機落單，很方便，而職員態度亦有善。店內環境也不錯，分上下層，我們坐下層。客人較多，所以嘈了點，和朋友說話要比較大聲才聽得到😆整體來說很滿意，有下次～💛

預約左時間，去到要等埋朋友黎先可以入座，留枱10分鐘，食飯限時1,5小時。環境算舒服，座位與座位都夠距離，又唔需要搭台。叫左兩個main course, 一個係泰式咖哩大蝦risotto, 另一個係燒豬扒配燒烤醬。大蝦risotto 好食既，但催左2次，等左1小時先黎個豬扒，真心食得好趕，去到淨返15分鐘前就已經比左單我地，有壓力。個燒烤豬扒無味，個燒烤醬更加無味⋯⋯侍應態度好好既，環境都好好，但如果要求每人180既話(我地2人)，真係期望係食物質素、時間上需要改善更多，出面收依個價錢既黃店好食好多！

係旺角內有好多Cafe店，各式各樣唔同特色✨，而近幾年有一間食出名氣咖啡館，差唔多晚晚都排長龍，而且位置便利，室內地方好大，有三層高。而呢間人氣咖啡館叫做「桔梗」，由台灣引入既一間餐廳😌，開放式廚房，座位之間寬敞，環境不錯👏。✦✦✦✦✦✦✦✦✦✦✦✦✦✦🎈干貝松露菇菇意粉 $98先講醬汁，一啲都唔稀，醬汁完全掛麵，每一啖意粉都食到香濃白汁😋。大粒帶子有三粒，每一粒都熟得岩岩好，無過熟令帶子肉身乾到難以入口，放入口一咬仍然仲有份軟熟😳，外表煎得平均，小編超鍾意食呀。意粉唔會過份煮淋，有𡁻口，而且仲有數條菇食，唔會太單一🤭。✦✦✦✦✦✦✦✦✦✦✦✦✦✦🎈松露風味薯條 $78份量畀小編想像中多，因為薯條係幼而長，整個盆都裝滿哂🍟。松露醬汁咸而香，薯條只要少少鹽就已經足夠，不過醬汁唔夠小編點薯條食，只好叫店員再添加了🙋‍♂️。✦✦✦✦✦✦✦✦✦✦✦✦✦✦🎈瑰神(H)  $48去到咖啡館就一定要試下飲茶，小編點既瑰神玫瑰花香味好鮮明🍵，淡淡地解下口中濃郁既油份，十分享受。而且一大壺可以沖到三杯架👅。✦✦✦✦✦✦✦✦✦✦✦✦✦✦總結：呢間人氣高、地理位置就近既台灣咖啡廳經常到晚餐時間大排長龍，而入面

整天下著細雨，所以收工後難得不用等位便來幫襯一下這家閒時一位難求的桔梗。餐廳內在環境寬敞，所以唔會太嘈雜，不過座位唔算太舒服。賢內唔肚餓，而餐牌基本上冇乜選擇，所以我倆只點了一客台北燉牛肉燉飯 ($158)，一客唐揚雞球配韓式辣醬 ($88) 加一杯凍果茶 ($48)。燉飯略帶麻辣，牛肉都燉得夠腍，份量正常，食落辣辣地其實幾開胃。韓式炸雞個份量都正常，不過真係唔太啱我食，炸皮好厚，和醬就帶苦澀味，唔清楚係佢特色來定係個醬煮濃左定點，總之唔係我期望食炸雞食到既味道。最後杯凍果茶，連加一收我過半百，就真係太細杯了。我覺得當一間餐廳個餐牌只係得10樣8樣野比我揀既時候，我會期望每一道菜既質素都最少係good, if not the best，否則食客既中伏率就會好高。我覺得大家可以來飲杯啡傾下偈，因為佢環境喺旺角鬧市來計係chill既，不過前題係你有位的話，同埋佢限時入座。如果閣下係expecting a feast，咁就見仁見智喇。

同女朋友一直見咁多人排隊，一心諗住應該唔會難食呱，咁啱今日未有人排所以去試下。點知俾一班戲子呃咗。唔會再有下次餐牌選擇唔多，諗住上openrice睇下有乜好推介，點知人地食果啲我係餐牌到搵唔到，🥲坐咗好耐先求其點咗一個薯條，一個雞肉沙律同一個燒春雞。🥗第一個嚟嘅雞肉沙律，我食到啲雞肉有啲怪，我本人接受到，但我女朋友話啲雞肉好似臘腸味。🍟第二個出場嘅薯條，見人人枱都會有一客，所以都點嚟睇下係咪咁好食。正常薯條，一食都知係超市買返嚟嘅袋裝薯條，咁都難食就摺得。🍗終於主角出場「燒春雞」，手掌嘅大小收$168😓唔緊要，出嚟食飯預俾你呃😒但你都唔好整到渣過舊木頭呀，你不如直接叫我食咗張枱佢，我同女朋友直頭係咬唔郁呢張「雞枱」所以只係食到1/4隻，連隻雞髀都可以係渣㗎⋯⋯

桔梗 Jie Genge 📍：旺角砵蘭街160號地下至2樓📞：2787-7328/2797-8328🚗：旺角E1出口 步行4分鐘💲：~HKD200/head Food quality 👌🏼：干貝意粉、龍蝦蛋潛艇堡❌：韓式辣醬烤雞三文治、烤餅總結：👍🏼極出名嘅黃店cafe 食物大至中規中矩 環境大啱哂文青打卡👍🏼可以坐樓上樓下 而且位同位之間都疏 👍🏼因為之前朋友食過話好難食 所以冇咩期望 但反而咁樣喜出望外 👍🏼 呢間長期好多人排隊 建議book位先 同埋會轉下menu冇咁悶 有食水煙嘅朋友夜晚可以嚟一試👎🏼佢啲sourdough真係硬到可以拎嚟襲擊人😷 👎🏼 我幾鐘意佢嗰自助同埋出去counter落單畀錢嘅形式 雖然我唔明點解要收加一服務費😶

因為黃店，所以想試下，一試唔會想再去！野食質素普通到極致，但收費貴，仲要加一服務費，坐左成個鐘，服務過d咩？落單都唔洗佢落，自己scan qr code咋喎！野飲又難飲，價錢根本唔值！安排坐位一d都唔貼心，我大肚要上2樓，唔緊要，樓下坐滿晒人，自然要上去，我地2個人食，坐2人枱，但係之後入座既都係2個人，個個都坐4人枱！坐得一d都唔舒服，搞到成餐飯食得勁唔開心！唔會再去！即使係黃店，都用返個心去開鋪先得架！

好少行砵蘭街，不過見有間黃店，都以特登行過去～其實好易搵，路痴的我都輕鬆到達😸😸去到的時候差不多下午4點，假期期間都不算多人不過現場未爆滿都感覺有少少街市感覺，唔知係裝修問題定係間隔問題，如果想靜靜地傾偈就不建議呢間🤧 🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️睇下個餐牌先～老老實實，價錢以旺角（下午茶）來講不算優惠，不過all day breakfast幾好食～但有一個大敗筆😭😭😭蘑菇味道不太好（失望😢）所有食物冇飲品，飲品需正價叫～不過有水提供白松露薯條則不過不失，松露嘅味可以重啲總結，食完呢次應該不會再去，下次再搵下其他餐廳

是晚同準備移民朋友餞行，諗住黃店支持下。去到坐低發覺唔係好對路，原來晚市Manuel無意粉，然後得4個主菜。都算，勉強都叫啲小食share。味道都ok,中規中矩，但以cafe來講，真係貴到無論。4個人食埋單要8xx。仲要加一，唔同支水要7x蚊一支？跟住啲店員成日好似發緊夢咁，又唔出聲，埋單多謝都無句。有時真係信下負評，唔係黃店就大曬！

因為中伏得太深刻、所以第一次open rice寫食評去表達如何中伏。環境不錯樓底夠高！原來期待的美好週末下午茶時光😫138大元食一盤白烚蔬菜、連沙津醋汁都冇、又凍又干、個牛油果半個原上、塊煎三文魚干到起柴、成碟野無味無口感、吳係我高要求係基本的食物水準都冇、連同行的朋友都覺得難食、係我吳好彩叫中左最難食但最貴的野韓式炸雞🍗亦令人失望、表面的炸皮索哂油、很油很焾、咬下去雞肉的口感像魚柳甘焾、唯一可取是韓式辣醬夠惹味All day breakfast 不過不失、味道中等但比起以上2款已經叫可接受

特登book位食呢間又黃環境睇落又幾好嘅舖頭，點知佢唔單只係冇想像中咁好食，直頭係難食。嘢食係凍嘅(藍莓risotto 好難食，好濕，無味，好似食粥咁)其他就一般般無特別，最好食應該仰個餐包喇。另外，餐廳冇服務可言，自己點餐攞餐具倒水，唔知點解會收咁貴，仲有加一添。附近仲有好多其他黃店，可能桔梗係因為成日俾人搞先吸引咗好多人黎支持，成日都有好多人排隊，但一日食物質素唔改善都唔會黎第二次。呢個價錢，確實唔應該係呢個質素

位於砵蘭街的人氣Cafe，樓底勁高，具備大大的空間感...👻食飯時間長期爆滿，無book 位就無得食嫁！有心既朋友記得book 位😮勁多KOL黎打卡影相📸，而我同我朋友影極都影唔靚...🙂#trashmouthig-🦀 軟殼蟹小漢堡｜還有炸魚魚 $168擺盤精緻，份量偏少，蟹蟹魚魚都好脆，食到蟹蟹魚魚既鮮味😋-🍛 龍蝦羅勒堅果燉飯 $178必點！😎 大家睇到青青地色既醬就係羅勒堅果醬🌰 垃圾咀第一次食呢個款醬咋～🙊味道幾清新，我覺得似似地牛油果🥑醬 🙈🙈 口質係黏黏的，好creamy，好食😝有半邊龍蝦🦞起左肉放左起邊邊位😍😍飯入面會食到帶子粒粒、蝦粒粒.....😎-🍫 百利甜酒朱古力 $48杯朱古力一黎到，我就覺得個杯好靚好靚🥰 味味甜甜連陣酒味....如果無酒味會更好🙈P.S. 垃圾咀唔飲酒，係唔鐘意佢陣酒精味🙊-🍹桔梗奶昔 $58味道可以既，唔會死甜...我同朋友不停研究佢杯上面啲花瓣🌸-✏️ 味道好味，菜式特別，份量偏少，價錢偏貴。-