梁山泊 (已結業)

今朝突然要做信差, 而且仲係近中午時份出差, 無理由唔蛇一蛇去食返個舒服d既午餐, 約定朋友係timesquare樓下, 點知突然行雷閃電落大雨, 近近地就上食通天搵食.最後選擇左我同朋友都未試過既梁山泊, 成間店舖的裝修都好特別, 有d似古裝高級客棧咁, 真係有d古裝大俠feel. 其實周圍環境好黑, 不過每張台都有一棧射燈照住, 幾特別下.睇左一輪餐牌都無咩idea, 簡單咁叫左一個二人商務套餐, 其中選擇左:1.金銀菜南北杏生魚湯: 似乎唔夠老火同唔夠生魚味, 比較清淡左dd.2.三款冷盤: 幾精緻咁用三片生菜載住, 其中有燻小魚, 辣椒肚絲, 涼拌海哲. 自己最欣賞燻小魚, 幾香甜好味, 涼拌海哲就太清, 無咩味, 辣椒肚絲就似乎只有辣味.3.主菜兩款: 蕃茄骨, 蕃茄汁好香甜有d似我屋企煮咁既style, 排骨好入味鬆軟, 幾討好! 回鍋魚片, 辣左小小, 不過魚片幾香口好味~ 兩款主菜都唔錯, 只係細左小小, 每碟只有4件.4.三鮮蒸餃, 似小籠包多d, 而且唔多鮮味, 只屬一般.另送果汁一杯, 都算幾認真~ 服務十分有禮貌~

常與同學去吃晚飯, 一坐就坐兩個多小時, 因環境氣氛好。花茶本人認為桂花最好, 食物喜歡黃金炒飯及話梅蝦~~

今晚經過食通天﹐心諗又係時候試下新野﹐於是走左入呢間極富中國色彩的新派中菜館。環境真係無得頂(如果你BUY 中國FEEL的話)無論燈光﹑氣氛﹑擺設﹐甚至洗手間都好特別﹐好靚﹐而且好多位都係用捲簾間開﹐有PRIVATEROOM 感覺。論環境﹐實在無咩可以挑剔。再講食物。我同朋友都不太肚餓﹐只點左兩樣比較少見的菜式﹕蕃茄骨﹐燒汁蟹腳柳﹐另外要左灌湯餃同擔擔麵。蕃茄骨係用蕃茄做獻汁淋落去排骨而成﹐排骨肉質同味道都一般﹐反而個茄汁就幾好味﹐要黎撈飯相信會好好味。不過食落其實有D似快餐店“茄汁豬扒飯”上面的茄汁。燒汁蟹柳﹐係用雪場蟹腳肉條沾炸粉略過油再淋上中式醬汁而成﹐我從未食過呢種做法﹐都幾特別而且味道都唔錯﹐蟹肉味可以KEEP到﹐不過連加一接近$150蚊就真係唔算抵。另外的灌湯餃及擔擔麵就係失色之作﹐完全唔值呢個價。尤其是灌湯餃﹐名不符實﹐灌甚麼湯﹐根本就係用湯浸住4只類似小籠包的物體﹐連加一約$60 一客﹐即$15 一隻湯浸小籠包有少少做左“老襯”的感覺﹗另外﹐供應的茶有花茶可選﹐有桂花﹐玫瑰同另外一隻唔記得左係咩~ $12 蚊一位﹐味道唔錯﹐都算OK。服務都算好好﹐跟得好足﹐完全無被冷落

本來去金滿庭，但因為佢態度太差，所以無食到…又想食中國野，醒起呢間都好似係食中國野，但因為佢格局問題(好似好貴)，所以一直無試。但同事話都OK，唔太貴，所以我地就去左呢度食喇﹗入到去，好黑，但個裝修好特別，好有中國色彩，連個廁所都裝修到超級中國，幾正。D人服務好好，我地睇完個菜牌有D菜唔知係乜，佢地都好有心機介紹，比起金滿庭真係差好遠。我地叫左個黃金炒飯，好好味，好香，正﹗有個唔知乜乜素餃，都好好味；另外叫左個春卷，好的骰，但好好味﹗仲有個叫冬瓜雪，有D似賽旁蟹(唔記得個"旁"字點寫添﹗嘻~)，但都好好味﹗最後仲每人送一杯鮮榨果汁，有十幾款材料任揀兩款，佢介紹個薑拼蘋果，我同事試左，佢話又幾香幾正喎﹗我就正路D菠蘿拼蘋果，好香好甜好新鮮﹗我覺得呢度真係幾正，大家可以試下啊﹗