梁記餃子麵坊 (已結業)

今日特登入元朗剪頭髮，見仲未剪得就去食個麵先！梁記餃子🥟真係冇得輸超級大件，餡料勁多，款式雖然傳統！大部分豬肉，牛及雞各一款，但非常有風味！除了清湯底仲加入左麻辣同酸辣2 種口味，今日點左E 餐酸辣菜脯沙角餃子，酸味重辣味不足但餃子餡料脹卜卜，完全填補返個問題！米線也夠軟滑！如果加入埋煎餃同羊肉餃就更正斗

元朗好似特別多雲吞粉麵店🤣呢間鋪頭好耐之前已經有幫襯，有時仲會幫啲生餃番屋企整添😆#麻辣原味豬扒米線 ($42)😋好味指數：(7.5/10)+$3 有3粒全蝦雲吞，仲送埋豆漿呢到嘅麻辣味就一般般😂見到其他人話酸辣好味😗米線都多，係偏淋身💁🏻‍♀️不過豬扒嘅份量真係幾多同幾好味，就算放咗係湯浸淋咗都好食😆全蝦雲吞好大粒皮又薄，入面有好多彈牙嘅蝦肉🥰#香炸雞中翼 ($52 8隻)😋好味指數：(7.5/10)雞翼炸得好脆又juicy~不過唔應該嗌咁多，因為真係太飽喇...😫如果喺元朗諗唔到食咩又想平平哋，呢個係一個唔錯嘅選擇😆

元朗梁記餃子真係好好味 真材實料ヽ(✿ﾟ▽ﾟ)ノ𝚍姐姐坐喺度包餃子真係睇見都想食ɞ我每次行過都會買一兩打生餃子/雲吞自己煮返一樣好好味😋而且可以同佢買少少酸菜($10)我最鍾意食全蝦雲吞($𝟻𝟸一打)大大粒蝦😆好正呀❣️每次打邊爐都一定特登去買每次大家都會係咁話好好食😋

元朗抵食推介！！！最中意食淨鮮蝦雲吞，大大粒鮮蝦，而且大碗，再加菊花蜜，大滿足。沙葛餃子都好好食，個人覺得白菜餃子一般，因為店內有其他更好食因為好受歡迎，最好避開午膳時間，而且逢星期三休息

梁記餃子麵坊,聽個名都知當然係主打餃子,而且呢度既餃子堤式非常多,任君選擇,如果餃子都係唔岩食既話,仲可以試下一樣咁出色既鮮蝦雲吞,另外仲有酥炸鯪魚球同炸豬排,2樣都係不得不試

今日我又去咗呢間餃子店食，我例牌叫沙角餃加豬扒上海麵，依然keep得住個水準味道甜甜地都適合小朋友食，水餃又大大隻非常抵食價錢又抵，係個豆漿比較淡少少可能我比較重口味總括嚟講呢間嘅食物出品都可以！

平時會食呢度的雜錦湯餃，但今日想食香口野，所以點左半打酥炸餃子🥟（$47）手工餃粒粒飽滿，炸到脆卜卜，同泰式辣醬勁夾。如果炸餃不用限死選一款就更好，好想一次過食晒唔同口味！哈哈！希望老闆聽到我嘅心聲❤️

元朗非常出色嘅雲吞鋪🥟出名係全蝦雲吞成粒雲吞都係得蝦🦐好彈牙爽口原隻蝦身🦐一啲都唔霉，食得出新鮮蝦仲要好大粒，一啲都唔手緊呀另外，呢到既豬扒都做得好出色👍🏻唔會乾淨淨而家外皮好香口脆脆地，抵讚👍🏻相對地，香菜餃子就比下去了唔係唔好食只是比較普通，無咩特別，外邊好多餐廳都做到但呢到勝在夠大粒😂再提提個湯，唔係水，有好大既胡椒味少少似新加坡既肉骨茶感覺總括來講，係一間都相對抵食特別既餃子店都值得一試

上湯什錦餃子淨食🥟$39原味豬扒🐷另加$10一共8款不同口味🤣甜味白菜餃子(豬肉)北京香菜餃子(豬肉)清甜蘿蔔餃子(豬肉)甘香韭菜餃子(豬肉)香甜南瓜餃子(豬肉)清爽青瓜餃子(豬肉)菜甫沙葛餃子(豬肉)番茄牛肉餃子(牛肉)鮮菇青椒餃子(雞肉)結果都係覺得韭菜餃好食啲😅其他就的確真係麻麻哋🤣豬扒就炸得好乾，不過都OK😎環境一般，我食一次就夠啦😌梁記餃子麵坊 (元朗)元朗安寧路93-109號富祥樓地下1號舖

一間屹立元朗多年嘅傳統餃子店，除咗有多款餃子之外，仲有雲吞，同唔同嘅小食😋 上湯什錦餃子淨食 ($39)真係太多款口味嘅餃子，一時之間揀唔到，所以揀左什錦口味，會隨機得到8隻餃子🥟 另外再加$10選多款炆牛腩😛 餃子每粒都唔同味，真係咬開粒粒有驚喜😋 最鐘意青瓜口味，又清新又爽口👍🏼 炆牛腩炆得入味夠淋，個腩汁令個湯底更濃，撈麵一流🤤全蝦雲吞拼豬扒米線 ($37+$3)呢度嘅另一特色，全蝦雲吞，即冇肉版本😋 大大粒蝦肉，鐘意食蝦會好啱，但我都係鐘意有d肉平衡吓😂 下次試返正常版先😌 豬扒都係大推小食😍 醃得夠味，炒得又香又酥，肉質軟腍唔乾，成塊扒唔多肥膏，全部清哂🤤🔅惠顧任何麵食，可加$4凍豆漿/菊花蜜，$12效外油菜眼見店員喺唔洗招呼客人時就會走去包餃子，就已經知需求幾大😂 除咗客人堂食完會再外賣一d生餃外，仲有不少客人路過會買，感覺比超市買嘅更好味更健康☺️ 食完後就會知買咩味返去儲糧😝

去開元朗就想食梁記餃子🥟佢嘅湯相比其他餃子鋪冇咁重味精，我食完唔洗係咁飲水。全部都係人手包，配搭都好合我意。由於我諗唔到想食邊個，所以就叫左個美味雜錦餃子加埋全蝦雲吞。蝦雲吞有兩款，有豬肉同冇豬肉，完全冇豬肉嘅好少有。全部都大大粒朋友叫左九菜餃加米線，佢話米線好多食到好飽。呢個豬扒小食不得了，好多炸到好靚。外面勁脆入面唔乾好juice.真係好好食。如果兩人以上一定要試下。

天氣熱無咩胃口，想食酸酸maymay既野，行街經過梁記餃子，叫左個酸辣豬扒米線做午餐，佢既炸豬扒好好食，醃得好夠味，仲要好淋身，而佢果個秘制酸辣係精髓，食落酸酸地，好開胃再配埋杯豆漿，飽曬

我成日都係甘，去意大利餐廳就想食美國餐，日本料理就想食韓國燒烤😂😂。入梁記餃子店，🤦‍♀️點解會叫咗碗酸辣鮮牛肉米線呢？仲要加用$3加鯪魚球。🤣叫咗就要食啦，鮮牛肉都OK喎，真係食到有牛肉味，啱啱熟😂😂，個鯪魚球仲鬼死咁大嚿，加入果皮同蔥，爽口彈牙，堅好味！里間梁記餃子店，原來係歷史悠久，😂唔怪得知食物有水準👍。

梁記精彩之處，不在於它的餃子款式多，而在於它的全蝦鮮蝦雲吞。這店屹立元朗超逾十年，餐牌十年如一，自己也懂背。老闆傳了一代，現掌舵的是小胖子。小胖子對人熱情，工作也投入，常廚房廳面四處走，可一邊招呼客人，突又趕回廚房淥麵，後又能衝出來接外賣做收銀，一眼關七盡情工作，多年來投入不減。先評餃子部份，多款選擇，總有一款適合胃口。早上打好餡料，準備餃皮，都放在廚房邊桌上。當員工有空餘時間就會包一盤放進雪櫃備用。多年心得，餡料味道特別。當每樣均想試勻，可試什錦餃子，包含全部味道，吃時說笑是俄羅斯輪盤，不知下一隻吃進肚內的是什麼，會否就此中槍。餃子外形粒粒相似，咬嚼時肉汁於口中綻放，用舌頭感覺食材，究竟是甘甜蘿蔔，還是爽脆青瓜，再拿餐牌研究一下，好不樂趣！！吃了十年，現在每次來都只點「鮮蝦雲吞豬手另上豬扒上海麵加酸菜」，落單如急口令般。鮮蝦雲吞，在別處是吃不到如此爽口彈牙的。鮮蝦份量之多就像不用成本，三成豬肉漿，三成碎蝦漿，再加四成全蝦作餡。蝦肉有後期秘方加工，懂得精妙地把蝦的水份抽乾，拆蝦後先用吸水紙吸乾水份，再加鹽醃入雪櫃大半天才取出做餡。豬手切件後，略施鹽醃，然後煲水加薑片蔥段慢火煲至半腍。當

疫情之下，呢間餃子店d姐姐唔用手套包雲吞餃子，包包下又走去執枱，執客人食完嘅碗碟，手又唔洗再直接走返去包雲吞，最恐怖係d雲吞餡跌左出張枱，姐姐竟然執返入去繼續包，我原先叫左個淨餃子，我見到後原碗不動埋單走人。衛生好差。