梓桐堂

營業中

休息中

對上一次幫襯已經係三年前，三年後嘅今日食物環境質素依然維持高水準！今次我哋揀嘅係$788一位嘅私房菜式menu。頭盤-梓桐花園拼盤呢個拼盤餸上嚟嘅時候真係好靚，有啲加咗水嘅乾冰所以成件事係好似藝術品咁，有啲白色嘅煙飄喺面食物就若隱若現咁出現係你眼前，好吸睛正影相打卡一流😝🙌🏻 可惜我影相慢咗，啲煙已經冇乜啦🙈順時針方向右上角起：1. 金箔醉鮑魚呢一樣係頭盤五樣嘢裏邊我最鍾意嘅一樣，佢用咗好香醇嘅花雕酒浸鮑魚，鮑魚非常入味，而且一啲都唔老肉質非常鮮嫩，再加埋塊靚靚嘅金泊喺面真係好搶眼😍2.法國鵝肝脆豆腐鵝肝煎得好香外脆內軟，炸豆腐不過不失好滑有豆香味，兩者加埋一齊嘅配搭好夾👍🏻3. 石榴絲蚌片爽脆鮮甜嘅石榴絲撈埋彈牙嘅蚌片，再淋上好香嘅自制麻醬，非常開胃呀！😊4. 酥炸海蝦酸牛油果醬一咬落去就知道海蝦係新鮮嘅海蝦!不過略嫌炸粉厚左少少，如果可以好似天婦羅嗰隻炸粉口感會更加鬆化。牛油果醬都係自家製，幾唔錯😜5. 火焰燒帶子沙律杯雖然呢樣擺喺中間，但係我覺得反而係最普通嘅。一件新鮮嘅帶子刺身上邊加咗少少海膽再火炙燒一燒，而係個底嘅就係沙律菜加咗啲果醋，成件事感覺幾清新🤩食完頭盤就到燉湯了-

梓桐堂係鯉景灣已經好多年，一直都冇機會試，見餐廳環境幾好評價又唔錯，琴日lunch終於去左試，仲抱著唔少期望。點知期望愈大，失望愈大。我地三人叫左一個定食套餐，兩個全餐。食物質素比一般餐廳好，但稱唔上好好味，而服務就真係令我接受唔到。食完頭盤同湯後，全餐的主菜遲遲未來。吃定食的朋友已把主菜吃完。主菜終於都來了一半，吃完後下一半又等左好耐。本來諗著餐廳係慢工出細貨，最後都係忍唔住同老闆講等左好耐。老闆的反應令我愕然，唔通你開既係茶餐廳？佢淨係講左句「有啦，就黎」就走開左。結果等多左五分鐘，炒飯終於黎，但係唔熱嘅。最後係甜品，餐牌明明寫有冰花萬壽果，炸雪糕同巨峰提子糕，結果淨係黎左炸雪糕同半杯超級市場都買到的蘋果汁。吃完問侍應為什麼其他甜品餐未黎，佢先話甜品改左，已經上齊。我諗在茶餐廳如果食物轉左款都會同客人講聲，佢連一句「唔好意思」都冇，一間收人四百蚊位的餐廳服務竟然如此，我只可以用食到一肚氣來形容。還有，明明餐廳很多工作人員，包括老闆，卻不幫那唯一侍應招呼，於是有客人投訴等了很久都未可埋單，這是甚麼服務？

同事farewell，老細話「要帶你地食好嘢」，原來係帶我地去西灣河嘅「梓桐堂」。因為枱同枱之間有空間，唔會太嘈但又唔會靜得太拘謹。我推測菜單係一早老細同餐廳預訂，所以一人齊，就按步一款款上菜。先嚟嘅係前菜拼盤，五款前菜都好食，但我個人就最鐘意個一醉鮑魚。鮑魚肉嫩，酒味甘香入味，最後將剩低響杯入邊嘅花雕都飲埋！有前輩話個煎西班牙豬個汁醎，但可能我食得濃味，所以又唔覺。湯係花蛤海鮮清湯，哩個真係不得了。湯內嘅"湯料"係花蛤同帶子，肉質依然軟嫩唔會鞋哂，純粹海鮮味嘅湯非常清。主菜：特別鐘意個黑椒香煎大蝦同糖醋牛柳，牛柳微辣得黎有少少"喼汁"酸味；至於豆腐蒸班腩感覺有啲過油，而海鮮炒飯就普通，無咩特別，反而個上湯菜苗個湯又係好清甜。老細仲加餸(加多左兩嘅分量)...所以食到最後真係超飽。最後黎嘅甜品，三款最深印象嘅係巨峰提子糕，酸酸地無咁膩，食到咁飽啱啱去下油膩感。其餘兩樣都係想像得到嘅味道，所以都係覺得無咩特別。其實話就話好似好多嘢都無咩特別，不過只係因為我估到佢係咩味，唔係好大驚喜；但整體黎講係好食嘅。不過我老細食後就覺得，無以前咁好食喎。

今晚來到梓桐堂吃晚飯, 為了試多d唔同野食,我地決定每人點一道菜,大家一齊share~我地點咗6份一人套餐,每份都有主菜,湯,白飯,甜品首先送上來的是餐湯,只有湯水,沒有"渣",飲得出無落味精,幾鮮甜,唔錯~跟住既係主菜,這道菜好惹味,麻辣既胡椒味配上嫩滑既雞肉,味道唔錯~同埋成碟雞肉好少骨,啖啖肉,配白飯一齊食,一流~第二碟上場既係, 因為本身已經有飯,所以點呢個套餐唔會跟白飯的~呢碟炒飯炒得粒粒分明,除咗平日炒飯經常見到既蔥,蛋白,海鮮, 呢碟炒飯還混埋蟹子一齊炒,每食一啖,就感覺到D蟹子係口入面爆汁出黎,好鬼正>< 第三碟上場既係我最欣賞既,  這首菜酒香,肉質嫩滑,d雞肉吸哂酒既香味,非常正! 係朋友必點之選,呢碟炒蛋除了有黑松露外,還有大量海鮮同蔥花一齊炒,蝦肉夠爽口彈牙,帶子夠鮮甜, 又係一道送飯一流既菜~呢道有驚喜,初時覺得一碟肉餅賣$168好似有點不化算,食過先知道廚師既心機,肉餅混咗果皮碎,好香口,豬肉好彈牙,蒸肉餅既火候岩岩好,唔會過老,感覺到係廚師有心機之作,不過$168都係有點偏貴...haha最後一道主菜唔記得影相,上湯夠清甜,豆苗夠嫩,唔錯~

朋友最近搬左去東區，當然要搵佢食好西，兩個女人當然要去啲又靜，又唔會趕您埋單的餐廳吹水。見門面唔多人，啲飾物又中式，幾雅緻，不防一試。環境的確係幾優雅。先來個青紅蘿蔔老火湯，個味道有啲似吖媽煲的老火湯，有驚喜。再來前菜。原本以為係比較中式，其實係中西 fusion, 有木魚豆腐，韭菜蜆沙律，海蜇頭。第一次食海蜇頭，原來係更爽更有咬勁。二人餐其實係幾豐富的，仲有三個家常菜，其實兩個女人係食唔曬，淨好多，幾浪費添。三個菜都ok ，不過不失，係個蕃茄蛋有啲茄膏味，要扣分。最後仲有個甜點，ok, 唔太甜。

梓桐堂，一個似足古代衙門的名稱，而它的裝潢也充滿藝術與木crossover的藝文氣息，一推開趟門立刻感到「風、雅、頌、賦、比、興」的詩人情懷，因為牆上掛起的一幅幅甚具中國傳統的水墨畫，也滲出現代水彩派的精髓，怪不得也聞得出陶瓷的自然泥土味。甫坐下，見到多姿多彩、極具fusion的餐牌，我想像出老闆是一個關懷傳統但又勇於創新的文化藝術美食先鋒者，我點了黑椒和牛炒麵，略嫌和牛的味道偏鹹，用油較多，未能炒至乾身，但廚師炒麵的功夫，已達致上乘之功力，因為他炒的麵，炒出彈性，也炒出炒麵的靈魂，所以值85分，大師之作。之後評論鳳梨山椒糖醋骨，糖醋骨甜酸度調較得十分洽當，能夠平均分佈在舌尖的味蕾上，令人食指大動，開胃持續，襯托著伴隨的四塊炸麵筋，軟硬適中，外脆內軟，它能肩負著中和甜酸度的任務，廚師的心思應記一功，也見到他歷練多年的功力。所以我更有理由相信，廚師可以將美食為腐朽為神奇，成為一件又一件無價的藝術品。

忘記影相，但味道唔錯。會再來！ 環境舒適，開揚，光猛。有陶瓷工藝品賣。食完成個人既藝術氣質好似提高左咁。有自製梅酒賣，跟我媽媽自己釀的有點相似。 老闆娘份人都幾nice, 會出黎同客social 傾計。

位於鯉景灣的 Soho 東，是我很喜歡的一個社區。飽覽維多利亞港的景致，毗鄰海濱公園，雲集各國美食和富個性的小店。白天恬靜又活力充沛，晚上璀璨碎人。有如東區的小蘭桂坊。名字充滿文藝風的「梓桐堂」，也座落於此。經過店舖，乍看之下以為是一家陶藝畫室。店內擺放和售賣藝術作品，並開設陶藝班、油畫班、水彩班等。但事實上，它另外一個身分是私房菜館。梓桐堂供應中菜私房晚膳，中午亦會供應套餐及輕食甜品。而最令入印象深刻的，是盛放食物的藝術陶瓷器皿。每一件都充滿獨特個性和質感。晚宴所用的醬汁都是自家調製。客人更可以在店內訂購特色醬料。前菜拼盤由五道美點組成。配上一小杯乾冰，上桌時瀰漫著渺渺輕煙。擺盤簡單但亦見心思。雖是中菜，卻有歐洲菜的影子。在中央的「炸海蝦沙律菜」很吸引，蝦味重的蝦肉口感不俗，沙律菜夠鮮和甜，重點是搭配了帶梅味的醬汁，特別開胃；「花刁皇醉雞」頗嫩滑，酒味非常之濃；「黑松露脆豆腐」非常軟滑，外層包著薄薄的粉衣並未有預期般香口；「舟山海蜇花」配搭微甜的醋汁，爽脆可口；「笋涼拌香烏」入口清爽，帶著油香，蠻好味。湯品是「元貝冬蓉羹」。滋潤，暖胃，調味恰宜。尤其適合冬日。主菜方面，最先上來的是「

As a Kid, I always had fun at pottery classes.My favourite part was adding broken glass to the pottery so that it melts into coloured glass into the cavity and doing the coloured glazing which you can't see until it has been fired in the kiln.Anyway, I was surprised to learn that you can take pottery classes in HK too at Gitone which also serves private dinners there.Ceramics made by Gitone.Here was what we had for dinner:Started with the Gitone Garden appetizer which had a great assortment of C

週末放鬆一下，品嚐精緻fushion私房菜。每道菜都好有驚喜，特別推介法國鵝肝脆豆腐，真係好好食，燉湯都好正，真材實料。環境舒適帶點藝術氣息的餐廳，適合一班朋友敘會。

星期五午飯時段同同事出來蘇豪區打算來個Happy Friday lunch，之前食過幾次西餐，想要食其他類型的，行過見呢間裝修好有文藝氣息而且食拉麵的，所以入去試一試。我自己點了個＂黑椒手撕雞擔擔麵＂，湯底開胃，喝了不會有口渴的感覺。配料有即磨黑椒，非常特別的味道；煙燻蛋及手撕雞有濃濃煙燻香味，蛋既口感軟軟又彈口，雞肉又不會太老un口，食落好正！推介～！同事點了個＂法國鵝肝排骨飯＂（沒有拍照，不過聽個名已經覺得好特別），跟餐先上一碗中湯，同事說好味好暖胃。然後再上一碟鵝肝排骨及一碗白飯，試了一下，鵝肝煎得脆脆而且將近溶化的口感，好味！不會太肥既排骨入口已經好容易骨肉分離，不會好un

猶記得，中學曾讀過一篇課文，甚麼「藝術生活化」、「生活藝術化」。藝術，是花錢買來的玩意。甚麼舞蹈、戲劇、繪畫、陶瓷、音樂，自小都與小妹無緣。出來社會工作後，有了經濟能力，就稍稍與藝術拉近了距離。是日，隨興而行，一個人去了慕名已久的「梓桐堂」，來一場可看可吃的藝術滋味旅程！「梓桐堂」迄立於鯉景灣多年，每每路過，只見餐廳內，有人作畫，有人吃飯，有人製作陶瓷，藝術氣氛極為濃厚，好不寫意的，洋溢著一片的閒情逸致。星期六的中午，推門而入，沒有訂位，被安排坐在近陶瓷工作室門口的一張正方形八人大木枱。室內擺設，一畫一杯一瓷一琴一屏風一凳一壺，件件是精品，件件教人賞心悅目。近大門口處，乃學生作畫的地方，兩個少女，正在創作屬於自己的作品。再往內走，就是餐廳用餐地方，近窗口處，可欣賞室外婆娑的樹影，早已被人霸佔了。最盡角處，就是陶瓷製作室，數個小孩正在上課。門口一個玻璃櫃內，放滿了形狀圖案不一的陶瓷製品，是店主的精品收藏嗎？午市套餐約百多元一位，包是日例湯和甜品，茶芥個位$5，茶香味濃，滿意之作，另加一服務費。是日例湯有青紅蘿蔔豬骨湯，夠清夠鮮，用料應該嚴加挑選，絕非坊間劣質之作！小妹另加$30，要了海鮮

Walking along the harbour side (Soho East) in Sai Wan Ho, this tiny restaurant had caught our eye- with a large window, simple yet modern interior design and some artistic display. This odd combination has brought us in and turned out to be a very impressive lunch.When we entered the restaurant, we were both surprised to see an art studio next to the dining room. We were told Gitone offered regular painting and ceramics lessons in the studio !Not sure if the chef is an artist himself too but so

美食和藝術都是生活的重要元素，當兩者相遇融合，會是怎樣的境界？「梓桐堂」就創造了這樣的一個獨特空間，除了展售陶瓷和畫作，開辦陶藝班和繪畫班之外，又會供應精緻的私房菜。一踏進梓桐堂，就被那藝術的氛圍吸引了，陶瓷作品隨處可見，鄰桌正有人在畫畫，旁邊小房間內還有人在製作陶瓷。正式用餐前，先喝口熱茶，茶杯也是這裡的出品。艾琳熊一家選了每人$688的晚餐，用料最豐盛。一開始的拼盤「梓桐花園」，在煙霧彌漫中登場，賣相十分吸引。（請看下圖的標示）a.海膽醉鮑魚：鮑魚味道和口感都好，但海膽太少；b.芝麻象拔蚌：象拔蚌配石榴和芥苿麻醬，配搭新鮮，有開胃作用；c.與龍共舞：大蝦刺身啖啖肉；d.彩虹蝦春卷：鬆脆且不油膩；e.鵝肝脆豆腐：鵝肝外脆內軟，與豆腐味道很配；f.帶子沙律杯：感覺清新。然後是燉湯，盛湯的器皿也是這裡的陶瓷作品。這個花膠杏汁燉三寶（元貝、冬菇、金華火腿）「超正」，味道十分香甜，喝得出是心機之作！當然，如果花膠大塊些會更好，哈哈⋯到第一道主菜了，是黑松露木瓜爆龍蝦球。師傅即日買的新鮮龍蝦，每人有一隻，份量十足，肉質彈牙，龍蝦的鮮味配上黑松露醬，很惹味，底下的木瓜超甜又可解膩，艾琳熊大愛！第

極力推介朋友去西灣河食Lunch... 貪佢食物好味, 餐廳又有特色, 不過我地今日好黑黑黑仔呀!!!去到梓桐堂, 發現餐牌無咗我最愛的海鮮炒飯, 都算啦, 咁叫其他炒飯啦, 咁都要叫錯個好難食的"炒蛋""菜飯", OMG!!!比D舊相大家對比下, 呢個係我最愛的海鮮炒飯, 飯身乾身粒粒分明, 加入了櫻花蝦、蟹籽、蝦、魷魚、蛋、蔥來炒, 有o趙頭之餘仲香口到無朋友, 每次都食到隻碟乾乾淨淨, 減肥…下次先!!!再望望個黑松露蝦球柱貝"炒蛋""菜飯"… 個賣相嚇死人, 無可否認, 黑松露的香味係好強烈, 但係將炒蛋放入口, 口感同賣相一樣嚇死人, 仲要唔好味, 隻蝦又唔新鮮, 呢碟餸我地食剩3/4…宮崎黑豚肉擔擔麵又係以前咁好食, 個湯稀溜溜, 味道唔夠香濃, 黑豚肉亦無以前咁有肉香, 問心, 唔似黑豚肉, 以前就肯定係…唔差在介紹埋早前假日食到的黑白胡椒雞同梅菜扣肉, Honey好鍾意食的, 真係唔知而家味道有無變動…無味精例湯及飯後甜品暫時仍Keep到水準…一心諗住帶力仔來食好o野o架嘛, 質數差咗咁多嘅? 激死!!!究竟係大廚閒口有第2份正職吖? 定係而家假日都係咁難食? 我放假都