梔子

營業中

休息中

來到尖沙咀山林道的一間CAFE，同好姐妹過個憩靜的下午，吃些輕食，嘆杯手沖咖啡。這間CAFE雖然算隔涉，但中午仍然滿座，等了約15分鐘才有位。CAFE SHOP走的是文青風，食物有輕食，意粉，小食等，菜單不算多選擇但剛剛想要的這裡都有了。我們點了一份牛油果Bagel分享，又叫了一碟芝士蘑菇釀雞翼。雞翼入面滿滿的芝士，香口拉絲，十分邪惡！蘑菇蓉亦都非常香，所有野加埋口味好好！牛油果Bagel又名Avobagel，BAGEL有嚼勁而不是硬紙皮般。除了牛油果，還有隻煎得漂亮的太陽蛋，再加Cream cheese，perfect!

第二次嚟到梔子都係決定叫返上一次食過既沙律煙三文魚青蘋果藜麥沙律🥗沙律上有合核 杏仁 松子等等既果仁增加咬口 唔會好似淨係得沙律菜咁齋既口感沙律仲有柚子醋 令到整個沙律提鮮酸酸may may咁 好開胃 藜麥就冇咩特別 都係正常味道煙三文魚有少少咸 希望佢地會揀返隻冇咁咸既.芝士磨菇釀雞翼🍖每隻都好飽滿 可以睇到咬開後真係真材實料 有粒粒蘑菇 芝士亦都好夠味雞翼外皮煎得好香一份有四隻 好味到我哋三個人要爭最後一隻.鮮雜菌菠菜忌廉長通粉長通粉略嫌煮得有啲硬個人覺得呢個長通粉整體冇咩特別（可能係因為食完個雞翼先食）.飲品方面朋友本身想飲熱朱古力 但係發現餐牌冇問咗職員都係得朱古力咖啡建議餐廳可以加返

之前見到好多人都話幾好食 終於有機會同朋友黎試試🤤一入到去已經覺得好靚 好ig friendly 完全係可以係到坐一日慢慢傾計 同埋影相🤩我叫左牛油果蛋比高包三文治 & americano 佢地整得幾好 牛油果嘅份量都唔少😂 雖然睇落去份量唔係好大 但係食食下都幾飽～ americano 就普普通通 冇咩特別🧐不過提提大家 佢最低消費係一杯嘢飲 即使你叫左嘢食 都要叫嘢飲架🤓

之前收工同fd去tst食嘢呢間偏文青風，裝潢好簡約舒服Avosmoothie飲完覺得真無得輸呢杯牛油果昔簡單啲即係牛油果奶昔用牛油果+椰子水+龍舌蘭蜜整我超鍾意牛油果！佢將牛油果磨成蓉，加入椰子水&龍舌蘭蜜飲落清新可口質感好幼滑，仲有啖啖清新花草香，好清甜 鮮帶子黑松露意大利麵芝士醬汁同黑松露+意粉勁惹味！芝士好濃郁，黑松露都好香不過多食就膩，兩個人share就啱晒 芝士蘑菇釀雞翼一碟4隻將芝士&蘑菇釀喺無骨雞翼入面幾考功夫，而佢燒得啱啱好好香口，咬落去即刻有芝士汁噴出蘑菇&芝士喺雞翼入面勁惹味 

忙碌的生活，繃緊的情緒，在此之際，友人相約到尖沙咀食飯鬆一鬆，上網找了一間文青Café－梔子，既是Café又是酒館，日間是Café提供健康輕食，夜間是酒館主打手工啤酒，位於旺中帶靜的山林道，位置方便﹐為免等候﹐預先訂位，感謝友人book位呀。 放工平日7點多來到，不太多人，入夜較多人。 店子裝潢簡約，佈置甚有心思，白色牆身，不修飾的水泥地，搶眼的梔子花樹及月亮，有著小清新之感，晚間的柔和光線，令人心情放鬆。 美好總要經過漫長等待，就如梔子花開，好句。 Menu，主打輕食、小食及甜品等，飲品有不少選擇，雖然是晚餐，但係都想肉咖啡多。 開動了。 OSE LATTE，＄40，賣相優雅，入口順滑，有淡淡的玫瑰香氣，咖啡味濃，不俗。 SEA SALT CARAMEL LATTE，＄40，友人的。 芝士蘑菇釀雞翼，＄68，一碟有4件，雞翼香口惹味，芝味十足。 AVOBAGEL，牛油果蛋比高三文治，＄78。 似乎是人氣之選，BAGEL外皮光澤飽滿，口感扎實帶嚼勁，讚！內餡是牛油果、太陽蛋及忌廉芝士，配搭清新，營養值高，無肉之下感覺較健康，牛油果質感軟滑，加上太陽蛋及香滑的忌廉

難得下午才上班，和朋友一起找恬靜的咖啡店吃個幸福午餐才上班。平日中午人流比較少，所以坐得比較舒服。牛油果士多啤梨沙律 $88這裡的沙律選擇頗特別，因為想吃牛油果所以選擇了這個菜式，沒想到份量頗大，其實吃完真的會很飽。沙律菜很新鮮爽口，沙律醋不會太多，可以吃到蔬菜的鮮味，士多啤梨部份比較酸，但一起吃還是可以接受，最開心是有很多quinoa，提供像米飯般的飽肚感。牛油果很綿密，但未到鮮甜階段，基本上可以說材料能夠更好的話，沙律會更高分。雜菌菠菜忌廉長通粉 $108這個長通粉無論顏色和味道都有很濃的菠菜色彩存在，忌廉不會太膩，還有核桃增加口感，如果可以多加一點蔬菜會更好，通粉亦可以彈牙一點。Iced Cappuccino飲品算是較出色的部份，我點了iced cappuccino，沒想到外型會這麼特別，咖啡香氣濃，入口能夠感受到厚厚的奶泡和咖啡混和，放久了依然好喝，希望下次可以試熱咖啡。桂花雪梨茶 $58朋友點的桂花茶很滋潤，雪梨的甜令桂花茶潤喉之餘又清新，和濃濃的通粉一起吃，可以達至減膩的效果。

之前去山林道做野，咁岩經過呢間梔子覺得幾靚，今次終於有機會黎呢度食Dinner！食物總類唔算好多，我地3個女仔就叫多幾款小吃share。首先有house salad梔子沙律，裏面有羽衣甘藍、牛油果、蘋果、紅莓乾、松子，mix埋一齊食，再加埋個柚子醬好開胃。芝士磨菇雞翼熱辣辣好惹味，將雞翼煎到金黃色，裏面有熔化的芝士磨菇，無論係聞/食都係香噴噴好正。為左想玩下芝士拉絲，所以點左炸水牛芝士條haha 不過芝士可以再軟滑d，同埋呢個一定要襯熱食，凍左就會變得硬L 粟米忌廉球係繼芝士磨菇雞翼第二好味的小食，甜甜地既粟米連crumbs炸得好香脆，咬開就見到甜忌廉慢慢流出，好滋味。鮮帶子黑松露意大利麵份量則偏少~今次是嘗牛油果smoothie有驚喜，好香牛油果味，似係食緊真牛油果一樣，但真心有點太膩。

行完驚安の殿堂就近搵下地方坐下，一見即被呢間文青cafe吸引，好鐘意店內乾花擺設，連店名都好文青-“梔子”。店內最低消費每人要叫一杯野飲，我點左養生茶-玫瑰組合，口感有少少酸，感覺唔錯，朋友們點左一杯可可香蕉同牛油果昔。另外點左牛油果蟹肉意大利麵，黑松露薯條同芝士蘑菇釀雞翼。估唔到上菜速度好快！牛油果蟹肉意大利麵蟹肉份量比想像中多，同麵混合一齊食有濃濃蟹味，反而牛油果味唔太出。黑松露薯條分量十足，點埋黑松露醬食好正，有濃濃黑松露香味，味道又唔太咸。

在openrice中無意找到的餐廳最初是被其手工啤吸引到埗一試，果然無令人失望點了一杯型男美女店員都推介既hangry donut 淡淡甜味及香味頗合女孩子既胃口分兩個size,happy hour比較優惠Gathering當然唔少得食好西菠蘿雞肉藜麥用料充足，蜂蜜柚子蘋果醋醬料甜中帶酸，好醒胃❤️最欣賞除左杏仁，竟然仲有松子仁用料可見用心😍店員推介池魚仔雖然賣相一般，但卜卜脆帶點鮮食到停唔到口🤤份量都好充足特別大讚透過openrice訂位時留言請店員幫忙上甜品時寫上happy birthday 店員不但滿足我地既請求，仲好細心加上笑臉同心心寫得好靚😍蛋糕方面，食得出手作的用心開心果mousse cake。果仁味香濃，mousse做得幼滑餅底食到淡淡既蜜糖味，perfect match👍🏻下次要聽店員講試埋朱古力個隻🤤另外仲有黑松露薯條同大蝦意粉份量一樣充足但意粉都平時食得較清淡既朋友可能會認為略咸同偏油薯條醬黑松露味好香，但個人都係鐘意食香脆既薯條唔夠脆,連細細條個d都感覺差點，有少少失望🙁埋單找數，3人位位250以有酒飲又傾得到計既環境，加埋食物質素個人認為唔錯總結黎講，絕對係性價比

收左工之後約左朋友食宵夜，呢間近近地公司👍🏻👍🏻好鍾意呢度既裝飾設計好歐美風格雖然間鋪有好多設計既裝飾但係望落都好順眼 空間都大超好吃既黑松露薯條 其實重點係個黑松露醬 濃濃既香味 超正🤤仲有一款黑松露意粉，意粉煮的啱啱好，同埋有好多黑松露醬好食👍🏻👍🏻

食完埋單先睇到部咖啡機係家用自動機（Delonghi機 ，㩒個制二合一磨豆出啡嗰隻），唔怪得杯Latte咁差，味道苦，無果酸味，本身以為沖得太熱但原來係部機，因為有試過家人都係用同一部機，都係唔係好掂！野食貴、又少。Bagel包乾硬化。環境人多就好好好嘈又應聲，冷氣唔夠。其實只係service好D~其他就無咩可取之處，sorry~其實....一間cafe來講，咖啡好重要！點解唔invest多D錢喺原材料同機器上呢？

以前覺得呢間Cafe幾靚，不過一直都冇機會試，今日終於試到喇同個朋友去咗食下午茶，我哋叫咗一個野菌忌廉意粉同一個黑松露薯條，本身意粉係跟餐，所以有嘢飲，我哋本來諗住一杯茶兩份分， 唔知原來佢有最低消費係每人一杯野飲，所以我又帶咗一個香蕉椰子奶昔個奶昔香蕉味好濃，仲有啲花生碎，有口感不過爭少少椰子味，個意粉都正正常常，唔錯既，而黑松露薯條就好新鮮，香脆可口而且佢呢間鋪嘅環境，都真係幾舒服，同朋友傾計傾左兩個幾鐘，都唔會俾人趕走，真係唔錯㗎

今日同男朋友有啲事去左佐敦，之後醒起有一次行過見過呢間CAFE，就諗住行去果到食個BRUNCH啦～入到去，被安排到店裏最入既高檯位置，店員好好 講解餐牌之餘 重話如果一陣有二人檯空出黎可以安排調位我反而鍾意高檯位置自成一角。我地叫左幾樣野，先黎既係黑松露薯條，份糧好多，薯條應該係即炸，超級熱。之後呢個芝士磨菇雞翼好好味，勁JUICY。呢個牛油果BAGEL，味道可以，同埋一定要快啲食，如果BAGEL凍左就會變硬了。最後點了兩杯焦糖海鹽咖啡，完滿了這個下午

尖沙咀山林道有不少的酒吧餐廳～沒想到連賣酒的Cafe也有呢說的就是這次和朋友們來到的這家 - 梔子 Zi設有看著街外的高桌～裝修則是走簡約的文青風格，感覺頗柔和建議大家預先Book位，因為星期六的話滿座機會很大，未必能Walk-in喔有空可以看看餐牌中的最底～會有這Cafe由來的解說，也有店家的話甜品Menu弄得很有心思～手繪的蛋糕圖還附有材料說明，而且蛋糕是Handmade飲品方面，這裡有手工啤酒、清酒～當然也有提供沒酒精的吧咖啡、茶之外，還有冷壓果汁、現打奶昔等～還擇頗多耶如果稍微有點餓，亦有一些輕食提供～同時也有四款的意大利麵可以選擇我們倒是先點了 - 梔子沙律 ($88) 當中有羽衣甘藍、牛油果、蘋果、紅莓乾、松子擺盤看起來很美，但吃的時候倒是變得麻煩。而且沙律汁在最底～沒辦法拌勻Smoked Salmon Bagel Sandwiches ($88)除了肥美的煙三文魚外還有忌廉芝士，兩者配合起來很可口～還有帶少許辛辣的火箭菜不過這個Bagel真的很難切開，太有嚼勁~還是直接拿著吃可能較好旁邊的沙律菜有加醋～但我點的那個沙律就沒有 我點的是 - Avobagel ($78) 夾

係山林道附近食完飯，又未想返屋企住，就想揾個地方食個甜品同飲杯野，hea 陣先。係山林道彌敦道嗰邊入行前幾步，就遇到呢一間餐廳。間餐廳成件事好文青，所以就入去坐低試一試。入到去間餐廳，侍應招呼同笑容都好好，好有禮貌。係門口見到有幾款cake，開心果果隻得返最後一件，而我又本身都好喜歡食開心果，所以即叫！等左陣上到枱0秒等待即食！大型連鎖店果d cake 同佢完全無得比！好快食完，再食多件朱古力，都係好正！食完甜品，就叫咗一杯啤酒。啤酒佢哋係賣手工啤，手工啤我自己覺得一般都比較香，好過大品牌，但依家太多有特式既手工啤，好難比較。食完吹陣水就走人。埋單唔算平，但成件事配合環境，質素同服務，係值得俾依個價既！