梨泰院 (愉景新城) (已結業)

突然想食韓國菜，行過愉景新城見到哩間就入去試吓啦！午餐選擇有9個，都唔算少，可惜冇我最喜歡嘅年糕🤭 ✨前菜 前菜有大豆芽、醃蘿蔔同泡菜。大豆芽麻油味唔夠香；醃蘿蔔味道酸酸地，正常不過不失；泡菜味道偏鹹，酸味同辣味唔太夠。✨韓式便當 $78便當有韓式泡菜、韓式炸紫菜卷、韓式炒粉絲同埋傳統煎糖餅，但糖餅今次轉咗做棉花糖。泡菜同前菜嘅一樣；炸紫菜卷香脆，但入面其實係冇味嘅粉絲，略嫌有啲dry；反而韓式炒粉絲嘅味道唔錯，夠香濃而唔會太鹹，仲幾有咬口👍🏻 至於棉花糖感覺好似有啲格格不入，加上唔係餐廳整嘅，所以感覺差啲啲。份量唔多，如果男士們午餐食哩個應該唔夠飽😂✨韓式炆牛肋條飯 $92熱辣辣上菜，放低時啲湯仲好滾動🥘 以哩個價錢計算，份量都算正常，白蘿蔔好腍好甜，但唔算太入味；紅蘿蔔只係正常嘅原味，都係唔夠入味；牛肋條唔錯，炆得好腍，肉味香濃😋 白飯係珍珠米，有咬口而且粒粒分明👍🏻✨熱紅棗蜜 (餐飲）哩款應該係最穩陣唔會出錯嘅飲品，因為只係用水加紅棗蜜漿開成，味道都夠濃夠香，甜味剛好。✨凍檸檬茶 +$3 (餐飲）茶底味道本身就偏淡，加上啲冰溶咗之後就更加淡😅🔍整體感覺：12點半左右人唔多，所以唔

食到頭髮，退還新一碟，OK但我今日先知，原來廚房仲講左句「唔食完先拎來」我而家嬲到爆！係咪黐線㗎！你自己整條頭髮落去！我仲有義務監督你碟碟餸有冇頭髮？我唔食我點知啊？！好彩我食之前睇咗一眼先見到呢條頭髮咋我求神拜佛啦！！食到頭髮，退還新一碟，OK但我今日先知，原來廚房仲講左句「唔食完先拎來」我而家嬲到爆！係咪黐線㗎！你自己整條頭髮落去！我仲有義務監督你碟碟餸有冇頭髮？我唔食我點知啊？！好彩我食之前睇咗一眼先見到呢條頭髮咋我求神拜佛啦！！

開幕後一直想試，但晚飯時段一早就已經開始排隊，經過幾次都冇試到。今次經過見有位，就來試試午市套餐。打開餐牌，算好多元化， 花多眼亂，選擇困難。🤩 芝士洋蔥炸雞 $98雞件不是很大，方便入口芝士味真係唔覺，反而覺得似沙律醬🤩 香腸年糕串 $68香腸一般般，但年糕煎過，少少脆口，加埋 d 醬，真係好味既 👍🤩 韓式雜菜炒粉絲加配五花肉 $88上枱真的大碟，而且好味既 👍🤩 香辣鳳尾蝦野菌炒天使麵 $98得兩隻蝦，略為寒酸咗 d，比多隻會好睇 d天使麵有少少硬，唔知係咪未熟透🤩 泡菜牛肉炒珍珠飯 $96唔係太辣，好香牛肉味，但有點油和濕整體來說，味道係幾好味既，可以再來。🗣 這裡竟然唔收加一，感覺良好 😊

Lunch 時間唔太多人，都知係啲新派韓國嘢，但都係想食下湯飯就無所謂啦，應該唔差？？？朋友叫咗個石鍋飯樣睇落唔錯咁，都好足料…味道都係普通快餐咁，但啲牛就乾柴到…好似比人炒咗十幾廿次再翻炒咁….完全係牛肉乾程度…自己就叫咗個人蔘雞湯，但佢無放鹽又無比鹽我….平時出去食餐廳都會跟啲鹽點雞…佢得麻油，而且湯係完全無味…問佢拎鹽都等咗好耐，食左一半先有…但公平講，啲湯係巿雞味嘅，啲雞都係煲得姐溶，骨都可以吞。想講係佢啲前菜kimchi應該係我食過最難食最怪嘅一次….啲泡菜唔單止唔新鮮，啲芽菜仲有啲係爛咗梅咗，個酸蘿荀仲難食….明明佢係標榜自己食新派食炸雞咁，啲酸蘿荀可以難食到咁…. 雖然我都知唔會好似正宗啲餐廳咁自己做，都係買返嚟…但麻煩佢收成$100個lunch 佢都比啲正常嘢我….

疫情期間，冒險去梨泰院嘆個下午茶，之前睇到宣傳單張，第一次幫襯呢間，下午2:30 左右，幾乎包場🤣🤣🤣叫了2個tea set，一個滋味拼盤，有紫菜包飯，韓式炒年糕，炸紫菜卷（入面係包住粉絲）仲有一份炸雞芝士薯條🍟🍗味道都唔錯，不過雞略嫌唔夠嫩，同埋好細隻🤣🤣送左韓式前菜：泡菜、蘿蔔、芽菜～下午茶來講份量都夠，食食下都飽，包埋免費熱飲！勝在唔洗加一，下次會想來試下糖餅或芝士蛋糕，賣相都好似幾吸引呢！

間鋪本身都無客 得兩台人 等左成半個鐘 話漏單 之後又上錯野食 叫卡邦尼年糕 佢地比左辣醬年糕 之後個侍應仲同我講話呢個係卡邦尼醬 我指住啲年糕話 「卡邦尼醬？紅色架啵！」之後個侍應話幫我換 好啦又等左一陣 佢拎返碟野出黎 啲年糕係完全無汁！ 仲有啲紅色染左上去 一睇就知佢拎返入廚房用水沖走啲辣醬就拎返出黎！ 仲要完全無卡邦尼醬 就咁得幾粒年糕 仲要濕濕地 我再叫個侍應黎 問點解完全無卡邦尼醬 佢話果啲濕濕地既水就係啲醬汁 我心諗 佢當啲客係智商有問題定係佢啲侍應自己有問題 跟住我叫佢拎啲卡邦尼醬比我算啦唔好再拎走我碟野入去廚房 又唔知佢地會搞啲咩 點知佢拎左碟咁既醬比我 ！！！ 痴線白色一粒粒好似泥醬咁！ 佢同我講呢啲係卡邦尼醬 大家自己睇 如果想食呢啲咁白色液體就黎幫襯啦！

下午茶暨晚餐嘅節奏今日就揀咗位於荃灣嘅韓國餐廳朋友啱啱放工都唔係好肚餓所以就叫咗3個Tea Set一齊Share原味紫菜包飯配田園沙律 -52紫菜包飯不過不失個田園沙律落咗勁多柚子醬呢個配搭都幾特別，幾清新不過食到尾就會覺得有啲太甜因為平時係沖水飲😂但依家係直接食感覺有啲太甜原味炸雞配薯條及田園沙律 -58雖然細細隻但炸雞外皮香脆，入面Juicy薯條份量都多就算3個人Share都好夠食欣賞佢個Sauce伯爵茶味戚風蛋糕 -38面頭個一噸Cream嚇親我😂😂不過好彩朋友鍾意食Cream🤣但伯爵茶味唔算好岀以上Tea Set均免費送上一杯熱飲熱柚子蜜我諗柚子蜜嘅份量多到沖多一杯都重得😜-熱朱古力朋友叫的，我就麻麻哋飲朱古力了🤣韓式炒年糕 -68因為驚唔夠飽又見尚有時間所以叫多個炒年糕有我大愛嘅魚糕😍重要係大大塊架添😍年糕煙韌唔會硬而且辣度夠晒冬天食完真係會暖一暖個人好掛住韓國呀🥲🥲

【商場平民價錢歎韓國菜🔍】/////荃灣韓國菜外賣小店比較多 可以堂食就真係一隻手數得晒🤓近排搵到一間位於愉景新城商場嘅梨泰院 餐廳樓底好高 空間闊落 坐得幾舒服☺️食物由暖笠笠嘅火鍋至甜品 都有好多款式可以選擇 埋單都唔洗加一 整體性價比幾高can trytry😝.👉🏻香蕉雲呢拿雪糕煎糖餅 ($68)幾年前係韓國食完 念念不忘想搵番呢款甜品呢間Menu竟然有幾款味道嘅煎糖餅🥰用左玉桂粉同砂糖 香濃嘅玉桂味特别出色比起一般泰式煎餅實身 有啲痴牙 幾有咬口配搭冷熱交替幾fresh 想encore(´▽｀).👉🏻豬肉石鍋拌飯 ($88)味道出色 但唔係用石鍋上有少少失望🥲韓式辣醬混入飯中 甜甜酸酸增添韓式風味豬肉好軟腍入味😳再加雜菜同煎蛋幾美味.👉🏻鮮人蔘雞湯 ($88)湯底第一啖比較淡 人蔘味之後先慢慢出嚟有幾條長條形人蔘 真材實料👍🏻雞肉嫩滑 最底有粥底效果 可以暖暖個胃～————-📍梨泰院 (荃灣)荃灣青山公路荃灣段398號愉景新城地下1019號舖

🍽梨泰院———————————————🐈：去愉景新城行街，見好多人等位就去試下。我哋2個人，叫咗個聖誕新年2-3人套餐，我覺得係超抵食！！同埋overall每樣餸味道都唔錯，性價比高。———————————————🌟香腸年糕串出奇地好食，年糕外面好脆又大粒，個汁醬酸酸甜甜，好味。🌟紫菜卷有四件，外邊少少鹹味嘅脆皮配搭入面清甜煙韌嘅糯米，幾有心思，絕對唔係普通嘅紫菜卷。_🌟香蒜蜜糖無骨炸雞香蒜蜜糖汁好好味🤤，炸雞都炸得幾好，肉質幼嫩，鎖住肉汁好juicy。不過個皮再薄少少就更好，整體算唔錯！_🌟豬肉石鍋拌飯加芝士超好味😍！唔係得啲重口味嘅汁醬，豬肉味道岩岩好，唔會搶哂其他配料嘅味，令每一啖都食到新鮮蔬菜嘅香甜味道！仲有好多飯焦😚，焦香味好香口！_🌟鐵板烤牛肉醬汁好香濃，牛肉烤得好腍又好掛汁，唔錯唔錯！仲有生菜附送！_🌟韓式糖餅加雪糕原來我係第一次食糖餅😋，無食過其他，比較唔到。但我覺得唔會太甜，口感偏硬，初初以為會食唔晒，最後都係不知不覺食晒😂。———————————————#荃灣美食 #香港美食日記 #香港美食地圖 #香港美食 #食好西 #hkg🇭🇰 #hkfoodie #hkfood

荃灣愉景新城新開韓國餐應，個店名咁吸引，要過嚟試一試佢。今次係下午茶時間嚟，就咁睇價錢尚可接受。一開始嚟4個前菜，泡菜、芽菜、薯仔、酸蘿蔔，一般味道。雜菜炒粉絲（加牛肉）$58有陣我不太討好的怪味，個人不太喜歡，粉絲碎咗d…原味紫菜包飯 配 田園沙律 $52個田園沙律有點慘不忍睹…生菜太碎。紫菜包飯味道尚可，但無驚喜。原味炸雞 配 薯條 $58蜜糖芥末醬唔錯，炸雞有肉汁，唔會太燶太乾，3個set之中最好嘅一個。

之前嘿過男朋友黎食，大件夾抵食，所以今次帶媽媽黎試下，點知中伏🙄嗌左個朱古力雪糕糖餅，但黎到係雲呢嗱雪糕加朱古力醬，完全貨不對版，咪揾個職員問下，職員答我：“呢個咪係朱古力雪糕，我地既朱古力雪糕係咁樣既”。下？？？你當我唔知咩係朱古力咩？到我揾第二個職員問，個職員話跟本冇曬朱古力雪糕，所以用雲呢嗱雪糕代替。咁點解我問第一次果陣唔坦白話冇曬朱古力雪糕呢？同埋餐牌冇改，嗌完又冇同我講會轉款😅加上塊糖餅係硬到法包咁，好差😑

天寒地凍有乜好得過食熱辣辣韓式火鍋暖下身！我哋4個partners in crime今次嚟食火鍋兼歡渡新年！Seafood and Ginseng Chicken Soup▪︎海鮮人蔘雞鍋(2~3人)>呢個海鮮人蔘雞鍋好霸氣！裡頭有釀入米飯的春雞、海鮮蔬菜計有鮑魚、虎蝦、蟹、青口、帶子、魷魚、金針菇、雞脾菇、時菜等幾豐富！啱晒鍾意食海鮮飽魚嘅我哋。湯頭甘美有淡淡人蔘味，飲埋啲湯成身暖笠笠Pork Back Ribs Soup with Potato▪︎馬鈴薯排骨鍋 >果幾舊巨型豬脊骨衝擊視覺極震撼！以特製韓國醬料滾住上桌的火鍋嘅排骨幾入味，不過肉就唔多；加上津白京蔥絲、薯仔沾了醬汁口感粉腍都好食Beef Chunk▪︎烤牛肩肉>牛肩肉口感紮實味道得嚟帶點嫩，調味甜係幾入味，用爽脆生菜包裹著一齊食堅正！另跟3種醬料分別有豆醬/麻油/黃豆粉Chicken Tender▪︎烤雞肉>無骨雞件幾大塊、調味帶甜質感軟滑，點啲醬料和蔬菜一起食啖啖肉Blue Moon ~ Soju with Blue Curacao ▪︎藍月亮>以前喺韓國零下唔知幾度、凍到好似雪條咁喺街

佢裝修時已經期待開幕，因為荃灣真係太少韓國菜食啦🥲 仲要開係商場裡面，好想試下好無食。今日終於有時間經過入去享受一人時光😌😙單點餐牌竟然唔太貴，有驚喜👍🏻午市有Lunch Set $100樓下送熱飲前菜四小碟：泡菜、芽菜、醃蘿蔔、甜茄子。Kimchi係韓式味道，唔係死辣，like! 炆牛肋條飯 · 份量足，切粒有好多件。又有紅白蘿蔔。最緊要係牛肋肉夠腍😋😋😋 大滿足😁😁 推介⭐️⭐️⭐️⭐️⭐️下次有更多人來食可以試多D其他菜式😍 咁就知道呢度係咪性價比高啦🤓 吖，美中不足係無蛋卷食🥲

小時候在愉景新城的粟米、士多啤梨大柱拍照，到現時也記憶猶新。如今地標移除，並轉型為兒童主題商場，吸引不少一家大細享樂整天，可說是小孩王國，但這裡卻找到了這遍大人的聚腳處。晚餐時份9成滿座，餐廳燈火通明，裝潢主要以木及黑色為主，營造出舒服咖啡店感覺，整體感覺舒適。就座後前菜隨即呈上，有醃蘿蔔、芽菜、茄子及泡菜，蘿蔔及芽菜醃整時間短促，醃料流於表面，食材質感保留爽口，相反茄子與泡菜醃製入味，茄子軟腍帶甜，泡菜腍中帶爽，辣度中等。蛋漿包圍著泡菜炒飯，並放上太陽蛋，熱鍋使蛋漿快速熟透，呈上時已發現蛋邊熱熟情況，拍過數片照片後蛋漿已經變成煎蛋，難以與炒飯撈勻，泡菜炒飯呈淡橙色，卻品嘗不到泡菜味道，也找不到泡菜的蹤影，味道清淡無味如白飯，太陽蛋在此作用不大。湯底為香醇牛肉鮮而不羶不油膩，牛肋肉炆至軟腍帶肉絲質感，咬下時暖和肉汁溢出，並切割成與蘿蔔相同形狀的立方形，不但方便進食，還是拌飯之選。半份炸雞大約有6件，紅色醬汁視覺上彷如甜酸醬，品嘗後更發覺，外觀與味道也跟預期中的蜂蜜柚子醬色有所出入，味道甜中帶幽香，該幽香如玫瑰精油味非柚子味，無骨雞件嗒嗒肉進食更方便，不需用手或帶手套享用，即叫即炸外皮香

味道：⭐️⭐️⭐️⭐️⭐️性價比超高既韓國菜 🇰🇷長期門外有人山人海既人群等候🙋🏻‍♀️❶馬鈴薯排骨鍋 $268湯底有韓式大醬既味道🥣 顏色上帶點紅 入口又唔會好辣 搶喉❤️排骨燉得軟嫩入味 🐷只要用筷子輕輕一剝 就會骨肉分離🥢呢個鍋物 食物熱騰騰 暖胃暖身🔥冬天享用就最適合不過❄️❷烤雞肉 $108雞肉烤得軟嫩 完全唔會好燒焦👍🏻仲會配多款調味料同蔬菜🥬爽埋一齊食道夠曬清新🌴❸青檸梳打 $18外觀帶點漸漸變顏色✨檸味突出 味道清爽🍋