梨滿園韓國料理 (已結業)

樂富廣場都是經常來搵食的地方，但總是沒有機會試這間韓式餐廳，適逢今晚韓國癮發作，想食石頭窩飯便立即想到這裡。未到7 點鐘，人流不算多，簡單的裝修，闊落的座位。晚餐有提供晚餐或套餐，款式頗多，價錢十分親民。員工亦很有禮地介紹食物。點菜後立即送上四小碟開開胃，有芽菜，泡菜，土豆絲及醃菜。今晚我是為石頭飯而來，所以石頭飯是必點的，熱辣辣石頭飯賣相不錯，上枱還是滋滋聲，內有豬肉，大量紅蘿蔔絲、芽菜、菠菜，紫菜等，飯面上還有隻生蛋，將所有材料撈勻，重點要加少少辣醬，就更加好食。另外點了滋補的人參雞湯，侍應細心地幫忙剪開雞件，方便進食，雞湯濃郁而有酒蔘味，雞肉肉滑鮮甜，糯米軟腍，大大窩人參雞湯配上白飯，十分飽肚。侍應教加少少鹽到雞湯中更美味。下次可以來試食燒肉吧。

興高采烈約好朋友到樂富進膳，以為改變慣例不上茶樓，可是樂富商場正在裝修很大灰塵， 選了外表不錯的梨滿園韓國料理，服務員實在太忙又很少員工，沒空收拾和招待， 快快的點了午市套餐辣牛肉滑豆腐湯和海鮮大醬湯……唉！真的有點失望，衹有豆腐沒牛肉，海鮮湯內的翠肉瓜煮熟到爛，兩個湯都有點像平日煲湯餘下的傑撻撻雜亂無章又太咸，幸好餐前小菜還可以，知是否午市套餐價格比較便宜，所以有點失水準，破壞我對韓式食物印象，下次還是上茶樓算吧。

平時行樂富廣場就行得多，但講到食野就真係冇乜，估吾到今日有個咁美好既體驗。首先我覺得前菜有六小碟已經好豐富。有白菜仔、蘿蔔絲、南瓜、薯仔絲、我最愛的芽菜同埋吾少得既泡菜。打響頭炮，非常開心。白菜仔好特別好少可係到有得食，味道清新。蘿蔔絲入味。芽菜好香麻油味，正，仲有少少辣椒係上面，好好味！夠辣！變到d芽菜都有辣味！好開心！已經滿心歡喜了。之後上左海鮮煎餅，都有驚喜比到我。試過去富臨皇宮食過薄罉，都冇應有的口感韌度，完全吾合格。反而呢到好出色，先講質地有咬口，係正宗薄罉質地，好！厚度亦非常適中，非常好，剛包著d海鮮。一到食就一到燒燒肉先，正。我就燒雞肉同埋帶子，雞肉肉質鬆化自然，味道帶甜，好適合送飯。而帶子好驚喜，因為佢即使解凍左都好大粒，店員話要燒耐d，叫我地放爐邊燒，咁邊燒其他野邊等都ok，兩邊金黃再食，嘩，d鮮味同汁係飛濺出黎，好鮮甜，仲有，佢個質地係鬆化既，肉質會一絲絲，吾係有d帶子既質地會好漿好黏咁。不過其實睇下你自己中意食咩質地。各有所愛。我地中意呢隻帶子到問店員邊到買到，店員都話試過其他超市買個d帶子，都買吾到呢種。仲話公司個d超市冇得買，應該要批發，天啊！仲有一個豬腩肉，

突然想食韓式肉, 但又唔想去 D 任食放題, 上網 search 下, 搵到呢一間。網上很多好評, 雖然不能盡信, 但有大量食客的照片可供參考。正所謂有圖有真相。見到相中特選牛肋肉堅正, 一於去試下!嘩, 話咁快就先黎四小謀韓式前菜, 都 OK, 但忘了影相。牛肋肉上枱了, 望見有骨有肉, 很大舊卷起, 有兩大條, $160, 不貴。連肉同骨頗大條, 要用剪刀剪開黎燒。另一條比我攤開來影相, 長度橫跨兩隻碟, 一點也不誇張。牛肉很嫩滑也好味。下圖右下角是新鮮魷魚, 也是大大塊, 又厚肉, 吃兩三塊就夠了。所以我地兩個人食唔哂呀。下圖左下角是餐廳送的生菜, 生蒜片, 辣椒絲, 包著燒肉來吃超清爽。還有雞脾肉, 好嫩滑, 出奇地好味。下次會再來吃... 必食特選牛肋肉!

前幾日晚天氣涼涼地，諗住同屋企人去食下韓燒，圍住個爐暖笠笠見樂富商場有一間韓國料理都裝修得唔錯，除咗可以食韓燒之外，仲有其他韓國套餐，選擇都算多，就入去試吓餐牌有好多唔同烤肉類同埋海鮮可以揀，我哋就揀咗幾款肉同埋帶子首先會有幾碟韓式小菜，除咗一定有嘅泡菜之外，仲有南瓜🎃、芽菜、白菜仔、薯仔、酸蘿蔔等，每樣啲嘅味道都唔錯要讚一讚店裏面有一位服務員💁，佢招呼十分周到，除咗好主動咁樣推介我哋邊種肉類最好味之外，而且仲好友善咁同我地傾計，笑容可嘉，又好熱情招呼我哋，好值得一讚而烤肉方便每一樣味道都好惹味，肉質好鮮嫩，燒一燒香味已經出晒嚟，雞肉就醃得好入味，包住生菜食一流我自己就最鍾意燒牛肋骨肉，切得薄薄地好快就熟，一食落去牛肉味好濃，基本上唔使點任何醬汁都已經夠滋味另外五花腩肉望落去色澤好靚，脂肪同豬肉嘅比例剛剛好，燒完之後點小小鹽已經能夠帶起肉嘅鮮味如果大家鍾意包生菜🥬去食，仲可以加麵豉醬去調味成枱都係餸真係好滿足我哋最後仲叫咗個高麗人參雞湯，貪佢夠滋補，食完熱氣嘢可以飲過湯中和一下，人參嘅味道好濃，加上口感嫰滑嘅雞肉，食完有一種暖身嘅感覺，好飽足餐廳嘅食物質素都幾好，最令我印象深刻嘅就係女

諗住去試下佢啲韓國野，我就嗌左個「牛肉石頭鍋飯」，點餐嘅時候已經可以feel到啲員工嘅態度唔係咁好：1.黑面 2. 態度差。我個friend問佢個炒豬肉辣唔辣嘅時候，佢就好唔耐煩咁講：「唔辣咖！」 仲有，格離枱有一對老夫婦（啲老人家唔想食辣野）就問個員工呢啲辣唔辣，個員工就話「呢度全部都唔辣咖！」又係唔耐煩。（所以我建議大家之後去呢間野都唔好問佢啲野辣唔辣） 個鍋飯等左半個鐘先黎，一黎個樣已經同餐牌張相唔同，同埋同我想像中個樣好大分別，好多菜啊、好多紫菜撻係上面。而且個鍋好多飯焦（唔知係咪我嘅問題，我只係用左少少時間用紙巾擦下個匙羮）咁我就好蠢咁撈埋啲飯焦同啲餸，搞到食每一啖都有飯焦，食到我大牙附近啲牙肉損左，每次食一啖都好痛。同埋，啲牛肉好硬。總之，個兜飯我都唔知自己食緊咩，呢個就係牛肉石頭鍋飯？

天氣又轉冷，凍凍哋去食韓燒暖暖胃最啱喇！韓燒二人餐， 六碟前菜， 土豆絲，大豆芽，醃蘿蔔，泡菜， 南瓜及小棠菜，主菜有牛肉，雞肉及豬腩肉， 新鮮生菜 ，韓式炒粉絲，白飯及冬瓜排骨湯， 非常豐富。前菜六碟，碟碟出色， 尤其泡菜 ， 自家醃製 ，好食到要追加😋， 多食酵素對身體有益。 烤肉時，香噴噴 ， 食落好滋味！熟肉加埋泡菜及麵豉醬 ，放在生菜上包住食， 味道更豐富！冬瓜排骨湯及白飯熱辣辣送上， 喝一口熱湯，寒氣盡消🤗！有韓式炒年糕及炒粉絲任擇其一， 炒粉絲未試過， 所以特別點選，味道亦相當可口！食完韓燒，衣服都沒留下濃濃的燒烤味道， 因每張枱的爐上有抽風， 抵讚！

黎呢度食韓燒，一個字，抵，因為佢晚市有個二人餐，就有以下既食物喇。。。每人都係百幾蚊咋，抵啦👍🏻👍🏻👍🏻佢除左韓燒肉之外，仲有韓國菜，覺得韓燒熱氣既都可以黎食韓菜，正。。。。一坐低店員會俾呢6碟前菜你，同韓國一樣做法，有土豆絲，南瓜，大豆芽菜，酸白蘿蔔絲，菠菜，當然一定唔少得既泡菜吧，6碟前菜小吃都美味可口👍🏻之後有個例湯，係豬骨湯，都幾好飲，好似中湯。。。呢樣就係生菜，係俾你包住d燒肉食既，d菜都好新鮮下。。。用來點燒肉既調味料啦😋😋😋仲有每人一碗熱騰騰的白飯👍🏻👍🏻👍🏻燒肉黎喇，有五花腩，有牛肉，因為佢地有d會腌製左，所以其實都唔洗用調味料已經好好味了😋😋👍🏻👍🏻最後套餐會包一款熟食，有炒年糕同炒粉絲揀，我就揀左後者，本身無乜期望，但食落去估唔到係可以炒得咁入味咁正，下一次一定要黎試下韓國菜😋😋😋👍🏻

點了一個牛肋骨湯加飯，加杯熱柚子茶。$61等左30分鐘先上牛肋骨湯（中間催過3次），牛骨有一塊（正常大小）和一塊手指尾咁大既肉，其他全是湯和幾片白蘿蔔。心諗要我等半個之餘仲俾d咁既野我食？！到食完，柚子茶都未黎，我決定走人！埋單時個waiter仲想收我61蚊，我話野飲都無黎，點俾野飲錢呀！我俾你都唔好意思收啦。佢仲講都未夠一個鐘，唔算耐。當時距離我叫餐時間約45分鐘。我當堂火都黎，我話未去過d咁差既餐廳！

樂富終於開咗一間韓式餐廳，所以就好期待去試食。第一次去食已經覺得啲侍應麻麻哋，估唔到之後去食每次都係咁，時好時唔好。有幾次覺得佢地態度有好轉，原來係幻覺，每次總有樣嘢係唔好。最近嗰次，係去食下午茶，一開始係餐廳門口見到個餐牌上嘅「配有：」被第二張紙遮住咗「湯」呢一項，但入到去之後睇個張係冇遮住。我屋企人點餐後發現冇湯就問下待應（我哋通過食午餐係有湯，加上個餐牌冇遮住），個待應一開始好脾氣+禮貌地解釋番下午茶係冇湯，佢哋漏咗遮住我哋睇嗰張餐牌。點知送餐黎時好晦氣咁掉低左我地點嘅餐就走咗，我哋之後問佢攞兩隻碗仔，佢又好冇耐性+禮貌咁話：「你要咩啊」，好似係我哋得罪佢咁！佢哋全部侍應都好似做得好厭倦份工咁，跟住就我哋啲客人係出氣袋，仲擺晒面口俾我哋睇！真係如果唔係好食（特別好食：泡菜炒飯），我都唔會去幫襯！

今日收工，同老公經過呢間韓國野好多人食緊，諗住應該唔差...排左一陣隊，入到去，叫左兩人餐。上前菜，前菜味道一般般。上埋個主角——豬首賣相真係一般，諗住味道應該唔差呱點知-.-！無下次！

好耐無食泡菜又有點想食，所以中午就和同事一起去附近覓食啦~~樂富廣場都幾多野食，好多可以發掘！門口唔係好顯眼，不過好韓國傳統feel。裡面裝修比較簡單，普普通通啦。一坐低就有staff送上小菜，泡菜搭配不同野，有豆芽，薯仔或者南瓜，隨機噶仲有烤肉，不過我們無叫。特選午餐比較划算，我叫咗個牛肉石頭飯，熱辣辣，冬天食very good啦跟餐送湯和飲品，非常划算。番茄薯仔肉湯，清清地，薯仔好食終於上主食啦。石頭飯就是來不及影相，驚飯焦太過🔥最喜歡就是可以自己拌飯，不過一定要好快手，因為個石頭真是好熱好熱…牛肉比較大塊，其他配菜都幾好

朋友係樂富商場返工，今晚去等佢收工再去食晚飯。佢話樂富商場有間食韓國野唔錯，所以佢收工後我地就上左去食韓國野都有唔少套餐選擇，我地2個人選擇食燒肉套餐餐廳d位好大，我地2個人坐一張4人台坐低後侍應好快就拎左6道前菜上來，每一碟份量都多，而且味道唔差，好食烤肉有豬，雞，牛！都多份量D肉已經有少少味，所以唔洗點鼓油都夠味，雞肉好滑，好食豬肉有d肥，我自己就一定要包菜食牛肉食落去就不過不失，唔差生菜好新鮮，仲有蒜頭同青椒每人都有一碗飯，一碗老火例湯，碗湯好飲套餐仲會有炒粉絲或年糕選擇，我地叫左炒粉絲食落去好惹味，鑊氣好足！牛肉有好多，好食

中午時間路過樂富, 才回想起跟樂富已一別多年. 見人事全非, 驚訝社會進步速度之高. 踏進翻新了的樂富商場, 發現跟以往實在大有不同, 更新更潮, 誰會可以聯想到那屋村商場的模樣? 一邊行一邊找個地方吃中午飯, 上到3樓, 就在扶手電梯旁, 看見這韓國菜餐廳, 就決定試一試了. 餐廳環境整齊, 而且配備韓燒專用的抽油煙機, 下次晚上過來的時候可以試燒. 時正中午, 就點了午餐兩客, 包括烤牛肋骨肉及韓式上湯海鮮烏冬跟蜂蜜柚子茶及蜂蜜生薑茶. 午餐全都跟有韓國特色前菜, 共兩款味道, 一清一辣. 前菜爽口開胃, 適宜在主菜來到前品嚐一下. 韓式上湯海鮮烏冬配有鮮蝦, 蜆, 獅子狗, 龍蝦丸, 肉絲, 金菇及時菜. 餸料豐富新鮮, 烏冬爽口嫩滑. 烤牛肋骨肉鐵板上菜, 底有洋蔥, 上菜時洋蔥及牛羊濃香撲鼻. 牛肉入口嫩滑有底味. 洋蔥清甜. 小菜的午餐配有白飯及靚湯. 白飯入口香甜. 靚湯足料蜂蜜柚子茶甜甜酸酸很是開胃解渴. 蜂蜜生薑茶有點微薑味, 不辛不辣, 很暖胃. 總共消費HKD144. 離開餐廳, 回到這個既陌生又好像熟識的樂富. 打算走逛一會, 感覺一下這區的更多細微轉變. 

梨滿園已經喺樂富廣場開咗一段時間， 我成日都會經過但係就搵唔到機會去試食， 今日見凍凍地 但係又唔想打邊爐， 咁就近近哋去咗樂富廣場 食韓國燒烤。可能係平日嘅關係， 晚市比較人少， 我哋兩公婆入到去見到個 set dinner 唔係咁啱食， 就見到主餐牌有個精選2人套餐， 套餐包括四款前菜，分別係韓國泡菜 、大豆芽、蒜蓉炒 豆角、 醃製 白蘿蔔絲， 另外 主食係牛、豬、雞、雜錦拼盤， 生菜籃一份， 韓式炒年糕 ，其實個份量都夠三個成人食……肉類方面，牛及雞的質素都好味， 但係個五花腩好似未徹底解凍， 同埋燒完之後比較 硬， 所以食咗三片左右就 唔想再食五花腩了， 至於炒年糕 ，味道中中挺挺，再 跟兩碗白飯及兩碗例湯， 食到好飽埋單 都係三百蚊…… 都算係抵食。