棟記飯店

營業中

休息中

一個月總會幫襯幾次鍾意佢可以自己帶酒環境光猛時間早仲可以樓下街市買海鮮今次就少少地買了桶蠔同埋蝦價錢實惠2個人埋單 連海鮮 500有找蝦（樓下街市買） 100美國桶蠔（街市買） 120

天氣涼左，想食中式晚餐，又諗起上次食過幾好食，特登過嚟番兜。今次是第二次食，今日人流多，佔座一半左右，非常嘈吵，好難傾計。有個中年叔叔帶位，俾滾水、杯碟。有個穿圍裙伙記係老人家，她不會寫單，應該係傳菜，執枱兼包外賣，有一位慢慢行的老叔叔是傳菜的。寫單要找後生及中年的幾個伙記。今日叫左魚香茄子煲、咕嚕肉、黃金鮮魷，一支青島，兩個白飯。食物等了15分鐘左右。我們三人叫三個餸，份量剛剛好。仍然最喜歡魚香茄子煲，肉碎很多，撈飯啱味，在環境冷氣足夠下茄子食到尾仍然是滾熱，十分欣賞！黃金鮮魷也是新鮮炸起，脆卜卜，正！咕嚕肉一般，有雪藏味。整體來說，唔錯的一餐，我們應該會再來。

Lunch time行下行下去左上環街市，所以決定上去搵食啦又上到去街市好想食即炒，不過你知啦。。街市熟食好多鋪頭，真係花多眼亂嫁正當猶豫不決ge時候，有丫姐同我地招手 同wan又見到係有即炒，所以就決定試吓大排檔式ge地方，招乎都算正常佢張大圓枱有櫃桶，可以自己攞筷子匙羹杯，熱水就喺枱面自己浸。我叫咗個乾炒牛河，我朋友叫咗個豉椒炒牛河加埋凍飲都係$42,喺中上環區真係好耐冇試過見過依啲價錢，凍檸茶少甜叫咗，味道正常。不過我個炒河就好快就到，兩三分鐘就到咗，反而我朋友個炒河耐好多嗰首可能都唔算話好油，河粉比較碎。不過奇怪地方地方炒河都叫熱嘅不過完全唔覺得係啱啱抄出嚟 所以我都唔知係咪即炒。。。反而我朋友叫果個好靚仔，仲有幾好食幾有鑊氣所以我覺得都OK正常。呢啲價錢你仲想點？不過開晒風扇都好熱，唔覺有冷氣唔知係位置問題定點啦

啲嘢唔好食，中午無湯，椒鹽豬扒飯無椒鹽無炒過，只係炸豬扒，飯又乾爭爭，豉油都冇，以後唔會再食棟記。成碟嘢干到咩咁唔覺得佢有椒鹽，完全貨不對辦，呢間野以後都怕怕。

常聞上環街市有好嘢食，今日第一次過來。開頭有少少怕會熱或者環境如何，入到來其實也算舒適，冷氣夠涼，地板乾淨乾爽。在玻璃門外要填安心出行，推開玻璃門入去，迎面已有人過嚟介紹你食佢嗰間，你可以行入去周圍兜下睇下中意食乜。我哋第一次嚟，又未有心水，所以就去咗食棟記，因為呢間好似係全街市最大嗰間有最近門口。我哋行埋去試見到有個男仔自己一個人嗌咗煲魚香茄子煲一人獨享，望落去好似好好味咁所以我哋一坐低第一樣想嗌就係魚香茄子煲，我老公想食粉絲所以又嗌左個粉絲煲，牙仔就想食牛肉跟住我哋又叫多一個牛肉，全部都好好食！下次一定會再嚟！

今日去中環見客，所以lunch 就係中上環附近搵野食，由於食飯時間好多間餐廳都full哂，沒有位置，所以去左比較多坐位既熟食中心食飯。我們入左間叫棟記既食碟頭飯，叫左個星洲炒米同涼瓜排骨飯加飲品熱奶茶，分量都幾大，涼瓜苦味重，不過個汁唔錯，排骨份量都多，包你夠飽，星洲炒米米粉炒得都算乾身，不過味道偏咸，質素中規中舉，奶茶都可以接受，唔會太澀，不過無乜奶茶既回甘，但價錢係平既，所以質素對比返價錢係可以接受。

為免大家等45分鐘叫嘅嘢都唔黎，之後到咗個餸又有小小強，同佢反映之後反而被個老闆用粗口鬧你好似你丐飯食咁，所以寫呢個食評。其實原本棟記係我嘅飯堂，因為返工同住都係呢區，鍾意食小菜，所以lunch time或夜晚唔煑飯都會叫呢度，通常放工打去落order之後自己去拎（都曾經係Openrice post個d外賣）。有時懶又諗唔到食乜真係一日兩餐食佢（我IG有相可以做證）。但今日就非常之唔好彩，諗住星期六呢區比較靜，所以打去叫外賣。等45分鐘都唔黎，其實你送唔到接單時可以講。等45分鐘送到黎，戲肉係盒煎蛋炒菜有小小強，即刻打去叫餐廳打俾啱啱落lift個個人拎返盒餸（其實我距離文娛唔洗5分鐘）。你以為佢會處理，點知好好野，佢接完電話ignore你。所以你好聲氣打去問佢，點知個老闆(男人）叫我食咗盒餸去，同用粗口話「你下次唔好x再打電話你落單」😤🤬😤🤬 乜事呀依家，我有俾錢架，你個食物唔OK同你反映，唔處理仲用粗口cut人線。問題係我有俾錢唔係丐食囉，所以搞到我要走落街拎返盒餸俾佢叫佢退錢。去到預咗佢會拾我呢個女人，但我唔忿氣白白俾咗錢嗌你囉，我都好公道冇郁過盒餸完整俾返佢。但佢退錢嘅時候繼續用

6號餐: 秘製咖哩雞飯  42元 有例湯&凍飲  3/5分1. 例湯是蘿蔔湯,味道都可以,不過偏淡2. 難得凍飲熱飲價錢一樣,選擇了凍央,叫了少冰但沒有算啦,飲品有正常茶記水平3. 咖哩味略淡; 雞件好多,不過食得出是冰鮮;米飯量都足夠;咖哩中有2件蘿蔔,還可以~上環熟食街市到處都是茶餐廳,價錢大約在40-50元,有平有貴,座位就一定有,棟記算是平均質素,不用等候亦可以一試,下次繼續跟大家分享其他餐廳~

係呢頭住固之然要搵下食，就搵到呢間棟記。佢係上環市政大廈樓上二樓。哈哈又估你唔到，上到去又幾多人喎睇吓餐牌先。我最愛吃鮮尤，honey話食兩拼，于是乎叫個炸魷魚白飯魚，另叫個啫啫雞㷛，再叫個生炒牛肉飯。我就帶埋梅酒溝soda飲。先嚟個炒飯，份量大可惜牛肉落左太多梳打，炒飯好食除咗牛肉。之後個啫啫㷛。掂呀！有黃沙豬膶好大塊，超好食，也有雞食有點肥，味道好食。最後都係炸白飯魚同鮮尤，都好好食，但honey嫌尤魚太林。我就覺得好好食😋

呢個XX肺炎Covid-19 ，搞到香港地個個無啖好食，(正苦)一時又限聚，一時又禁堂食，搞到平時三五知己食餐晚飯都要分開坐，以前去開嘅飯局都Q無晒🤦‍♂️,今日放寬返可以四人聚餐，大家困咗屋企咁耐，一定要出返嚟促進經濟啦，靠個(正苦)就死得了😆😆今晚食飯呢個地方其實對我哋嚟講係有啲遠，(因我哋分別住響荃灣同東涌😅)，不過無阻我哋兄弟聚腳食飯兼吹水🤣🤣。首先要讚一讚老闆娘先，人又靚又好人，響呢個逆境，舖頭出品仍然保持到一定水準，服務又好👍，不汪我哋長途跋涉都要約埋過嚟呢度食。另外一樣要值得一讚，就係呢度嘅環境夠光猛地方又夠乾淨(下面有相比大家睇)，因為好多人印像中都以為街市熟食中心一定會好污糟邋遢(我以前都會咁諗)，但我可以同你哋講呢度一啲都唔污糟，重好鬼企理添🥰，加上宜家食飯大家都要有社交距離，呢度就啱晒喇地方夠晒大，而且樓底又夠高夠通風，枱與枱之間有一定嘅距離大家可以食得安心😎。介紹完一大輪，終於講下我哋今餐食咗啲乜喇，先嚟幾支冰凍🍺啤酒先，再加埋老闆娘無限供應嘅花生佐酒小食😆, 我哋就開始order今晚嘅主菜喇❗……1️⃣✔西蘭花炒鮮魷…2️⃣✔水煮牛肉…3️⃣✔楝記小炒王…4️⃣✔椒鹽豆腐拼九肚

久違了的週五夜放工後外出晚飯，由楝記開始。不肯定其他人會否啓動所謂報復性消費，但仲係預先打比老闆娘留餸比較穩陣。是晚點了：1.盬焗烏頭：還未到埗巳收到老闆娘來電reconfirm 是否肯定要，因其他食客早已虎視眈眈，上枱冇幾耐巳經清咗半條，肉嫰、鮮，而且用盬焗嘅效果絕少有其他方式煮烏頭嘅泥味。2.炸子雞半隻：皮脆肉嫰唔柴，拌碟蝦片有畫龍點晴效果。3.啫啫唐生菜：足料而略嫌料頭太多，多蝦米多肉碎反而有喧賓奪主令唐生菜顯得失色。除自携紅酒之外，不得不提楝記凍檸茶嘅茶膽非常出色，層次分別；唔好睇少大排檔嘅水吧，咪以為係一般貨色。

7.1 回歸，1行7人，黃昏肚餓經過上環市政大廈，遂走上二樓熟食中心覓食。經驗所得，近門口的未必是好東西，於是全場走一轉，也沒有仔細在網上看食評，碰碰運氣選了「棟記飯店 」。當晚六點剛開檔，人客不多，座位任坐，加上本身場地大，枱與枱之間有足夠距離，十分舒適。未點食，先隊啤，是常識。隊緊啤，當然要點些下酒菜，於是點了.....1. 椒鹽排骨，乾身不油，咸度合適中。2. 椒鹽九肚魚，粉漿夠薄且脆，魚身嫩滑，魚尾炸後仍保持完整。3. 黃金茄子，不得了 !! 黃金做法 (咸旦黃) 不是什麼新鮮事，但用上厚身茄子，要做到茄子夠熟而不油，不是煎釀三寶那些過淋，咬下是爽脆的，表面的黃金不多不少，粉漿如絲輕薄，這個在家是煮不出來的。飲多兩杯，開始入直路食主菜，於是點了.....4. 蝦醬通菜煲，獲氣足，煲仔一上煙四起，蝦醬味迫出來了。5. 肉碎粉絲煲，粉絲乾身，條條分明幼細，不似家常用的，應該不是中國貨。6. 紅燒豆腐，豆腐軟滑而入味，不是炸到油淋淋那些，朋友不停口吃。7. 涼瓜炒蛋，蛋色鮮黃，火喉足蛋香濃，問樓面不知是什麼雞蛋，我估計是「河北蛋」。天口熱，要消暑，涼瓜不二之選，於是再點了.....8

今日lunch又係外賣，今日就試左位於上環市政大樓既呢間～棟記，佢午餐有好多選擇，每星期都不同餐牌的👍🏻今個星期有個鰻魚粒炒飯，我咁懶就一定唔會錯過啦送到黎果然不會令人失望，鰻魚粒都好多，炒飯個底都相當美味，仲食得出好夠火喉，佢lunch可配例湯/冷熱飲 都唔需要加錢因為平時湯水少，我就一定㨂例湯，佢地既例湯好足料同埋一定無味精仲要送到黎係熱辣辣架，呢樣值得記一功而呢個午餐今時今日算平靚，盛為$42。

食了四日外賣真的好悶，於視乎與幾位同事決定出外食午飯，我們午飯時間不多，上中環正午飯時段周圍都擠滿人排隊等候好耐，最好方法就是去上環街市熟食中心，因為比較破舊、污糟、嘈吵和擠迫，一般都會快快脆脆食完即走不會太逗留。同事選擇了小炒店 - 棟記，來到時大多數大圓枱已坐滿了客人，現時香港時勢經濟差，價廉物美的碟頭飯食肆都特別吸引，等了10分鐘左右有五個麻甩佬離開。豬扒撈麵大大碟豬扒切成四四方方，外層香脆非常之惹味也不油膩，撈麵香Q好懷舊的口味。魚香茄子飯茄子和碎豬肉粒吸盡鹹魚香口感細膩，味道鮮美，最難得一點也不油膩。好味😋值得推介。

上環區唔熟路，同幾個朋友做完活動都成10點，附近食肆都收唔多收曬。其中一個朋友建議去熟食市場，睇下有無野食。好好彩 ，行到樓下見到營業時間收凌晨2點。上去到成個場都仲好多人，等左20分鐘終於有位坐，因為只見兩個姐姐做野，最後我地坐左20分鐘，都係完全無人理，最後我地自己動手執枱，再舉手，先有人幫我地落單。（我都明白佢地人手唔夠，所以我地都盡量唔麻煩佢地。）之後大約又等左半個鐘，終於上菜啦。我地叫左6個餸，最後差唔多要1個鐘到先上曬，我地好體諒，不過如果趕時間或者無耐性既朋友就真係要考慮下，最後好彩趕到尾班車返屋企。整體食物其實唔差 可能因為人多，所以上菜先咁慢啦，或者下次揀平日，再試下唔知會唔會速度可以好點😂😂