棠記麵食店 (已結業)

今個冬季的收成相比往年不算得豐富，主要是慢了起步，北海道的白蘿蔔還未長得肥大，已被暖和的天氣逼得開出花來了，還是趁早收割，免得春、夏季又一度落後。唯一慶幸是首次成功種出兩個日本椰菜，當然滿心歡喜，趁蔬菜仍在新鮮的狀態，快將我一半的收成，與我至愛的老爸分享。當天中午相約老爸在佐敦會面，除了分享收成外，當然也不忘美食。棠記是一家位於渡船角的老式麵家，聽伙記細說棠記的歷史，原來開業已接近50年了，昔日在渡船角只是以街邊車仔模式經營，蔡瀾光顧蔥花撈麵就是該年代了。及至1997年政府整理市容，才搬入舖位。筷子套是懷舊的紅色龍鳳圖案，對我來說，已甚少看到。老爸要了雲吞麵，面上散滿了蔥粒及韮黃。問老爸要了一粒雲吞試試，老爸即說是雙蝦的。一咬細小的雲吞，果然內藏兩隻白中帶鮮紅橫紋的蝦子，蝦肉非常爽口，配搭了小量具鹹香的豬肉，味道恰好！不過可能因蝦肉處理得太爽口了，所以未能保存天然蝦的鮮與甜，也許這同是大部份雲吞常見的問題。麵條爽口帶韌勁，不錯也！經伙記介紹，我又將膽固醇的考慮擱於一旁，要來了豬手麵。麵上仍是充滿了蔥粒及韮黃。豬手炆煮得軟腍，這個不孝女也轉移一點膽固醇給老爸嚐之，老爸一試後，最終將半隻讓

一向知道渡船角附件滿佈出色食肆，但自己又真的很少走入去食野，除了做到係人都識的老趙、添記和堂記腸粉外，其他的都沒什麼吃過。經地膽推介，來到棠記食番餐粥麵，和友人點了一碗粥、一客麵，以及炸雲吞，食住先，唔夠再來下場。是田雞粥，粥底幾綿密，沒什麼味精，只是田雞唔得肥美，肉也比較韌；炸醬麵則幾爽口，微辣，肉絲不會硬柴柴，愈食愈開胃。雲吞是即叫即炸，香脆鬆化，餡料的蝦肉成份亦算足，此等香口之物，從來我都欣賞。若是配上傳統的甜酸醬汁，一定會比現在附上的沙律醬更好。胃納尚有空間，友人說添記去也。

早一陣子師傅做左一個非常重大的決定, 就係要與我最深愛的內臟食物分手, 分手原因好老土, 就係因了解而分開; 臨別秋波, 無理由唔食埋最後一次, 於是相約好友食家"乜都放入窿"齊齊食餐飯! 而好友食家"乜都放入窿"知道師傅分手在即, 於是就決定同師傅黎呢間食店, 等師傅可以作個最後回憶! 地點一早確定, 師傅約埋好友食家"乜都放入窿"就齊齊行去, 而師傅就懷著一顆期待加不捨嘅心情入到食店; 坐底後就商量下有咩想食, 其實黎呢間食店最主要係豬雜, 所以呢道菜係絕對唔會唔叫, 而好友食家"乜都放入窿"就揀左一碗生菜粥, 而師傅就揀左牛筋撈麵, 再加多一碟炸雲吞! 當柯打豬雜的一剎那, 侍應就問要白灼定炆? 好友食家"乜都放入窿"就問炆係點炆? 但師傅估都估唔到個侍應會咁講, “炆咪就係用個煲黎炆囉!” 師傅當堂O晒咀, 嘩點樣炆都唔講, 粟子炆又得, 疆蔥炆又得, 就算你話謄條炆都得, 但佢偏偏話用個煲黎炆, 絕對吹漲! 為免糾纏下去, 師傅決定揀白灼!唔使等好耐就已經有得食, 師傅就冇試到生菜粥, 反而第一時間試牛筋撈麵, 牛筋撈麵賣相好靚, 好吸引, 而且牛筋炆得好腍, 柱侯味夠香夠入

朋友住附近,時常同我講,話自已樓下好多好野食,哈哈,晒命咩,我樓下的食店,差不多全部垃圾,本來又話帶我食下串燒,又話食牛腩,不過我因為患上尼古丁退瘟後遺症,當時成口都飛滋,我都好想食串燒同牛肉,同辣野,但.........為了身體,忍住,最後只好帶我去食水餃麵水餃麵,水餃唔算大粒,但就好爽口,好大隻蝦,而且隻蝦好彈牙,麵的質量都好,灼麵的時間好準確,good女友的淨水餃,一樣好味道朋友的水餃撈,我無食到,但佢就不停話好味,我諗都應該唔錯大家一起吃的魚皮,其實我覺得都無幾多店鋪有白灼魚皮食喇,難得呢度有,我又點會錯過呢?魚皮爽口,麻油份量也剛好,薑,蔥也夠多,正爆啦總結:我愛死這種老鋪了,出品有一定水平,又或者呢種老店,經驗夠之餘,唔應該太好生意,老實講,都唔知幾多鋪頭,生意做得旺,出品就會立即走樣,我相信大家都見過好多啦,我覺得,如果有過開來呢邊,可以試下呢間雲吞麵店,唔錯嫁..........再見

大約兩星期前, 好友食家"乜都放入窿"黎左師傅家中作客, 夜少少大家就一齊出返九龍! 而好友食家"乜都放入窿"就為著當晚嘅晚餐而費盡心思, 最後終於比佢諗到, 就係去一間好友食家"乜都放入窿"未試過而師傅試過嘅食店, 但師傅成日同佢講至少去一次, 呢間食店就係堂記腸粉! 聽到呢個提議師傅當然舉腳贊成啦, 皆因師傅成日心思思想去第二次; 於是再望下月曆, 當日又唔係星期三同星期日, 所以肯定冇問題, 於是出發! 好友食家"乜都放入窿"已經前後兩次黎到都冇得食, 兩次都係同師傅, 第一次係賣晒, 第二次係食店休息, 而第三次(即係今次)亦係同師傅黎, 滿心歡喜三顧堂記, 點知去到門口仍然係落閘放狗, 何解呢? 原來食店無啦啦休息三天, 咁嘅情況下都食唔到, 好友食家"乜都放入窿"真係算得上地獄黑仔王!兩食家喺極度失望下離開, 唯有喺附近四圍行下睇下有冇發現啦, 無啦啦就發現到呢間食店, 仍記得呢間食店嘅口碑都唔錯, 加上食店個名又屬同音, 所以份外親切, 正所謂跌左個橙都執番個桔啦, 加上大家都鬼咁肚餓, 所以就決定入去一試! 入到食店人唔多, 可能比較夜啦, 坐底就即刻睇下有想食先, 最

　　午市去食半場客滿，冷氣唔太夠係唯一敗北，但係呢度勝在用料鮮、粉麵靚。叫左墨丸水餃河，墨丸唔係雪丸食得出鮮墨魚，水餃蝦大大隻無欺場，河粉薄到透見湯底顏色、粗幼均一而且唔會一夾就斷、爽而滑，食完唔覺有味精。　　呢度食粉麵起標價係廿蚊，我覺得值。一路食都見到好多西裝友專登入黎幫襯，隔離枱仲係四人搵食團黎，一路食一路讚。雖然環顧各區，棠記未見得係首屈一指，但以本區黎講質素應該唔錯。　　PS: 好耐未食過咁靚河粉。

首先我覺得呢間店煮既麵比較正宗﹐湯底真係飲得出係用蝦頭蝦殼所熬出黎﹐宜家好少麵店仲係咁做﹐同D麵真係好彈牙好好食﹐其他地方果D十蚊碗大大碗既無得比﹐雲吞唔係大粒不過裡面D肥肉同瘦肉既比例岩岩好﹐鮮蝦又幾彈牙﹐$19 碗麵可能比較貴﹐不過可以食到正宗既雲吞麵都算物有所值﹐尤其係夜晚既肥仔哥哥煮麵仲特別好食﹐下午個阿叔就差少少喇。另外﹐佢既炸雲吞都好好味﹐真係好正﹐同埋佢地D阿姐個個態度都好親切﹐值得一讚。可能大家會覺得D麵可能比較細碗﹐不過呢D正正係正宗雲吞麵既特色。

腸胃炎,無咩謂口女友帶左我來哩間粥店本來求其食碗粉,但本身想食撈面好耐,一於試返個試下雲吞撈面加腩汁:面質好彈牙,好香蛋味,加埋腩汁揀直一流雲昋就一般喇,無咩特別,都幾多蝦肉喇唯一值得提就油菜要菜心:好嫩呀d菜,好好味及第粥:粥底有味,夠"眠",都幾鮮甜不過鐘意食"稀"粥既人可能要考慮下哩個未必岩你哩個應該係繼澳門六記後雲昋面既另一大發現!!雖然同六記仲有距離,但香港來講,我敢話,五甲內!!

大事件呢區有兩間野，一間叫堂記，比較出名，另一間叫棠記，有ｄ誤導喎，但我見塊鏡有葉振棠個名，唔知係咪佢開既呢。我地叫左蠔豉肉丸粥同鳳爪麵。個粥比較少蠔豉，但肉丸都幾好食，粥底都有味。個麵普通喇，有ｄ鹼水味，不過用雞腳做配料幾創新，阿姐又同我地剪麵，又遞紙巾，服務算係咁。

逛完熱鬧的圓方,沿著three sixty旁邊的通道走出商場,真的兩個世界!在天橋上吹了一會兒涼風後,繼續走到八文樓棠記吃午飯。我是看到樓下的食評照片中有腸粉才來的,誰知在店內看了數遍餐牌也沒有發現,唯有問問阿姐,怎知阿姐回答:"呢度無腸粉食架bor,出名食粉麵!" (噢~~下面那位食友應該以為此棠記為彼堂記吧!)既來之則安之,既然粉麵出名就來個雲吞水餃麵再加碟油菜吧!油菜選了蠔油芥蘭(+$5),三棵芥蘭灼得翠綠,生熟度剛好,很合自己胃口!豬油獨特的香味加上鮮味蠔油,令油菜更香更好吃!雲吞水餃麵($24)份量不少,雲吞水餃各有三粒,雲吞介乎乒乓球雲吞和傳統一口雲吞之間,爽口蝦肉比例較豬肉高,味道也不俗;水餃同樣以蝦肉為多,再加上雲耳絲,口感上更加爽脆,個人喜歡水餃多一點;麵條方面用上銀絲麵,剛上桌時真的爽口好吃,只是泡久一點後就開始失色了,下次要快點吃;湯底方面也頗香,可以一飲=p侍應阿姐雖然聲大大,但會主動提醒客人加油菜只需加五元,幫老闆多做一點生意之餘也給客人多一點選擇,最搞笑是我結帳後,她跟我說:"阿妹你想食腸粉,夜d去個邊堂記有得食,不過佢開七點!"(多謝提醒哦!!)有位應是老

今晚比個friend 帶左黎食棠記~ 佢極力推介, 咁就即管試下啦~我第一次黎百文樓ga jer~~~一去到, 個鋪面好企理乾淨, 而且d伙計招呼好好~ 我地八個人去到, 入面張大枱比人坐左, d伙計都幫我地砌多張大枱出黎~ 整到我地都有d唔好意思~我地叫左五個雲吞面(招牌ma^^), 一個淨豬手, 一個薑葱鮮魚皮(哈哈, 我真係第一次食), 一個及第粥, 一個魚腩粥, 一個豬雜煲~~d雲吞面真係不愧為招牌菜, d雲吞好大粒, 入面d蝦肉又多又彈牙, 同中環d名店有得揮~~不過, 我最鍾意都係個豬手, 好入味, 入味得黎又唔會無左豬手d味~又乾淨無晒毛, 我一個人食左4 件, 整到佢地要叫多碟~仲有個薑葱鮮魚皮, 嘩, 我真係第一次食~ 真係鮮魚皮~好得意~ 好爽口, 好好食~~個豬雜煲都好好食, 尤其是豬潤, 好爽口~總之, 真係好好食~而且好抵!!

今晚再來八文樓, 專誠來試棠記麵食店。本來不太喜歡酒炸的食物, 因為怕上火, 但是這裏的酥炸鮮蝦雲吞, 真是酥脆, 不會又硬又酒淋淋, 跟足貼士, 要了上湯不要沙律醬, 碗上湯有蝦子味, 飲了無口渴, 食到唔停得口。見佢牆上貼住有韮菜餃, 叫了一碗, 有點兒像水餃, 但是餡料很香, 不覺間又食多隻也。蔥花撈麵又係跟貼士話唔要蚝油要豉油, 幾爽又幾香... 最後的腩汁油菜. 好整齊地上碟, 腩汁很濃, 相信他們的五香牛腩一定不錯, 可惜還有下一站要吃腸粉, 不然一定會試一試。這店雖然在舊區, 不過明窗淨几, 侍應會欣勤的主動加茶, 又會主動介紹店裏的其他食品。