森美餐廳

營業中

休息中

這天在上環行路回家,由上環皇后大道西慢慢行返屋企,行半小時左右..必經過森美...從前很喜歡在此晚膳.一星期會至少2次..每次必叫田螺但每次吃田螺都屙...所以少左去...今日經過走入來嘆下午荼,已慣了待應不大熱情...整體懶洋洋..西多士---呢類老式餐廳又點會整個西多;會整得唔好食丫??唔好都企唔到幾十年.落單之前我諗;森美造扒主打,整西多斷估都唔衰得去邊...結果ok la肉醬意粉---肉多汁好美....失敗在意粉略『淋』,要是硬一點點,有大笑臉..凍檸荼夠清亦有荼香,凍奶荼不夠香滑..但每人$30元也不用,環境亦夠幽靜的

睇openrice 話佢地d 森美汁一定要試, 同埋中間夾埋d 蠔果款都要試反正一場黎到, 就試下無妨啦一睇價錢牌, 有平有貴, 平的可以40-50都有個豬扒飯餐, 不過黎到咁遠..都唔會食豬扒飯掛...而扒的價錢係西環舊區來說, 普遍偏高, 要食好味的扒都要around $150 有d 餐包野飲, 有d 特色d 的扒甚至唔包飲品唔包湯tim.......叫左一個西冷扒, 加$20 要左個出名的森美汁因為waiter 話佢地的汁係用紅酒加煙肉, 即叫即整一份的不過食完之後...覺得....只係較濃的燒汁味, 無紅酒味, 亦都搵唔到煙肉...你唔講都唔覺係特汁.加$5 我都可能仲會食, 加$20 要個汁.....就唔會有下次啦第二個扒係中間扒左d 蠔的, 外圍有煙肉, e款較貴, 亦都無要到跟餐, 就咁一塊扒, 我記得都已經要around130仲唔係好大塊, 但夠飽, 肉質來說very good, 又特別又好味, 但d 蠔好似唔係好新鮮, 如果飽滿d 就更加好!!over all 來說, 食係幾滿意的, 但扒又無得跟餐..令到一餐飯好唔完美, 一杯野飲值幾錢...價錢.又算貴...莫講話

我同女友來到西環，上網知附近有間扒房，格局同金鳳差唔多，但論人流就無得比，點了鐵板西冷牛扒，七成熟，好大塊，但奇怪係半邊軟半邊un，軟個邊帶咸，un個邊帶甜，un到咬不爛，有幾薯粒，三塊瓜，一塊番茄，整體來說不過不失，但來完這次，我都不再來。女友叫了豬仔骨意粉，味道似叉燒，意粉好林，唔夠彈牙。好似吃緊燒味飯咁。飲品叫咪無咪，加錢又話唔得，我地估餐牌內的食品唔係樣樣有的。老闆應該好愛古董，四圍都見到，同餐廳佈置格格不入。

幫襯森美多年，由於有感情，間中都會同老婆來食下，扒房和外面的豉油西餐都食過。是日下午又來午餐，入座時都有九成滿，生意不錯。食物質素ok，羅宋湯雖不濃，但味道不錯。老婆的雞扒煎得外脆內嫩，我的牛尾又冧又入味。Set lunch來說，很不錯了。埋單每位$36，再加一。Ok啦。不過今次發現了一點問題，希望佢地可以改善下：1. 枱布實在有點污糟，我一坐下，便看見我的刀叉放在沾滿飯粒和醬汁的枱布上。奉勸老闆，如果要用枱布，可否先加一張墊紙？我唔想食上手的冷飯菜汁呀。2. 侍應的收碟速度很快，有時未問你便收了碟，老婆就是眼巴巴的看著半個麵包被收去。3. 有位侍應哥哥的說話聲浪很大，雖然這裏不是甚麼高級餐廳，但也不至於是大牌檔吧？4. 餐後送西瓜兩件，但就無好過有，相信是切開後放得太耐，不單一陣怪味，而且又韌又有渣。

森美係區內嘅老牌餐廳，我想已有超過十年無來過，今晚再來懷舊一番。餐廳裝潢陳舊是意料之內，不過衛生方面就比我預期差咗少少，尤其係D枱布，有好多漬喎！食物方面，點了一個set。羅宋湯好大碗，起碼有平常的雙倍份量；口感較稀；味道普通，略鹹。主菜黑椒牛柳質素普通，無乜牛肉味；火喉控制OK，可惜因用料質素略遜，肉質都唔算腍。森美有個祕制森美汁，配料有洋葱、蒜蓉、蘑菇等等，係就係幾好食，但索價$20，抵唔抵就真係見仁見智啦！

同細妹,行開西環...路經..好...試下先...一入到去感覺好老牌西餐廳我地點了,黑椒牛柳,龍利配天使麵,田螺,羅宋湯,梳乎里1:牛柳,好林...但成數唔準2:龍利配天使麵...好普通,即,魚+麵3:田螺...正,一定要試....4:羅宋湯...還可以..酸左d5:甜品,梳乎里，大大個,幾好味價錢,食物,服務=高級茶記講先..!!

昨天晚上, 小B說她想回去以前小時候(15年前)去過的一家餐廳.就是這家了~環境還可以, 畢竟是幾十年的餐廳了服務人員就馬馬虎虎了, 叫很多聲才聽到.薯蓉焗田螺 - 小B最喜歡吃焗田螺. 她說不錯.黑椒汁西冷牛扒 - 我點了7成熟. 可能太厚, 扒中心乾了一點, 但就真的是7成熟, 很好~鐵板蒜汁牛柳 - 很好很好~~ 一點都不硬, 不乾~~ 還有肉汁呢!!有機會一定會再來~~

兩三年前係大婆電視介紹過 這老餐廳聽聞內裡會分兩邊其實都是第二次來了一入到去就到左手邊(相信是較普通的)昨天胃口不多 又不敢忘顧價錢所以選了較平的晚餐 "龍利柳配天使麵" "什扒配飯"+15$一個煙三文魚頭盤/芝士炯蟹蓋餐湯羅宋/忌廉皆如水龍利柳還好,但真的只有一片魚柳+半碟天使面 (無賣相, 也單調)什扒比不上茶餐廳 香腸一條,雞中翼一隻, 豬扒一小片, 雞扒一小片 (天啊, 大x樂料比他多)甜品有兩個cake仔

昨晚同老公到森美餐廳食牛排.我十多年前已開始幫襯,兩三年總會黎一次.今次我同老公都order了森美汁牛柳,因我地好鍾意個汁,好濃味!而牛柳質數算ok,因心中有數付什麼價錢便吃什麼質數食物.所以我覺得ok.另order了焗田螺,幾好食.我地最欣賞係餐前麵包,好soft,好香,好認真!不過我覺得森美最唔ok係餐廳太陳舊,有太多無里頭擺設,好怪.仲有連枱布都穿晒窿!我覺得應係時間裝修.如果想keep住客人及熟客,裝修費唔慳得!

同朋友慶祝生日，成日都聽人介紹話呢間扒好得咪黎試一試!!!唔試尤自何，一試好失望。我食燒羊脾，佢d汁嚇死人咁怪，好似溝左好多水的薄荷汁真係唔敢用。佢d羊好普通，一d都唔好食。我朋友食西冷，分左一夠比我試。點知成舊都係肥膏黎的。佢夠西冷都係主要肥膏，我都知西冷有肥膏係邊先正中，但唔洗七成都係肥膏嘛仲試埋佢個田螺，真係未試過咁差的田螺。有冇可能田螺都整得唔好食呀!!埋單千二蚊五個人,成二百四十蚊一個人食埋d咁的野。仲要塔車去到咁遠食。食完真係呆左。森美真係好食過.????...可能係...但係絶對唔係呢個時代。唔想有遺憾的真係唔好去試。

知道有呢間餐廳好耐嘞，但因為路途遙遠一直拖拉至今先嚟試，從中環坐的士，連的士司機都知道有隻牛嗰間！睇嚟佢真係幾出名喎！落車直入，八點幾啦，竟然冇咩人，成日話會喺餐廳出現嘅汁王森美當然亦唔係度，淨係睇擺設，好難想像佢係一間出名嘅餐廳...除咗真係好懷舊之外！近門口放咗架唔開嘅舊式電視，側邊又放咗好多神像之類，有啲亂！入面另外有一架電視開住嘅仲播緊無線啲劇，邊有懷舊餐廳睇電視食扒餐架？似街坊茶記多啲喎！既來之，則安之，姑且試吓啲嘢食先！我哋叫咗兩個黑椒西冷扒餐加田螺： 羅宋湯：唔會「嘩」一聲，可以杰身啲就好嘞，好濃菜味，撈到有牛肉絲，味道都仲可以，跟湯嘅多士夠熱，唔錯！ 薯蓉焗田螺：啲 escargo 普通貨色，普通味道，無特別，薯蓉還可以，不過焗嘅都好難失手嘞，一定唔會太差！ 西冷牛扒：我哋兩個都要五成熟，出嚟好似熟咗啲，不過照食。肉質都幾彈，有牛味，亦有肉汁流出嚟，黑椒汁唔夠多，食到中途已經冇晒汁點嘞。配菜有薯角，蕃茄同切片節瓜，最好係薯角，又熱又脆；蕃茄亦有煎過，算有誠意；節瓜都唔太熟，整體上，主菜係好味嘅！ 香蕉蛋糕：甜品用香蕉蛋糕有啲特別，不過唔知點解個外型搞到好求其咁！味道唔會

soup-- too light ( red soup)escargo-- tastelssbeef-- so sopork-- better than cafe de coralcoffee-- better than expectedeverything --so sojust normal old style western restaurant, nothing specialwon't go again...

老闆：18/8星期日來這裡吃午餐，吃完後，坦白說，很難過，咖哩雞餐得4件雞塊（連骨），冇錯，$33+10%其實很便宜，不過，你不能因為收得便宜就將貨就價，你這樣做只會使食物水準下降，客人不會再來第二次。另外，服務很差，我吃意粉，飲完餐湯，你們收了我的湯匙，我只有叉，沒有圓匙，你叫我怎樣吃意粉？叫個年青侍者給我圓匙，他一直顧著看奧運節目，放食物碟、餐茶杯等東西的時候又大力，欠缺侍者應有的職業服務態度，還是那句說話，如果你認為$33+10%就是給這種的食物及服務予客人的話，我想告訴你，你很錯，你既然堅持要收10%加一，你就一定要有服務，如果那個後生仔是你的親人，我想你的店子將不會再有客人幫襯下一次，如果他不是你的親人，那我就建議你考慮解僱他，不要讓他敗了你數十年來所創下的事業。店子的環境不是懷舊就行的，你有留意過桌面的調味品放得乾淨嗎？你認為我下次還會來吃扒餐嗎？做到這個地步，又要出特價餐，但又不見得因而有很多客人，暑假又流失大量中學生生意，是不是要做到零口碑你才肯收手？

我係住係森美附近, 一路都有食開, 有一次食個豬扒好好味, 跟住食既牛扒好唔好食, 後來又試過幾次, 質素真係好參差 ... 希望第二代留意下, 唔好敗左上一代既心血啦

由十幾歲食到衣家，最愛係黑椒牛柳＆羅宋湯。但近大半年食左幾次，水準好唔穩定，有時好得，有時就……有啲強差人意，攪到都唔知帶唔帶啲朋友黎食好。但今次就講番最近個次。叫左個黑椒牛柳、羊扒、森美大蝦，以上三個都係套餐。黑椒牛柳：都ＯＫ，只係煮得熟左少少。羊扒：可以唔食。森美大蝦：都仲可以，但無以前咁好食。羅宋湯：無以前咁濃、咁杰，感覺退步左。甜品：梳乎里，幾好味，有少少偏酸，雖然二人份量，但最好三至四個人分，因為都幾大個。希望下次再黎既時候，啲食物水準可以提升番，唔想又少左個餐廳既回憶。