森記牛雜粉麵

營業中

休息中

今晚在森記外買了晚餐返屋企。餐廳有室外室內座位，他們掛了一些懷舊的油畫及放了些小盆栽的擺設，環境乾淨企理。他們除了有主打的牛雜粉麵外，更有一系列的打冷小菜，重點是價錢經濟又實惠。餐廳是主打牛雜粉麵，當然要來一個牛腩牛雜撈麵($50)，滿滿的一盒份量頗多，牛腩炆得淋身入味，口感鬆軟。牛雜有牛肚，牛大腸，牛肺及牛膀，內臟處理得不錯，乾淨而又沒有腥臭味，配上腩汁，好味。另外點了個小炒-芥蘭爆炒雞柳，$48 一客小菜已配飯及湯，十分抵食。賣相可以有進步的空間，但味道是可以的，雞柳件嫩滑，芥蘭沒有炒得太老而變黃，仍然脆綠。還點了一客大的九菜豬紅($40)，豬紅份量的確多，沾上他們的辣椒油就好味。

行經長沙灣聞到好香牛雜味，就入左呢間森記度食，座位闊落幾好坐，佢除左有室內之外，仲有室內既露天茶座，同埋呢度可以帶狗狗🐶一齊黎食野架！各位🐶奴又多個地方食野啦！秋天帶埋狗狗坐出面都幾舒服！秘製沙嗲牛腩-必食！佢個沙嗲好足料好出色，係自家制架，個沙嗲醬仲有得買添，果然係秘製！魚皮餃拼牛雜撈麵-牛雜入味，魚皮餃🥟大隻，勁大碗撈麵，好抵食！香蔥蒜粒紫菜湯-紫菜爽脆腐乳通菜-個腐乳汁帶少少甜味，點多d都唔怕，唔會好似出面嗰啲腐乳汁咁偏鹹！清湯蘿蔔豬紅-蘿蔔冇渣，豬紅唔會一夾就散，入口鬆化！

這間位於長沙灣的森記，主打粉麵外，還有沙爹醬及泰式酸甜醬的小菜都是這裏的招牌菜。沙爹牛腩飯用了牛坑腩部份，肉味濃郁且帶些牛筋膜，炆至肉質鬆化，但筋位有些咬口，加上用了自家製的沙爹醬，十分惹味。酸甜咕嚕肉咕嚕肉即叫即炒，酸甜開胃，咕嚕肉用了梅頭肉，入口啖啖肉。鮮蝦雲吞麵雲吞裏面的蝦肉爽彈，有大地魚的鮮味，粗麵爽口，湯底都是大地魚湯，鮮味無比。炸醬撈麵炸醬酸辣惹味，拌上幼麵一流，另外還有個紫菜湯。最後一定要讚一下這裏自家製的辣醬，辣味慢慢滲出，點燒賣一流。

長沙灣收工唔知食咩好😅是但走入間雲吞麵店就開餐，其實簡簡單單一餐都好滿足😌.雖則話簡單晚餐，但其實本人對牛腩麵既要求都比較高，因為我就好怕食好硬既牛腩，好怕炆得唔淋身。今晚食呢間餐廳好滿足到我嘅要求👌🏻所以都可以介紹吓俾大家.叫左「五香牛腩粗面$32」、「特級南乳豬手米線$32」、「淨雲吞$30 」，價錢長就一定冇得可挑剔，抵食大碗，加幾蚊仲有野飲，個人幾中意佢個牛腩，比較屬於偏瘦的牛腩，雖然少了QQ口感，但食起來不會覺得太乾，仲幾嫩。南乳豬手好香南乳香味，軟硬適中。而粗麵食起來比較有靭性，鹼水味道適中。.加配既「油菜$15」同「炸魚皮$14 」，價錢抵食亦大份，果然小區食野就係平又有質素👍🏻呢間低調既小店都幾多街坊幫襯，難怪係唔太旺既區域都可以屹立不倒。

係長沙灣真係好多街坊食店，又多老字號餐廳！去朋友度玩，拒就提議去拒屋企附近一間好多街坊幫襯的餐廳！我google map 到左呢間森記牛雜粉麵。鋪面好得意，充滿懷舊氣息，可以打卡影下相，最特別係有好多舊海報，好似番到以前嘅香港一樣。睇左菜單，外賣叫左個招牌淨牛雜，知道朋友中意食，又叫左個韭菜豬紅同蜜糖雞翼！淨牛雜：$76韭菜豬紅：$25（細）蜜糖雞翼：$48呢度嘅淨牛雜係朋友嘅至愛！牛肚好好食，又諗又入味！牛肺都好好味！韭菜豬紅，豬紅彈牙，個湯底都好飲。蜜糖雞翼就香脆香口！呢度d街坊食店真係抵食又好味！😋

一個人喺長沙灣覓食，想簡單快趣食一餐，又想食地道嘢，經過呢間小店，無論名字同埋食物睇落都非常地道，幾啱我呢日嘅胃口，咁就決定入去開餐😆叫咗 $102嘅「牛三寶」，加 $15要咗「腐乳通菜🍀」，再加 $6要杯「熱奶茶☕️」😆「牛三寶🐂」係淨食，有牛腩、牛筋、牛肚，全部都好有牛味：牛腩肥瘦適中有牛油香😋，牛筋煮得好腍😆，牛肚有啲咬頭😋。「腐乳通菜🍀」簡單好食😋。「熱奶茶☕️」幾香幾滑😋。呢度仲有好多抵食套餐，睇落都好吸引😊

今舖真係焫焫焫焫焫焫著🔥🔥🔥🔥🔥🔥本身都唔係好想食佢，之前試過幾次外賣唔係俾漏就係俾錯！最離譜係叫淨雲吞，返到屋企打開係淨湯！但因為搬屋搞到好夜，周圍好多食肆都閂左！唯有食佢啦！老公入去落單叫外賣，等左勁耐都未見有連遲過我地叫外賣既人都拎晒咪入去問下囉點知原來係外賣變堂食眼見果兩碗面起度吹左好耐風個阿姐諗住就咁倒落外賣碗俾我地就算！仲要收錢對手套插晒落碗湯度洗晒手咁！阿姐仲要無戴口罩，口水横飛！我地就當然話唔要啦，要求重新整過！(要求都好合理下嘛？)點知阿姐唔肯，仲講野句句有骨落地！佢大大聲同堂食食客話: 因為有個外賣客又呢又路，又要咁又要咁，阻住晒，所以遲左，唔好意思吖！我聽到真係嬲到震，退錢走人！！今時今日，咁既服務態度 加上 員工唔戴口罩，真係搵鬼幫襯！！！

上月唔知好彩定唔好彩，被失業，補水走人🤢雖然無咗份工，但就多咗時間去做自己近年都好少做既野。今日諗住去長沙灣搵野食，唔想再食連鎖茶記，行吓行吓就去咗依間森記。以為門口細細鋪面唔大，原來隔離個鋪都係佢😄見佢招牌寫牛雜，正合心意，就叫一碗牛雜麵。平時自己多數都係食牛雜，通常唔飲野，但唔知仲會唔會再來，就跟餐叫埋杯凍檸茶。杯茶幾好，茶夠味，好過好多茶記。主角出場，碗麵份量唔少，非常有驚喜。我習慣食湯麵先飲一啖湯，睇吓會唔會淡而無味或勁咸重味精。結果當然好滿意，味道恰好。麵質夠彈牙，唔會淋晒，係我細個食大排檔時既味道，好耐都冇食過啦。重點係牛雜份量好多，而且幾大舊，好多同類型店都係薄切，但依度好足料。實在太有驚喜，我一定會返來再食👍

之前曾經食過照燒吉列豬扒飯，佢有個特別嘅醬 係佢地自家調製一食就知其他地方無食過同伙記傾計知道原來老闆本身做私房菜 好多自創菜式今次食左個沙嗲腩肉飯個沙嗲醬真係無得輸就好似用沙薑醬嘅質感 加左啲甜甜嘅口感係有啲膩嘅 不過真係好好食好肯定出面食唔到呢個味好食還好食 啲醬肯定係好肥呢間鋪頭開凌晨都有開 食物質素比同區高價錢合理 員工有禮 值得大家支持

餐廳：森記牛雜粉麵 (長沙灣)地址：長沙灣青山道150號地下C號舖最近行開長沙灣青山道見到呢間森記牛雜粉麵，比佢懷舊嘅油畫同埋好多綠油油嘅小盆栽吸引咗🪴，所以決定入去整返碗魚蛋粉😋，享受一吓港式茶餐廳嘅美食呢到嘅粉麵真係好抵食，廿幾蚊就有一碗，叫咗碗新鮮魚皮餃河粉($26)同鮮滑魚片麵 ($26)；魚皮餃有4粒，而魚片有成6-7片，好有港式原味👍，仲有淡香嘅鹼水麵，零舍好食，幼麵仲好爽口，唔會好腍或者好散淨牛雜 $76大食嘅我一碗麵又點夠😆，所以叫多咗個餐廳馳名嘅牛雜，裡面有牛肚、牛大腸、牛肺同牛膀，每件都有至少3-4舊，仲有唔少蘿蔔，呢到嘅牛雜配上牛腩汁，雖為內臟但無腥臭味😍，仲好入味添💦，唔知呢到又有無牛雜愛好者呢？跟粉麵配搭加$15就可以有多碟芥蘭，而熱飲就另外加$6☕️，三十幾蚊有一碗粉同杯嘢飲都算喺咁啦😎。而除咗粉麵，森記仲有多款泡飯同碟頭飯🍛，甚至連火鍋料都有得買，下次經過一於試吓其他嘢食先

港式粉麵係我最愛❣️牛三寶$100，有齊牛筋牛腩牛肚每樣都炆到勁腍勁入味個牛腩既脂肪分佈真係引死人個底下仲有少少生菜墊底吸晒d牛汁真係冇得輸最愛個牛筋D膠質真係無得頂水餃肉碎泡飯都好滋味個湯底飲完唔會口渴肉碎肥瘦肉比例都好好7成瘦肉3成肥肉咁現埋d香口既蔥粒芹菜真係好開胃隻水餃裡面隻蝦又大又爽口彈牙加埋竹筍木耳等等個口感超好點少得點埋個香口既魚皮😉$12有一大袋食港式粉面全家人都慣左一定會叫🤤🤤

#fafafoodblog粉麵 #fafafoodblog長沙灣<除左粉麵 中菜都好味>😍喺限聚令影響下 食個飯都要外賣 今日黎到長沙灣呢間森記 本身諗住叫下粉麵就算 但發覺佢 d中菜類好似都幾吸引 就同左朋友點左兩個粉麵飯 兩個中菜， 整體份量夠 食物質素好 值得encore🍴水餃撈 加腩汁 38 蚊🥟水餃有三大隻 應該自家包 皮夠爽同薄 入面蝦肉大隻爽口🦐仲有 d木耳 増加口感 撈麵 整得好好。 爽得黎帶有少少麵既蛋香 浸埋腩汁同辣油 🌶️就甘食又得 食到甘上下 點湯又得 好食👍🏻🍴淨蜜糖雞翼 43 蚊🐥5 隻蜜糖雞翼 雞翼大隻熱辣辣 出面整得好香脆 但入面雞肉保留應有既水份 而且出面夠哂蜜糖香🍯夠哂香甜好食🍴水煮魚 43 蚊🌶️水煮魚用左青衣魚柳整 肉質比較煙韌彈牙 魚肉比較厚實 水煮汁比較香 帶少少麻 辣度正常 帶 d辣椒子調味 要黎撈飯十分唔錯🍴皇牌八寶飯61 蚊🍚🐂有香濃牛筋 牛腩 爽口既牛肚 肥美既牛腸 煙韌既牛蒡 濃味牛丸 彈牙貢丸 同墨魚丸 , 整體都好食 最正係牛腩 帶 d肥膏 肉質爽口 juicy 🐂 又保留肉味 必點 😍😍而且佢個湯汁好香濃

🔎 森記牛雜粉麵*📍 長沙灣青山道150號地下C號舖.淨牛雜 $76一份靚牛雜,最緊要係臊而不臭.森記果然係出名做牛雜,一黎就已經聞到好濃既五香腩汁味,牛肚略稍有D乾身扁身,牛肺爽口唔痴牙又入味,牛腸就夠晒肥XD至於牛膀……我唔食既,所以叫落單果陣已經叫走牛膀XD淨紫菜四寶 $44由細到大都好鍾意食潮州粉麵鋪既紫菜,果陣香味同口感真係擋唔住~ 四寶係魚蛋、牛丸、魚皮餃、墨魚丸，都算係大SIZE唔係細細粒呃枰~雲吞麵 $26雲吞夠餡,皮夠薄,而且加晒分.個麵底就一般,無咩特別,爽口就已經好足夠.湯底就差少少味,但都收貨啦!咕嚕肉 $45無期望就無失望~作為一間潮州粉麵做招徠既茶記,小菜炒得出鑊氣都算係咁架啦.加上酸甜醬都中中挻挻咁,唔係好好食但絕對唔難食,都無得要求太多

森記係一間街坊粉麵店，雖然話而家好多食店減價吸客，不過森記嘅價錢可以話倒流返去廿年前，雲吞麵$26，炸醬麵$30，小菜配湯同飯都唔洗$50，但份量完全冇欺場，如果喺附近搵食真係冇唔幫趁嘅理由。東瓜冬菇鴨腿泡飯($42) - 泡飯湯同飯係分開盒裝，白飯好大盒，如果食唔晒可以叫佢少飯。鴨腿都幾多肉，煮到好腍。湯飲得出冇味精，完全唔油，健康得黎又好味。除左鴨腿，湯入面仲有幾大舊東瓜同幾塊冬菇片。鮮蝦雲吞麵拼魚蛋加紫菜($39) - 粉麵雙拼加$8，我另外仲加左紫菜。雲吞有兩三粒，雲吞皮幾薄，入面豬肉同鮮蝦比例各佔一半。魚蛋好彈完全唔粉。雖然湯同麵冇分開裝，但隔左幾個字拎到返屋企，雲吞麵都唔會太腍，不過就索左好多湯，如果怕浸腍嘅建議揀撈麵。秘製沙嗲醬雞飯($45) - 小菜全部有配白飯同湯，餸同飯係分開裝。雞球份量都幾多，沙嗲醬帶啲甜味，都幾惹味。酸甜咕嚕雞肉($48) - 咕嚕肉好腍冇骨，雖然外賣炸皮腍左，但酸酸甜甜味道都可以。凍檸茶(跟餐加$8), 凍奶茶(跟餐加$8) & 凍檸檬蜜糖(跟餐加$10) - 檸茶茶味夠唔會澀，奶茶外賣返到黎都冇乜淡到，茶味仲好濃， 檸檬蜜糖唔會太甜。總結，價

因為今日要返一返公司，就決定係附近食個LUNCH咁岩心血來潮想食牛腩/粉麵就入左呢間有室內室外2個地方選擇既粉麵店見天氣有D凍，就冇坐到室外，但感覺好舒適食煙既朋友岩哂先點招牌既牛三寶飯有齊牛腩牛筋牛雜岩哂貪心既我牛筋好有口感，軟淋得黎仲有咬口好有膠質牛腩半肥瘦好香口，肉味濃牛雜清潔得好乾淨，食得好放心紫菜四寶河可以滿足4個願望，有魚皮鮫, 墨魚丸, 貢丸, 豬肉丸全部都好食秘製沙嗲腩片自家製既沙嗲好惹味，甜得黎好香岩哂中意甜既我咕嚕雞球咕嚕醬甜度剛好，雞好嫩滑附送既紫菜湯都好有誠意唔係味精，好清甜