椰子樹泰國餐廳 (已結業)

朋友介紹了位於佐敦的椰子樹泰國餐廳給我們吃晚飯，他説大廚是前沙田麗豪酒店泰國餐廳的廚師，於是我們今晚便慕名而來啊！甫入門口，侍應已殷勤招待，招呼了我們入座後，便耐心地介紹了他們的菜式給我們。我們點了明爐烏頭，及一個海南雞飯套餐。套餐包括一份海南雞、一碟油菜、一碗肉碎豆腐湯、飯及一杯香茅茶。朋友真的沒有介紹錯，菜式很，份量足，原本我們也想點冬蔭公湯試試，可惜肚子已沒有位置，要留待下次再來啊店內位置寬敞舒適好like 海南雞，肉質鮮嫩及美味，豆腐湯也很入味吖香茅茶真係好香架明爐魚份量不少，魚肉配濃湯鮮甜滋味，配菜及香料亦多

一碟午餐飯等了 35分鐘，催促多次；肚子餓扁了店員沒有禮貌，口黑面黑，發脾氣找錢！多謝一聲也沒有，像是我們顧客得罪了他！應該檢討一下態度，顧客沒有做錯事，受到不合理對待！

中午經過佐敦想食泰國菜，所以就open rice左呢間餐廳，餐廳係地鐵站E出口，見到萬寧轉入去就係，好方便。即刻已經見到大大個的招牌。我地叫左2個午餐，友人和我好快就叫左泰式海南雞飯同點醉貓肉碎炒河，海南雞飯好快手就上左碟 ，仲送湯，海南雞飯的買相好吸引，已經令人緊不急待想食。個雞啖啖肉，而且無骨好嫩滑，值得一讚！海南雞飯醬汁與其它餐廳不同，相信店鋪有自己調教過，沾醬連同飯一起食令人好開胃。不得不提個湯，好好飲！無咩味精味，裏面仲有兩個冬瓜。肉碎炒河送上枱仲熱辣辣，應該係即叫即整的，河粉有肉碎、青紅椒、洋蔥同豆角。 河粉炒至乾身，加埋青紅椒一齊食減低油膩感，不知不覺食曬成碟。最後，見到餐廳有香茅茶，於是試試。聞上去有很重的香茅味，但飲落去係令人容易接受的味道，帶點甜甜的。之前已經聼人講過香茅茶有好多攻效，例如治療感冒。但就不多餐廳有！

今天是陰天，放工還要陪老婆去太子買野，唯有去找地方食晚飯先，佐敦見一間「椰子樹泰國餐廳」。老婆聽過同事提過這泰菜館，泰菜好味又抵食，我沒有什麼胃口，都不知吃什麼好，大家異口同聲說：「不如去食泰國菜，酸酸的，很醒胃」麼我們即入座試試看！我們叫了豬頸肉炒金邊粉，68元一碟，燒豬頸肉的肉質爽彈，每一片燒豬頸肉的厚度適中，咬下去有濃烈的燒烤味道。平常食的金邊粉太 乾 結 成 一 餅 餅 ， 要 麼 就 是 太 濕 糊 糊 ， 椰子樹的泰國金邊粉有 那 煙 煙 韌 韌 的 口 感 。味道是甜甜酸酸共冶一爐，吃時加點鮮榨青檸汁，更添風味。一啖入口，甜味強勁，隨之酸味一點一點滲出，魚露跟着也散發出鮮鹹，最後是香料的辛辣刺激感覺。青檸汁的酸味及時為口腔舌頭帶來清新氣息，滋味絕妙！

岩岩去完泰國旅行經過椰子樹見到門面光鮮企理就入去再回味下泰國餐佢有個dinner set選擇都多見佢海南雞飯係推介之一所以就試下$88 跟餐 仲包椰子雞湯餐飲我要左洛神花茶仲有送時蔬真係好抵食呀首先要讚下個椰子雞湯雖然係跟餐但一點都唔隨便求其熱辣辣的奶白色湯好濃香茅味而且真係有雞肉粒仲係好嫩滑洛神花茶 都係值得一讚酸甜度調較得岩岩好海南雞飯未食都睇得出嫩滑雞皮好滑好滑雞肉非常軟非常嫩冇得彈油飯 好有油香 粒粒分明好好味呀跟餐既生菜都好新鮮以咁既價錢有湯有肉有飯有菜有飲品性價比好高

我同朋友最鍾意捐窿捐罅搵一d隱世美食,我哋都相信好嘢食多數都係喺一d隱蔽嘅地方,今次我哋搵到一間好好味嘅泰國餐廳,係一條人跡罕至嘅橫街度,雖然隔離係一間酒店,但偏偏冇乜人行呢條街,我見到餐廳門外有好多菜式,所以忍唔住入咗去,餐廳入面好大,位同位之間好闊,有足夠嘅空間,光線又充足,坐得好舒服,打開menu好多嘢揀,但我哋最後揀咗dinner set, 海南雞飯同黃咖哩雞飯,再額外加薄餅,落單後我哋叫嘅餐飲嚟到,凍洛神花茶同柚子蜜,之後生菜同餐湯都嚟到,椰汁雞湯有少少辣,微微的冬陰功味,真係好開胃!黃咖哩雞飯既咖哩唔太辣,最啱我呢d唔食得辣嘅人,雞同薯仔都煮得好林好入味,配飯同薄餅食真係唔錯,薄餅唔油膩用手撕開薄餅冇令到隻手油林林海南雞飯配油飯係最正的配搭,雞肉又多又唔鞋又冇咩骨,點醬汁食好好味整體來講,環境同食物都不錯,但個飯如果可以再多d就更好,我覺得男仔食唔係好夠!

今日中午唔知食乜好，咁岩經過呢間舖，就入左去食。自己叫左個海南雞飯食，d飯唔夠味，冇左海南雞飯既精髓，不過飯量都幾夠。d雞都算滑既，但唔係好夠送飯食，個醬都幾特別，係出面未食過呢種味，應該係自己溝出黎，但唔算好食😅總體野食偏清淡，唔算好食。個飯有附送一碗湯，個湯都偏清淡，中意清淡既人就岩晒。但唔會吸引我食第二次🙈我男朋友就叫左紅咖哩牛肉飯，d肉好難咬，咬唔爛咁，所以都冇食晒d肉。但個咖哩算ok，送飯係幾好食。

知道以前沙田麗豪酒店泰國菜館的大廚係佐敦開咗間餐廳。係沙田飲過佢D冬蔭功，一飲難忘。呢間新餐廳格局比較親民(係沙田可能由於酒店關係，晚餐成三百一位)。今次一坐低又叫冬蔭功，味道一樣，有大蝦，價錢係一半！再試咖哩大蝦，係多蛋的那一種，唔辣，送飯ok。大頭蝦都算新蘚及多膏。叫咗杯龍眼茶，不太甜。最後試芒果黑白糯米，比想像中細碟，都夠三個人分。椰汁調到甜鹹適中，都算ok。可能係新開D夥計都好熱情。地方算光猛，應該會再來。

昨晚與朋友相聚，找到了這一間新開的泰式餐廳，由於很多菜式選擇，我們已點了數10種不同菜式，特別是大蝦冬陰公湯，頗有泰國的味道，有意外驚喜青咖喱雞，椰汁香味很濃，值得一試。還有泰式小食拼盤，明爐魚，軟殼蟹柚子沙律.... 菜式一上枱不夠15分鐘，已被清光了。炸到脆卜卜軟殼蟹，配上新鮮的柚子，入口既香脆又清新。自從於泰國食完就十分喜歡這個芒果黑糯米甜品，口感煙韌又美味。我們一行九人，買單每人＄160，總括份量，味道以價錢來說真的算很便宜。

估唔到今晚同一班好耐冇見嘅滑雪嘅朋友一齊去食泰國菜！呢間新開嘅泰國菜位於佐敦，就在恆豐中心正後方，方置都幾方便。開波先嚟個泰式拼盤，魚餅蝦餅春卷雞翼，以雞翼代替香葉包雞，這個組合我比較喜歡，送象啤，正！跟住係沙嗲串燒，火喉肉質都好，可以唔點沙嗲汁，都已經入味至於冬蔭公湯呢，我就覺得味道可以再豐富Ｄ，我比較鍾意厚身ＤＤ。軟殼蟹柚子沙律食落唔油膩，清新、香軟鬆脆蒜香牛油雞翼睇落平平無奇，其實係要Encore菜呢，就食咗呢個鐵板椰菜苗～咖哩方面，就點咗咖哩炒蟹，但我比較怕係街食蟹，所以只係配印度薄餅食咗Ｄ咖哩，咖哩汁唔錯明爐烏頭，新鮮入味，清清地平衡下。泰式炒金邊粉，味道可以再濃ＤＤ，或者可以試下做蛋包～最後嘅甜品係有我至愛嘅芒果，芒果糯米飯仲有一個鐵板蠔都好正，掛住食冇影相，又係要Encore十個人食咗太多道菜，不能盡錄。總之係一個好味又歡樂嘅晚上。

星期日晚上，我和家人在佐敦 路經看見一間泰國餐廳 、 在 入面街所以不起眼 ，看價錢很便宜裝修也不錯我們便入了坐，叫了幾個餸 :頭盤一個米紙卷 、一個海南雞飯、炒金邊粉、和一個泰國冬陰功湯 一個肉鬆炒飯， 一份羊扒， 味道很不錯， 真想不到這麼便宜價錢又這麼出品 我和這 侍應 傾開、原來這老細是蘭桂坊和大酒店出來的， 所以味道很適合年青人吃的。 我日後又多了一間餐廳吃食飯了。

食物味道都算過得去，品種都算多，一般人認為泰菜只有辣，但尼間泰菜就有好多有泰fell而五辣的選擇！我覺得最抵贊一樣嘢係，價錢十分公道，份量與價值成反比，同一樣食物價比出邊便，比出邊份量多！啱曬我尼D打工仔，又要多又要便

午飯時間諗住黎試呢間餐廳既咖哩因有朋友推介呢間餐廳咖哩好好味事源呢間餐廳前名叫「食好啲」伙記全部無變，只係改左名咁就一大班人去試下啦午餐最低消費每人都要$48起午餐最貴$68，其他散叫食物飲品需要另外加錢，一心黎到試咖哩好味既，貴小小都唔緊要啦好！就試下係咪咁值先一黎到色淡，咖哩味都無叫經理黎，問可否加加味？再黎到，牛肉都無，再叫經理望一望佢立即拎去加返小小肉一邊食，一邊見到既係牛肉碎，好唔好咖哩味加左都仲係淡成碟飯只能完成一半就放棄物價上漲我深深體會到但質素，同價錢可否成一值線？佐敦咁多選擇，下次真係可以試下其他

環境舒適，衞生良好，優質的服務，食物味道好，份量足，價錢又合理。我叫左一個招牌海南雞飯，冇諗過一個海南雞飯會有埋甜品食。個甜品今次係香蘭葉西米布丁（個服務員話每次都吾同），個甜品吾算好甜食落好香，我就加多8蚊叫多一杯泰式飲品－珍多冰。喺出面飲通常都會好甜，但係呢度既珍多冰就冇咁甜，適合吾鍾意飲太甜但係又想飲的人飲。我朋友就叫左一個煎魚泡飯，估吾到個餐都有埋甜品仲要有泰式素米紙卷食，58蚊既價錢仲要係魚湯泡飯，食到我同我朋友都好満足，有機會黎呢邊一定會再黎食。

今日係食慶生飯，一出地鐵恒豐中心德興街出口行幾步就到，9大2小食左好多嘢好豐富又好好味。平時都好鐘意食泰國菜，係度仲有一般中菜嘅選擇，啱曬一大班人有唔同口味。明爐魚，好鮮甜。泰式肉碎炒菜，有陣咸香味仲越食越辣，鐘意重口味嘅啱曬。咖啡牛，泰國咖啡好香椰汁味，配埋薄餅沾汁食勁正，牛腩好林，最正仲有牛筋小食拼盤生菜包串燒軟殼蟹沙律豬頸肉牛尾煲豬手炆雞腳蒜蓉包鐵板牛仔骨炒金邊粉羊架珍多冰，洛神花，青檸梳打，燒香矛茶