椰林閣餐廳 (已結業)

以前周不時會食下椰林閣 今次試下新野 就係佢啦 橄欖菜雞肉炒飯 一食到橄欖菜就好有住家飯既feel 個雞肉炒飯炒得唔錯 成個餐好抵食 有餐包同野飲 飯又大大份 加埋都係五十幾蚊 抵呀：）

肚餓了，想起了椰林閣的下午茶，來個咖喱牛腩飯，總比大x樂，大x活，的好吃，不會有嗆喉的辣感，牛腩比較林⋯雞比薯條小朋友的至愛，雞髀也很入味，薯條不會太燶⋯餐牌新菜式沙嗲雞肉串，試了兩串，再encore⋯希望凍奶茶可以改善一下，茶味真的不夠濃

疫情的關係近近哋在樓下的商場吃午餐，去了我常去的椰林閣，它的防疫措施做得尚算ok， 量度體溫才可入座，枱與枱之間保持安全距離， 還有膠板夾著，還算安心。咖哩牛腩飯午餐牛腩炆得淋淋的，份量足，除了薯仔還有我至愛的牛筋 。 跟餐包，餐湯 和熱飲，吃得飽飽的， 只是55元，很抵吃。雞髀薯條下午茶搭正兩點鐘下午茶出場，雞髀即叫即炸 ， 熱辣辣，外脆內軟，絕對沒有厚厚的粉漿， 炸得剛剛好，能保持雞髀內的肉汁， 跟單價40元，相當抵吃。

今日返舊屋整啲嘢，順便响麗晶食埋個早餐。我見成日都响港式茶餐廳食，所以今次去椰林閣，我記得佢啲咖啡係ok（唔係港式好酸嗰隻)。我哋兩大一細，叫左2個早餐追加一碗雪菜米，份量啱啱好。第一個叫咗 all day breakfast, 因為睇中佢有牛角包，又有蛋、漢堡扒等。牛角包响我預期之中咁好食，好香、鬆軟、整到熱熱地好好味😋個蛋就麻麻哋，唔夠滑。而個蕃茄、青瓜就好一般，正常味道但賣相唔出眾😅呢個係個餐追加8蚊嘅雪菜米，真係迷你版😂杯咖啡幾好，即磨嘅，我無落糖而佢加奶嘅份量剛好。最後講吓個火腿鮑片通粉，份量好大碗，我女(9歲)食唔晒，佢話個湯好好味同埋佢覺得仿鮑片嘅味好似真嘅🧐，下次要再encore 喎。不過我幾鍾意佢加左幾片娃娃菜，平時菜餐廳嗰啲無嘅😅整體來講，價格正常 ($34左右一個餐)，環境好舒服(夠大又有卡位)。

今日放假時間專登早點和朋友去吃早餐，不過附近的早餐都已經有不少人排隊中，最後我們去了椰林閣，餐牌選擇都是差不多，我地就叫了三十七元的早餐，豬扒烏冬，來到都幾大片，不過豬扒比較薄身而且梳打粉味比較重，完全沒有香芧味，烏冬都正常份量都夠食，配煎蛋是凍的，腸仔勁咸都是凍，麵包都軟熟，熱飲要了茶走，不夠滑身但茶的味道可以，而朋友就叫了五香肉丁就普通不錯，不過肉丁比較少。整個早餐坐得都舒服而且待應都幾快手。

其實呢度嘅晚餐都食過5、6次，水準時好時壞，記得上一次食同樣嘅餐，覺得質素幾好，仲同朋友異口同聲話下次想近近地食鐵板餐就嚟返呢度食，點知今次叫同樣嘅嘢就乃咗嘢....今日嘅紅白湯都無味，忌廉湯仲超級杰撻撻，好難飲只飲咗兩啖。叫咗一個肉眼扒，一個雞扒拼炸蝦，肉眼扒好薄無牛味，好似平時食早餐薄牛扒咁，個黑椒汁勁咸... 雞扒不過不失唔算難食，炸蝦都接受倒，不過因為個汁勁咸，破壞埋雖我地只係叫優惠嘅扒餐，但係可以保持返應有嘅水準嗎？

Hello 又係小女子我啊 每個星期例行食椰林閣之前下午茶食完牛仔柳今次午餐我就食牛扒🤤———————————因為我發覺無咩餐牌睇所以我影晒所有餐牌😂亦都方便之後我可以睇翻就可以諗定食D咩 唔洗煩————————————呢度係午餐 主餐牌係下面我好中意食黑椒汁 次次都轉汁餐湯送上黎仲係熱辣辣 好開胃牛扒好實 唔會難咬 都好容易切食落口好有口感 啖啖肉好滿足☺️牛仔柳係柔軟既 牛扒就有口感😋感覺到午餐飯量的確比下午茶要多以下附上主餐牌及其他推廣優惠餐牌

以前中學時候就已經成日食椰林閣因為佢午餐送湯加餐包 價錢亦唔貴除左午餐之外 下午茶性價比都高架————————————————後尾好多間開係屋企附近既都執左所以要食就唯有搭車出去遠D先食到—————————————————今日就突然好掛住牛仔柳 於是搭出來九龍灣麗晶商場呢間分店係第一次黎環境乾淨 都幾大間 而且早黎唔洗等位甘我就叫左蒜蓉汁牛仔柳飯轉黑椒汁既凍檸水加三蚊 加十蚊要左個餐包同餐湯 食落口仍然係我熟悉既味道 好滿足好懷念😚

今朝工作關係要去麗晶花園'經過椰林閣入去食個早餐先🍴🍴點左豬扒，腸仔，茄汁豆，薯蓉'飲凍鴛鴦,加配鮮茄通粉豬扒，腸仔，薯蓉~份量👍味道好🤗🤗🤗鮮茄通粉~濃郁有什菜，通粉軟硬適中凍鴛鴦~咖啡奶茶比例適中，滑的

👭椰林閣餐廳(九龍灣)👭西班牙海鮮長通粉 $53午餐有跟主菜，餐湯及包同飲品Order左忌廉湯，再食埋個包之後都飽左一半🙊長通粉份量好足夠，不過唔係咁夠熱，隻汁係酸酸地既茄汁咁，海鮮配料得八爪魚😂不過overall都好食既🙂重點: 呢間店有一邊出口係對住商場廁所，時不時有人開門，會傳黎好大陣異味，如果大家幫襯既話，千其唔好坐係近廁所個邊呀。。推薦度：7/10🏠九龍灣宏光道80號麗晶商場地下

椰林閣...其實真係無諗過要寫食評～不過今日黎到見到我最愛既下午茶組合，湯麵加奶油豬～豬軟骨烏冬...一般～奶油豬幾脆口...都ok!不過呢間分店出面有個好臭既廁所...盡量唔好坐近門口位🤦🏻‍♀️🤦🏻‍♀️

今天和朋友去九龍灣麗晶商場的椰林閣餐廳吃早餐，店内不算擠迫，而且還有卡位，坐下的感覺比較寬敞舒適，早餐款式幾款，分別有餐肉、腸仔、五香肉丁，沙爹牛肉、煎蛋等等．．．．粉面加柸飲品,價錢大约三十餘元，叫了個五香肉丁通粉，叫了餐飲凍檸茶及凍奶茶，怎知卻來了凍華田及凍檸水，可能是新移民侍應言語上溝通有問題。通粉食到一半發現有眼捷毛，未幾我的朋友的米線又發現一條毛和蛋壳，衛生程况非常差，幸好不是經常光顧的餐廳，但己把它列入了黑名單

中學時期好鍾意食椰林閣，三十幾蚊有飯、有湯、有包、有嘢飲，經濟嘅價錢，高級嘅享受，咁啱今日揸車經過麗晶，見到幾款鐵版餐都係六十幾蚊，就決定入去食～我揀咗5號餐，洋蔥汁豬扒拌雞肉串燒，先上個湯同餐包，餐包拎上手係熱辣辣，感覺都叫有誠意，唔係求其，但成餐就真係得個包同凍檸茶叫做ok...😅忌廉湯基本上係乜料都無，而個湯亦都一啲都唔creamy，不過都還好吧，始終我都係想食佢嘅鐵板餐～過咗一陣，鐵板餐都到了，(我掛住同友人討論食物質素唔記得咗影相😭)，豬扒唔韌嘅，肉質ok，係個汁同雞肉串燒出事，雞肉串燒過份調味，食咗幾啖個口已經覺得有啲刺激嘅感覺，因為太咸了🥵！而個洋蔥汁，因為我見到鐵板上有一絲絲洋蔥，同埋餐牌上寫住，我先醒起佢係洋蔥汁，因為個味道同我一路食開嘅洋蔥汁係有分別嘅，呢個汁偏咸，亦無洋蔥汁嘅香，令到塊豬扒都失色埋...食完呢次，我都明白點解椰林閣得返咁少分店了😥

晚餐吾知食咩好😞😞，就去十年都冇去過嘅椰林閣，因為以前係成日去嘅，無論lunch 定tea~之後開始吾好食，就再冇去！🙈🙈今晚我叫左個印度咖哩雞脾飯，我印象中椰林閣d咖哩係吾錯嘅🤪🤪所以就叫返咖哩，價錢重平過茶餐廳，算係甘啦！嘩，一黎到見到個賣相即刻加唒分！😍😍味道係吾錯，重有少少微辣添！雞脾半煎炸甘，好香，好脆，就算淋左個汁響面都冇影響！而個飯，大家都睇到，係黃油飯，食落更加香😋😋

天氣轉冷，最好食煲仔菜！椰林閣既煲仔菜不嬲幾好食！今日見到新menu 有「大馬站煲」，好奇下一試！原來係豆腐火腩煲，真係花巧改名！個煲幾夠熱，火腩炆得夠諗，豆腐好多茶記都有「宿」味，呢度冇！成個煲都好惹味！個餐包左白飯一碗同例湯 $65 都算控食！仲叫左胡椒豬手煲，好食係好食！不過份量較少！配菜也配合得宜～