椰粉湯紅 (已結業)

今日黎椰粉湯紅食lunch，人太多要排隊一段時間，不過好快就有位。見到呢度有首創竹絲海南雞（$80），同普通嘅海南雞黃色嘅表面唔同，佢係灰色皮，味道方面無太大分別，依然好嫩滑。配椰香飯，味道無咁油膩。另外加左菜心一碟（$12），好鮮甜爽脆。另外揀左咖哩牛坑腩（$63），味道係好正宗港式咖喱，好夠椰香味，味道濃厚而唔辣。配彩虹飯，即紅米加粟米粒，感覺健康。另外加左個是日食療湯（$15），係荷葉三豆湯，清熱化濕啱曬我。

外出食飯想健康啲嘅話又一選擇！ 今日嚟到灣仔區嘅《椰粉湯紅》用膳，一坐低我就叫咗呢到「首創竹絲雞海南雞椰香飯套餐」呢個套餐跟一碟油菜 $108；另外仲有旋風式「燒炭燒鰻魚椰香蛋包飯」$78同每日精選「食療拿杯湯」$28今日嘅拿杯湯係「淮山赤小豆扁豆湯」，呢個湯啱晒而家呢啲又熱又濕嘅天氣！ 而我個蛋包飯以$78 嚟講剩係有個旋風蛋都覺得加晒分！醬汁，跟埋嘅椰汁同個飯都好夾，幾好味。而竹絲雞做海南雞真係第一次食！以為竹絲雞肉比較少，但事實上佢只係無咁肥，廚師都處理得啲雞好嫩同好滑～ 仲會跟埋碟菜真係啱晒我呢啲無菜不歡嘅朋友仔‼️ 呢間鋪真係啱晒養生又或者鍾意滋潤湯水嘅朋友，好鍾意佢哋concept天然無添加，咁就食都食得安心啲！📍灣仔軒尼詩道61號四寶大廈地下

今次搵到呢間喺灣仔一帶嘅小店叫做椰粉湯紅。去到店舖門面嘅裝修有一簡約同埋小清新風格，睇餐牌主要係食啲中式fusion菜，同埋主打幾款燉湯。同朋友今次叫左首創竹絲海南雞椰香飯套餐($108)，套餐跟飯、菜。海南雞嘅賣相係類似平時嘅烏雞咁偏烏黑色，而食落口感都算嫩滑，配埋個醬甜甜酸酸咁都幾開胃。另外叫左份炭燒鰻魚椰香蛋包飯($88)，呢味嘅賣相相對做得靚，而亦都有配合餐廳「椰」嘅主題，店員推介將佢地自製嘅椰醬混埋飯一齊食，食落味道甜甜地咁，都算幾新鮮，但鰻魚如果仲大條d就仲正。至於兩個餐都可配一客湯，店員推介左佢地當日嘅是日食療拿杯湯 - 淮山赤小豆扁豆湯，湯水溫度夠哂熱，岩哂呢排忽冷忽熱天氣飲嘅湯。整體黎講，所以菜式都算係冇味精之選，喺灣仔區黎講價錢亦唔算特別貴。

第二次光顧這間店了，記得當時是晚市外賣自取的，給我的感覺很健康。午市人流非常之多，需要等位或搭位，女士和上班族比較多一點。跟朋友一人點了一份午市套餐。椰香海南雞 - $56去骨的海南雞啖啖肉，肉厚有雞味，雞皮比較薄因去除油脂層，雞油脂肪不會多。椰香飯油飯色澤夠黃，不算油膩。配的醬汁是褐色的酸醬，辣椒醬及蒜末豉油等作調味，好惹味。惹味麻婆豆腐 - $48豬肉碎比豆腐還要多，像肉醬般的多，有獨有的川味，但不麻辣。豆腐切成小塊，口感嫩滑順口。彩虹飯是由紅米及粟米組成，口感更豐富又健康。皇牌菜芯苗 +$12幼嫩的菜芯苗菜葉和莖部也很細嫩。是日食療拿杯湯 +$15每天不同款式，因時令要改變。是日是荷葉三豆湯，有清熱解暑之用，湯杯已完全去渣，可當飲品直接飲用，十分方便。

《嚐鮮養生原味道🐥》———————————————-#椰粉湯紅💓-灣仔嘅上班一族有福啦，呢間主打燉湯的小店啱哂忙碌嘅都市人，而且佢粉紅色嘅裝修，完全少女心爆發😍 呢度標榜所有燉湯鮮味不加味精、無添加，出街食飯唔一定食味精，食得健康都唔一定清淡😋-今次收工嚟食，必食佢首創嘅竹絲海南雞椰香飯🐣黑化版嘅雞肉嫩滑，鮮味十足，食得出食材嘅原味道。椰漿蒸煮泰國香米，飯粒分明，仲透點椰子香，同傳統油飯比較好有驚喜！跟餐仲有皇牌菜芯苗，非常fresh🥬-個人就好中意日式胡麻醬手撕雞冷麵，非常清新，超多手撕雞，毫不吝嗇，而冷麵麵質爽口彈牙，胡麻味香濃微甜，呢個配搭點都唔會輸😙-是日嘅食療拿杯湯係准山赤小豆扁豆湯，健脾和胃、利水除濕、消腫解毒，對強肺防感冒有食療嘅功效，而且店主堅持每日嚴選時令食材，完全係天然美魅～-⭐ 參考價錢︰首創竹絲海南雞椰香飯套餐：$108日式胡麻醬手撕雞冷麵：$58食療拿杯湯（准山赤小豆扁豆湯）：跟餐加+$15🍌 抵deal 指數：9/10💰 人均消費：$90

話說有朋友介紹一間健康餐廳，咁我就試清楚啲去到職員同我地做足安全措施，小心給我們消毒潔手液。等咗一陣就已經上咗一碗冇味精老火靚湯-猴頭菇銀耳湯，平時工作好忙都冇機會有碗湯，飲左呢杯足料令湯，個胃即刻暖哂。之後試咗呢度築師海南雞椰香飯，雖然海南雞同平時嘅雞顏色唔同，但食落都好嫩口而且低脂肪，推薦減肥嘅朋友來食。而且仲可以加配蔬菜，認真健康。另一個就係炭燒鰻魚椰香蛋包飯，鰻魚拍得住其他日本餐廳，而且燒汁濃厚。仲另配埋椰汁俾你自己落調味，令蛋包飯口感更加高層次。簡單嚟講如果大家想搵均衡營養又有特色的膳食，可以同朋友過來試下！希望大家愈食愈瘦。

復活節假期後一返工就覺得個人好攰身體又差咗咁想腸胃refresh吓 食得健康啲搵吓放工食咩好就發現椰粉湯紅主打燉湯 冇味精 無添加 真係好吸引仲有首創嘅黑色海南雞飯？一於嚟食個晚飯啦-門口好型呀 成個椰子咁🥥入面好啱打卡💕🖤首創竹絲海南雞椰香飯套餐 $108估唔到竹絲雞除咗煲湯見得多之外 仲可以整成海南雞雞皮好薄又完全唔肥雞肉仲特別滑 肉味就屬偏淡啲食海南雞醬汁都好重要 而呢一個醬汁就有泰式嘅風味椰香飯都幾唔錯套餐仲包括有油菜一碟🥬 + 是日食療拿杯湯🥣💛糖脆炙燒豬頸肉椰香蛋包飯 $68好有日式嘅風格啊 個蛋鋪得好靚豬頸肉都有6大塊 食到有焦糖 好香口 好特別又估唔到淋上椰汁去食尼個飯又幾配搭得宜非套餐只要另加 $15 都有靚湯飲是日食療拿杯湯：淮山赤小豆扁豆湯🥣能幫助吓身體去濕、強肺、防感冒 都非常啱我依家嘅需要 正呀！

一連五日長假期總會毫無顧忌咁食...食...食同埋食...回歸正常後一切都會變返健康節奏而我既健康飯堂？灣仔椰粉湯紅係我定時會去既餐廳因為佢地有每日新鮮熬製既滋補燉湯🤩今日我選擇左”淮山赤小豆扁豆湯”因為佢可健脾、去濕、解毒同強肺以及預防感冒另外本身我自己都有試過佢地係紅磡店既海南雞飯勾起食海南雞既意欲所以二話不說揀左佢地既”首創竹絲海南雞” 馬拉風味椰香海南雞飯重重的椰香米飯配以滑溜既雞肉而雞肉則是烏雞所以黑黑的 非常特別口感不在話下而且營養價值都非常豐富最緊要食得健康

今日等HONEY收工，好耐都無飲湯水，醒起好耐之前同HONEY去的椰粉湯紅食飯，掛住佢的湯~~所以就決定去返椰粉湯紅食晚餐同飲湯啦，同HONEY都點左竹絲海南雞椰香飯，日式胡麻醬手撕雞冷麵，皇牌菜心苗今日食療拿杯湯系紅豆無花果薏米湯，紅豆無花果薏米湯好啱哩D熱熱地的天氣飲，夠熱夠清甜，仲KEEP到水準，竹絲海南雞椰香飯竹絲海南雞椰香飯真的HONEY最愛，竹絲海南雞都KEEP到夠滑，另外椰香飯都好好食，加埋個汁真的無敵，日式胡麻醬手撕雞冷麵日式胡麻醬手撕雞冷麵，熱熱的天氣真的好想食D透心涼的野，哩個日式胡麻醬手撕雞冷麵真的好啱我食，雞肉唔會太UN，另外加埋芝麻汁真的好開胃，皇牌菜心苗皇牌菜心苗都KEEP住爽口同好食~!

今日喺灣仔見椰粉湯紅，個餐廳名幾特別，就走入去試下。今次order咗猴頭菇銀耳老雞湯、海南雞椰香飯、糖脆鹽燒豬頸肉椰香蛋包飯。個老雞湯絕對值得推介，真係好好飲，入面嘅猴頭菇同埋銀耳嘅味道好出，而且好足料，分外覺得鮮甜可能因為係老雞煲嘅關係。海南雞就特別嫩滑，而且點埋特製嘅醬汁食特別惹味。椰香飯都好出色 ，食到停唔到口。蛋包飯嘅蛋就好滑，撈埋d飯食 係我嘅至愛。 糖脆豬頸肉甜甜地，個味道幾特別亦提升到豬頸肉嘅鮮豬味。如果下次有機會去灣仔，我一定會再嚟試佢哋其他嘅老火湯，因為選擇真係好多。

有冇人同我一樣晚巿開翻之後就成日出街食飯呢🤣？出去食飯成日都多油多肉多味精，今日呢間餐廳食物除咗少油冇味精之外，仲有足料靚湯飲！💛炭燒鰻魚椰香蛋包飯原本以為係普通蛋包飯，點知係近年好流行嘅旋風蛋！雞蛋煎得啱啱好，仍然保留少少嘅蛋汁喺上面，配埋香濃嘅椰汁，甜甜地又鹹鹹地，估唔到椰汁同蛋包飯都幾夾，鰻魚嘅質素唔錯而且無骨，但係食唔出炭燒味。💛首創竹絲海南雞椰香飯套餐海南雞飯同竹絲雞湯就食得多，但係竹絲海南雞就真係第一次試，竹絲雞嘅油脂少過普通嘅雞，原本以為肉質會比較硬，但係呢個竹絲海南雞嘅肉質同普通海南雞一樣咁嫩滑，最令人驚喜嘅係個椰香飯，除咗有椰汁嘅味道，仲有沙薑味，淨係食個飯都覺得好好味😂跟餐嘅油菜都非常值得讚，雖然叫做油菜但一啲都唔油。💛猴頭菇銀耳老雞湯呢度嘅食療湯每日都唔一樣，今日嘅湯健脾養胃、安神、滋陰潤膚，淨係睇到個療效就覺得好正😂 飲落非常清甜，而且一啲都唔油膩。個湯用杯裝住，啱晒唔得閒煲湯嘅人就咁買一杯拎住飲。呢度嘅食物份量足，食完夠飽之餘又唔覺得油膩，而且冇味精，食完唔口渴，健康之餘又好味！味道: 🌕🌕🌕🌕🌑服務: 🌕🌕🌕🌕🌘環境: 🌕🌕🌕🌕🌘價錢: 🌕🌕🌕🌕🌑📍 椰粉湯

呢排食得多濃味野 想食啲健康啲既餐廳😆之前係ig見到呢間粉紅色養生餐廳 加上自己都幾鐘意食椰子味既野 就比佢吸引左~✨首創竹絲海南雞椰香飯套餐 $108第一次食竹絲海南雞🤣雖然賣相一定冇正常海南雞咁靚 食落係少啲脂肪 但都好嫩滑☺️椰香飯好香 仲有海南雞必點既惹味醬汁😝套餐仲包左食療拿杯湯同菜😆✨炭燒鰻魚椰香蛋包飯 $78炭燒鰻魚份量唔算多 但加埋蛋同配菜仲有成碟椰漿撈飯絕對夠我食😛個椰漿實在係令我諗起芒果糯米飯🤪好耐冇食啦🥺我成碟撈哂😂✨拿杯湯: 老黃瓜洋蔥扁豆湯 (+$15)我一向好重視湯既溫度😆一上枱係熱到飲唔到😛食到最尾再飲都仲係暖暖地😌最正係一滴油都見唔到😆飲落清甜又好潤喉😍呢個湯仲可以降火解毒 啱哂我😌

The Fifth Taste - Umami🎈椰粉湯紅 Cocosoup/Umami helps find out the maximum flavor from ingredients. It is an international and unique taste, which is irreplaceable./原來除左甜酸苦鹹之外 仲有第五種味覺就系「旨」味啦😌「旨」亦可以叫做鮮味 係一種抽象得難以形容嘅味道🧐🥥椰香海南雞椰香飯套餐 ($76)Signature Hainanese Chicken Coconut-Fragrant Rice Set雞肉嫩滑 雞皮唔會話肥 平時唔食雞皮都接受到點埋個醬汁酸酸地 送飯一流飯粒好香 粒粒分明 比較有咬口🍚而食落有陣陣嘅香料味 🐮精選和牛椰香蛋包飯 ($68)Featured Japanese Wagyu in coconut Fragrance Omelet Rice 滑蛋好高難度以龍捲風式包住啲飯同目測一樣 蛋煮得好滑🍳最特別係 可以將呢個飯附有嘅椰醬倒落蛋嘅上面 椰醬 滑蛋 同飯一齊食估唔到系意想不到地香同夾 和牛非常值得一贊

同事知我少飲湯水放工特登帶我嚟到灣仔呢間椰粉湯紅食飯飲湯食物少鹽又無味精亦係另一吸引我嘅原因聽講每日例湯都唔同是晚係猴頭菇銀耳老雞湯飲落認真足料好味， 鹹到剛好 我好驚D湯得個死鹹味， 呢碗就啱晒我口味啦飲到濃濃雞味， 而且唔會太油懶得自己煲湯其實過嚟飲仲抵精選和牛蛋包飯 ＄88和牛超JUICY肥美， 切到一粒粒又唔會太漏蛋包飯加埋椰槳甜甜地又出乎意料之外夾竹絲海南雞配椰香飯套餐 ＄108不嬲都知竹絲雞對女性都比較補， 營養價值高好多不過就唔係好多地方食到難得見到就梗係要試啦佢比一般雞脂肪比例較低， 肉質細嫩飯粒略嫌唔夠椰香埋單唔洗加一，抵食好味果然無介紹錯！

本來天氣已經開始熱，今日又突然涼番，好想飲啖湯，諗起之前來飲過食療拿杯湯，好濃好好飲，今晚一於encore！ 番薯粉葛栗子湯嘩～熱辣辣的湯到了，睇個色水就知濃郁！即刻飲一啖，湯料的味道已經融和為一體，是另一層次的鮮甜，昇華了！重點是無添加，都是來自天然的味道。飲完一杯，個人暖晒，好舒服！ 竹絲海南雞椰香飯上次餓底試完呢個竹絲雞，念念不忘呀！都有啲掛住，所以今次都係叫佢！而且個醬汁都係亮點，好惹味！配埋個椰香飯，包保你整碟掃清光，哈！