椰粉湯紅 (已結業)

今日到灣仔辦事發現一間好有詩意嘅餐廳「椰粉湯紅」，主打健康湯品，食療拿杯湯每日都唔同，每個套餐加15都有一杯，今日啲湯係陳皮菜乾龍皇杏，飲一啖真係唔調味，淡淡啲陳皮味。竹絲海南雞配椰香飯，呢個套餐係餐廳啲首創，特別係呢個汁好特別，係佢自己研究酸酸甜甜DD麻辣，配上嫩滑多汁啲竹絲雞既開胃又好味。椰香飯粒粒分明有椰子啲奶香味，都食晒另一個套餐係蜂蜜柚子雞配彩虹飯，雞件炸成金黃色，入口脆卜卜，肉質嫩滑多汁，表皮淋著酸酸甜甜啲柚子醬，讓人欲罷不能。彩虹飯由粟米、紅米、白米等混合煮成，覺得好健康。

天氣乾燥好想喝燉湯和吃有味飯, 經過「椰粉湯紅 」 見到menu 可以一次過滿足我兩個願望。 這小店售賣的食物很多元化, 除了燉湯和招牌自創竹絲海南雞, 還有創意甜品、自製涼飲、中西式套餐配以彩虹飯、白米飯、招牌米粉或紫黃番薯, 創意得嚟又健康。竹絲海南雞套餐$109已包括了椰香飯、 蔬菜和食療拿杯湯， 非常抵吃。 竹絲雞肉很嫩滑, 比起一般的海南雞少了一層油膩感, 亦很欣賞椰香飯是椰奶與飯分開上, 讓客人自行控制味道。 當天的食療杯湯水是陳皮菜乾龍杏湯, 喝得出材料十足和沒有放味精。炭燒鰻魚椰香蛋包飯$94，賣相漂亮, 鰻魚肉彈口, 蛋也做得很滑溜, 雖然沒有像海南雞餐跟菜心一盒, 但也有青瓜和粟米伴碟。並且, 只需加$15還可換購一杯原價$28的食療拿杯湯, 再加上此店有抗疫外賣優惠9折, 認真抵上加抵!

放工經過軒尼詩道，比一間叫「椰粉湯紅」嘅餐廳吸引。是關門口呈圓形，重有個匙羹(假)。好奇停底睇下，見佢全部食品不加味精，又有湯又有飯又有菜食，好健康咁，外賣重有九折，就嗌個外賣啦。椰香海南雞椰香飯套餐雞肉質滑溜，點埋酸酸嘅醬汁食一流！椰香飯好香，有d香芧香。菜芯翠綠鮮甜冇渣。糖脆炙燒豬頸肉椰香蛋包飯豬頸肉肥瘦適中，炙燒過見到邊微焦，入口焦香微甜。另外附上椰汁供食客自行調味。蛋份量夠多，多到遮住成個飯！蛋包飯嘅蛋厚薄適中，有蛋香。重有南瓜同蕃茄仔做配菜。南瓜夠腍，味甜。放工個人已經虛脫😵，好想飲d湯水潤一潤。呢度有燉湯飲😍，正呀！「食療拿杯湯」每個禮拜轉一次。今個禮拜嘅食療拿杯湯係「陳皮菜乾龍王杏湯」。一於試一試！湯嘅色水好深，飲落去好香菜乾味。飲完唔會覺得口渴，個人即刻覺得滋潤曬～🥰

今日突然好想飲碗靚湯滋潤一下，剛好同家人行經灣仔軒尼詩道四寶大廈，有間餐廳「椰粉湯紅」，有賣滋潤健康靚湯，同時又有家人鍾愛的海南雞飯，所以決定買兩個外賣回家做晚餐。 店舖細細，以pink pink色調裝修，好少女風格。抗疫外賣，仲有九折優惠。 食療拿杯湯會每星期轉換，今星期是陳皮菜乾龍王杏湯陳皮、杏仁有化痰、清熱潤肺，消滯健胃功效，湯色濃厚，滿滿一杯濃湯，冇湯渣， 入口有陳皮清香、菜乾清甜味。 椰香海南雞飯 冇骨海南雞，肥瘦適中，肉滑肉嫩，加上秘製惹味微辣醬汁，加上清香椰漿油飯，非常美味可口。糖脆灸燒豬頸肉棷香蛋包飯灸燒豬頸肉，入口酥脆香甜，將椰漿加上旋風蛋包飯，增加豐富口感。

原來呢間位於灣仔嘅小店都幾少女，店裡粉紅色咁仲有霓虹燈，樓底又夠高，空間感十足，頭頂有啲波波，裝修唔錯🍗椰香海南雞椰香飯套餐 $77套餐包海南雞、椰香飯、食療湯仲有菜心咖！套餐有菜真係好好！出面未必有咖椰香飯椰味超濃同埋粒粒分明，我食哂成碗😂海南雞都幾嫩滑嘅，沾沾醬汁好味啲食療湯體現到健康無添加味精嘅精神估唔到套餐仲有菜心🥬🥘炭燒鰻魚椰香蛋包飯 $94蛋包轉轉得靚！👅炭燒鰻魚夠香，如果多啲就更加好啦！配料仲有洋蔥、南瓜同車厘茄，色彩繽紛～🥭熱情豐盛🥤熱情果杞子青檸特飲，熱情味濃郁啊

臨限農歷年成日OT大食妹收工去左椰粉湯紅外賣晚餐返屋企<椰香海南雞椰香飯>之前食過椰粉湯紅嘅烏雞海南雞飯, 可惜今日去到已經賣晒唯有嗌份正常嘅椰香海南雞椰香飯無骨海南雞好嫩滑, 肉質唔會好肥, 配上酸酸辣辣嘅泰式醬汁, 超好食椰香飯米飯粒粒分別, 味道咸香, 記得食到一半要落椰汁, 會更加好味噢<精選和牛椰香蛋包飯>精選和牛椰香蛋包飯都唔錯, 炒蛋又滑又有蛋香和牛粒都好肥美<菜芯>跟餐仲有蔬菜今日嘅係菜芯, 份量幾有誠意, 口感爽脆偏硬身<陳皮菜乾龍王杏湯>當然仲有是日靚湯大食妹飲嘅呢杯係陳皮菜乾龍王杏湯, 可以消健胃、清熱潤沛同化痰鎮咳平喘, 感覺好塞利呢

椰粉湯紅炭燒饅魚椰香蛋包飯🐟🍳🍚 $94超大條饅魚，唔會好多骨，椰汁味清香、濃厚。蛋夠滑。👍🏻飯既份量塊好多。食療拿杯湯-香芋南瓜眉豆海底椰湯🎃🥥🥣 $15有防止骨質疏鬆同高血壓既問題，飲得出冇落味精，足料靚湯。🥰日式胡麻醬手撕雞冷麵🍜🍗🌽 $71手撕雞份量多，有好多青瓜絲🥒，車厘茄🍅同粟米🌽。用蕎麥面，感覺上健康d。 醬料可以自己落。🤪王牌菜心苗🥬 $12菜心配豉油，夠冧。

今日去左位於灣仔既椰粉湯紅買外賣返屋企食，為既都係飲啖靚湯。餐廳既養生湯係用杯裝，而且有專用既手抽，拎到返屋企都唔怕倒瀉。是日既「食療拿杯湯」係天冬麥冬雪梨湯，滋陰潤燥、養陰生津、潤肺清胃燥熱，味道濃郁但完全唔油膩，飲完即係覺得暖哂！除左湯之外，我地仲叫左一個海南雞飯同埋一個和牛肉粒蛋包飯。海南雞飯既雞肉鮮嫩，雞皮亦都夠晒滑，而佢嘅飯亦有淡淡嘅椰香味，口感同味道都非常配合。最重要係佢既秘製醬汁非常好味，同坊間既醬汁味道略有不同，食落有陣陣嘅姜蓉味。而呢度嘅蛋包飯同樣帶有椰子嘅香味，餐廳另外提供左一兜椰子醬，食嘅時候將椰漿倒落蛋包飯上面，令整個蛋包飯都充滿椰子嘅香味。和牛牛肉粒嘅口感就爽口彈牙，感覺有啲似牛丸，但同時又充滿肉汁，非常美味。

疫情期間四出搵嚟又抵食又美味嘅餐廳同大家分享，今日呢間位於灣仔嘅嘢粉湯紅，飯餸做得非常有心思，抗疫其間外賣仲有9折，值得推介。糖脆灸燒豬頸肉椰香蛋包飯 $68一打開香噴噴，外賣都唔影響豬頸肉焦脆口感，雞蛋滑一滑，加埋粟米、車厘茄、南瓜等配菜,好睇得嚟又健康。（+$15）就有埋食療拿杯湯，湯水清甜，很有住家風味。 椰香海南雞飯套餐 $76 鮮黃色嘅海南雞賣樣很好，連皮食油潤嫩滑嫩滑嫩，配搭埋香軟椰香飯，令人一啖接一啖完全停唔到口。

最近工作太忙，晚餐大多數都係以外賣🥡解決，呢日收工之後突然想轉換下口味食清淡少少，突然醒起好耐之前同事曾經推介過公司附近一間走養生路線既食店💁🏻‍♀️，話佢地既主食創新之餘仲少油少汁，平時午市有得加配秋葵、蕃薯🍠 (而家好似已經無得加配😣) 呢類比較罕見既食物，岩晒注重健康飲食既我😌.食店位於修頓球場⚽️對面既軒尼詩道，當日係門口見到外賣自取🥡會有9折，Menu上面主食同湯水各有八款，認真睇落先發現其中六款主食配既都係椰香飯，加埋店內外粉紅色既點綴，完全係貫徹左店名既「椰🥥」、「粉🎀」同「湯🥣」，至於「紅🔴」係代表左d咩我就折解唔到啦🤣******************************🥢首創竹絲海南雞椰香飯套餐🐔 ($108)叫得做首創，呢個套餐既海南雞係用竹絲雞所炮製，可以話係前所未見😳竹絲雞🐔既肉質比起平日食開既正常版本較為結實，但就同樣嫩滑，更優勝既係佢既雞皮比較薄🤏🏻，無咁肥膩🤗值得一讚既係食店調配既醬汁帶有幾分東南亞風味，雞件蘸點黎食🥢，味道非常惹味😋 不過雞件大約只有6件，男士們👦🏻就應該唔夠食😣至於個椰香飯既椰子味🥥清香，飯粒🍚亦明顯見到好多啡粒，估計係將椰肉打碎左

係銅鑼灣收工後，趕住要去灣仔拎淘寶件～拎完件後，一直沿住軒尼詩道，睇下有咩好食椰粉湯紅既門面超級小清新，燈火通明，係軒尼詩道暗暗既街道上顯得特別搶眼望望menu，唔太貴喎，外賣另有九折，仲有跟湯，唔多諗了，就外賣你做晚餐啦首創竹絲海南雞椰香飯套餐（$108）海南雞相信大家都食得多，但用竹絲雞黎做既海南雞飯，你又試過未？竹絲雞出名滋補，平時用黎煲湯多特別泡製既雞件，雞皮好薄，質感食落非常嫩滑，份量亦不少，啖啖肉特製醬汁酸酸辣辣提升到成個雞件既味道層次，好味到我連墊底既椰菜都食哂椰香飯無傳統既咁油，有淡淡既椰香味招牌菜心苗嫩得黎爽甜無渣，食落整體感覺好健康呀！套餐包一杯食療拿杯湯，另外再額外加左$15要多杯；對於生活繁忙既都市人黎講，湯水唔少得；椰粉湯紅每日湯款都唔同，是日則係天冬麥冬雪梨湯，清甜順喉，飲完個胃暖笠笠，好滿足☺️炭燒鰻魚椰香蛋包飯（$94）鰻魚肥美，味道濃厚適中，加上鋪滿整個飯既滑蛋，未食已經留哂口水😚記得食之前要淋上椰汁，成個飯感覺會再提升一個層次架！今次外賣比我發掘到原來灣仔區都有咁健康無添加既餐廳，絕對會推介朋友黎試下！

又至少一個禮拜冇晚市食，大胃真係就嚟人都癲，唯有繼續外賣，食返啲高質素嘅晚餐冷靜吓自己！嚟到一間粉紅色調，專賣椰香菜式同湯水嘅餐廳，咁吸睛，就佢啦椰汁配蛋包飯，大胃聞所未聞，雖然聽落好古怪，仍決定一試估唔到兩者係咁夾，蛋香同椰香完美結合點和牛粒一樣唔違和，而且肉質嫩到一個點，太神奇喇海南雞飯係椰國嘅代表，必嗌！雞肉鮮嫩滑口，配上醬汁一絕最勁椰香嘅，莫過於佢配飯，由打開盒到食完，期間唔會停到口，係會食上癮嘅飯佢地啲湯水好有諗頭，包裝好似咖啡杯咁，係外賣嘅話更加方便而且溫度啱啱好，邊行邊飲都唔係問題蔬菜拎走咗一排，仲係青BB喺灣仔返工嘅朋友真係幸福喇

某日路過灣仔呢間門面好靚既粉紅色餐廳呢椰紅湯粉，顧名思義，主打無添加食物同埋自家制靚湯，我叫左外賣左一客紅酒燴牛腩，紅酒汁甜甜地幾開胃，牛腩好大舊，牛腩好淋身，而且好入味，仲有紅蘿蔔配菜，個汁食落無味精口渴甘，送飯真係好開胃，都幾抵食，加埋自家制既是日食療湯，今日不同款，今次飲左呢款都好好飲，無湯渣，自家制比較健康同養生，另外，仲食左個麻婆豆腐，豆腐少少辣，仲有肉碎配蕃茄，青瓜好爽脆，呢個真係好入味，健康原味道。

椰粉湯紅以湯類不加味精馳名，今天便趁空檔，來到了這裏。蜂蜜柚子雞$63配彩虹飯，食療拿杯湯另加$15。蜂蜜柚子雞，炸雞件外脆內軟，保持肉質鮮嫩，加上酸酸甜甜的蜂蜜，是佐飯的一道好菜式。彩虹飯內有粟米和紅糙米，感覺健康又清新。食療拿杯湯，味道甘甜，喝得出沒有添加任何味精。竹絲海南雞飯$80配椰香飯，金羅漢果養生茶另加$12。竹絲海南雞飯，用竹絲雞製成海南雞，新穎又有創意。雞肉味道鮮甜，配上海南雞醬，味道層次更加豐富。椰香飯味道香濃，甚為有馬拉特色。金羅漢果養生茶，俱有生津解渴，潤而不燥，適合冬天享用。

I was quite curious when I walked past this shop as their cuisine seemed to be a mix of various Asian cuisines (Hk, Chinese, Japanese, SEA) when usually Asian restaurants kinda just stick to one type of cuisine 😂 but a good thing is that we could both get the different cuisines we want from the same shop 😂 an all in one option 🤪We had their black hainanese chicken rice set and their Wagyu beef omelette rice. With the chicken rice, it was my first time eating black chicken rice and I still have n