極上龍吟海鮮丼專門店 (已結業)

休閒星期天逛了一整天街，晚上來到這間日本小餐廳休息休息！串燒、刺身、壽司、丼飯、天婦羅，基本上所有日本菜色都有，最後決定先試試刺身和天婦羅由於我太餓的關係，點了他們的天婦羅定食　有前菜、湯和天婦羅飯！三文魚湯十分足料入味，有驚喜!等了大約７－８分鐘，熱騰騰的天婦羅丼上枱這款定食有齊天婦羅蝦、茄子、南瓜、番薯，沒有炸得很乾身，好好吃！最後試了他們的三文魚刺身，細份的份量有五件，全部厚切肥美，一下子就吃清光

今日喺旺角做完嘢 ，自己一個人行街 ， 諗緊食咩好就喺 ，太子附近見到有一間門面裝潢吾錯的日本餐廳 ，而且餐牌圖片唔錯，價錢都唔貴添，所以就一個人入咗去試下。 入到去個裝修都可以唔錯，而且款式都好多 ，最平幾十蚊就有一個餐， 最後我叫咗一個泡菜鍋加$8轉烏冬， 再叫咗一個壽司和我自己拼的三色刺身 。講真一個人都食唔曬 ，而且極度滿足地離開 。首先刺身好快就上到嚟 ，刺身質數都新鮮，而且味道都好鮮甜 。芥辣八爪魚壽司就送到黎， 味道都唔錯，而且紫菜十分夠脆身。最大份的泡菜豬肉鍋就到 ，滿滿的勁吸引，泡菜份量吾少，令到辣和酸係湯底度好濃郁，豬肉薄薄味道可以而且味都濃豬肉香，入面勁多芋絲同菜吸晒味湯底好味道，烏冬勁大碗，仲係豬骨湯底，烏冬而且口感吾錯添。

早兩日，因為要見客，到了旺角東。見完客之後，感到十分肚餓，於是就周圍逛逛有什麼食店，偶然發現這家日本食店，剛巧又想試日本菜，於是入內試一試。翻開店家餐牌，主要有不同的套餐，其中有丼飯、 壽司、炸物等等。 看了一會兒，就決定點兩款食物。【 三文魚湯 - 附送】因選擇丼飯，免費送一碗三文魚湯，魚湯鮮甜，味道濃郁，比起一般食店只送味噌湯，更勝一籌。【極上秘製角切魚生盛丼 - $139】坦白講，這個丼真的很有份量，魚生非常多，而且鋪滿半個大碗，加上還有白飯，吃完後已有八分飽，大蝦非常鮮甜，三文魚十分肥美。【鹽燒鯖魚 - $59】每到一間日本食店，我一定會點一客鹽燒鯖魚，因為鹽燒鯖魚直接反映出食店的水準如何。結果這條鹽燒鯖魚沒有令我失望，燒得非常香口。食店整體面積不算太大，但是服務員相當有禮貌，而且上菜的速度也算快，價錢亦相對實惠，值得一試。

夜晚一條友去咗太子食飯， 搵咗間日本餐廳，位置都好方便有唔同嘅套餐，又可以散叫壽司串燒我一個人唔係食到好多所以叫咗一個飯，同埋壽司極上鰻魚飯$128，本身見佢有個平啲，但係侍應話呢個貴啲就會全條鰻魚上，賣相又唔錯，份量啱晒一個女仔食，鰻魚汁偏重口味，撈埋飯食就啱啱好極上太極卷$49， 有4舊壽司，本身係兩塊生三文魚同埋兩塊火炙三文魚，但係我想食熟啲，所以特登麻煩廚房整晒全部都係火炙三文魚，佢入邊嘅太短係炸蝦嚟㗎，燒過嘅三文魚好夠魚油，好好食

日本控的我又出動喇, 路過旺角見到間日本料理-極上龍吟水產, 連個名都非常有氣派。打開店家的餐牌充滿著極具吸引力的丼丼飯, 即時要進內捧場吧!!!店家裝潢富日本風,飾以大量竹制餐牌掛在橫樑上, 令食客一目了然。餐牌主打12款丼飯, 可惜當日店家的帆立貝已沽清, 故小妹就一試火炙三文魚丼! 而且丼飯更跟餐送上三文魚湯一碗。三文魚湯雖然店家跟餐附上的三文魚湯沒有湯料, 但每一口的魚湯都充滿著香濃三文魚的味道, 肯定的是店家沒有敷衍了事, 且湯香味濃!!M01火炙三文魚盛丼火炙三文魚盛丼份量十足, 足足有10大塊三文魚, 超值抵食。 三文魚新鮮經火炙後溫暖送上, 半生半熟的口感異常配合融洽, 且三文魚肥美油脂分佈分均, 入口即溶齒頰留香。加上店家飾以大量青蔥絲, 配醬油送下, 滋味非常。A05蟹籽沙律店家即叫即整, 青瓜絲香脆夾口, 配蟹柳絲及蟹籽, 屬清新可口前菜。小妹認為一同與丼飯進食, 卻是另一番風味。食過享丼丼的丼飯, 飽肚又滿足, 下次再度經過必定再度光顧!!

早前在太子店鋪訂了新鞋，所以放工取後，就系太子周圍搵食。經過一間日本菜小店，見到人流刀幾多下，就入左去試下先。三文魚, 赤蝦盛丼：三文魚十分厚身,而且外觀好精緻！師傅將三文魚刺身卷成一朵朵花，片數亦非常多。有豐富既口感, 三文魚十分鮮味,而且一點點魚油味,溫度依然凍凍的;另外,赤蝦同樣地大大隻!食落除左鮮味之外,仲帶少少甜味!飯份量十分足夠.另外仲有甜甜蟹棒。加上少少蟹籽，令口感再次增加，依個丼飯非常值得推介！凡購買套餐，餐廳會送上一碗三文魚湯，三文魚湯帶咸味，當中果然有三文魚肉和豆腐粒。帆立貝刺身含有點點檸檬味，令整片帆立貝更為鮮味。炙燒巨型海鰻：海鰻沒有幼細既骨，所以可以放心食用，海鰻醬汁令海鰻味道昇華！

以前在附近工作,反而無黎食過..今日係附近等完朋友放工經過...見到門口餐牌好豐富,決定一試門口已經有晒餐牌,唔駛估估下...丼飯好多選擇...唔同配搭都有,價錢合理先來一個三文魚麵豉湯...無預計過會咁好飲麵豉味濃,而且仲有三文魚的魚肉...主角出場...好多帆立貝!!!!一啖飯一舊帆立貝...太正了赤蝦好大隻,夠新鮮...如果有多一隻就好...唔夠喉!^^清酒煮帽最重要係個清酒湯底..蜆是其次...清酒湯底好濃郁..加左D金茹吸晒D湯味,正!我好鍾意食既和風牛肉...呢到既和風牛肉一樣好食..估唔到份量都幾大...夠多汁,可以撈飯食,一流!最多叫左一份聯燒雞翼試試...味道不錯,雞皮好脆

近年, 刺身丼於香港陸續掘起。勢力慢慢遍佈香港各區, 各具特色。當然, 只要刺身夠新鮮, 味道便不會差。但食材處理和烹調制作亦極其全要。今天走進太子區, 一嚐這區的惡勢力。環境裝修具有日本魚市場風格, 位置寛敞舒適。每款刺身丼均附有味噌湯一碗。味噌味道濃厚而非用即沖湯粉可以比較, 讚！燒雞軟骨 $12打頭陣, 先來雞軟骨串燒。表面燒至乾身再淋上海鹽, 口感爽脆味道濃郁。赤蝦盛丼 $119單論外觀, 水準非常高, 巨型赤蝦及厚身三文魚鋪滿整碗壽司飯。「我唔客氣啦！」赤蝦刺身非常新鮮, 肉質鮮甜爽口, 蝦膏亦非常多。另一主角三文魚, 厚切三文魚, 魚油十足, 咬落很鮮嫩, 口感豐富罪惡感爆錶。凍朱古力意想不到的美味, 朱古力味濃厚, 味道並没有因溶冰而變淡。面層忌廉細滑。

最近天氣開始轉熱🔥，整天都不停的想著要吃壽司🍣。記得上次老公🍋見完牙醫後，經過了一家日式小店🍱，這天又經過附近，今晚就挑這家吧😍。晚飯時間🌛，店內蠻多人的，還好剛有位置🍀~三文魚蟹籽帆立貝盛丼🍣：餐牌上📜的選擇蠻多，選擇困難的人妻🐷費了一點時間才能下單😅。盛丼🍱的份量很豐富，滿滿的一碗🍚，但對於吃貨如人妻🐷，一點難道也沒有😏！三文魚🐟肉色橙紅，脂肪豐富，肉質嫩滑，鮮味濃郁🤤；蟹籽🐠晶瑩剔透，入口爽甜；帆立貝🐚肉質彈性很好，味道鮮味甘甜，鮮而不腥👍🏻。盛丼還附上了味噌湯一碗，大滿足😍！宇治抹茶紅豆鮮奶🍵：店員大力推介，反正有點了盛丼後有半價優惠❗️，就試試看吧😌。抹茶味🍵清新甘香，配上鮮奶🍼口感幼滑，加上滿滿香甜的紅豆，味道很有層次😋。總結：難得在旺角也能找到這麼高質素的日本小店🤩，加上店員親切熱情的服務👍🏻，下次經過一定要再來🤤！

是日去太子買家電，順便係附近醫肚，附近多是麵店，雖然我係好鐘意食面，但中午食完夜晚又食似乎太over,所以就選擇了此店。店面唔係好大一問大約可以坐到三十人左右， 可以簽卡。除咗海鮮丼之外都有好多套餐，有拉麵，烏冬， 壽司，及各類食等， 多種選擇， 尤其是拉麵價錢好平 。我選擇了三文魚蟹籽帆立貝丼， 薄燒牛肉拉麵， 吉列蠔， 海膽壽司1件， 飛魚子壽司1件， 埋單係300蚊。三文魚帆立貝帶子丼，刺身排得很整齊， 好多蟹籽同三文魚，帆立貝雖然切薄了但數量亦不少。 旁邊仲有兩條蟹柳贈送， 配麵豉湯，相當抵食, 但米粒可以再硬身一點。燒牛肉拉麵轉地獄湯底加可樂， 牛肉炒香，湯底濃但香辣味道不足， 面軟硬適中，溏心蛋亦好食。海膽壽司合格，冇腥味，29蚊算抵食。飛魚子都正常，9蚊雞。吉列蠔細左少少，但味道ok,唔會太厚粉或乾身。總體來說性價比高，位置便利，會再光顧。

度過左死亡三四月之後，終於有時間食D好野輕鬆下之前有朋友偶然間發現呢間性價比高嘅日式餐廳，就推薦左俾我，果然無介紹錯。店內環境都算整潔企理，最鍾意佢放左好多日本酒係度，好有日本風情🇯🇵feel～朋友話呢度食丼飯出名，所以佢叫左一個帆立貝赤🦐盛丼。帆立貝好鮮甜，赤蝦都非常新鮮我就叫左個叉燒拉麵，拉麵好彈牙，湯底好濃郁豬骨味，呢個做緊特價，估唔到幾好食，有驚喜！食日本嘢點少得我的最愛，清酒煮蜆，湯有濃濃嘅清酒味，足料蜆亦好新鮮，最特別入面有金菇同埋冬菇，吸收曬清酒嘅味，正！三文魚壽司都幾新鮮，正常水準。鹽燒雞翼好入味，雞肉嫩滑，就算最後好飽都忍唔住食曬

今天早上在葵涌工作。中午過去太子，順便吃午飯。見「極上龍吟海鮮專門店」門外招牌食物介紹都幾吸引，於是入內座下。餐廳環境維繞著日式料理，侍應忙於安排其他客人座位及替他們落單後，太約五至六分鐘左右才走過來替我下單。我點了特盛吉烈炸蠔拉麵及熱奶茶。炸蠔有四隻炸蠔，沙津醬及海鮮拉麵。炸蠔是原隻炸生蠔，美中不足的就是炸生蠔的底部的位置有剩餘的炸油。咬開炸蠔有生蠔汁流出。食起來脆卜卜，味道也好鮮甜 ; 不覺得有落調味料及味精。蘸少許沙律醬：一來沒有那麼油膩的感覺，二來更加開胃，令到食慾大増。拉麵有兩塊"厚切"的鳴門卷，芽菜，粟米及紫菜，份量也多。紫菜是用新鮮紫菜；而不是用風乾紫菜。麵條是方形呈扁狀的長條麵條，好像是「上海麵底」，咬開麵條是腍滑，麵條的麵粉感不重。湯底是海鮮味，不覺得味道濃烈，味道鮮甜。熱奶茶，夠熱。紅茶和淡奶比例不恰當，茶味濃烈，苦澀感重。總體來說，按照吉烈炸蠔拉麵及奶茶質素，這個價錢仍然覺得貴。

食物品質可以既,但人手和環境就唔得啦！地方太細,人手不夠待應服務方面連問都唔客人食物齊曬嘢未都唔問就收走了客人既筷子.....出餐方面又出唔齊餐有咩送又沒即時說給客人知,出嘢食物又等左20分鐘左右,假期有生意甘多缺乏點會有客人會再敢來....甘多缺點諗下改進方案

今晚屋企冇人煮飯，我又做獨女自己一個人食dinner喇……情況咁慘，一定要食返餐好先可以令心情好d……於是我決定食日本野，包開心！呢度d選擇都幾多，海鮮丼，手卷，串燒，刺身，應有盡有，價錢都實惠。三文魚海膽盛丼 $169呢個不得了，超足料，d三文魚唔止鋪滿咁簡單，仲鋪左兩層！海膽的份量足有一板，勁抵食！三文魚幾厚架，食落好滿足。邪惡海膽，是不是看到都流口水呢有餐湯附送。極上太極卷 $49意猶未盡所以多叫一份卷物。這是炸蝦卷，分別用兩塊三文魚刺身同埋兩塊熟三文魚包住，幾有特色！整體來講魚生很新鮮，而且份量都好夠，價格也合理，不錯！

諸君夜晚同朋友在太子宵夜，唔餓，只想食少少嘢，諗住日本嘢冇死，就隨便入咗呢間極上食店。點知，神奇嘅事就發生咗喇！當入門口之際，我是冇期望的，但結果簡直驚喜。首先嗌咗鑊仔牛柳粒，你梗係expect佢係乾身喇啦。點知，個碗底有湯or神秘醬汁，再加d紫菜絲喺面，我諗我真係好耐冇食日本嘢，同時代脫咗節，邊估到鑊仔牛柳已經進化到去濕炒嘅境地，甚感佩服。其次，牛肉肉質本身都達到A5港式茶記和牛嘅水平，我吓吓，心諗：咦！呢個咪A餐個main dish五香牛仔公仔麵？！？。股熟悉的親切感油然而生。然後仲食咗三文魚壽司、「帆立貝」同天婦羅，加埋一，埋單都只係200元。想享受茶記日式料理同裝修，喺太子我真係諗唔到有其他選擇。呢間舖感動到我專登下載Openrice App、開Acc，然後再寫篇文嚟表達。希望可以出到喇，聊表本小姐對呢間餐廳嘅熱愛。謝ps. btw有關條題，係指如果好似誠哥咁有錢，又熱愛Fusion美食，絕對推薦一試From地獄黑仔王Miya