極尚大喜屋 (銅鑼灣廣場一期)

營業中

休息中

位於銅鑼灣極尚大喜屋，環境寬躺舒適，食物種類非常多元化，大量刺身選擇，海鮮有鮑魚、三文魚、甜蝦、帶子、海蜇、蠔、西京燒、蜆肉、青口：一次過實現海鮮盛宴。店內設有自助吧，有多款熟食，甜品、湯、飲品，多款雪糕，仲有洒好適合一班朋友，一齊食飯傾偈飲番杯，午餐時段先＄238，由12:00-1:30，食足1.5小時，價格親民勝價比高，而且品種唔會比酒店少，大眾化放題必選餐廳，每次黎到都好多人，如果要食最好留定位。

很好笑的一家店家午市12:00开餐，11:30到店后排队，因为没有预约特意问了店员是否可以排队，店员回答可以，并让我排在指定队伍后面。结果站了半小时到12点了，不让人进去，说要另外排队。我说那能有位置吗，店员明确说没有。而我还没下电梯呢，后面排队两位的，也没预约，说有位置。很讲理的一个店家呀～～真是很好笑。

星期六去, 冇訂枱, 有好多人等位, 等左半個鐘等已訂座既人入哂座先安排到枱俾我地, 可能因為附近既另一間同類型既餐廳已經結業, 所以比想像中要多人. 2食品種類係好多既, 但熱門野食 (如手卷) 要等好耐,  叫既數量永遠都俾唔齊, 6個人去食, 叫左12片魚生最後上枱得幾件, 都唔知點分. 因為有d 野食要等好耐, 到最後臨完之前仲等緊果時已經叫你埋單. d呀姐就好勤力咁幫你執碟, 但可能佢地要快, d 碗碟好快就扔落架車度, 有時都會有d 汁彈左埋黎, 隻手套應該唔係成日換, 倒完骨碗後俾番隻碗我地成隻碗邊都濕哂, 真係唔想掂到, 雖然疫情過左, 但咁樣樣真係有少少嚇親. 因為見星期六咁多人, 諗住平日再去食午餐, 訂左枱, 應該冇咁多人, 但因為天雨問題遲左6分鐘, 入升降機時見到有一個來電, 因升降機內收唔到, 所以聽唔到, 去到之後個receptionist話張枱已經俾左人, 話打左幾次電話俾我, 我同佢講, 你只係打左一次, 俾埋個電話佢睇, 得一個電話, 同埋講緊既只係1分鐘內既事, 上到去都冇人排隊, 你俾枱有冇咁快呢? 同埋佢仲要用個好串既語氣咁話我地岩岩開始, 我

知道宜家大喜屋有燒榴槤，適逢平日去食個午市放題試下。叫左好多野食：鲍魚皇帝蟹皇粥燒溫室菠蘿皇牌燒乳鴿鹽燒牛舌刺身牛肉湯烏冬比目魚 脆炸貓山王花雕醉鲍魚黄金軟殼蟹牛油果酱吞拿魚壽司避風塘湖尿蝦牛油翠玉瓜温室南瓜天婦羅 - 點左兩次都無嚟過天嫦羅蝦烧廣岛蠔極品金枕頭榴槤燒 - 雖然喜歡榴槤，睇食評講燒左既金枕頭會淋啲，確實係。但對我嚟講質感始終都係有啲啲硬）haagen dazs 雪糕 - 拎出嚟雪糕已經係軟軟地。整體食物款式多元化，性價比高。

銅鑼灣日式放題暑期開始了，今天去香港銅鑼灣食好西，銅鑼灣廣場一期樓上有很多餐廳，這間日式放題餐廳有任吃榴槤、燒蠔、哈根達斯雪條等，非常吸引。榴槤控必食燒極品金枕頭榴槤、榴槤椰絲糯米糍，還有椰皇木瓜糖水、超足料楊枝甘露飲品、醉鮑魚、川式燒蠔、花膠等等回本位。自助區有炒蜆肉非常熱門，必試。這間分店的刺身非常肥美和厚切，尤其是三文魚、油甘魚、帆立貝等等。泰式生蝦也很惹味，配上泰式青醋也不會很辣。餐廳服務不錯，上菜快。餐廳手機自助下單非常方便，自助區可以自取冷盤、湯品、熟食、甜品、雪糕、軟糖、珍珠奶茶、桂花烏龍茶、清酒等等。壽司推介燒牛肉、燒左口魚邊、肥美鵝肝壽司。

突然間想食放題，可以放肆食！ 放題第一轉必點刺身拼盤，自選六點有大隻赤蝦、甜蝦、池魚王、油甘魚、赤貝、帶子。最鍾意創作卷物壽司，細細件可以試多d。鵝肝芝士鰻魚卷、黑松露蟹肉芝士軟殼蟹卷魚籽醬煙三文拖羅蓉多士、芝士飛魚籽鳗魚玉子燒、牛油果醬吞拿魚、鵝肝醬薄牛壽司迷你手卷都點左兩款，分別係海膽、拖羅蓉，好鮮味，拖羅蓉幾綿滑。鹽燒左口魚邊壽司，炙燒過油份特別甘香，白身魚都可以好滋味。一品料理有花雕醉鮑魚，少少酒香配杞子，鮑魚肉爽滑入味。大大隻川燒廣島蠔，上面鋪滿蒜粒椒絲，蠔肉鮮滑香口。燒乳鴿有驚喜，脆皮油香，乳鴿肉鮮嫩入味。冰鎮海蜤，海蜤頭調配柚子醬汁，爽脆可口。串燒點左盬燒牛舌，滴幾滴鮮檸汁，牛舌配檸香咸鮮惹味。燒海蝦都一流，蝦肉咸香入味，仲好爽口。燒菠蘿，果肉爆汁甜入心。最後食埋甜品，榴槤控就緊係食埋金枕頭榴槤啦～

佢有好多唔同款式嘅食物同埋嘢飲有魚生但新鮮嘅程度係一批批、串燒都幾唔錯、仲有幾多熱食區小食，個人最鍾意就係佢嘅牛脷又唔韌又夠準時好好食。銅鑼灣呢間分店服務效率幾高，上菜速度快，確保無漏單，收拾碗碟迅速俐落。店員服務態度親切，整體環境乾淨，讓用餐體驗更加愉快舒適。適合一家大小前來享受美食，無需擔心等待時間過長或服務不周到的問題。性價比都幾高。

久唔久都會同屋企人及朋友食下放題，首選梗係人氣日式放題店「極尚大喜屋」，款式選擇眾多之餘，座位寛趟，坐得舒服。我同友人訂了晚上19:45的座位，到達餐廳門口時已經好多人排晒隊🤪放題唔同時段唔同價錢的🥰🔸️午市 $238起，長者有88折優惠 (任飲任食3小時)🔸️晚市 $258起 (任飲任食2小時)我地預訂的時間是 2小時自選時段晚市放題 $298/人入座後，scan QR code落單，好方便👍🏻放題食物種類好多款式，包括刺身、創作刺身、壽司、創作壽司、火炙壽司🍣、手卷、卷物、一品料理、炸物、天婦羅、燒物、串燒及煮物等。除此之外，近門口位置有自助區，提供沙律🥗、前菜、冷盤、熱食、生果🍉🍈、甜品、雪糕、雪條、冷熱飲品等，仲有清酒任飲🍶🔹️創作刺身、刺身 有15款之多，有柚子海蜇、魚子柚子醬章紅魚薄切、泰式虎蝦、三文魚、油甘魚、池魚王、帶子、大赤蝦、甜蝦、赤貝、馬刀貝等，全部都厚切又新鮮，真係不斷encore‼️🔹️創作壽司、火炙壽司、壽司 款式多左，而且食材用料比較貴價，例如海膽三色塔、鵝肝壽司、黑松露油金魚腩、醬油漬左口魚邊等，全部都好精緻，細細舊就唔怕試多啲唔同款式啦🤩🔹️手卷、卷物都值得一試，

朋友們紛紛放暑假，趁 holiday 由英國返哂嚟香港，當然一定要賞面食餐飯啦！大家異口同聲都話想食放題，因為食物款式選擇多，一家大細各自各精彩。落住雨嘅銅鑼灣一樣超多人行街食飯，好彩一早訂好位，銅鑼灣廣場一期嘅 極尚大喜屋 ，越夜越精彩。清酒梅酒任飲、自助區多款小食、沙律、汽水、雪糕、冷盤海鮮、甜品，一次過滿足晒愛吃的寶貝，尤其是有哈根大師雪糕，夏天食到舔舔脷。極品金枕頭榴槤燒唔使飛到去馬拉，一樣食到超好味的極品金枕頭，榴槤燒過特別香，一樣入口即溶，非常濕潤，味道濃郁，滋味無窮。鍾意食榴槤嘅粉絲，簡直係停唔到口。川燒廣島蠔即叫即燒，肥美多汁，大大件入口好厚身，有口感，川燒風香辣惹味，食過返尋味。創作刺身刺身都好有創意、必食泰式虎蝦、冰鎮柚子海蜇、章紅魚薄切，新鮮肥美，配搭醒胃醬汁，清新有驚喜。極品大赤蝦、甜蝦刺身，北海道帶子北寄貝，出邊食閑閑地都要幾百蚊，食到賺咗。其餘還有花雕醉鮑魚，爽滑彈牙，淡淡清香的花雕酒味。壽司、手卷拖羅用手卷，海膽手卷，居酒屋嘅質素。賣相精美的牛油果醬吞拿魚、海膽三色塔，豐富口感，入口溶化，鮮甜好味美味。一品料理鮑魚皇帝蟹黃粥，口感非常面滑，鹹香滿滿的。比目

同行友人一早book 定檯！去到見到晚市一開 勁多人係門口排隊 所以真係要book定檯先確保有得食啦～😝食物嘅種類算多 除咗普通放題嘅刺身 壽司 熟食料理 估唔到有點心食 仲要質素幾好個人覺得佢嘅鵝肝壽司好好食😋 入口即融 細細舊又唔會好飽！ 刺身都睇得出舊舊都好厚 足料！🤤炙燒嘅料理都燒得好好 但美中不足係上檯唔夠快 會凍咗少少 但有時會漏單 但同staff 追返就ok～放題最正就係咩都試少少 🤪總結呢間人均$327埋單 食到高質素嘅刺身同料理 好抵！😎😎😎

店名: 極尚大喜屋 地址: 銅鑼灣軒尼詩道489號銅鑼灣廣場一期9樓銅鑼灣站B出口，行1分鐘環境: 4/5價錢: 4.5/5味道: 4.5/5大喜屋嘅放題出名CP值高，$300都唔洗就有刺身、壽司、一品料理、炸物、燒物、甜品等👏🏻回本位當然係超鮮甜嘅刺身同任食Haagen-Dazs雪糕雪條啦😍自選2小時放題$298刺身❤️❤️❤️❤️❤️有三文魚、油甘魚、馬刀貝、赤貝、甜蝦、赤蝦、帶子等，最推介馬刀貝、赤貝、赤蝦同帶子，前3者超爽口新鮮，完全唔腥😝帶子厚肉鮮甜，三文魚亦十分肥美😙必試泰式虎蝦、柚子汁海蜇同魚籽柚子醬章紅魚薄切，虎蝦肉質爽彈，配上泰式酸汁十分開胃，海蜇口感爽脆，沾上柚子汁七分清新😋壽司❤️❤️❤️❤️試左海膽三色塔、鵝肝壽司、鹽燒三文魚壽司、鹽燒左口魚邊壽司、海膽手卷等😋款款都真材實料，鵝肝厚切，入口即溶😌熱食❤️❤️❤️❤️❤️燒鰻魚、燒廣島蠔、比目魚西京燒，、金湯燴花膠、燒牛舌、燒羊架等，花膠超厚肉，大大塊，牛舌十分彈牙，菠蘿🍍香甜多汁😚甜品及自助區❤️❤️❤️❤️❤️有生果、前菜、點心、雪糕、甜品、飲品，估唔到仲有點心，蝦餃同小籠包都好有質素，絕不馬虎😗最吸引當然係Haagen-Dazs雪糕，仲有其他牌

全身負能量，相約了朋友一齊大吃大喝一番。 銅鑼灣「極尚大喜屋」，食物款式多不勝數。最近餐牌都更新了，剌身、壽司、燒物、一品料理，什至在自助區裡的冷盤、小食、熱食、甜品、飲品…等等，款式多多，令人想款款都試添！😋餐廳使用QR code點餐，是日推介： 1️⃣海燕窩椰汁燉木瓜🍽質地細膩，香甜的木瓜，感覺滋潤。2️⃣避風塘瀨尿蝦🍽細細隻，外殼香脆，辣辣地，很惹味！3️⃣北海道牛乳鮮奶卷 🍽外層金黃香脆，內裡鮮奶，濃郁的奶香，軟綿的感覺。 4️⃣川燒廣島蠔🍽大大隻，肥美，不會有腥味，必食之選！ 5️⃣比目魚西京燒🍽表皮焦脆，肉質保持鮮嫩。

自選晚市成人放題$298加一後$327.8🥜有刺身、壽司、卷物、手卷🥜三文魚厚切到不得了，大讚🥜中意壽司細細粒，可以試多d款🥜炸物、一品料理、串燒🥜羊架依舊係mvp🥜出面自助區有沙律、凍海鮮、冷盤、水果🥜甜品櫃有奶凍、糯米糍🥜仲有Haagen-Dazs杯裝雪糕同多款雪條🥜飲品櫃都有超超超多款飲品，連啤酒都有🥜自家製珍珠奶茶同冷泡茶係必拎，珍珠奶茶意想不到咁好味，唔係淡茂茂，同出面手搖飲品店有得揮

好耐冇食日式放題🇯🇵，今次嚟到銅鑼灣嘅極尚大喜屋，性價比真係好高！多達100款食物選擇🤩～有前菜、刺身、壽司、各式卷物、一品料理、炸物、燒物同煮物等等好多種類。自助區就有沙律🥗、麻辣小食同埋超新鮮嘅凍海鮮任食。至於甜品櫃就有好多款式嘅奶凍、糯米糍，仲有Häagen-Dazs雪糕🍨同韓式雪條任食。飲品方面都非常豐富，有超多款飲品，仲有自家製濃郁好飲嘅珍珠奶茶同冷泡茶🍵！前菜有柚子汁海蜇，海蜇口感爽脆，配上柚子汁🍊，都幾清新下。刺身有三文魚🐟、油甘魚、鮑魚、甜蝦、帶子、希靈魚、赤蝦，全部都好新鮮。三文魚厚切，仲好肥美，係咁encore😋～，帶子鮮甜美味！仲食咗海膽、蟹籽、三文魚籽手卷，有鮮味，細細件幾的色，勝在可以試多幾款👍🏻。燒物🔥必食有燒鰻魚、川色廣島蠔🦪！鰻魚厚肉肥美，上枱時仲暖暖地！川色廣島蠔蠔肉飽滿多汁，加埋鋪喺面嘅炸蒜🧅同辣椒🌶️，好香口，蠔肉大隻又多汁，食落好惹味😋。天婦羅炸得好香口。燒菠蘿鮮甜多汁，開胃之選！炸物🧆我哋最鍾意香芋丸同埋脆皮炸鮮奶，香芋丸外層煙靭，內餡有滿滿嘅香芋泥。脆皮炸鮮奶口感外脆內軟，炸得好香脆，鮮奶味濃🥛～甜品嗌咗雪燕蛋白燉鮮奶🥛，入口細滑甜度剛好，大滿

今次同屋企人喺銅鑼灣shopping完，行到攰攰地想大吃一餐就諗起極尚大喜屋依間任食放題，入座後掃QR code落單，超方便，送餐快全無漏單👍🏻 食物種類選擇多，而且食材新鮮，有刺身、壽司、手卷、一品料理、炸物天婦羅、串燒等等，自助區亦提供多款熱盤、點心、水果、甜品同飲品等，每款都好有水準😊最為深刻印象嘅係川燒珍寶鮮蠔燒🦪同金枕頭榴槤燒😝鮮蠔大大好juicy，必點之選👍🏻 榴槤控一定要食，燒榴槤裏面嘅肉，口感香甜軟滑，啖啖榴槤肉超級滿足，另外留肚食埋甜品同Haagen-Dazs雪糕，2小時任食真係食到夠超滿足🤗