影片
港鐵天后站 A2 出口, 步行約2分鐘
繼續閱讀
電話號碼
94881423
開飯介紹
餐廳位於商廈高層，供應Omakase及精緻的日式料理，窗邊座位可眺望維多利亞公園景色，而吧檯座位則可近距離觀賞師傅製作料理。
繼續閱讀
營業時間
今日營業
11:45 - 15:00
19:00 - 22:00
星期一至日
11:45 - 15:00
19:00 - 22:00
*午餐分兩段時間：第一輪11:45-13:30，第二輪13:30-15:00
以上資料只供參考, 請與餐廳確認詳情
有關獎賞計劃
榊原電氣道54號亨環天后16樓天后地鐵站一出，直行大約一至2分鐘就到，太方便Dinner 蛮狩 hotarugari Omakase 20 品 壽司，刺身，和食，湯，甜品八款刺身，六件壽司1） 用豆腐做的幼麵，口感滑嫩，味道清淡帶有黃豆香，入口絲滑，上面鋪滿蔥花2）華𤂍生蠔長崎原產小長井牡蠣，日本嘅冠軍蠔，味道鮮甜，肉質肥厚滑嫩，帶有微微的鹹味，口感柔軟多汁，生蠔香味濃郁3）螢光魷魚釜山縣嘅螢光魷魚，上面放咗薑汁同埋豉油，入面仲非常多膏，味道鮮甜，魷魚香脆，爽口彈牙，表面經過火燒，入口多了一種煙熏味4）深海池魚日本蘭黃蛋黃醬，作為醬汁夠晒特別，日本山藥磨蓉，變成一個醬真係第一次試，池魚沾了山藥蓉和蛋黃醬，入口非常順滑，池魚肥美油脂甘香，很新鮮5） 白見貝壽司即係日本嘅象拔蚌白見背喺優質嘅水中上成長，肉質口感都非常上乘，鮮甜，又爽口，刺身非常厚身，有口感，味道濃厚爽甜6） 黑陸魚壽司魚味濃香，魚肉鮮嫩，富有油脂感，口感滑順，魚肉帶有微微的甜味7） 赤貝壽司赤貝加咗酸柑桔汁，味道鮮美，肉質柔韌，每一口帶著淡淡的甜味，口感滑順而富有彈性8）花雕酒浸鬚長蝦Size非常大隻，經過花雕酒浸一天之後，蝦既肉質依然爽口鮮甜，帶有花雕清香，蝦頭還有很多蝦膏9）毛蟹，用全隻北海道嘅毛蟹自己蒸熟，然後再起肉，廚師相當細心，又夠精美，蟹肉爽口鮮甜，旁邊配有醋汁，10）熟食炸生菜之王，味道淡淡的夠清新，腐皮包住松葉蟹一齊炸，入面依然Juice脆口，經過高溫炸之後，蟹肉依然鮮甜11）慢煮南非鮑魚鮑魚慢煮4小時，肉質柔嫩，旁邊用鮑魚肝做嘅醬甘香12） 赤陸魚壽司油脂比較多，肉質細膩，口感滑嫩，帶有一絲甜味13）腦天吞拿魚壽司經過火焰之後，油脂出晒嚟，吞拿魚腦天係眉心嗰個位置，肉質嫩滑細膩，入口即化14) 磯雪昆布包住甜蝦刺身，上面鋪滿大大粒嘅三文魚子，另一款鋪滿俄羅斯海膽，海膽甘香鮮甜，啖啖都係甜蝦肉15）米紙A5和牛配俄羅斯海膽旁邊有淡雪塩，A5和牛入口即化，牛味濃郁，油脂豐富，海膽味濃甘香，配上淡雪鹽花，米紙炸過變得非常脆16）拖羅（近魚鮫位）壽司，肉質豐滿，油脂豐富，口感順滑，入口即化，很新鮮17）麵豉湯烏冬，烏冬入口順滑，口感煙煙韌韌，帶有麵豉鹹香味18）蒜蓉牛油燒蝦，非常香的蒜蓉牛油味，蝦肉彈牙爽脆，蝦肉鮮甜19）甜品水信玄餅，上面有黑糖汁，加上黃豆粉，玄餅入口冰冰涼涼，很像啫喱口感，很特別20）蘭王蛋加湖北蛋再用焗爐焗45分鐘製成嘅玉子，很濃的蛋黃香味，甜甜的很出色
繼續閱讀
今日同阿仔慶祝，搵左呢間位於天后嘅日式高級餐廳（榊原）日本料理，從餐廳裝修、食物品質到服務態度盡顯細心，環境簡約舒適，靜謐氛圍令人放鬆心情，也沈醉於欣賞師傅處理食材過程，師傅仲話主要以當季新鮮食材為主，每一次到訪都會有些食材不一樣的。穴子魚苗 口感滑溜，加了薑蓉，氣味清新。骨膠原鯛新鮮的骨膠原鯛以薄片的形式呈現，每一片都散發著海洋的清新氣息，食落沒有腥味，鮮味十足，搭配土左酢啫喱增添了一層酸爽感，與魚肉完美融合。香箱蟹混合蟹膏蟹子蟹肉，加埋旁邊嘅酸汁作為調味，口感味道層次豐富。富山灣新鮮螢光魷魚肥美鮮味，口感爽脆又鮮甜，好味。甜蝦非常鮮甜，口感彈牙又細綿黏口，加少許日本豉油和山葵可再提升甜味。金目鲷火炙過的魚皮有種焦香味，魚脂與肉比例適中，口感爽滑。長崎縣小長井蠔味道清甜，海水味唔會太重。慢煮4小時鮑魚菜餚顧名思義是運用肝醬撈伴鮑魚而成，食用時鮮味十足，口感既是香軟綿密，亦是濃郁鮮甜。鰆魚魚肉條紋分明，肉質細緻軟嫩，油脂豐富，口感清淡，加入炸蒜和芝麻，令配搭更豐富，味道更香濃。慢煮牛面肉經過師傅按摩再慢煮，超入味又軟滑，好食。肥吞拿魚腩大拖羅超肥美，入口即化，油香豐腴，好滿足，肉質嫩滑無比，而且魚味更為突出。腦天 原來是吞拿魚頭頂的肉，軟綿綿很細膩，油脂豐富。鹿兒島A5和牛肉質鮮紅、脂肪分佈均勻，最大特色是牛肉風味非常濃郁，口感也相對有咬勁總結來說，每一道菜都展現店家的用心與技藝，可以係優美環境下享受食物及廚師的心思，質量同味道更是讓人驚艷，感受到新鮮與美味，也令客人心情十分愉快。
繼續閱讀
呢度午市Omakase由前菜到甜品都充滿驚喜。 前菜三品• 生蠔海水味濃郁，蠔肉飽滿creamy，滴少許青檸汁更顯鮮甜 • 螢光魷魚火炙過魷魚味更香• 帶子海膽紫菜卷層次分明，北海道馬糞海膽同帶子都鮮甜酒餚•蝦以花雕酒醃製一晚，酒香滲透蝦肉• 紫菜明太子甜蝦天婦羅，好香脆壽司八貫1. 鯛魚口感清爽淡雅 2. 深海池魚油潤豐腴，魚味悠長 3. 北寄貝爽脆鮮甜，師傅即場拍打激活肉質 4. 赤貝入口爽嫩 5. 黑鯥魚油脂適中6. 拖羅紫菜卷將大腹的油脂香發揮到極致 7. 海膽飯鋪滿馬糞海膽，鮮甜澎湃 8. 拖羅手卷為味覺盛宴畫上完美句點 最後有麵豉湯、雞蛋布甸及雪糕。
繼續閱讀
榊原係一間令人一入去就覺得高級嘅日式餐廳。窗邊座位可以睇到整個維多利亞公園嘅景色，日景夜景各有特色，成個氣氛都好舒服。如果坐吧檯位更加正，可以近距離睇住師傅專注咁整料理，整個用餐體驗好有儀式感。蝉時雨 Omakase今次試咗佢哋嘅 蝉時雨 Omakase 16道菜，每一道精緻料理都係藝術品。日本島根岩蠔海水味濃郁，入口係嗰種鹹香味滲透味蕾，加埋酸酸地嘅醋啫喱，令整體更加清新，真係一個好完美嘅開始。瑩光魷魚用火燒過，表面帶少少焦香，仲帶有鮮甜嘅海味，口感特別。深海池魚刺身配埋滑溜嘅淮山泥，再加少少帶酸嘅蛋黃醋醬，三樣一齊食，層次感即刻豐富咗。髳長蝦刺身用花雕酒醃過，令蝦肉甜味更加突出，仲添咗一層酒香，口感爽滑彈牙！鱚魚天婦羅炸得外皮超香脆，魚肉細嫩鮮美；紫薯天婦羅炸得粉糯香甜，令人回味無窮。壽司飯粒微暖，魚生新鮮得無得彈，特別係大拖羅壽司，油脂豐富，食完唔捨得吞！骨膠原鯛魚口感堅挺，非常特別！馬糞海膽飯係超豪氣嘅一碗飯，鋪滿左黃馬糞海膽同赤馬糞海膽，鮮甜濃郁，配埋微酸嘅飯，真係完美滿足。尾聲有香滑嘅福岡玉子布甸同粟米雪糕，令整個餐單劃上完美句號。
繼續閱讀
榊原位於天后商廈高層，一入到去就感受到高級日式餐廳嘅氛圍。窗邊座位可以俯瞰維多利亞公園，夜晚仲可以睇到燈光閃爍嘅城市景色，視野非常開揚；坐吧檯位可以近距離睇住師傅專注咁製作每道料理，手法俐落又細膩。餐廳環境簡約高雅，木質裝飾配上柔和燈光，令人感受到一股溫暖嘅日式禪意。今次試咗蝉時雨Omakase，由16道精緻料理組成，每一樣味道層次好豐富。日本島根岩蠔入口有濃濃嘅海水味，非常新鮮，加上酸酸地嘅醋啫喱，完全提升咗岩蠔嘅鮮味。深海池魚刺身 配 淮山山藥泥池魚鮮甜細膩，配埋山藥泥嘅滑溜口感，加上蛋黃醋嘅濃郁酸香，三樣一齊食嘅味道係平衡又特別，非常驚喜。鬚長蝦刺身用花雕酒醃過，入口多咗一層花雕嘅香氣，蝦肉鮮甜彈牙！沙鮻天婦羅 + 紫薯天婦羅沙鮻炸得外脆內嫩，魚肉鮮味突出。紫薯炸到外層香脆，內裡粉糯，味道簡單而滿足。壽司 (赤貝、骨膠原鯛魚、甘鯛魚、黑鯥魚、大拖羅、碟魚邊)魚生新鮮到入口即溶，特別係 大拖羅壽司同碟魚邊壽司，油脂豐富得嚟唔會膩，魚香喺舌頭上散開，係一種無法用文字形容嘅幸福感。馬糞海膽飯舖滿黃馬糞海膽同赤馬糞海膽，海膽新鮮到入口即溶，鮮甜無比，加上飯嘅微酸，令人回味無窮。中拖羅蓉手卷拖羅蓉口感豐富，濃郁嘅拖羅味道令人意猶未盡。甜品(福岡玉子布甸、粟米雪糕)玉子布甸滑溜細膩，蛋香味濃；粟米雪糕帶有天然嘅甜味，清新唔膩，加埋暖暖嘅麵豉湯，令整餐完美收尾。
繼續閱讀
您可能會有興趣的...