榕記火焰雞煲私房菜

營業中

休息中

朋友介紹第一次嚟真係冇得頂（唔係坊間食辣嗰隻一劈劈醬個隻雞煲）免費泊車所有食材非常新鮮性價比極高不得不提老闆同埋夥計都非常好人美中不足係第一次嚟唔係好識嗌下次一定會重點海鮮，今次落漏咗蟹提提大家一定要喺晏晝佢哋打嚟嘅時候預早講定要食咩 我嘅結論係下次一定要加聖子再加花甲再加蝦魚同埋蟹同埋見到隔離枱最後尾用啲汁來炒飯下次一定會試

【大西北隱世圍村私房菜🐓天水圍火焰雞煲鮮甜食材三食體驗🏡】由於小編既印度朋友一直好想試下打邊爐，所以小編千挑萬選咗一間有特色既隱世打邊爐餐廳帶佢去🪧依間餐廳係天水圍屏山入面，有免費泊車位，要事先打去預約，假日分兩round食，6-8/8-10兩個時段🤪佢地會當日下午打電話黎問要啲咩配料，會當日即刻去街市買，如果無叫定，即場就會得番枝竹、烏冬、炸魚皮等等😈小編都無特別問價錢就落咗，但各位朋友可以參考下下面既價錢(五人份量)再決定要落啲咩配料🤠一餐飯可以體驗到雞煲、火鍋、同最後吸收哂所有精華既湯飯🤤—《 #大雞煲(4-5人份量)》$588 ⭐⭐⭐⭐⭐依個雞煲有足一隻新鮮雞份量，入面仲有花甲、蝦、豬潤、鮮牛、雲耳、甘蔗、馬蹄、蟲草花，唔會係平時好heavy個種辣雞煲，超級鮮甜又唔膩😋先開火煮幾分鐘，啲蝦太新鮮係咁係到跳，小編啲屁孩朋友仲係依個時候開蓋，隻蝦即刻跳咗落大脾🥵大家千企唔好咁做阿，會令到食物唔熟之餘，仲會整親朋友就唔好啦🤯滾到咁上下之後，店員就會倒米酒落個鑊蓋，即刻著起火🔥個雞煲所有食物都沾染咗濃郁既酒香味，雞肉非常嫩滑，完全唔油膩😁—《 #脆鯇腩》$148 ⭐⭐⭐⭐⭐脆鯇腩份量比

朋友介紹第一次去晚餐， 之前來呢一間係鄧達志嘅飯堂，午市套餐好正， 跟住知佢冇做已經冇嚟。首先從環境講啦，坐落屏山， 濃濃家鄉風味， 附近有屏山文物徑， 最啱就係遊覽完之後呢過嚟食晚餐， 有地方泊車。 再唔係 十零分鐘都行到去天水圍地鐵站。晚餐火焰雞煲係第一次， 第一次見到咩叫做火焰雞煲， 當初都以為係gimmick, 但係原來用米酒真係有料到， 這樣煑的食物好香。食材亦都好新鮮， 海鮮，牛肉，連水餃都好正，食物材料係要新鮮先做到原汁原味出嚟，最正竟然係最後用鷄煲精華煑的炒飯， 真係為本來已叫正的晚餐畫上完美句號。

雞煲我諗好多香港人都鍾意食，有辣有唔辣，又野味😋😋但鍾意食雞煲既你如果未試過呢個火焰雞煲真係太可惜喇🤤🤤聽個名都知，火焰雞煲.. 係啊，火焰啊🔥🔥真係會著火，仲係好大火.. 因為老闆會等雞煲煮到8成熟再成支九江雙蒸酒（係大支）跟住再點火🔥🔥🔥成個鑊著晒火🤪，燒到d酒精無晒熄火就可以開蓋😍😍😍超級香噴噴啊🤤，因為燒晒d酒精，食落又好勁酒味，反而好甜老闆同店員每次都會好細心教我點樣食😂😂點解要教？因為要開工唔可以食雞架，要食左花甲同埋豬肝先💕好細心，因為遲左食會煮得太老無咁好食，之後先食雞雞🐔🐔，其實我都食左唔知幾多次Lu，步驟都熟晒😆。味道：好香同甜💖因為加左甘蔗（出無未食過有甘蔗），唔同平時食開既雞煲味道鍾意食雞煲既你一定要試。。必食推介溫馨提示：記得要提前打去訂枱，因為成日都冇位，仲有如果想加海鮮一定要訂，去到想食都唔會有得叫架地址：屏山屏廈路112號訂坐電話：53957723

經朋友極力推介，講明係佢食過最好味的雞煲，於閃山長水遠長途跋涉入左元朗食雞煲。這個雞煲係用gas 罐明火食，現時已經好少餐廳有，而且係用淺身鑊來打邊爐，與現時好多雞煲用電磁爐唔同，假如冬天食一定暖笠笠。雞煲少不了一隻雞，其他配料自己選擇，我們四個人， 主要選海鮮配搭亦是他們雞煲的特色，一來擺左支雙蒸酒，這是唯一落到雞煲的醬料，以及幾支竹蔗，不像平時食開的雞煲好多混醬香料。我們揀了新鮮鮑魚、象拔蚌仔、蟶子、蝦、蜆，雞煲還有木耳，冬蟲草花、馬蹄，將所有食材擺落鍋再倒雙蒸酒，一開火，火🔥焰一直燃燒， 煮熟所有食材，全部都好鮮甜美味，再用剩餘湯汁去打邊爐，揀左肥牛、墨魚滑，娃娃菜、雲吞等，吸收曬湯汁既鮮味，正到爆。

一直好想試呢間私房菜，今日慶祝中秋就同屋企人黎試試佢個火焰雞煲🔥 只接受預早訂座入座已見到每枱擺好一個鑊，盛載所有材料同海鮮🦞 店員即場開火烹調，烹調時沒有加水，而是用了一整枝雙蒸酒，用酒燜熟所有食材，當然酒精已完全揮發掉，只剩酒的清香，做法好特別。 而且所有食材都好新鮮，一開始煮啲蝦仲喺度掙扎😯本身雞煲除了雞之外有蝦、鑽石蚌、牛肉、木耳、蟲草花、馬蹄、竹蔗，當日還送了一碟生菜。除了這些配料以外，餐廳會按客人喜好去街市買新鮮的食材，我另外加了蟹、肥牛、娃娃菜😋 總括而言，的確好食，雖然食完有點口乾🤔 但也是不錯的私房菜體驗👌

今晚同朋友一家一齊試新嘢呢間火焰雞煲聽聞好正仲要唔book 無得食啲食材都係自己order店員會幫忙去街市購入仲要啦靚佢地唔會幫客人購入架今晚book 左8點鐘坐低無耐先上左一枝大雙蒸之之就係主角啦內有主角雞一隻、花甲、蝦、豬䦞、鮮牛肉、甘蔗、木耳、紅棗、馬蹄點解叫火焰雞煲就係因為佢地會將枝雙蒸倒入雞煲內煲滾左就會點火將酒精揮發晒只留返油嘅清香等左10分鐘左右可以開動啦先黎食花甲同蝦好鮮甜再食豬䦞好爽滑之後就到主角啦雞好入味好嫰滑真係好好好食連小朋友都搶住食食完雞就開始打邊爐啦每樣食材都係我今日下午2點幾先order佢地收到客人想食咩就會親自去街市購入所以絕對係新鮮架今次食過之後無論大人定小朋友都大讚好食小朋友已經話要同其他朋友一齊黎食啦#自私廚房#火焰雞煲#鮮甜好食#絕對會再去食#大家不妨可以去試下

雞煲開到一街都係，下下都麻辣你唔悶我都厭啦。今次黎到位於元朗屏山村既火焰雞煲。唔好俾個名呃左，其實一D都唔辣，係店主係順德學翻黎既新鮮本地雞煲。鍋入面有原隻新鮮雞、海蝦、花甲、鮮牛肉、豬膶、甘蔗、馬蹄、紅棗、雲耳。每日店主都會親自選購各類型新鮮材料，最後加入一整枝九江雙蒸而成，一個字甜呀🤙🏻.🔹榕記火焰雞煲 $468 (2-3人份)🔹膏蟹 $168.📍榕記火焰雞煲私房菜 (元朗)元朗屏山屏廈路112號地舖有大型免費停車場#只接受訂位 #足料 #記得加蟹 #甜上加甜 #店員細心會安排牛肉分開上 #會燒足幾分鐘🔥 #慢慢影 #唔岩影到岩😂

我卜左27/5夜晚6:00pm四位，呢間雞煲要提早預約，因為佢系私房菜，你要同佢講食咩野，佢會預先準備好俾你，個老細都幾好傾，佢會同你解釋下個雞煲點食，服務都幾好，一到7點左右，滿座，我哋叫左人頭1隻鮑魚，聖子、帶子、（都幾大隻）埋單人均270，都吾算太貴

今次係我哋第二次去食呢一個火焰雞煲，第一次食已經覺得好特別好鮮味，好適合一班人一齊去食，食物好新鮮而店員非常🈶️禮及有人情味，海鮮嗰方面需要提前一日去預訂咁樣就保證有好嘢食同埋新鮮，每次見到店員幫我哋落支米酒然後點火而出現熊熊火焰都覺得好新奇好特別，酒精會隨着火焰而慢慢消失，剩下淡淡的酒香.就算你係唔飲酒都能會愛上這個味道，而且雞肉咁樣煮法都會非常之鮮味，另外湯仲會有其他配料（竹蔗.木耳...）係非常之鮮甜.

想食鮮雞煲就會諗起榕記，雞煲係採用鮮雞去製。仲要喺大家面前灑米酒將個雞煲煮起，雞煲入面仲有好多新鮮食材，包括鮮蝦、豬膶、鮮滑牛、馬蹄、竹䉀、雲耳等，原隻鮮雞當然唔少得雞雜啦！未食已經嗅到好香啦！師傅會一邊睇住時間同留意煲裏啲食材熟哂未，如果一熟哂就會叫各位起筷！一打開雞煲，香氣撲鼻，雞件入味帶有酒香味，鮮滑牛好腍唔靭，加上雞雜，超正。我好鍾意佢入面加咗竹䉀，咬落好清甜。當你食到雞煲八成後，就會攞出我哋預先order咗嘅火鍋配料，我哋加咗扇貝、蟶子、花蛤、生蠔、響鈴、皇帝菜及䈑筍！由於豬潤及鮮滑牛太好食，我哋再追加各一碟，加多碟肥牛。樣樣食材都好新鮮，不知不覺食咗兩個鐘。最後加一碗白飯，將淨餘嘅湯當汁炒白飯，白飯索哂啲汁，好好湯，但係會有啲膩！我哋六個人一個飯已經好飽，正！

已經成日聽到火焰雞煲好好味，身邊既朋友仲要食完再去，個個將榕記變左飯堂，適逢今日係節日所以就book枱試試。榕記分兩段時間，佢地係私房菜模式，所以係confirm booking個陣就會問你想要咩打邊爐材料，然後再去買材料，我地2個人所以無叫太多餸，但本身雞煲裡面必有材料都豐富，我們只點多一份牛和少少菜，雞煲好惹味，未食之前影好多相，但食完先發覺無影到煮熟左既雞煲我們已經食到得返個鑊。

朋友生日🎂提議食火焰雞🐔煲，搭輕鐵可係屏山落或坑尾村落，落車後行幾分鍾大路，行見到有間好多人等位嘅村屋，就係嗰到喇!溫馨提示，必定訂位，walk in係食唔到，因為海鮮同雞係每日中午先買，所以早幾日訂位,而且只可訂6-8，8-10，選8-10就可以慢慢食🥢，同朋友傾吓計食飯當日2、3點會再確認海鮮要求，店員會親自到街市選購海鮮新鮮，另外仲可訂墨魚滑、蝦滑同菜……真係成支孖蒸倒落去😚😚一早已安排雞煲底，但海蝦生猛到跳出嚟，只好蓋住😅落酒後，火焰係蓋邊，藍藍黃黃，好有鑊氣咁🔥🔥每幾分鐘，店員都會嚟睇吓熟未，而且仲同我地傾吓計，好似屋企人咁，好nice😍店員提議食海鮮先，雞同豬潤未食得鮑魚差不多紙巾咁大隻推介墨魚滑，早訂都未必有貨，講運氣🤭🤭食完原煲海鮮雞煲後，再加自己選嘅海鮮蟶子好大隻湯底勁濃，整煲海鮮同雞精華，如果加湯底，店員就加，類似 竹蔗茅根湯底，所以無咁熱氣，清甜好多象拔蚌成隻碗咁😋😋平時對醉雞煲麻麻，但呢個雖然落成支孖蒸，但可能雞同海鮮都好新鮮，中和左酒味，食到酒香味外，又唔會蓋到鮮味，勁好食……朋友食晒成煲竹蔗🌿，想再加竹蔗，店員會唔提意，因為過唔夠入味，如果要就下次原煲未煮時

多謝家姐介紹鄉郊另類自家雞煲，由西鐵站一條直路通榕記 ﹗前半段都有橙色街燈照明，尾半段接近圍村範圍就越來越陰暗，人煙稀少要格外留神，慢慢行約十分鐘就達陣咯。美女人生路不熟由城市走到大西北，懶惰的我罕有地獨自在西鐵站耐心等候護送。九月尾晚晚飯局，堅會肥到 2046 ﹗十月頭一定要破地獄減磅啊，次次還 min pay 搞到脂肪越滾越大，還成世都還唔清啦 ﹗由村屋改建，有內外座位，廁所都企理乾淨。環顧四周，美女少女比率異常之高，青春少爻、古早清純、成熟味道、等等等等，繁星閃爍，應有盡有，有如銀河沙數 ﹗圍村雞煲女兒國？請唔請侍應啊？私房菜必須預先訂檯，當日職員會來電落單買指定食材，所以基本上只要買得到想食什麼都可以。青島啤酒，正版的清爽味道，不苦澀做得好。每張檯都放著一支全新的九江雙蒸酒，不是用黎飲的！稍後整支燒酒灌入雞煲用作調味及點火，當酒精不能燃燒完全蒸發後，酒味清掉只留下醇香甜味，禮成可以立即開動。榕記火焰雞煲，基本鮮雞一隻、游水海蝦、花蛤、鮮牛肉、豬膶、雞膶、雞心、雞腎、紅棗、蟲草花、雲耳、馬蒂、甘蔗，十全大寶湯 ﹗我還預訂再加膏蟹及青龍蝦，山珍海錯共冶一爐 ﹗先等雞煲滾開，再整支米

今日女朋友去唔到台灣 突然要食好啲 所以去左呢間。個火焰都幾特別之外 食落隻雞都鮮甜 蜆都好味 但蜆的份量略為少左啲 總括來說都唔錯。而朋友話啲牛超好味 （因我唔食牛）所以全程食得開心