榕記火焰雞煲私房菜

營業中

休息中

早前經過屏山見到呢間榕記座無虛席多口問吓仲有冇位啦原來佢哋只接受預訂呢日心血來潮打電話去book其實晨咁早人哋都未開門，佢哋開六點，之後佢哋覆返我，我就直接book咗夜晚八點食細雞煲包四隻蝦，花甲，牛肉同菜其實應該都夠飽，但我再order多咗兩只帶子同蟶子呢啲係要四點前預留，食材夠哂新鮮如果唔夠食嘅即時仲有少量食物烏冬 出前一丁 炸魚皮……(唔太記得 亦冇menu睇）炸魚皮勁好食 海鮮夠新鮮 雞滑雞湯勁鮮甜所以我哋就再叫多個出前一丁之後食唔哂仲比咗個大盒我 提醒可入微波爐呢間嘢好似唔多夠人做 疑似係老細嘅忙到不可開交因為佢哋都要幫客人睇火 啲嘢幾時食得咁絕對有下次 不過應該唔會兩個人食🤣🤣

琴日母親節，之前老公問我食咩？突然諗起屏山尼間嘢，之前朋友食過都話好食，既然住元朗近近地就去會一會佢。3日前book 位竟然定到，但要限時，大節日都預咗，我地食第一輪6-8。當日打嚟問我地要唔要加海鮮？緊係加啦，加多一份花甲、鮑魚、聖子，象拔蚌就無啦因為休魚期。另加肥牛，其他就到時再加。準時去到，已有幾枱客入座，無耐就已經坐滿啦，對好預定既食物，就開始上鑊，加入孖蒸酒煮到有煙就點火，啲火完咗就開蓋，除咗雞其他可以開動食啦！好香酒味，味道好好，海鮮好味，啲雞都好好味，食哂啲雞就加竹庶水打邊爐，湯底幾好，唔會太油淰淰，成餐都好滿意。最後仲食埋炒飯，就算好飽，要加錢都要一試，啲飯充滿雞同海鮮味超正👍老細都好均真，聲稱食材貴咗，所以今天唔收加一🙏

8個人黎面聖 火焰雞煲預早一個月book位去到當日2:00pm老闆就會問你想食咩完全係Tailor made 菜單俾你👍🏻雞煲就走唔甩㗎喇裏面有蟲草花 花甲 豬潤 海蝦 竹蔗 馬蹄所以基本上個湯係甜嘅煮起咗再落雙煎酒跟手點火果下好震撼呢下係幾特別食完個雞煲就加湯開始打邊爐 海鮮洗得好乾淨 而且又夠新鮮一啲沙都冇 真係好好服務👍🏻仲有叫咗其他配菜 肥牛 羊肉 竹笙 水餃 雲吞 墨魚滑除咗墨魚滑，冇上一次食咁彈牙其他全部都好正 😊食唔夠喉食完到最後 仲有炒飯用佢多種材料嘅湯底 炒到白飯好香好好味😋值得再回頭😍😍

#乜乜飲食日記 【繼續 #雞煲】🔺適合3-6人🔺無收檔時間🔺每日新鮮搜羅食材🔺記得訂枱叫定海鮮🔺100分Service！———————————————「私房菜，就好似搭的士一樣，永遠唔到都唔知洗咗幾錢。唔知有幾無人有同感😗」———————————————🍊🍊火焰雞煲》第一次食雞煲會用成支孖蒸落去煮，再贊埋火，打正原隻新鮮靚雞旗號，食落係真又滑又香～》仲要係竹蔗馬蹄雲耳蟲草花做湯底，加入蜆、豬潤、大蝦的鮮味，成個雞煲清甜得黎，唔咸又無咁燥，同平時嘅雞煲簡直天淵之別～～～》蝦：超鮮甜大隻》豬潤：爽身好食》蜆：都幾多🍊火鍋配料 》安格斯肥牛：大大塊滿佈雪花、有牛味又唔韌》特大蟶子王：正常發揮》墨魚膠：爽彈但食落感覺重調味⋯🍊🍊雞煲精華燴飯》幾飽都要食，一碗Share都可以！真係睇住由湯底＋飯燴到得返「精華燴飯」充滿鮮甜味～後記：🔹舖頭只收現金🔹今次3個人食依個份量啱啱好～🔹記得訂枱叫定海鮮同火鍋配料、想食乜就叫乜，計時價🔹Google Map喺元朗嗰間係舊舖，天水圍屏山先啱架🔹雖說元朗，但近天水圍西鐵站-唐坊村輕鐵站多啲架回頭率：🍊🍊🍊🍊🍊/5消費：今次3個人每位$300（還好還好）

朋友住在天水围推荐了这家店半年😍这次吃到真的很惊喜，区别香港绝大多数鸡煲都是用很浓的酱料来调味，这个是现场用料酒烹煮的，更能吃出食物的本味！食材都特别新鲜，海鲜在锅里甚至还是还能动的状态！是很清甜美味的鸡煲！肉超嫩！店里的小哥服务也超好！一直怕糊底不停过来加水和翻炒～尤其等打边炉结束用剩余精华的汤汁和米饭翻炒！米饭的味道变得特别惊艳人均💰400

榕記火焰雞煲私房菜是一家位於元朗的知名餐廳，以雙蒸酒為調味的焗雞煲聞名於地，是這裡的主打菜式。我在這裡用餐的體驗非常愉快。食材新鮮，味道十分美味，焗雞煲的口感非常鮮嫩，酒的香氣和味道也非常濃郁，讓人回味無窮。此外，餐廳還提供其他不同種類的私房菜式，例如燒味、炆菜等等，都非常地美味。餐廳的價格也非常合理，性價比非常高。服務員的態度也十分友善和周到，不斷關心客人的用餐體驗，讓客人感到受到熱烈歡迎。當天我提早預訂了蝦、花甲和豬雜，所有菜式都做得十分地美味。蝦和花甲都十分新鮮，尤其是花甲，非常地鮮甜。豬雜也非常入味，口感十分嫩滑。最後，我們點了煲中的汁炒飯，味道非常新鮮，每一口都充滿了焗雞煲的香氣，非常地美味。整體而言，這次用餐體驗非常令人滿意，如果您正在尋找一家以焗雞煲和其他美味私房菜聞名的餐廳，榕記火焰雞煲私房菜是一個絕佳的選擇。

平時雞煲通常是重口味系列，濃郁的醬汁配料配上不同辣度。這間的火焰雞煲有別於一般雞煲，已經光顧了好多年，他們配料用上竹庶、馬蹄、蟲草花、紅棗、新鮮雞、配好的海蝦和花甲，再配上一整支九江雙蒸酒，當中會加入鮮牛肉，鵬後蓋上鍋蓋，過一會兒點火，酒精充分揮發，酒的甜味則得以留在雞件和湯底當中，非常鮮甜，而且雞件不會柴，鮮嫩得來保留雞的鮮味👍🏻若然想湯底更加鮮甜，可以考慮加鮑魚或膏蟹～配料可以在訂位時留定，例如海鮮，如北寄貝、象拔蚌仔、蟶子等等～又如手切牛也不錯👍🏻最後可以叫店員幫忙炒飯，吸收了湯的精華，飯的質感像意大利飯，味道清甜而不膩。推薦大家前來一試～謹記最好要訂位，同埋要預留定想吃的食物👍🏻👍🏻

朋友話出面啲雞煲好多時都係麻辣或者重口味多，今次就帶我地去食啲比較特別，清甜嘅雞煲煲入面嘅花螺係我地另外叫嘅，其他本身都係個煲包埋入面有新鮮雞（有埋雞腎、雞心），蟲草花，木耳、馬蹄、蝦、花甲、竹蔗之後店員就加入孖蒸落去，跟住梗係相機食先朋友book檯嘅時候仲叫老細幫我地買埋生蠔，如果大家想食其他海鮮或者其他嘢，可以book檯嘅時候落埋食到最後就係朋友最期待嘅炒飯，佢額外加咗蟲草花，店員加入清湯慢慢炒至乾身雞煲同炒飯都係清清甜甜，如果想食同平時唔同嘅雞煲，不妨一試，不過記得先訂檯，因為地方唔大，另外有咩額外野想食，記得同老細預留咗先，因為店內為求新鮮，好多野都無存貨

由於舊同事移民，所以祖爺帶隊入天水圍屏山入面品嘗有特色既隱世鮮嫩滑溜的雞煲，順便一伙人聚一聚。由於在屏山入面，距離鐵路站一段距離，揸車入去會較方便，，有免費泊車位，要事先打去預約。是日星期五，餐廳分兩round，6-8和8-10兩個時段，但以8-10最多人，我們食頭輪，唔full , 但尾輪就full booking!一個鍋約為四至五人份量，鍋內有一隻新鮮雞，入面的食材還有花甲、蝦、豬潤、鮮牛、雲耳、甘蔗、馬蹄、蟲草花等，非常豐富。店員會先開火煮幾分鐘，繼而店員就會約一整枝雙蒸倒落個鍋內然後蓋上繼續慢火熟，此時，可以感覺到啲新鮮蝦係咁係到跳，滾到咁上下之後，店員就會在蓋上點火，而整個鍋會即刻著起火🔥。店員解釋落酒是使所有食物都沾染咗濃郁既酒香味，但食材浸在酒內太耐會有苦味，所以煮到半熟後就用火揮發所有雙蒸。咬了一口，雞肉非常嫩滑，超級鮮甜又完全唔油膩😋，真的超正，十分好食，而這鮮甜嫩滑的味道，不是外面一般的辣雞煲可以比美。另外，佢地既蝦滑蝦味非常濃郁，而又唔會腥，仲要有咬口。當食完雞後，店員會在鍋內加入竹蔗湯，然後可以按喜好點選肥牛，水餃等火鍋材料。能夠一餐飯可以體驗到雞煲 和 火鍋

呢個位堅係偏僻，但都好多人慕名而來，仲要提早幾個星期訂座！到底有乜招牌菜咁出名要特登入到去元朗圍村食？好明顯就係寫左係舖頭名既「火焰雞煲」用餐當日下午店員會致電確認訂座，並需要落定單，因為店家會去選購新鮮食材，所以晚上可以即時加料的選擇不多。到晚上入座後，伙計捧來這隻大鑊供食客相機食先，之後便冚蓋開火煮，隻蝦仲好生猛咁跳！臨近煮熟店員隊枝孖蒸落去，望住鍋邊個火焰，除左影相就係期待！一開蓋就聞到好香，食落有酒香味但唔會太濃，因為本身雞煲湯底係類似竹蔗茅根，加上食材有唔少海鮮，所以味道其實好清甜，好食。特別正既係蟹有好多膏，不過牛肉有點韌。食到最後其實已經好飽，因為本身唔知按人數的份量是多少，而本身叫的食材又有點多…不過見其他枱最後都會叫個飯，我地都叫左一份，店員混入鍋中加熱攪煮大概三分鐘，個飯吸晒個雞煲精華，好入味，食落有點像意大利飯的口感，但我覺得有少少膩，不過大家分黎食幾啖係正既！落單時其實唔太知價錢，埋單見到張單唔算平，但我覺得同平時食重慶雞煲好唔一樣，值得一試！大雞煲 $588 （除左雞仲有蝦，蜆，雲耳等）蟹 $238手切牛肉 $268脆肉鯇 $168墨魚滑 $98粟米 $48樽

朋友帶路，我地就黎左圍村食雞煲✨💪🏻，個雞煲面層鋪滿左海鮮，一上枱就知道係好食又吸引，雞煲個汁勁野未，雞肉又滑又新鮮，食得出所有海鮮同埋雞都係新鮮食材，難怪咁多人去食啦！😍✨如果再入嚟元朗，一定會再嚟呢間食雞煲！😋😋面頭嘅海鮮蓋住哂個雞煲嘅雞，所以影唔到雞肉嘅相，同朋友一齊食飯好難食食下再影過，相片可作參考😉

住左坑尾咁耐都未有時間去食，到就嚟搬走先去食，好有驚喜😄本身book左第2次先有冷氣位，真係天意，臨搬果日前一晚先book到😂原來無得即場落單，要預先叫定嘢食，但因為無價錢，唔敢叫大多。叫左蟹、肥牛、桶蠔、貢丸同芝心丸。6:30左右同老公過去食，見到已經有1枱客食緊。入到去有人講解點食個煲（我估應該係老闆），開始時老闆會倒枝雙蒸落煲，差唔多味陣就點火。老闆好有Nice，到時到候會過黎幫你、提你有咩係可以食得。食雞食到差唔多老闆會幫手加湯，個湯都好特別係粟米紅蘿蔔蔗湯，成個湯都好清甜，唔好太油。平時食開雞煲，俾我感覺好咸，好多醬汁，重口味為主，今次個雞煲主角係凍枝雙蒸，配料有少量蝦、蜆、豬膶等等，仲有特別配料有蔗、馬蹄同蟲草花等，個配搭真心好好食，好清甜，唔重口味😋🤤雞肉好嫩滑🤤蟹肉甘香清甜🤤蝦係甜架🤤蝦無沙，好好味🤤肥牛厚砌，好有牛味🙊惟一係失色嘅係自己叫嘅桶蠔同丸☹️桶蠔唔夠新鮮、貢丸有啲油膩味。但整體個雞煲真係好好好食，不過埋單有小貴。

由屯門人帶路 食圍村雞煲！雖然佢都未食過 但好似好出名！決定入去試試佢😆 早左一星期訂位 大熱天時唔想坐戶外 唯有早啲預約～順便order 膏蟹 脆肉鯇 鮮牛肉 墨魚滑！ 有2個時段 1800 // 2000 而店舖位置都唔算太偏僻～ 天水圍站轉輕鐵 一個站就到 再行2 3分鐘！ 雞煲有勁多材料 （海蝦 花甲 鮮牛肉 豬潤 甘蔗 雲耳 紅棗 馬碲）嗌左升級版 4-5人用～一開始就倒成支九江雙蒸酒用酒煮熟雞煲！途中個煲會有火焰升起 完全係打卡時間～海鮮(花甲 海蝦)就可以第一時間食先！唔會overcooked 仲要又彈牙又新鮮！ 雞肉好嫩滑！鮮！用酒煮 味道仲濃郁！雞煲包埋嘅鮮牛肉 反而好食過我地額外再order牛肉～ 一啲都唔韌！ 甘蔗覺得一定要試！ 又甜又入味！墨魚滑都無得輸！ 大大份 又彈牙唯一一樣最覺得可惜嘅係脆肉鯇有骨～ 不過好厚身 好新鮮！最後雖然好飽 但都堅持嗌咗一個飯！用火鍋湯底炒既飯！海鮮嘅精華都係晒到 不過水收得唔係好夠 炒出嚟比較濕～ 有啲似Risotto 🤣🤣4人食 人均消費接近4百蚊～ 感覺上好似偏貴 不過成個雞煲啲材料都好新鮮好豐富 所以都算抵食！

7:00入座，之前已經落晒order要食啲乜嘢，預備左個首設牛肉再加鮑魚花蟹，全部都好新鮮視覺效果一流嵌着蓋再點火入邊着晒火而服務我哋嘅哥哥仔亦都好有禮貌，係一餐非常之愉快嘅晚餐！

新鮮....好味...每次去既時候店員好親切....每次去食野有個家感覺....私房菜真係唔錯既選擇...你想叫咩前一日打去訂定就可以...特別雞煲...真係拎人回味