榮華南洋冰室

營業中

休息中

以前在上環返工間吾中會爬上山搵食，行遠啲就會發現吾少穩世美食，「榮華南洋冰室」是其中一間吾錯嘅餐廳。餐廳外是湖水綠外牆，內裡也沒有太多裝修，枱與枱之間都頗密集下。大家聽個名都知道係食南洋野，當中我最推薦「海南雞脾配油飯」$68 包一杯飲品海南雞髀飯絕不花巧，像是泰式碟頭海南雞飯。雞髀份量十足，肉色略深，肉質嫩滑但味道略淡，三色醬絕對有提味之用，醬油並非濃稠的甜豉油，應該是自家調製，非市面上得個咸字嘅豉油味、蒜蓉亦夠多夠香，至於油飯偏向乾身。南洋特色雙拼飯$72自選幾款肉中，友人選了「豬扒、雞扒」兩款肉也燒得相當焦香，滿滿的 BBQ 風味，愛吃肉的友人挺喜歡。凍啡少冰凍央少冰兩杯凍飲的味道和港式茶餐廳出品不一樣，花奶不太多，相對口感冇咁順滑，茶味是突出。

今朝要返公司，既然出咗嚟，下晝就去上環逛下，我俾呢間藍色嘅大廈吸引咗，就食個南洋午餐啦。店員推介海南雞髀飯，或者蒜炒牛柳粒飯，我特別想食一啲香口啲嘅嘢，所以揀咗蒜炒牛柳粒飯。平時食開嘅牛柳粒飯都會配薯仔，但係呢一度係配豆泡，感覺健康啲。本身牛柳粒都煮得好入味，而且仲加咗好多洋蔥、紅椒同青椒去吊味，辣辣地味道更突出。我追加咗個小食，係鳳尾蝦越式春卷，都係幾有特色㗎，外面係幾層脆皮，包住入面嘅蝦肉，再配以甜醬食，唔錯嘅選擇。咁多樣濃味，而且煎炸嘅食物，最好飲番啲凍嘢，中和一下。見佢有泰式咖啡，就叫一杯嚟試吓，點知一嚟就嚟三隻杯。原因係咖啡同埋花奶煉奶分開上，咖啡喺咖啡壺入面焗5分鐘之後（如果想濃啲咖啡味可以焗耐啲），再倒入煉奶同花奶，攪勻佢，如果想甜啲就可以攪勻得耐少少，將沈喺底嘅花奶同煉奶都融入咖啡入面。因為我係叫凍飲，所以最後嘅步驟就係將攪勻嘅咖啡，倒入放咗冰嘅杯入面令佢成為凍飲。泰式咖啡非常之好味，最好嘅係我可以自己調節自己鍾意嘅濃度同埋甜度，過程好有趣新鮮。

尋日同成班同事周圍搵嘢食 行過見到呢間好似幾好就入去 入到去啲員工態度超好#曲 反正入到去就坐低食 我同另外兩個同事叫咗個常餐 另一位同事食海南雞飯 同事話海南雞好重麻油味似麻油雞多啲 另一個同事加$5要個咖央多 嚟到以為佢唔記得搽啲咖央落去 我叫咗個黃姜雞扒金邊粉 加$15轉冬陰功湯 碗粉嚟到見唔到件雞扒 原來喺個底度得幾舊雞 食唔到黃姜味不在話下 加上個湯底偏酸完全冇辣味 唔值得加錢轉 常餐跟嘅火腿腸仔蛋 啲油多到成個碟底都係 我地仲叫咗個拼盤同魚蛋 魚蛋辣味唔錯夠熱 可惜跟嗰幾塊多士係淋嘅 拼盤嘅鳳爪個味幾正 夠凍夠酸 啲嘢都未食完 員工好似趕客咁 收走晒啲嘢 然後放低張單 單都未睇清楚 已經係咁摧埋單 仲以為好多人等位 排到落大馬路 但其實門口冇人等位 PS: 依家疫情關係戴口罩是常識吧 但我哋食食吓先留意到 原來廚房三位員工個口罩帶喺下巴度 真係 嘟嘟嘟嘟 嘟 嘟嘟嘟

星期六，同男友拍下拖，去左中上環一帶行下舊區，影下相。經過以前試過既榮華南洋冰室，諗起上次嘅遺憾，因為賣晒，所以吃不到著名的海南雞飯！今次問了侍應還有海南雞飯，二話不說衝入去食！！！門面依舊是突出的湖水綠色，十分搶眼兩個人叫了海南雞飯和喇沙湯麵海南雞髀飯$68套餐奉送熱飲，凍飲加$4有得選擇雞髀或雞翼飯我選擇了雞髀飯，原來雞髀係去了骨，雞髀份量多，隻脾大大隻，去左骨更加正，咬落去啖啖肉，雞肉好嫩滑，雞皮唔會油淋淋免費配油飯，油飯香而不覺油冬陰功湯扎肉金邊粉配香茅豬扒$68可能我比較食得辣，所以我覺得冬陰功湯味道可以再濃郁啲。扎肉金邊粉好足料，除左有扎肉，仲有好多豆卜同菜！欣賞餐廳有將香茅豬扒另上，咁就唔怕湯底整淋左煎脆既豬扒豬扒大大塊，香茅味啱啱好，豬扒夠淋，個邊煎到脆邊的！成個食完連男朋友都話呢度份量足！蜂蜜百香果茶 跟餐$8無意見到，又唔係貴，所以叫左黎試下鐘意佢茶味夠濃，有蜂蜜所以唔怕飲落去會苦，有百香果粒，飲完覺得成個喉嚨都好舒服！放假時候，我都鐘意去中上環一啲細舖光顧，一來支持小店，二來可以慢活下，欣賞舊居的特色，減慢自己的步伐，享受一下生活！呢一間裝修有種懷舊的風格，可以

太平山街向來自成一角，小社區內除了聚集咗多間別樹一幟嘅 designer store、boutique 之外，還有不少個性小店，所以每逢周末，都吸引不少區外人到此落腳。這天相約好友到「POHO」尋寶，消磨了大半天，雖然未至於滿載而歸，但亦略有斬獲。行到鬼咁攰，很想找個地方歇息，友人提議嚟呢間主打南洋美食嘅「榮華南洋冰室」吃頓  late lunch。餐廳位於差館上街，門面十分搶眼，牆身髹上一身亮光的藍色外衣，再配以黑底金字招牌，既鮮明又奪目。店內擺設亦令人眼前一亮，綠白相間嘅紙皮石地板、木檯凳、用環保木砌成的水吧，裝潢懷舊，風格帶點南洋的味道，嚟打卡就最適合不過！先細看餐牌，食物滲透東南亞風情，咖央多、香茅豬扒、海南雞飯、泰式沙嗲串燒、秘製咖喱，甚至連南洋全日早餐都有，選擇都幾豐富。我哋點咗海南雞髀飯 ($68) 同 南洋特色常餐 ($58) 各一份，兩客套餐均奉送熱飲，如果想轉凍飲，則須另 +$4。雞肉已去骨，仲要係髀位，入口啖啖肉，皮爽肉嫩，肉味亦非常濃郁，配泰式辣醬及薑油吃，味道有層次。油飯也有水準，顆粒分明，有咬口兼帶微微韌性，鹹淡亦恰到好處。常餐有香茅豬扒、黃薑雞扒、海南雞翼

最近天氣炎熱，想食返啲東南菜感受吓風味，加上去唔到旅行，硬令人想念，於是朋友就推介了呢間位於上環的東南菜餐廳給我。我點了炭燒黃薑雞扒飯，炭香味相當突出，有種獨特的風格，加上外皮燒得焦香焦香，一咬落去咔一聲，再加上肉中間仍保留了肉汁，兩者相加，相當出色。朋友點的是同樣是雞肉的海南雞飯，雞肉同樣鮮嫩可口，特別要提的是配的黃油飯，黃油飯的雞香相當濃厚，卻不油膩，很好地混合於飯中，值得推介。最後則加點了份蒜香牛油雞翼，雖然油膩味較重，卻相地的蒜香牛油香很好地融合於雞翼中，絕對是蒜香愛好者的最愛。

路過屋企附近的冰室竟然有All day breakfast，價錢又唔貴。於是同朋友一起入去食一個假日午餐。店內的裝修也很骨子，牆上全是明星的祝福語及簽名，看來這間是一間頗出名的餐廳。侍應很Nice細心地給我們選擇座位。朋友選了常餐而我便選了東南亞風味All Day Breakfasts 😋常餐的雞扒金邊粉十分惹味足料，金邊粉煮的恰到好處，爽滑有彈性。加＄5轉了一個奶油脆朱包，大大個好低食，滑蛋煮得十分嫩滑。ADB材料都好豐富：有蒜泥牛油雞翼、香茅豬扒、咖央多士、長長脆皮腸、超級滑蛋、薯條、酸青瓜、燒蕃茄。新加坡風味的咖央多士，烘得鬆脆～蒜泥牛油雞翼原來是辛辣的，夠曬刺激。滑蛋及薯條份量足，香茅豬扒十分入味又juicy~和酸青瓜一起吃平衡油膩感連飲品＄88十分超值

由於而家無得去旅行，所以就約朋友係香港搵啲隱世小店黎個美食tour今日第一站就係呢間南洋冰室！個門口好岩打卡呀Tiffany Blue 既顏色影出嚟嘅相特別靚南洋全日早餐成個感覺好有南洋風味因為有我鍾意既㗎央多士豬扒用左南薑調味，係東南亞常用既香料！醬油味香濃而不鹹好入味，豬扒質感好軟腍牛油雞翼亦無令我失望外脆內滑！炸鳳尾蝦中間除左有蝦肉之外，仲有蘿蔔絲食既時候有多重口感！泰式酸辣鳳爪味道酸辣度岩岩好鳳爪質感亦好有彈性唔好睇佢咁細碟，其實份量都幾多㗎！泰式咖啡先要焗5分鐘左右，然後先倒係裝有煉奶既杯內！一壺足足倒滿一杯！咖啡味唔算好濃，相信係因為同煉奶互相融合左，所以咖啡味道唔算好濃

這是一間懷舊的南洋餐廳，裝修很特別，有到東南亞一帶的感覺。牆上有很多明星到訪的簽名。我點了鳳爪、燒豬頸肉冬陰功金邊粉、春卷等。最欣賞的是他的冬陰功金邊粉配豬頸肉。冬陰功金邊粉酸酸的，不太辣，但湯很美味，忍不住喝了幾口。另外泰茶也是我的喜愛，它的奶用的事黑白奶及煉奶兩種，配上了泰國的茶葉，滿滿是到了泰國的感覺，也可以療癒一下不能外出旅遊的悲傷。鳳爪和春卷也很美味。泰式咖喱魚蛋配多士也很特別，值得來一試哦。

上環呢邊景點特別多，最近附近都開咗好多新餐廳，呢間榮華南洋冰室，鄰近摩羅街，位於差館上街，呢度幾條街都出名有好多特色嘅油畫，充滿打卡位！餐廳雖然係小店，都採用open kitchen，牆上貼上壁畫和好多明星嘅簽名祝賀圖，睇嚟老細人緣都唔錯😄特色南洋湯粉麵餐✨一口牛粒+五香肉丁金邊粉～牛柳粒粒正方形，火候控制得幾好，口感嫩滑，有少少胡椒味，牛味香濃，我本身鍾意食少少辣，加上肉丁就啱啱好。✨香茅豬扒+漢堡扒金邊粉 ～香茅豬扒大大塊，而且店家好細心，切哂件，食嘅時候都特別方便。湯麵裏仲加上芽菜和洋蔥絲花生粒，湯頭清甜，充滿南洋風味！下午茶時間加$16就可以追加一款小食，CP值高👍鳳尾蝦越式春卷三條～越式春卷係米網紙，外皮脆卜卜，如果隻蝦大隻啲就好了，覺得唔夠喉添😄蒜香牛油雞翼兩隻～必叫，上面舖咗啲蒜蓉，雞翼外皮鹹鹹地，好香口，而且炸得啱啱好，食落有少少咇汁添配埋兩杯飲品青檸梳打、荔枝冰，就夠晒清爽！回頭率99.99%🙌🏻🙌🏻

Lunch 去此冰室食飯, 炭燒鷄扒並沒有炭燒味，雞扒冷的兼似隔夜再煮俾客人食, 回公司後感到肚痛不適，第一次去已經覺得好唔掂. 環境擠逼，印象好差, 不會再去食. 有待改善。

同個五、六年冇見面既朋友响上環撞番，咁有緣點都要食個飯，好啦，佢話介紹我去一間餐廳食飯，有少少期待既。一去到，確實係我冇食過既餐廳，仲鬼死咁多人，十二點半都要等一陣先有位，心諗正啦，應該冇死錯人既。坐低左，睇相嗌左個炭燒豬頸肉飯，重申menu張相係好靚仔下㗎。個飯一黎到，有一個字由心而發！乜野黎㗎？！澳門遊客區買既豬肉乾？！黑到咁樣既？！好懷疑自己食緊乜嘢肉。朋友都顯得唔好意思，俾左舊雞扒我。最深深不憤既係佢收71蚊(凍飲價)。上環食飯貴就預左，其實好食唔怕貴，喂大佬，燒鵝價錢，蔗渣味度，個心點都有啲唔舒服，唯有安慰自己，算啦，至在同朋友聚下食下飯見下面姐，岩既！

又因工作關係嚟到上環，可以四圍搵食。一直已經知道斜路上面有間冰室，懷舊裝修之餘嘢食不錯，便入去試試。一入到去，個Staff超friendly，幫我搵原位之餘，仲睇吓係咪風口，又噓寒問暖。然後我話想去洗手間，仲幫我開門，睇吓地下有冇濕，先請我入去。估唔到係呢啲懷舊冰室，都有五星級酒店嘅服務食物方面，我叫咗香茅豬扒金邊粉。豬扒調味不錯，充滿香茅味，但略嫌太肥，有一半都係肥膏😩 金邊粉味道正常，但可以再有咬口啲，可能煮得內咗。湯底係清湯，都算清甜，但都偏淡，可以再入味啲。環境乾淨，我去嘅時候冇咩客，所以都坐得舒服。周圍掛滿唔同celebrities嘅簽名，地下仲用緊極懷舊嘅紙皮石，呢個地方打卡都一流。

豬頸肉金邊粉好味， 豬頸肉醃得好好，鹹鹹甜甜，好野味，衹是燒得燶咗啲，所以乾咗啲，但整體仍然是好味。熱咖啡ok ，咖吔多唔會太甜，味道適中。 服務唔錯，幾細心，友善。唯獨食到最後，他們差不多關舖，所以在掃地，感覺怪怪地。

今次又試新野, 而且見評價都幾好一於試下, 不過價錢就比出面嘅貴少少叫左個海南雞髀飯如要油飯要再加$5, 即$68加$5, 仲加左兩隻蒜香牛油雞翼$16, 先講講個飯唔係太油同食得出黃姜粉嘅味道, 但我本人第一次食海南雞飯係落黃姜粉, 我唔知係咪新加坡同馬來西亞嘅分別呢, 不過就唔係我杯茶而個雞就唔知係咪特登唔斬斷嘅, 我哋兩盒嘅雞都係咁, 食落肉質比較實唔太滑味道淡, 感覺成個飯比啲黃姜味搶左, 而值得一讚係個甜豉油先可以冚過黃姜味, 最後仲有蒜香牛油雞翼, 返到屋企都仲少少脆同幾入味, 而且個啲蒜粒撈飯都幾好食, 哩個可以再食不過係貴左啲姐