榮記粉麵

營業中

休息中

Traditional HK style noodles🤤車仔麵係香港嘅signature🍜Fast, tasty and speedy!夠哂快靚正又高質！Radish is my all time favourite🥕You know how juicy it can be 🤤白蘿蔔入哂味真係好juicyhoneycomb tripe is also the highlight of local noodle! 潮州粉麵嘅金錢肚、牛腩真係必叫😏第一次食雞翼尖，夠哂入味👍🏻

 I ordered the squid and egg double-spelt, the sirloin was too much, the meat quality was also good, the braised smell was very strong, the oil pepper was added by myself, it was super spicy. Not to the mouth, slobber is imperceptibly to flow down.I feel I am the happiest person just because of the rich aroma. Thx!

我係車仔麵嘅fans😛，因為一碗車仔麵可以食到好多唔同嘅料，所以我每次都好滿足！而【榮記】就係我中意食嘅車仔麵店之一！😍佢個腩汁湯底真心正，好夠濃，不過我發現佢唔係每次去都係咁濃既😂，我呢日去食就差左少少，個腩汁湯底唔夠香濃，不過都係好食既。😂 衷心希望佢啲水準可以日日都一樣咁好食。🙈😂-有幾樣配料我每次都必叫嘅，分別係豬皮、墨魚頭、蘿蔔同埋麵筋。墨魚頭彈牙，另外3樣就整得夠晒入味！不過呢...我就吾建議係呢間叫丸類啦，極一般🙈

重點推介：墨魚頭🐙 魷魚鬚🦑車仔麵開到成行成市單係銅鑼灣都幾間出名嘅但只有榮記粉麵會令我心掛掛要數到必食、最好味就一定係墨魚頭🐙 魷魚鬚🦑咩叫好食？平時食墨魚魷魚都好似食橡筋咁，咬極都咬唔斷，呢啲係正常、難食榮記粉麵係做到平時高級西餐水準啲墨魚魷魚唔止硬得斷，稔得嚟煙靭簡單嚟講就似用「慢煮」出嚟嘅海鮮今次好難得試到墨魚頭，真係稔得嚟好煙靭上次嚟墨魚頭係賣哂，所以試咗一樣好出名嘅魷魚鬍我次次食都會額外叫個淨菜建議大家淨菜可以走汁，清湯上因為麵個湯底本身都好濃好夠味宜家無憾了btw呢間平時都夠多人排隊寫埋呢篇唔知會唔會再多人啲

講到銅鑼灣嘅車仔麵, 呢間都算係出晒名, 每次行過都會有好多人等外賣或者排隊入去堂食, 今日lunch Time出開嚟銅鑼灣買啲嘢, 就順便喺榮記買個車仔麵返去食下啦 🍲😋睇咗一陣已經決定到要食咩, 我知道呢度嘅墨魚頭係出名嘅🤤 必食! 呢碗跟咗我返公司做lunch嘅車仔麵, 有牛筋, 豬紅同墨魚頭🦑, 呢度嘅車仔麵係會自動加埋腩汁, 除非你事先聲明話唔要, 墨魚頭係好味嘅, 個腩汁亦都唔錯, 難怪呢間車仔麵咁多人總有原因

係人多車多既銅鑼灣入面發現左一間車仔麵～～榮記粉麵。店內裝修同潮州粉麵店一樣，都係圓枱加圓椅，坐位同坐位無乜空間出入，而且因為太多人，所以食完就要急急腳走。食物方面，小編點左豬大腸，牛筋同菜，豬大腸除了脂肪外，沒有其他污垢，食落有口感，牛筋方面，整得入味，而且軟林林，容易入口，菜芯鮮甜，青綠，湯底有濃濃牛肉及滷水味道，濃郁好味。整體來說，小編認為大家可以試一下，但要早d排隊拎位，因為係繁忙時段好多人。

今日來到銅鑼灣見完客之後，天氣好熱☀️，肚餓又口渴，所以想揾野食。跟著行到呢條街，離遠見到榮記粉麵門口有人排隊，咁見條龍唔算長，咁就想排隊入去試試。排緊隊期間，我已經諗好左叫邊幾樣餸同食哪一款麵🤔😋，同埋店員在門外已經幫我哋落定order，果然高效率😁👍🏻。等左幾分鐘後，終於有位啦！舖内有圓枱及面向牆既長枱，所以客人可以同屋企人/朋友一齊坐一圓枱，如果一兩個人黎食也可以坐面向牆既長枱。當日我係被安排坐左係一張圓枱，跟一個家庭👨‍👩‍👦‍👦搭枱。坐落一陣，店主先給我一支可樂解渴😌。今次我㨂左四樣餸同油麵，有🐂牛腩、牛肚、魚皮餃同埋白蘿蔔。由於榮記既粉麵每一碗都會加濃濃既牛腩汁落d湯裡面，所以d餸同麵食落每啖都充滿著牛腩汁既味道，尤其是超入味既白蘿蔔，滲入左香濃既牛腩汁之後，十分美味😋。香港既車仔麵檔很多，但榮記車仔麵每碗都有濃濃既牛腩汁味道，所以值得一試👍🏻。

叫左三餸麵，牛肚、豬大腸、蘿蔔，幼麵。牛肚有成6、7塊咁多，抵食！夠淋、牛味重，浸完個湯底真係好好味。豬大腸有4件，淋得嚟又有咬口，係我鍾意嘅質感，不過比起豬大腸我更加鍾意牛肚多一啲。蘿蔔冇渣，啲湯底入晒落蘿蔔度，非常香甜。依一碗車仔麵、依一個配搭，冇一點令我失望。以試過嘅餸嚟講，暫時心中嘅排名：牛肚 > 雞翼尖 = 蘿蔔 > 豬血 = 豬大腸 （人人喜好不同）聽講西洋菜好好味，可惜阿姐話已經冇晒 😭 下次再嚟試！P.S. 留意番呢度只收港幣現金，記得帶夠錢呀。

有幾樣餸我特別鍾意食嘅就係雞翼，豬大腸，牛腩同埋魚蛋。另外我有陣時都會食生菜啊，因為個湯底我會叫微辣嘅，啲湯底撈落啲菜度辣辣地都幾好食，飲品方面我通常都會飲雀巢嘅雪梨茶。

<<慕名而來馳名車仔麵>>-由巷仔攤變到今日(好似)有3間分店, 日日排長龍~ 可以直接試下佢地Standard個雜粉麵, 有豬皮豬紅牛肚魚蛋牛丸, 一次試到咁多款野盛惠HK$41 (本身自選三餸已經HK$41)~ 個湯係幾濃郁 

銅鑼灣大把好野食，但突然想食車仔麵，榮記一定係不二之選。夜晚黎到如常排長龍，好好彩咁等２０分鐘就入得，雖然排隊時已經諗好寫乜，當坐得見到其他人碗麵，又心大心細決定唔到，最後求其揀左三樣啦！當然少不了我最愛的西洋菜，加埋榮記獨有腩汁，真係正到爆！蘿蔔夠哂入味，豬頸肉爽口，牛腩夠腍多汁唔痴牙，加埋彈牙油麵，呢一晚，超級滿足

上次食渣甸街嗰間已經覺得好食，聽朋友講糖街呢邊都有一間榮記，所以今日決定試呢一間！晚上7點幾嚟度，都坐無虛席要排一陣，不過好快都有位啦，趁排隊冇嘢做緊係揀下食乜嘢好啦，種類一樣好多，花多眼亂呀，最後叫咗個蘿白、豬紅、豬大腸、豬頸肉油麵，蘿蔔好入味好淋，豬紅冇腥臭味！豬大腸都好食！美中不足係豬頸肉有少少淡，可能我太重口味啦！不過絕對唔係差㗎。個人大力必食推介係蘿蔔！總結，糖街呢間又真係好食啲！會encore！

朋友住港島 話呢間車仔麵既豬紅好好食於是我地既晚餐就決定係度食喇原來要排隊 不過都唔係等左好耐，大約15-20分鐘我地就入座了就到我地果陣 有staff問我地食咩 係門口幫我地落左先 所以坐低好快就有得食舖頭內座位比較逼 同埋都見到幾多大陸遊客來呢度食我叫了3餸米，分別係美味齌、豬紅同牛肚碗內附有少少菜同埋本身已加了腩汁湯底比較濃味 正好岩我豬紅果然好食好嫩滑入味出面未試過食到呢個口感美味齌都係出面齌舖食到的 類似豆卜的東西煙煙unun 不太特別 不過都好味牛肚都係令我意想不到的好食好腍好入味 得幾舊實在太少了嗚嗚至於米粉冇乜特別～今餐盛惠$41 可惜比較細碗出門口都仲未係好飽

🔻榮記粉麵銅鑼灣有名車仔麵店💁🏻‍♀️四餸麵$47 ，三餸就$41，抵食又好食😋大腸 牛腩 雞翼尖滷得入味🤤湯底加腩汁，好濃郁，岩晒重口味人士不過都幾多人排隊等位😶

銅鑼灣覓食，諗唔到食咩，友人介紹食榮記車仔麵，話算係受歡迎之選😜-🔸三餸車仔麵 三個餸包括:豬頸肉 魷魚蘇🦑 春卷叫咗個人鍾意食嘅油麵 要腩汁個人覺得份量偏小 粉面來講唔算大碗個人覺得未夠飽🙈 但值得一讚既係腩汁非常香濃比起之前食嘅車仔麵店嘅腩汁更為出色👍🏼難怪有咁多忠實粉絲 門口條隊一直有人排😂豬頸肉軟淋 尚算大塊 幾入味 推薦👍🏼春卷係魚肉 口感煙銀 普普通通 不算特別整體來講 如果分量多少少 整體感覺會好啲😛