榮記粉麵

營業中

休息中

假日同媽咪一齊去銅鑼灣食午餐 打算食一點簡單的粉麵 突然發現呢個在天橋底下的榮記大排長龍 想來多人排隊的店鋪會有一定的水準吧 就跟風排一排排隊的時間都差不多要30分鐘以上 大概是假日的關係 職員叫我們一邊排隊可以一邊睇定貼在玻璃上的餐牌 咁樣大家都可以減短等候時間 入到餐廳 由於是接近滿座的情況 大家需要搭桌食的 餐廳內是有幾張大圓桌同幾十個面牆的單人位 我同媽咪就坐了圓桌 由於人多會有少少逼的感覺 如果想坐得鬆動點就唔建議在食午餐時段來了 一坐下好快就有職員來同你落單 食物也都在10分鐘左右都會上桌今次叫左蘿蔔牛筋米粉同西洋菜 職員會問好客人想唔想加腩汁先 而我同媽咪都喜歡所以麵同菜都有加到 個牛筋同蘿蔔都整得好入味 望個顏色都是深色點 整得淋淋地 好方便咬開 加左腩汁 個口味會偏濃味點但唔會太咸 食晒成碗都未需要話一定要飲野 個西洋菜就正常口味啦 唔係超嫩口無渣個種不過都煮得偏軟身唔會話食得清脆的口感啦35蚊食到個簡單好食的車仔麵 算是有個高的cp值 菜就睇下會唔會當是想食點纖維素咁啦 呢餐都食得幾滿足

之前每次都吃新記，聽朋友說這家也很好吃就試下。總結來說豬紅和蘿蔔真的很好吃，其他的就沒什麼特別，雞翼尖太甜，牛腩太靭。因為和爸媽一起他們點菜有點慢，阿姐就有點不耐煩。還是覺得新記比較好。

每次去親銅鑼灣一定要過去食嘅榮記車仔麵😋就算一個人都會去食！雖然有時要排好耐隊但係都覺得物有所值😆依日因為係一個人去所以就唔使排隊啦！每次一定會叫豬紅，墨魚頭同埋蘿蔔，如果飽嘅話就會叫西洋菜底唔要麵，但係已經好大碗好飽，佢個腩汁又係好甜好好食，不過都真係因為幾重口味所以就要飲多啲水😣但係我叫嘅依三樣餸都一定係必食嘅！一定包你食過返尋味呀(⁎⁍̴̛ᴗ⁍̴̛⁎)但係就冇咩服務啦，入邊嘅員工對客都有d凶惡，希望佢哋可以改善下啦！

#榮記粉麵 (銅鑼灣)銅鑼灣糖街27號A地下-----呢間榮記粉麵相信中意車仔麵ge朋友仔都應該識 雖然好食 但次次路過都有條長長ge人龍 所以B仔都好耐無去 今日難得見到唔使排隊 就即刻衝入去食😂 -三拼米粉（$41）豬紅份量非常多 而且好大舊 入口滑嘟嘟 唔會一夾就散 有d似蒟蒻好感 加上豬紅味非常濃郁 係香港少見ge高質豬紅😆 蘿蔔炆得軟腍 唔會有一絲絲ge根 味道鮮甜 😆而魷魚鬚相對就淡味d 勝在唔會好硬好難咬 味道頗鮮～腩汁湯底非常濃郁 又唔會太鹹 仲附送少量通菜 😆令到成個湯底惹味之餘多左份小清新～正！-----👶🏻B仔整體評價：8.5/10個👍🏻👶🏻B仔抵食程度：8.5/10個👍🏻👶🏻B仔環境評分：4/10個👍🏻（又真係好逼ge 😂）👶🏻B仔味道評分：9/10個👍🏻👶🏻B仔回頭機會：9/10個👍🏻-----#swallowhongkong跟住我一齊吞食香港啦！🤤#swallowcwb

今日突然很想吃車仔麵！在OpenRice 見到這間「入選」餐廳，決定試試！餐廳位置不大，是十分「貼地」的車仔麵餐廳。車仔麵的種類很多，二話不說就點一個三餸麵！牛肚、蘿蔔、魷魚鬚油麵點餐不夠5分鐘已經上菜。十分欣賞的是它的湯底，加入了腩汁，令味道更香濃，每一口油麵都津津有味！值得推薦的是蘿蔔🤤🤤！十分清甜，一試愛上！牛肚及魷魚鬚的份量也是頗多的。唯一美中不足的是油麵的份量不夠多，可能男生會不夠飽！整體來說，以銅鑼灣這地段，以車仔麵的價錢，十分超值！下次要試其他餸！

講起銅鑼灣車仔麵，應該會即時諗起榮記，長期都有條人龍係門外！同同事間中都會即期條筋上嚟一齊排隊食呢間車仔麵！😍不過通常都排得好快，大概15分鐘內都可以埋位坐低。😇不過黎呢度食野唔可以坐得好舒服慢慢嘆，因為實在太逼喇！同隔離嘅人坐得好密，想搵多張櫈放下袋都有啲困難！🤢(不過人總係咁迫犯賤咁都要黎食👽!)又平又大碗又多唔同種類嘅餸可以揀。每次都會必食雞翼尖同墨魚頭，呢度啲豬紅就普通左少少，而水餃同魚吞都幾好味，雖然細粒左啲，但味道唔錯！可以一試！🥳

支持完香港隊欖球賽，由下午睇到夜晚，都餓餓地要補給下。好多人一齊係大球場行出去，所以我地為左避開人群而開餐，就快步去到糖街既榮記，食下最愛既豬紅!差不多晚上9點，都係要排隊，一路排就諗定食咩好，因為有位一坐底就會有姐姐即刻問你食咩落單 我叫左四餸一麵，有豬紅豬腸春卷墨魚頭米粉加腩汁，想要豆漿但已經賣晒。朋友叫左3餸1麵，豬腸魚腐雲吞粗麵加腩汁。豬紅依舊入味，豬腸乾淨無異味，雲吞都起碼有隻蝦係入面。但朋友話粗麵就普通，始終係出面專食雲吞麵舖較好。

已有一段時間未有來過榮記食車仔麵，今天行過發現不需排隊，一於就入去醫肚啦。我們叫了雞翼尖蘿白米粉，及豬紅豬皮魚片粗麵，由於我們不吃牛，於是叫了清湯底。入口發現，味道及湯底依舊一樣，沒有多大改變，雞翼尖滷得入味無比，蘿白冇渣，魚片彈口，豬紅豬皮仍是「my 飛弗」，怪不得仍然常常大排長龍了。

由細到大都好鍾意食車仔麵好耐好耐之前已經聽聞過銅鑼灣榮記車仔麵，但因為不是經常過海，所以都無試過，近日有朋友去食完同我講，一定要試！好喇，咁我放假就特登過海，原來真係唔會令人失望架下午去到，唔洗等位，入到去環境係懷舊式的，我認為食車仔麵除左食物既質素外，環境都好重要，反而新款既裝潢會令人食唔出舊式車仔麵既味道！款式好多，樣樣都想食，最後揀左個一麵五餸！豬紅好滑，好入味！雞翼尖既汁豬腸好鬆軟，鹵水汁好正！麵底煮得岩岩好！加埋辣汁真係好食到不得了食完呢碗車仔麵真係令你覺得好感動！真係好好味呀！！！以後要成日黎先

已經係第二次返黎再食啦！有咩吸引到我再黎食？因為個加兩蚊既辣汁！！【車仔麵】我覺得幾大碗啦，個人推介呢到既冬菇，魷魚，蘿白！冬菇超厚超大塊又淋身，好有冬菇既香味！勁juicy，魷魚好爽口，大大條。蘿白超甜無根！食完包你勁滿足！【辣汁】＋HKD$2係呀，我無圖呀。一黎到就點點點點啦邊得閒影。加兩蚊既辣汁同枱頭現有既辣椒油係完全兩樣野黎。辣汁係啡啡地色，似沙嗲醬，另一方面少少似沙茶醬，少少甜味，而佢個辣度係好過癮既，唔會辣到你食唔到，但辣下辣下，你會點辣汁點到停不了。【韭菜豬紅】豬紅唔腥好滑，但我個人覺得偏鹹咗少少，豬紅同韭菜既份量都好多，抵食！總結，一定一定要加辣汁，唔加辣汁你唔好話你食過。

中午夠鐘食晏啦! 一個人身處銅鑼灣想食粉麵有咩選擇?  南記粉麵？江仔記？傷心酸辣粉？文輝？　突然醒起好耐無食以前在巷仔起家既車仔麵榮記，即刻去糖街回味一下先。去到有幾個人在門外排隊，完全唔擔心等好耐，因為食得車仔麵既人流都好快，人人都好醒水食完就閃，所以好快有位，加埋一個人關係就更加快。　排咗唔使５分鐘就入得。　坐下櫈都未坐熱，已經有人走埋嚟問我食乜，立即抬頭望向牆上既板，點咗５個餸後其實仲諗緊要多咩餸好，但員工就問我要咩粉麵，既然咁問我就要配粉麵唔食淨餸啦；另外仲加多個腩汁西洋菜。對榮記有一份情的原因是由巷仔到現在這兒還會保留西洋菜為油菜同埋整體食物和以前大致不變，ＫＥＥＰ得住！雖然價錢已今非昔比我碗車仔麵有豆卜牛筋豬皮蘿蔔冬菇同米粉近年我已經好少食菇菌類，因為香港天氣潮濕，個人底子又濕熱，尤其是春天依個潮濕的季節，飲食上更加要小心，但嚟到榮記又不得不點冬菇，因為這兒的冬菇好厚身又煮得好入味好正既，所以一定要吃　！白蘿蔔炆好夠林又入味，好甜　！　　麵底係落腩汁　（唔要腩汁既要在下單時講明既，唔講就會自動比的），個腩汁其實係榮記既靈魂　！大約價錢係５餸麵＄５３，４餸麵＄４７，３餸麵＄

榮記粉麵又細吃到大 記得第一次去吃的時候是在赤柱 當時他已經已咖喱魷魚而聞名 每次去赤柱到訪必定會吃這間港式粉面老店事隔多年突然間想懷緬它的味道 並且剛好有朋友從內地來港旅遊 朋友竟然主動要求希望我們帶他吃榮記粉麵 這是我才知道原來他們已經變為旅遊熱店 因此便帶他們一起來嘗試這麼多年來的味道是否不變這天我們晚上八點半左右來到 果然要排隊 幸好輪候時間並沒有很久 半小時左右已經能入座 店內大多數是內地遊客好像完全一句廣東話也聽不到沒關係我們來試一下他的食品我依然是點白蘿蔔 魷魚 豬頸肉 冬菇等 是我每次必吃的車仔麵食品味到依舊好味 沒有太大改變 而且面底也好似減少小 男生們吃一個應該不夠飽肚價錢膨脹也了不少不過這個也是正常的 喜歡他的湯底不會味精而且他會配搭着西洋菜是坊間很少車仔麵檔會這樣可是現在已經變為要排隊的店舖 若然下次肚子餓的話未必會選擇吃了

榮記車仔麵，在寫食評看到照片又想再去吃了！可以選擇很多種餸，由雙拼到四拼五拼，對於有選擇困難的我來說就太好了，全部想吃都點就對了！今天點了牛腩牛肚魷魚配油麵（好像有點太多🙈🙈），一直都覺得車仔麵要食油麵榮記的特色是其濃郁牛腩汁湯底，超入味！！必須加上辣椒油～～～～寫著寫著超餓的！看到別人點牛肺牛筋也很不錯👍🏻另外再叫雞翼尖，滷水汁，甜甜的，中和了車仔麵的濃辣，加上凍檸茶，完美的下午茶☕😋😋

係我食過最好味，質感特別，滑過豆腐的滑嘟嘟豬紅！一試難忘，食過就唔會想要係其他地方食豬紅😄而其他餸款都很有質素👌菜也新鮮👍個人認為份量剛剛好，但男士們可能就需要吃兩碗才夠飽肚了。絕對會因為豬紅再回來的😋

又係另一間成日心思思想去食嘅車仔麵唔係咁多間車仔麵有牛肺可以嗌，所以都係必食之選大腸洗得好乾淨兼且無肥膏，魚皮餃中規中矩，要讚嘅係每碗車仔麵都會加左少量西洋菜，濃濃嘅牛味再配油麵，yummy yummy